鮨處松戶 (彩星集團大廈)

营业中

休息中

上到黎見到個環境，已經心心眼左，瘋狂係到影影影，好有氣氛，仲有vip房我是咪返左日本鄉下喇？日本凍蕃茄好鍾意食蕃茄涼盤調味會食得出有芝麻醬、醋同少許糖提味，好開胃食日本野一定要叫刺身呢個雜錦刺身（上）滿足到我大部分想食到既野尤其佢個海膽同帶子真係超級鮮！少少少腥味都無，入口只有鮮甜明太子蛋卷呢個蛋卷咬口比較脆一點，是較硬身那種入面係明太子餡，不錯，但個人喜歡軟身點的蒜片雞肉南蠻漬呢味野我超愛！雞肉滑滑嫩嫩食到有香蒜味，又有辣椒爆香過，加上味醂，糖、醋調味非常岩送飯送酒既一碟菜沖繩苦瓜豬肉炒雞蛋呢味係作為店長推介既料理之一雖然感覺非常中式，我覺得個分別之處係日式做法係苦瓜盡量切薄片而且清洗足夠令苦味減少，然後加上蛋肉爆炒再混埋木魚碎，實在係食唔停明太子露荀炒飯驚人呢個飯真係食到人一言難盡唔知點解食到有媽媽既味道真係吃到眼濕濕

朋友係外國返黎, 同佢去左尖沙咀行街, 之後去左一間日本餐廳食飯呀。我哋叫左幾樣食物, 靜岡蕃茄好鮮甜, 鵝肝配搭蘿蔔幾特別, 鵝肝入口即溶, 配搭蘿蔔既鮮甜, 十分配合。雜錦刺身有三文魚, 赤蝦, 油甘魚, 拖羅, 赤貝等, 幾款刺身都好新鮮, 尤其係海膽十分鮮甜。忌廉薯餅炸得好香脆, 另外豬手用日式醬汁炆得好入味, 食落好淋身。牛肉烏冬湯底鮮甜, 牛肉食落亦好嫩滑。餐廳裝修幾有日本風格, 位置亦好闊落, 因為同朋友好耐冇見, 我哋傾左成晚十分開心。

前菜每個都要$50 都算係居酒屋平均有嘅入場價錢～ 不過質素都會唔同啲，係辣味帶子裙邊，再加上中華沙律。兩者撈埋都幾開胃雜錦刺身刺身嘅種類都幾多，分別有：三文魚，吞拿魚，鯛魚，油甘魚，帶子，而每樣不同嘅刺身都有三切。三文魚嘅味道令人最有surprise～ 入口可以話係非常之冧身新鮮～ 一啲癡牙嘅筋位都冇。吞拿魚亦都係。第三個值得推介嘅係鮮蝦。蟹子沙律🥗 味道唔錯，開埋青瓜絲入口幾清爽～ 另外仲有啲蟹柳絲一品料理：鐵板蒜香和牛粒稱之為一品料理，果然味道係突出一啲。用鐵板再加炸蒜頭片炒和牛粒～ 冇加黑椒，都幾突出到和本身嘅肉汁和香濃惹味。鍋仔烏冬烏冬幾彈牙，應該係稻庭烏冬。仲有一舊天婦羅炸蝦。炸雞軟骨有香港大排檔一般嘅質素，而且基本上每一粒都香脆，有啲咬口。點埋檸檬汁都幾refreshing 梅子大葉免冶雞肉棒梅子嘅味道唔算太重，所以唔會太過酸～ 免治雞肉燒完之後啖啖肉

呢個週末去左尖沙咀尋食日本料理，唔貴兼多元化，私人空間足夠，服務好，值得一讚！雜錦刺身有7款刺身，最抵係呢個刺身拼盤包嘅海膽勁新鮮份量都好多！朋友話呢度要食d出面日本食肆少有嘅料理，第一次食沖繩苦瓜豬肉炒雞蛋，豬肉炒雞蛋嘅甜味中和左苦瓜嘅甘味，有蛋香肉汁，苦瓜帶少少脆口，我幾鍾意食～呢個都好特別，和風松露牛肉他他，牛肉好似好生但食落一d都唔覺得有生肉味，而係有鮮牛肉味，食嘅時候連埋底下嘅生洋蔥食，完全令個牛升華～日式炸雞同鹽燒花魚都好食，炸雞肉仲幾嫩，沾一沾蛋黃醬好美味！個魚好大條，燒完仲好濕潤，但皮就好香口，食落咸咸地非常唔錯～估唔到炒飯係可以咁好食，高菜炒飯係一個酸酸咸咸嘅飯，呢個炒飯係算濕潤個種，但係飯粒粒分明！最後食埋好香紅豆同牛奶味嘅紅豆雪糕，perfect！

這棟商廈清一色日式餐廳，吃日本料理來這裡沒錯。餐廳裝修有日本江戶的感覺，設有仿庭園包廂，有幾個日本廚師負責刺身，整晚一直默默做，實在很認真。座位很寬闊舒適，而且在場看過不過日本顧客，能得到日本人青睞，實在有過人之處。⭐️前菜$25/碟前菜是煮三文魚，口感紮實。⭐️蟹子沙律$68沙律有蟹子和蔬菜絲，蟹子增加口感，加上沙律菜，很清爽。⭐️燒牛舌$96牛舌撒上胡椒，入口有嚼勁，牛味突出。⭐️雜錦刺身$380很豐富的刺身組合，有吞拿魚、油甘魚、帶子、海膽、甜蝦、三文魚、𩶘魚。這裡的刺身真的很新鮮，連三文魚也油脂充沛，入口肥美。⭐️白鱔串$100/串白鱔串最令我感到最驚喜，入口白鱔既脆又嫩，功夫十分到家，一口一口地吃，令人滿足呢！⭐️沖繩苦瓜豬肉炒雞蛋$88簡單的苦瓜炒雞蛋，苦瓜味道很甘，加上新鮮的芽菜，見到的家常小菜也很有水準。⭐️日式海鮮烏冬火鍋$250之後是海鮮烏冬，有二至三人的份量，價錢也比較划算。有生蠔、三文魚、香菇、芋絲、帶子、魚餃金針菇、娃娃菜、京蔥、菠菜、豆腐等，食材豐富，烏冬入口很彈牙。⭐️紅豆年糕$48最後是這裡出名的紅豆年糕，自家熬煮的紅豆很綿密，配上略帶香脆的年糕，米香突出，很出色。

三號波呢晚，訂了尖沙咀餐廳 - 鮨處松戶 食晚飯，在彩星集團中心8樓。而上去餐廳過程算特別，由地下上樓要5樓出一出𨋢，在另一邊轉另外一間lift按八字樓先到，在5樓一出𨋢就見到大廈嘅owner設計既忍者龜figures 😆 8樓出𨋢的左手邊就是鮨處松戶餐廳。到了餐廳同店的人傾開計，得知餐廳是2006年8月開的，今年今個月已是16年週年了🎂 恭喜恭喜🎊🎈今晚首先黎的前菜係咸咸酸酸的帶子裙邊，醒下胃，喚醒左食慾😉魚生沙律用料好豐富，有三文魚魚子、刺身有帶子、吞拿魚、三文魚、鯛魚，食前撈起😆雜錦刺身拼盤係今晚的重點，全部刺身都好新鮮，食得出海鮮的鮮甜。熟食方面餐廳都整得好出色：日式炸豆腐內心都是好嫩滑，吹彈可破😆好食日本華美雞翼是即燒的一對雞翼，華美雞翼好有雞味，絕對有別於我們平時餐廳食開的西班牙急凍雞翼。雜錦天婦羅當然唔少得嘅有炸蝦、炸南瓜片、炸紫茄子片、炸青椒。炸蝦外脆內嫩，仲是刺身的熟度炸南瓜微甜好味😋而明太子露荀炒飯吵得粒粒分明，明太子平均分布在這碟炒飯之中、仲有薄薄的露荀片，炒飯粒粒咬落去都是軟綿綿的，好舒服，呢個係不得了，係我好喜歡食的炒飯😆👍🏻送飯的有鹽燒花魚，燒過既魚好香，似

今日由東涌行去昂坪，行完無限樓梯之後梗係要搵啲好嘢食下啦。於是就搵咗啲間位於尖沙咀Apple Store隔離嘅樓上日式料理。前菜嘅茄子配木魚，茄子唔會太淋，調味啱啱好，作為前菜來講已經很不俗。蟹子沙律啲蟹子多到爆，配合爽脆嘅青瓜，絕對係令人開胃嘅前菜。雜錦刺身分別有海膽、甜蝦、三文魚、吞拿魚、油金魚同帶子。海膽鮮甜，略帶鹹水味，入口即溶。帶子厚切，鮮甜得來又有口咬感。其他刺身都好新鮮，三兩下就食完。帶子牛油燒，用上忌廉同牛油去煮帶子，每隻帶子都包住濃濃嘅醬汁，加上帶子肉厚，令人有好滿足嘅感覺。鹽燒雞翼皮脆肉嫩，加上少許檸檬汁，去咗本身少許嘅油膩感之後就更加清新，真係食多幾隻都唔過分。最後食埋個烏冬咁就飽住個肚咁走人。

曾經光顧不少日式餐廳，都被華麗的裝修吸引。而今晚則尋找華麗以外的選擇。位於尖沙咀廣東道的核心地區，餐廳並不是走華麗的日本風。樸實的裝修，一樣帶給我日本的味道。一個個日式廂房，更有日本人家的感覺。餐牌上不同種類的日式食物，一應俱全。鮨處松户海鮮沙律 $95非常抵食的沙律，夠大碟，值得推介。沙律中有三文魚，吞拿魚，油甘魚，飛魚子，青瓜和沙津菜。其中刺身絕不吝嗇，又多又大件，配上酸醒開胃的沙律醋，再以脆脆豐富沙律的口感。雜錦刺身 $380刺身包括 : 呑拿魚、油甘魚、三文魚、帶子、甜蝦、𩶘魚、海膽，除海膽外每款三件。海膽 - 甘甜幼滑，沒腥味油甘魚 - 爽口，魚味較重三文魚 - 厚切肥美帶子 - 鮮甜味醂魚乾 $90烤雞泡魚乾香腍，稍有咸香，配合沙律醬味道更豐富。日式炸雞 $80即叫即炸，喜歡炸雞熱辣辣的感覺，炸雞脆口，雞肉嫩口，加少許檸檬汁酸酸開胃。炒麵 $88炒麵不會太乾身，又滑又彈牙的口感，加上木魚碎，整體味道香濃。雖然這裡並不是走華麗的日本風，但我更喜歡它實而不華的感覺。

雖然好忙, 加上食完呢餐飯都2個幾月! 但因為好好味! 所以都要抽少少時間寫呢篇食評.係朋友介紹, 佢話呢間餐廳D刺身好新鮮, 今日出開尖沙咀行街, 咪試吓囉. 環境都幾乾淨, 好有日本feel, 餐廳中間仲有個流水擺設, 等緊食物既時候, 我地仲同個流水擺設影相. 雜錦刺身(半價$240) 朋友話明刺身新鮮, 緊係叫返個啦!: 雖然呢D相係用手機影, 但都可以見到新鮮色澤, 食落重好鮮甜.舌拿魚腩手握壽司(半價$190) 平時我對吞拿魚無興趣, 但我朋友話想食舌拿魚腩, 叫我試吓, 咁我咪唸住一試無妨, 點知食過之後, 宜家見到張相, 都想即刻去食呀!芥末燒牛肉(大約$90) 雖然賣相麻麻地, 但係好好味, 芥末很香, 而且沒有蓋過牛肉味.蝦頭麵豉湯(大約$10-20) 其實係"雜錦刺身"裡面個"蝦頭", 我地見到咁新鮮, 當然唔好嘥, 本來想整炸蝦頭, 不過侍應提議我地試下"蝦頭麵豉湯", 果然冇介紹錯! 好味道!黎緊有幾個朋友仔生日, 我一定會提議大家試下呢間日本餐廳! 唔知道重有冇半價優惠呢!不過咁新鮮, 就算要俾正價價錢都抵食啦!!!