肉餅哥小炒料理 (已結業)

想食肉餅嘅話，第一時間就會諗起呢度；今次係第2次幫襯。餐牌有各式各樣嘅肉餅，連素肉餅都有真係肉餅專門店；下次Green Monday時又多個選擇。今晚我就點咗金沙蛋黃煎肉餅配白飯 ＋ 乾土魷蒸肉餅配白飯。濃濃嘅咸蛋黃蓉，完全覆蓋住整個肉餅；見到都覺得好邪惡。再加上煎嘅關係，肉餅好香口。土魷蒸肉餅，有海鮮嘅咸香同肉餅有彈性。一坐低就送嘅湯，濃味係足料煲出嚟；而且仲有好多湯渣。但係＋$2送嘅菜心，份量好小囉...得4條；下次可以比多小小嗎?

呢個肉餅哥開左咁耐，一直都好想試下，究竟呢款家常小菜-肉餅，可以有幾fushion既配搭。雖然話係想試fushion野，但係其實個人對啲太過九唔搭八既配搭唔係太接受到😂所以都係揀番啲偏正常系列。先黎個流心芝士肉餅，唔好睇佢面頭有塊芝士以為就咁就完事，裏面都有夾心芝士，重點係，會拉絲架！另一個係金沙蛋黃煎肉餅，呢個相對麻麻地，因為肉餅本身已經鹹，再加埋鹹蛋黃，有啲over左。呢個加$12既油菜有啲少得可憐。老火湯無特別。

今日放假係屋企懶洋洋，唔想出街食，就係apps到搵外賣食，肉餅哥其實之前食過覺得ok，所以同媽媽一齊叫黎食。外賣等左半個鐘左右就送到啦！總共叫左兩個餐share黎食，唔算十分貴既。呢個蝦膏蟹蓋煎肉餅配菜飯幾正。賣相唔錯，有個原隻蟹蓋，肉餅幾鮮味，入面有小小蝦肉絲，份量都剛好。不過可惜送到黎唔係好熱，如果剛煎起食應該更正。個菜飯就普通啦，菜味唔太出。另外呢個金沙蛋黃煎肉餅就有啲漏，表面佈滿左蛋黃，好蛋油。其實味道好出既，但真係漏到食唔哂。

難得公司附近有好西，我地當然唔會錯過啦~ 好彩我地早到左，去到時未見有人排隊，即刻就有位。店內位置不多，經常性都係坐無虛席。麻辣香菇煎肉餅菜飯：麻辣度可接受，肉餅煎得非常好，外層香脆，入面嘅肉汁亦保存得十分好。肉餅剁得綿密、有黏性，咬落鬆化。加入香菇於肉餅內，完全唔會覺得膩，好開胃。金沙蛋黃煎肉餅：表面蓋上厚厚嘅蛋黃蓉，入口鹹香味十足，令人聯想到黃金蝦。不過蛋黃較多，相對上就會比較滯。所有套餐都配有老火湯及熱飲。飯方面可以好似我咁加$2轉菜飯（或油飯）。總結：佢地將聽落平平無奇嘅肉餅加以改良，變成多款意想不到好味嘅菜式，真係令人佩服。所以話，除左要有好食材，廚師嘅用心同創意都不可或缺！

究竟一味普通的家常小菜 - 肉餅，可以有多少種口味變化? 肉餅哥告訴你，只要肯花心思，平凡的肉餅也能搖身一變成驚喜菜式!店舖位於荃灣仁聯街，在大窩口與荃灣交界，從地鐵站步行需約10分鐘，不熟悉荃灣複雜街道的人可能會感困惑，地理位置不太方便。餐牌上有數十款肉餅款式，令人眼花撩亂傳統口味如土魷蒸肉餅、鹹魚蒸肉餅; 創新口味如特色果醬煎肉餅、台式柚子煎肉餅、咖啡煉奶煎肉餅、泰式冬陰公汁煎肉餅，老闆誓要將甜酸苦辣融入肉餅當中。與朋友均點了鎮店精選。先捧來老火湯暖暖胃，味道雖較清淡，但不是味精湯。足三兩花膠煎肉餅 $99下單後不消數分鐘便奉上廚房非常有效率。表面鋪滿花膠有4-5大塊，茨汁略稠，味道口感還不錯，這個價錢也不期望吃到酒店級花膠吧。下面是香煎肉餅，味濃香口，豬肉肥瘦比例適中，配飯一流朋友的是金沙蛋黃煎肉餅 $69十分邪惡，蛋黃鹹香與肉餅很合襯，是成功的mix and match難怪能登上鎮店之選。芥香木耳 $22吃不到芥末味，像是浙醋涼拌小菜般的酸味，挺開胃的。之前在網絡上看過有關肉餅哥的訪問，知道年輕老闆創業的辛酸，希望肉餅哥在逆境中也能保持熱誠、堅持品質，一定會繼續得到食客們支持

聽說味覺帶有記憶，有些菜式簡單不花巧，卻讓人縈繞於心。小編對肉餅好像有一份情意結，曾經相約朋友跑入屏山，說是探索社區，說穿了還是為了食肉餅。 早聞「肉餅哥」之大名，但過去幾年都好像擦身而過，今次首次踏進餐廳，滿是期待。餐廳推出逾30款肉餅，有鹹有甜有酸有辣，光譜範圍甚廣，有花膠肉餅、龍蝦肉餅，以至咖啡煉奶釀製成為肉餅都可以成為當中選項。眼見餐廳之內食客不乏長輩、年輕一族，小編猜想餐廳似乎走啱咗方向(on the right track)，總之就「總有一款啱你掛」。今次小編採取「穩中求變」既部署，試咗秘製金沙蛋黃肉餅（$69）、墨汁魷魚肉餅（$69）。 正如黃金鮮魷、黃金蝦一樣，秘製金沙蛋黃肉餅以金黃顏色先聲奪人，其味道濃郁，加上蛋黃流沙的質感，配以菜飯，於平淡味道中注入精華，叫人食指大動。至於墨汁魷魚肉餅則以冷酷全黑的賣相示人，叫人驚喜的是肉餅加入魷魚碎粒，豐富口感。 晚餐亮點:1) 欣賞餐廳的用心，在食客還未點菜時，已經奉上中湯享用、提供菜飯之選，袪油消膩2) 環境未算十分安靜，卻又可以是聚腳好地方