kikusan

营业中

休息中

店內裝修有氣氛，仲可以透過透明的玻璃睇到上海麵同點心既製作過程，價錢相宜，吸引好多打工仔入內用餐，而我都唔例外。我地叫左個千層豬扒擔擔拉麵，錦繡天婦羅飯同埋雞肉小籠包。千層豬扒擔擔拉麵🌟🌟🌟個豬扒就唔錯嘅，用豬肉搭左幾層，食落幾有質感，個吉列豬扒皮亦唔算厚，我平時會淨係食入面塊豬扒，但今次都可以連皮食。不過我唔係好鍾意擔擔湯嗰種味，怪怪地，食到酸酸地，冇乜花生醬味。錦繡天婦羅飯🌟🌟🌟呢個賣相就好正，天婦羅好大個，好吸晴，打卡一流。呢個就朋友食，佢話都係正常，唔難食又唔係特別好食。雞肉小籠包🌟🌟🌟周圍都係用豬肉做嘅小籠包，呢度有雞肉，的確幾特別，所以叫咗黎試。但試完真係失望，個人覺得同平時食開既小籠包冇乜分別，不過勝在個皮夠薄，但我自己就覺得唔需要刻意叫黎試。

一入門口就會見到一個開放式透明廚房，見到啲師傅喺度整小籠包、麵線，都幾有上海菜嘅感覺。因為佢係上海菜mix日本菜，所有啲菜式都比較特別。我自己就叫千層豬扒擔擔麵同埋雞肉小籠包，佢都會有一啲基本嘅上海菜同日本菜，例如天婦羅丼同埋擔擔麵咁。千層豬扒擔擔麵 ($78)本身唔知道千層豬排係乜嘢嚟，直到上菜先知。原來佢將豬肉搭成一層層，再當係豬扒咁樣去炸。至於擔擔麵，我個人就麻麻地。呢個擔擔麵唔重花生醬味，係比較重川椒味嘅感覺。咁我就覺得味道一般，唔同平時食開嘅擔擔麵。而佢嘅麵唔算稱得上彈牙，一般。雞肉小籠包 ($52)一般嘅小籠包用豬肉做餡，可能因為fusion 菜關係，所以用上雞肉。小籠包用一個四方形盒裝住，四個小籠包上菜外表都唔錯。 小籠包皮唔算厚，岩岩好，但係食落去感覺同豬肉小籠包相近(90%)，只係口感硬少少。所以，我就覺得大家都唔使刻意去試。後話: 如果唔係方便工作地點，我諗我唔會去嘅。😀

早排其實都去過銅鑼灣希慎分店，食完發覺唔錯，所以專程過來中環置地分店試下！我地 Lunch Time 時間去，叫咗唔係太多：- 雞肉小籠包- Kikusan 卷- 南瓜味噌牛肉溫泉蛋烏冬小籠包皮薄多汁，雖然係雞肉但肉汁仍然好多好鮮甜！Kikusan卷，除咗啲吞拿魚同海膽好多之外，最誇張係啲三文魚子，好似成個族群被殲滅一樣！食晒啲卷都仲成碟三文魚子！烏冬都唔錯，個湯好甜，而且牛肉都啱啱熟，好正！真心推介，而且以置地呢啲咁高檔嘅位置都可以價錢大眾化，返中環工都可以去食下⋯

臨近年尾，我對晚餐的要求沒有平日那麼大，加上我在享用中午午飯的時候，在享用雞飯的同時，已經同時食了少許牛肉，所以對晚上的一餐，要求已經沒有以前那麼高，就算整餐只食雞肉也沒有所謂。結果我選擇了二零一八年最後一個星期日的晚餐，選擇了在位於中環「置地廣場」裡面，將「日本菜」混合「滬菜」兩種不同風格的地方菜系，混搭而成的混合系菜餐廳，餐廳的名稱叫做「kikusan」。顧名思義，「kikusan」主要的食品風格是上海菜跟日本菜，然後在兩者菜式裡面，加入了對方菜系，中國（上海）同日本兩種不同風格的國家地方菜系，變成集合兩國飲食之大成的餐廳。由於「kikusan」是一間，集上海菜跟日本菜兩個國家菜系於大成的餐廳，所以餐廳裡面的檯櫈也有齊了兩個國家不同飲食文化，既然一張大餐檯能夠同時容納大量食客同時搭檯的大餐檯。「kikusan」餐廳裡面亦同時有一些，可以容許小夥人私下靜靜用餐，日本菜風格比較濃厚的小餐檯，容許食客在不受騷擾的情況下安靜用餐。不過「kikusan」兩種不同風格的餐檯，對我來說其實也沒有分別，因為「kikusan」始終沒有讓單身食客，可以一個人安靜用餐的小餐檯，所以我最後還是選擇了在大餐

參加信用卡的活動，贏得50元的美心餐飲卷。在美心集團眾多的食肆中，選了此店。因平時難得在香港核心地帶中環出沒。中環的黃金地段置地廣場，更是甚少踏足。就借此機會，體驗一下吧。 小籠包一般都是豬肉。此店可選雞肉，從未試過雞肉小籠包，馬上要一客。用木盒上菜，呈現出日本風味，比用蒸籠上的上海風味，各有千秋。個子比一般店舖大，皮看來較厚。 夾起一看，已知含湯量不少。可喜的是，雖湯水充足，無爆皮跡像。從頂部咬開，清而不油的湯汁直奔口腔。湯的部分合格有餘。饀的部分有點失色。非戰之罪，只是証明了，小籠包應該配豬肉才對。 被千層豬扒擔擔拉麵的千層豬扒字眼吸引，要了一客。 解剖千層豬扒，原來是把豬肉切成一片片，裹在脆漿裡炸。真的佩服師傅的創意。如要把同等厚度的豬扒做得鬆脆，得花不少功夫吧？用千層做法，厚度、肥瘦相間都可控制自如，高手之作。 擔擔麵只有BB辣，很適合不吃辣又喜歡擔擔麵的朋友。 青檸梳打加了薄荷葉，真有畫龍點晶之妙。黃金地段收28元一杯，非常合理。