過橋麵檔

营业中

休息中

兩個人叫左半隻霸王雞 睇落好大份 完全唔似得半隻 下面有好多芽菜 好足料雖然下面好多芽菜 但啲雞真係好多 兩個人食都已經好夠 佢有飯餐既 但次次黎都係就咁叫半隻雞食第一次黎既時候 見上網有人介紹咸檸7 所以叫左黎試 啲杯側邊有鹽 要唔用飲管飲 一路食雞一路飲杯咸檸7佢5點半先開始晚市所以5點半前就會有條人龍排係出邊，一到5點半就全部人一齊入一齊點餐 所以廚房一次要煮好多 等食既時間就會相對耐少少

山長水遠嚟到元朗，同事介紹有間麵檔幾好食，於是嚟咗過橋麵檔。後來openrice一下先發現原來元朗有兩間同名嘅餐廳，距離都幾近，唔知兩間有無分別架呢﹖同事話呢度嘅霸王雞出名，但我嫌午餐嚟講略貴。本身諗住叫麵食就算，點知比我地見到呢張午餐優惠。反正自己食量唔大，一於試下點樣細份法。份量對女仔嚟講適中，最有趣係佢將啲飯堆到好似金字塔咁。霸王雞唔算辣，雖然帶碎骨，但幾惹味同嫩。菜飯嘅菜都算新鮮，飯粒軟熟。隨餐附送一杯飲品，就算叫百香果茶都唔洗加錢。至於我同事就叫咗咩餸都有啲啲嘅車仔麵，望落幾大份，同迷你霸王雞差唔多價錢。

今晚帶家人去到元朗吃飯，聽聞這家店挺有特色，就去吃個晚飯了。點了半隻霸王雞，一個豬手，炸魷魚鬚，一個豬肚湯和兩碗糖水，還有個鴛鴦飯，霸王雞來到的時候，賣相出眾，我們三人都哇哇聲，接着每個送到的時候，家人都急不及待嘗一下，熱辣辣，好好味！每餸都有特別之處，魷魚鬚新鮮炸起，我哋都唔敢怠慢好快食晒豬手用酒腌好，口感好（老人家都食到），上面有蟲草花，賣相吸引，又感覺附加少少營養價值。以經制實惠嘅價錢，換取yummyyummy的好味晚飯，簡直開心到飛起！最終到捧住個肚走，仲食唔晒要打包返屋企添！沿路和屋企人都大讚，下次必定再嚟！

自從朋友帶我黎食過呢間之後，我就著迷了，我唔會話好好好好食！但係又真係幾好食既，我食過新店，覺得都係呢間舊店好食d!雞係真係特別滑架，我最中意食既唔係霸王雞，而係豉油雞，好入味！另外個鴛鴦炒飯同炸魷魚鬚都好好食～

嚟呢度食嘢源自同老公嘅一個小插曲， 事緣有一日無意睇到老公嘅電話入面有個電話號碼寫住（霸王雞） 之後我問老公嘅時候佢竟然奸笑之後過咗冇耐老公就帶咗我黎呢間過橋麵檔， 我終於明白原來呢個就係佢所講嘅霸王雞當然立即點黎試試，之前一直冇諗過一間門面咁普通嘅麵檔，原來入面係臥虎藏龍呢個霸王雞佢揀選嘅雞都係比較鮮嫩，而且仲配埋好多薑蔥及生蒜溝埋，佢嘅醬油係鹹甜適中，唔會太鹹佢嘅套餐仲包埋一碗菜飯，完全可以將雞嘅 油膩感覺消除，配合埋佢霸王雞嘅醬汁同蒜蔥等一齊食，口感係非常之match呢間價錢唔貴值得再嚟

入得元朗無可能唔食霸王雞菜飯.. 每次一到夜晚時段就排晒隊.. 等左成十幾張枱終於到啦.. 開心開心見到有新野就試下巴辣雞.. 我自己本身好鐘意食辣.. 難以抗拒.. 不過無想像中咁辣只係覺得好多油.. 同埋芽菜都吸哂油.. 感覺好油膩.. 再多啲辣會好啲..招牌菜霸王雞我每次入元朗都必食.. 食落啲雞感覺都似新鮮雞.. 雞肉好咬口.. 食咁多次水準都無變差.. 份量依舊.. 配上菜飯一流..我加左6蚊碗例湯試下.. 期望太高.. 其實同茶餐廳飲嘅一樣.. 當然飲完都係口渴架..

每次黎到都覺得好多野都幾好食咁樣，但實在引唔到手唔叫霸王雞，結果今次都係一樣！霸王雞份量超大，上面有蔥有炸蒜，仲有少少辣椒，底就有芽菜。叫得霸王雞，味道都幾霸道，蔥蒜辣椒無一不香，淋過豉油，底蘊既味道都抽晒出黎。小弟唔食辣，撥開辣椒食都ok，微辣更開胃。雞件入味，有肉有骨，加埋蔥絲炸蒜風味更佳。底層芽菜吸收所有精華，點一點醬汁撈飯食更是美味。菜飯真係菜飯，唔似出面有d撈幾條菜當係，不過我覺得味道唔夠，唔知係咪特地配合濃味既雞而作出調整。

特登約朋友嚟食雞飯，估唔到未到門前，門口已經堆左十幾人等緊位！好彩都唔係要等好耐，晏晝係前幾條街食完拉麵天王，晚飯又嚟到過橋麵檔！其實都係等左15分鐘，但就愈等愈肚餓。同朋友一坐低就即刻點左兩個雞飯餐，兩隻辣椒嘅霸王雞同三隻辣椒標誌嘅巴辣雞，仲各加6蚊要左杯凍檸茶同例湯。原本同朋友對住坐，但後尾有客入嚟，店員就叫左我同朋友要排排坐⋯=_="但冇所謂啦，雖然就唔及對住坐咁好傾偈，但唔阻人地做生意都係一種禮貌嚟嘅。等左一陣，兩個餐好快就上檯喇～賣相相當吸引！霸王雞上面鋪左好多蔥絲，真係我至愛！！仲有香噴噴嘅炸蒜，同紅紅嘅辣椒粒，睇見到都已經好好味。雞肉入口好嫩滑，雖然就雞味軟淡，但以雪藏雞嘅質素，可以烹調出咁嘅味道，已經算好味喇！鋪底仲有好多芽菜，正！巴辣雞就冇乜配料，只係有佢獨有嘅辣醬淋面，睇個樣都唔覺佢辣，肉質都好嫩滑，食多兩件，就真係愈食愈辣⋯好野味！！建議食左霸王雞先好食巴辣雞，因為巴辣雞實在太搶味，食左巴辣雞先，就應該試唔返霸王雞啲味。雖然霸王雞有兩椒標誌，但其實一啲都唔辣。再嚟一碗滿滿嘅菜飯，飽呀！

活動範圍屬於九龍的我, 難得入元朗, 想吃點地道的食伴就帶我來這裡, 說雞很好吃開車的我們很順利找到了路邊的位置店面長這樣:我們7時左右到達也有8-10在等位了等了15分鐘左右, 門口等位位置放置了兩台噴霧風扇是為了讓客人散散熱吧我們剛好坐在掛棚前面, 熱辣辣好多雞在掛著我們吃飯大約是1小時看到這個掛棚的雞轉流極快1小時內大概賣去了30隻雞(堂食+外賣)賣那麼多, 怪不得雞都挺新鮮的我的霸王雞餐, 跟菜飯雞半浸在調過味道的豉油上面,上面放上薑絲、蔥絲、指天椒粒、還有是炸蒜嗎?幸運的正好吃著雞脾, 滑溜無比; 雞胸肉雖然沒那麼滑, 但熟得剛剛好, 不會"鞋"口將豉油、薑絲、蔥絲和脆脆的炸蒜連同雞一齊放入口裡更是有另一風味非常香, 口感也很捧,連平時不吃蔥的我也大愛菜飯也是用心之作, 不會太油食伴的鴛鴦飯我們只有兩個人要食這個有點多, 店員姐姐也提醒個飯好大架喎!不過食伴想吃就點了, 心想吃不完可以包走紅汁蕃茄酸味較重, 我比較喜歡白汁但我太專心吃我的雞, 沒專心嚐這個...總結，絕對會再來啊!好味道, 而且平宜抵食!

同事話呢間好味，所以帶我去試下！普通茶餐廳格局！火紅色為主色！好搶眼！不過幾爆場！坐到中間四人位！唔會好迫，好快落好單，之後就想轉（阿姐剛打單）好在阿姐都好好人比我哋轉！食物好快到！咸雞：雞肉比較嚡，點配埋嘅薑蔥油或沙薑，自己比較喜歡沙薑，咸香起沙，好襯雞味！霸王雞：其實係為了墊底嘅芽菜，雞肉嫩滑，唔會好肥，配埋青蔥絲同爽口芽菜食一流！汁料帶少許辣！雞汁唔會死咸，兼唔會味精！咖哩牛腩：牛腩比較碎，幸好牛腩滑兼濃味，咖哩唔會好辣，中間帶爽脆青瓜平衡油膩感，而且椰汁另上，可以由食客決定落唔落（我唔鍾意椰汁）所以各取所需！菜飯：菜絲好多，爽脆，唔會油膩，可以平衡菜色嘅油膩感！老火湯：好足料，味道濃郁，啖啖精華！好味店員好好人，因為落了單之後，我們想改單，佢都即刻幫我做！估唔到一家麵家都有好味雞食！

今日同另外3個朋友去元朗探bb...探完之後去返元朗搵食....除左我之外....其他朋友都係住9龍區....佢地對呢區搵食冇咩idea....所以就由我帶佢地去搵食啦過橋麵檔絕對係我係元朗既飯堂....我次次去左親元朗都一定黎呢度食!!因為實在太好食!!!!其實....由朋友屋企搭的士過黎新b仔呢邊...好近.....錶都唔使跳.....所以就係呢度附近搵食姐....今日唔使等位就可以入座!!朋友們話叫餸食飯....所以就叫左呢度招牌菜霸王雞半隻...我話呢度d咖哩好食....所以叫左淨咖哩豬扒....之後再叫多個細既卥水拼盆(冇影到相)....炸魷魚鬚(冇影到相)...加多4個菜飯.....咁就美滿既一餐!!!不過今晚既霸王雞....好似冇乜肉食....淨係骨多....平時我通常都係叫菜飯餐....好少一隻隻咁叫....所以唔知係咁岩得咁橋俾到呢d位我定點.....平時叫飯餐d雞好多肉架 個炸魷魚鬚我第1次食....出奇地好味喎....佢真係好有魷魚鬚個陣味....而唔係得炸粉個d味!!呢個可以推介下!!最後.....我地4個都係食唔晒.....好浪費呀 ....不過其實都係因為佢

本人住元朗, 因為發現元朗越來越多好野食, 所以就特登開左個openrice account, 希望記一記同埋介紹一下一d平靚正的餐廳比朋友仔. 今次係我第一次寫食評.其實呢一間我試過好多次啦, 覺得個霸皇雞菜飯係每次去都必食. 份量夠多d雞又夠滑, 配埋菜飯一d都唔油膩. 但今次有另外一個驚喜, 見佢個餐牌有西餐好特別, 就叫左個芒果三文魚酥. 都唔錯, 可以一試.

每次到訪元朗區, 「檸茶」總會滿載而歸, 因為好的食店實在太多, 有時吃了幾家「例牌」(如爽爽麵家、天鴻燒鵝等) 已經到達胃容量上限了, 想不到卻有漏網之魚。這家店子很奇怪, 明明叫過橋麵檔, 馳名的卻不是「過橋」產品或「麵」類產品, 場內甚至沒有顧客在吃這些東西, 實在令人費解。原來人人都為著這味霸王雞 ($46) 而來, 單看牌面, 已經陣容鼎盛, 無論雞皮還是雞肉也嫩滑, 配以薑、蔥、辣椒、金蒜、醬油和熟油, 實在非常惹味; 配以菜飯來吃, 風味一流。另一重點食品是五香拼盤 ($46), 拼盤上的食品只屬一般, 不過亮點卻落在配角這碟肉鬆飯上, 印象中實在很少餐廳提供這款澱粉類配菜, 兩款未必扯得上關係的食品, 想不到出來的效果又不錯。下次來元朗, 又多了個可以列入「例牌」的地方。

前陣子有人問我元朗有什麼好吃, 我便推介她去吃霸王雞, 推介她後, 我自己也心郁郁想再去吃於是便約另一個霸王雞fans 的朋友一起去, 這晚大約七點半去到, 見到門口有十多人在等位, 比星期六日少人, 我們等了十五分鐘左右便可進去了~我和朋友都叫了霸王雞配湯米粉, 朋友要雞胸, 我要髀, 但來到也好像沒有什麼分別, 於是我們私下交換算了我每次來都只會點霸王雞, 雞上舖有很多炸蒜粒,紅辣椒粒及蔥絲, 雞肉很滑很新鮮, 不會很多肥膏, 很有雞味, 再配搭碟中的甜豉油, 味道更加出色雞件下面還有一堆芽菜, 全部吸取了雞的味道及豉油, 吃落去特別爽甜跟餐的上湯米粉也很夠味, 但不會過咸, 份量也夠多, 絕對抵食另外我們還叫了酥炸魷魚鬚粉漿薄薄的包住魷魚鬚, 炸得很鬆脆, 上面再灑上淮鹽, 再點一點附上的喼汁, 真的十分可口魷魚鬚一咬即斷開, 一點也不韌, 這個已成為我的心水小食了

9點幾同男友仔行到黎,見門口咁多人既!!原來係外賣多~不過入面都坐滿人老早就想黎試下d雞有咩咁特別~叫野食時,招極手都冇人理,d人睇到扮睇唔到...忙唔代表可以扮睇唔到客囉上台色彩繽紛,令人食慾大增雞肉滑,但其實冇咩特別入味既味道我最喜歡d汁~所以我中意食下面d芽菜多過雞~菜飯超級大碗~!!咸雞相對平凡到不得之了唔覺咸之餘,好dry既感覺而且價錢比霸王仲要貴...總括今餐 - 名過於實!!一個餐:雞、飯、湯/茶,要成半百元以上,不太值吧因為味道上唔係太特別的~