雅 ‧悠蔬食

营业中

休息中

今晚約左朋友到尖沙咀行街街+Dinner ，之前我地都食過銅鑼灣店悠蔬食，覺得質素吾錯，知道佢地尖沙咀有分店，就決定去呢度晚餐，走到門口，見到好多枱食客，環境令我坐得好舒服。看看餐牌，點了兩個dinner set ：先係三款前菜（醬燒百靈菇山藥伴日本黑豆特別好食，醬汁好香濃得黎吾會覺得咸，另外兩款都吾錯好開胃）；手卷（香芒牛油果苜蓿芽手卷，紫菜好脆、苜蓿芽好fresh，兩者加埋口感好正）；湯品（我揀左牛肝菌桃膠忌廉濃湯，香濃既牛肝菌味豐富了味蕾😋）；主食 （西西里鮮茄🍅野菜燴扁意粉伴吉列牛油果🥑👍👍😋，青咖哩野菜猴頭菇配印度薄餅及珍珠糙米飯，好野味，豐富食慾）；甜品（古法黑芝麻糕👍香香的芝麻味）

講起食素 大部份人都會同老土 老餅 好舊式掛勾😵😵不過 今日黎呢間素食餐廳好新派 完全唔似傳統素食餐廳裝修環境以紫色 白色為主 整體俾人好舒服 好明亮既感覺👍🏻餐廳餐牌設計亦好貼心 寫明可以免蛋 或免奶既菜式 無論係素食者 食齋者 或者好似我呢d無所謂人士 都照顧周到❤️❤️今次揀左Dinner Set前菜有三款 每款都好精緻 好開胃 好適合女仔 樣樣都想試少少🤤手卷有種好fresh既感覺 蔬菜好新鮮 完全好似食緊個「農場」咁😀湯品更加值得一讚👍🏻材料選擇好優質 燉出湯料既甜味 唔會似出面d湯品咁加味精主菜擺設好靚👏🏻👏🏻咖哩不會太辣 帶椰香味為主 配合印度薄餅食 好正 飲品方面藍碟花本身味不濃 雪梨味清甜 但飲品外觀已經攞哂分🎉🎉甜品就二選一斑蘭味清新 但椰汁味卻不會蓋過斑蘭 平衡到二者 做得非常好😍😍

近年越來越多人轉食素，一來比較環保，二來減少殺生，幫自己及下一代積福。所以有見及此，一位食素的朋友特地帶了我去位於尖沙咀金馬倫道的雅悠蔬食，一嘗高級的素菜。我們點了兩個晚餐，包括一個意粉及咖哩。前菜是麻醬沙薑豆絲粉皮及泰式香茅金柚鮮果沙律及日式藜麥新薯球，碟碟份量十足，麻醬粉皮味道跟雞絲粉皮無異，麻香味濃，為粉皮增添味道；沙律帶點酸，而且色彩繽紛，非常開胃；薯球很大個，裏面有點薯粒，滑得尼又有咬口。蘆筍素香鬆苜宿芽手卷及香芒牛油果苜蓿芽手卷外層紫菜鬆脆，蘆筍爽脆，素香鬆以假亂真；香芒牛油果清新帶帶果香，食完都不覺飽滯。周打黃耳雪燕忌廉濃湯真係超級好飲，雖然是素湯，但裏面加了黑松露、雪燕等，最重是忌廉湯做得非常香滑，而且很濃郁，黑松露味道被襯托出來。相比西湯，猴頭菇竹笙黃耳雪蓮子燉湯比較遜色，不是不好飲，是比了下去，中湯內有濃郁的猴頭菇味道，黃耳令湯更杰身且黏口，膠質很重，是女士們的恩物。西西里蕃茄野菜燴扁意粉伴香草豆卷，有濃郁的蕃茄醬味道，大量雜菌及橄欖伴入意粉內，幾乎是餸多過粉，意粉軟硬度適中，酸甜可口，完全沒有油膩感。豆卷煎得香脆，有點似肉的質感，味道不會太咸。青咖哩野菜猴頭菇配印

平日餐餐都多肉少菜，加上應邀多外出晚飯，所以今晚特別一點，食素菜晚餐。晚市有餐套，有齊前菜、小食、餐湯、主菜及甜品，還可加飲品，超級豐富。估唔到而家的素菜變化多又有新鮮感，中式、日式、西式等等，多國菜式都有，總有一款岩自己，而且味道仲好好。本以為素菜會好清淡無味又唔飽，但事實係好美味而且花心思做的菜式，最重要超滿足，夠肚飽有力量。麻醬沙薑豆絲粉皮、泰式香茅金柚鮮果沙律、日式藜麥新薯球。前菜有三款，份量按人數上菜，我地二人的份量也好足夠。用新薯整的日式沙律，加了藜麥感覺更健康，味道很有日式風格。豆絲的質感同外觀都做得好似雞絲，加上麻醬同青瓜絲，正正就是個雞絲粉皮的味道。不過就唔見沙薑，可能太忙，沙薑應該放錯鮮果沙律。沙律汁帶有香茅味，加上菠蘿及金柚多汁，令沙律更清爽，但有沙薑係面感覺唔多夾。蘆筍素香鬆苜蓿芽手卷、香芒牛油果苜蓿芽手卷。紫菜好脆口，加埋芒果與牛油果的無敵組合，無得輸，而且手卷食到底都仲有料。周打黃耳雪燕忌廉濃湯，素菜的西式湯味道仍creamy濃郁，有爽口黃耳同雪燕，與雜菜粒，令忌廉湯濃而不膩。猴頭菇竹笙黃耳雪蓮子燉湯，中式湯也同樣出色，味道溫和滋潤，清晰湯色但有好香的味道，