Mokumoku Yakiton (永光商業大廈)

营业中

休息中

朋友仔介紹過呢間串燒店😀話佢哋好食得來又唔會太貴，佈置靚同日本冇太大分別，有居酒屋格調。一坐低職員已經拎咗蒜子蕃茄沙律俾我哋，上面嘅孫子係精粹平時食嗰啲蕃茄，有少少辣辣地嘅感覺，好好食！佢哋個汁我用咗嚟點串燒🙈更加好食。芥辣八爪魚份量合適有咬口。食日本餐一定要有刺身，赤蝦、三文魚、帶子，赤蝦好大隻成條啖啖肉非常新鮮。佢哋嘅煎三文魚頭好食，因為炸得透所以有啲骨都可以食埋，側邊有啲魚肉，都幾香滑。雞軟骨油脂香十足，用嚟送啤酒真係一流！唔少得雞翼，佢哋嘅雞皮燒至香脆，火候剛剛好裏面仲係好滑，非常推介雞翼！豚肉秋葵我都非常推介，豚肉本身有啲脂肪，包住秋葵拎去燒，豚肉嘅油脂滲出來，配上健康嘅秋葵，感覺唔錯。

繁忙嘅工作中，約咗朋友喺日式居酒屋🏮輕鬆一下，串燒選擇好多，味道出色，裝潢充滿着日式風情，係同朋友傾偈嘅好地方。蒜子蕃茄沙律蕃茄酸酸甜甜，多汁爽口，蒜香味突出，食完好開胃。芥辣八爪魚八爪魚鮮嫩而富有彈性，芥辣增添刺激既微辣風味，令人食欲大增。刺身盛合三款(三文魚/帆立貝/赤蝦)三文魚肉質細嫩，緊實且富有彈性；帆立貝鮮甜，質地滑嫩；赤蝦口感略帶粘粘、彈牙，味道回甜。西班牙產黑豚肩肉串黑豚肩肉油花細膩，具有濃郁既肉香，風味獨特。豬肝串豬肝肉質細膩，醇香四溢，咀嚼時能感受獨特既綿密口感。豚肉鵪鶉蛋豚肉肉質細膩，燒過之後肉汁豐富，充滿肉香味，包住蛋黃濃郁既鵪鶉蛋，精緻滋味，相互襯托。豚肉露筍卷豚肉肉味鮮香，露筍清新爽脆，中和豚肉油脂感。雞翼串外皮經過炭火燒烤後微微焦脆，雞翼肉質鮮嫩多汁、嫩滑。槍魷魚魷魚筒本身質地柔滑且富有彈性，加左特製燒汁燒，味道鮮美，令人回味。巨峰味果味汽酒甜甜地嘅巨峰味，酸度適中，好容易入口。Suntory Draft Beer入口平順甘醇，帶有麥芽香氣，飲完之後清新涼爽。

呢間居酒屋bookmark左好耐，香港很少地方專門主打豚肉串燒料理🍢✨蒜子蕃茄沙律蕃茄已經去皮，淨係食最嫩部分，味道酸酸甜甜非常開胃前菜✨明太子沙律明太子味微微帶辣，切粒狀好爽口✨刺身盛有帶子、赤蝦、油甘魚，全部都好鮮甜，特別喜歡油甘魚肥美入口即溶✨豚肉九條蔥卷出自日本九條蔥切段加上燒香了的爽脆薄豚肉，中和返豚肉油脂感✨沖繩苦瓜豚肉串頂層加左櫻花蝦，中間加左釀製豬肉，賣相味道都好rich沖繩苦瓜有自己特別甘香味，連唔係太喜歡食苦瓜的朋友都大讚👍🏻✨燒雞翼串每隻雞翼都好大隻好肥美，燒得啱啱好唔會太乾身✨芝士翠玉瓜燒得好腍，夠哂juicy，加埋芝士夠晒邪惡✨西班牙產黑豚肩肉串咁多款豚肉最喜歡這個黑豚肩肉，肉質非常嫩，食落最有豚肉香味，肥瘦適中，咬落好好juicy

又一日黎到銅鑼灣覓食啦，由於男朋友愛上左日式串燒，所以呢排都會搵唔同嘅串燒餐廳嚟食～/上網搵到呢間餐廳嘅餐牌，原來佢係主打唔同豬嘅串燒，當然都有其他肉類嘅選擇♥️環境同樣都係好日式～-1.蒜子蕃茄沙律 $28呢個前菜好清新，而且蕃茄超級凍，咬落口真係好refreshing嘅感覺😋😋食落口嘅時候有淡淡的蒜蓉味，係特別嘅👍-2.豬小腸串 $34呢度嘅豬內臟都好吸引，我個人係好鍾意食粉腸，呢度燒到外面脆脆地，偏乾身，入面好夠粉🤣🤤加上黑胡椒唔會覺得腥😉-3.厚切白金豚肉 $48白金豚肉嘅豬味比較濃郁，肥瘦分明，相對上油脂會比較多🤤但係食落去都唔會覺得好膩😆燒過之後油香更加重☺️/4.豬肝串 $28又一樣豬內臟😋😋燒過之後嘅豬肝口感係比較實嘅，唔係沙沙地嘅口感，每粒豬肝都沾滿醬汁，好夠味😋😋/5.雞翼串 $32除咗豬肉之外仲叫咗雞翼～最普通嘅嘢先最難整得好食😋，但係呢度整得好好食，外皮十分之脆，雞肉好Juicy，調味都恰當♥️♥️/6.柚子x檸檬酒 $65食串燒又點可以唔飲酒，除咗啤酒之外，日式餐廳最特別就係有果酒，我自己好鍾意柚子，呢杯酒柚子味好重，同時又平衡到檸檬嘅味道，唔會好甜好易入口👍👍

下午茶代替晚餐，來這裏喝杯乳酸、吃串燒。進入店舖，店員先為我們量體温，並為我們提供酒精消毒啫喱消毒雙手。入座後，店員先送上前菜蒜子蕃茄沙律，這是為每一枱準備的免費前菜。小小的蕃茄前菜味道和口感做得甚為出色。熟透的蕃茄軟中帶爽，頂層放上蒜蓉和小蔥，香郁的蒜蓉味不會蓋過蕃茄的甜味，清新開胃。MokuMoku沙律($58)，微微鹹香的風乾火腿置在非常新鮮爽口的沙律菜上。沙律菜中混和蒟蒻和蕃茄，再澆上附上的柚子汁，有酸酸甜甜的味道，也有與其它沙律與別不同的蒟蒻粒口感。燒鱈魚乾($28)，佐酒首選。一片片的鱈魚乾燒燒得脆中帶軟，在咀嚼中鱈魚香。即使不佐任何東西吃，也不會覺得鹹，蘸上沙律醬會更開胃。三點刺身($78)，有三文魚、油甘魚和帶子。每人都有一小碟魚生豉油，豉油碟在加入豉油後會呈現狗和貓的圖案。三款刺身都很新鮮，有柔軟細滑的三文魚和油甘魚，也有加入檸檬汁後變得清爽嫩滑的帶子。$88可選一飲品(啤酒/High Ball/汽水/乳酸)和Happy Hour餐牌上任何3款串燒。乳酸味果味汽水甜中帶酸，與適合佐炙熱的串燒。豚肉露荀卷，帶着微微焦香的豬肉片包裹着新鮮爽脆的露荀。肉與菜的配搭，同時嚐遍

家中兩個寶貝終於考完試，答應過週日會同佢地去瘋狂地大拆一餐，地點就由XO爸B揀咗去間連小朋友都可享歡樂時光優惠嘅「Mokumoku Yakiton」！小朋友一到步，第一時間就已經要同四周嘅小豬公仔及擺設影特輯。見到啲可愛豬豬文具更加係愛不釋手。新年將近，店內仲好應節地加插咗不少吸睛嘅吊飾及揮春。各人嘅筷子座款式仲要冇重複喎，未開始食野已可玩個夠本。餐廳以做串燒為主，但由於抽氣強，木造嘅枱櫈又夠清爽企理，飯後身上都冇乜油煙味，絕對值得一讚再讚。為培養出一家人早睡早起嘅習慣，晚飯當然唔會遲，嘻嘻，咁就夾啱哂「Mokumoku」個下午三點至六點半嘅Happy Hour，可以優惠價點選小食、刺身、串燒、魚生丼。未成年唔飲得酒，但都一樣可以揀汽水或乳酸去享用$88嘅三款串燒加飲品歡樂套餐。兩個寶貝其實每人都叫咗個$88魚生丼飯黎食，無奈爸B掛住飲啤酒，結果就忘記拍照。呵呵呵，最多下次食過再影返，乾杯先！點好餸每人都有一份檸角及柚子胡椒作自家調味之用。Mokumoku沙律（$58）：小肥最怕食菜，不過小妹妹點哂名話要食喎，唯有叫哥哥仔推介啦！意外地，內含火腿薄片及羽衣甘藍嘅Mokumoku沙律爽脆

環境5分：日式居酒屋格局，有吧位同散枱，好casual，四周圍放滿豬仔公仔，有毛公仔有cushion有玻璃擺設，中式剪紙都有，連個貓頭鷹筷子座都得意過人，男女老少都睇得開心，可以畀五分。衛生5分：雖然個燒爐同廚房响吧位後面，但間舖都一Ｄ都唔煙，抽氣好。枱面有個鐵桶放竹籤，又可以用個豬耙嚟將D串燒上面嘅食物分開，唔使整到成個嘴都係，絕對係有心思，衛生可以畀五分。服務5分：服務員有衝勁，快手又快腳，對餐飲故然好熟識，最好就係主動介紹抵玩Happy Hour套餐，同Ｄ精選招牌菜，又會成日替換Ｄ污漕碟，畀佢滿分。味道5分：1)      招牌MokuMoku沙律個面舖滿Parma Ham薄片，就咁食已經好夠味，入面有羽衣甘藍，生菜，矮瓜，蘿蔔，蒟蒻，又新鮮又爽脆，五十八蚊真係好夠份量，好抵食。2)      三點刺身拼盤入面嘅三文魚，油甘魚，帆立貝每樣都有兩件，三文魚同油甘魚又肥又鮮甜，帆立貝又厚又爽又嫩。豉油碟入面嘅貓狗圖案都好得意。3)      果碟西班牙豬肋條呢每條都非常之爽口彈牙同多汁，點埋Ｄ橙色辣蘿蔔蓉就更加之嘢味，呢個真係必吃。4)      食串燒最抵就係點Happy Hour

環境4分：日式居酒屋格局，成層咁大，又有吧位，夠casual，四周圍放滿豬仔公仔， 有毛公仔有cushion有玻璃擺設， 男女老少都睇得開心，可以畀四分。衛生5分：雖然個燒爐同廚房响吧位後面，但間舖都一Ｄ都冇好煙，抽氣好。枱面有個鐵桶放竹籤。又可以用個豬耙嚟將D串燒上面嘅食物分開，唔使整到成個嘴都係，絕對係有心思，衛生可以畀五分。服務4分：服務員都好後生下，識得主動介紹招牌菜，又會成日替換Ｄ污漕碟，可以畀四分。味道5分：1)      個蒜子蕃茄沙律好鮮甜，果Ｄ生蒜香得完全唔辣，真真好好食。2)      雞翼燒得好香，雞皮燒到脆卜卜，完全唔油。3)      牛舌都算厚身，完全唔會覺得韌，好爽下。4)      串網油豬腦卷又圓又油，灑响面Ｄ炸蒜片超嘢味，係正到嚇死人果隻！5)      白鱔串一上枱即刻聞到魚香味，絕對稱得上外脆內軟，D魚皮燒到脆卜卜，絕對忍唔住要encore。6)      白金豚肉露筍卷，露筍出面包住薄薄嘅豬肉片，燒得好香，食落唔過油膩。7)      燒秋刀魚原條上枱，仲長過隻手掌，呢個係屬於是日推介，因為係季節性，所以條秋刀魚好肥美，慢慢燒得好香。8)