蝦棧 (已搬遷) 新店位置

※本文以用餐當日的環境、服務和食物質素為準，口味亦因人而異，文章只作參考之用。-估唔到係眾多車房之中竟然藏身左這間餐廳「蝦棧」，就咁睇門面好似一間Cafe，但望真少少佢有設置魚缸架，缸內有好多隻生猛大頭蝦！原來餐廳係主打「台式蝦煲專門店」，仲有提供其他台灣菜式，岩晒小妹呢個台灣控。餐廳的環境不大，佈置卻舒適整潔，貼上部分菜式相片。清澈的魚缸內有圍數不少的生猛大頭蝦，即撈即煮，確保新鮮。餐牌除左主打多達十款口味既台式蝦鍋外，仲有不少台式食物，如麻辣臭豆腐、麻油雞、魯肉飯、台式腸等都有。糖心滷蛋 $15/隻滷蛋比想像中滷得入味，中間蛋黃夠晒糖心，好食！台式香腸 $88分別有墨魚汁腸同蒜香腸，味道都唔錯，咀嚼中會覺得很惹味，但就覺得定價有點高。醉雞卷 $88愈黎愈多餐廳都有推出小食「醉雞卷」，好唔好食取決酒味重唔重同肉質夠唔夠滑。平時唔太鍾意食有骨雞件，無骨醉雞卷啖啖肉就岩晒小妹。用上花雕酒、杞子等所製，未入口已聞到濃烈酒香，食落更甚，不過今次既肉質就較為實左少少。香煎墨魚黑白卷 $98用上腐皮包住黑白墨魚滑再拎去炸，炸過既腐皮好香脆，同中間彈牙既墨魚滑真係好夾，食唔到口，差唔多成碟比我食晒

行去揾呢間專營台式蝦煲的餐廳都易，沿住花園街一路行到尾就係了。就在旺角差館後面，周圍仲有好多唔同食市tim｡menu有好多唔同選擇，但重點係蝦，此小店用的是大頭蝦， 有不同的煮法任君選擇。香煎墨魚黑白卷煎得好靚好香脆，白色用新鮮墨魚，黑色是加上墨魚墨魚膠汁。同樣係香脆而內裡彈牙鮮味，同樣係腐皮卷，卻帶有2 種享受。主廚重點招牌當然係蝦。睇個樣已經滿分，味道爆燈。仲有好多蝦膏，有點邪惡。卻令人垂涎三尺。 仲有黑麻油雞煲 , 新鮮嫩滑嘅雞浸喺麻油雞湯度。 鮮味十足，重用鑄鐵煲上檯冬天食真係暖笠笠，仲對女人好補添！餐廳正中間房住寫得好靚又好有特色嘅廚師推介! 諗唔到食乜嘢㗎可以睇下個餐牌今晚食乜餸呀。這兩鍋 招牌菜式 就是今晚的重頭戲， 足料足心機。門口有兩個大魚缸，通常海鮮酒家都係擺咗大條嘅海鮮魚，而呢度就擺滿了大大隻又生猛的大頭蝦。臨走補影店面先~~唔講唔知呢個咁有特色好似不銹鋼紅酒冰桶 再加個透明膠袋。睇落似高級酒吧用品，但原來係一個畀你裝骨嘅垃圾桶。細心!

鮑魚有專門店、龍蝦都有專門店，估唔到連蝦都有專門店。今日老婆話想食蝦，就帶左我黎食呢間以蝦為主嘅蝦棧。位於太子花園街近界限街嘅蝦棧，地鐵站行過黎都係5分鍾左右，揸車黎嘅話門口都有少量咪錶位，非常方便。店外都掛有餐牌及廚師推介，亦見到有唔少傳媒、專欄介紹過蝦棧。我就比呢個蝦缸吸引左啦，呢度主要以大頭蝦為主，仲係即叫即撈起，保証新鮮。店鋪內裡以白色為主，雖然座位不多，但整體感覺乾淨舒服。蝦棧當然以蝦為主啦，蝦煲選擇最多，共有10款比你揀。其餘仲有唔同嘅小食、時蔬、鍋物及飯麵等等呢個香煎墨魚黑白卷，其實黑同白只係有無墨魚汁嘅分別，但味道同樣可口，點埋醬汁就更加好味。如果你未食過臭豆腐，但又頂唔順佢陣味嘅話，試呢個一口炸豆腐就啱晒啦。佢無傳統臭豆腐嘅臭，但質地同口感都非常接近，炸得相當香口，我就覺得好吸引啦。滷水拼盤有齊晒豬牛雞。牛展夠香，雞腳就夠晒入味，而豬大腸就清潔得夠乾淨，可以放心食用。主角出場啦--咸蛋黃蝦煲。雖然咸蛋黃出名係邪惡嘅食物，但佢果份咸香同蝦嘅鮮味，的確係絕佳嘅配搭。大頭蝦雖然只有6隻，但隻隻都份量十足，確係抵讚。跟住就係另一個主角--避風塘蝦煲。佢唔算好辣，但一放入口，果

花園街最近多了很多高質餐廳，最近我們都喜歡到這附近「搵食」，一來離地鐵站不遠，二來旺中帶靜，今晚我們就帶著老爺奶奶來到蝦棧試試小見的蝦煲⋯蝦棧裝潢以簡約為主，門外放置養殖蝦缸，缸內水質清潔，而且有足夠滿間讓蝦活動，蝦蝦們住得舒適自然健康﹗除了以蝦為主題的菜式外，還有其他特色小食，每天也有新款菜式推介⋯入座後每位客人都會免費有一份餐前小食，這款紫薯酥很特別，微甜的紫薯，而很有咬口，越哨越好味﹗薄荷菠蘿梳打以新鮮菠蘿製作，非常鮮甜﹗一口炸豆腐的內層並不是嫩滑豆腐，而是像臭豆腐的質感，但沒有臭味，帶有煙軔的感覺，配上甜醬，更加像臭豆腐，值得一試﹗香煎墨魚黑白卷是即炸的，外層金香薄脆的腐皮，包著彈牙墨魚膠，絕對是必食推介﹗是日廚師推介：蔥油雞(半隻）雞皮帶有甜味的醬汁，雞肉嫩滑，富有雞味，非常出色﹗主角蝦煲登場了﹗這個避風塘蝦是港式限定的，小小辣，蝦殻香脆，大頭蝦肉地飽滿，隻隻都漲卜卜的，蝦肉更是鮮甜嫩滑，蝦味十足﹗另一款蝦煲鹹蛋黃蝦同樣是港式限定，有點像黃金蝦，鹹蛋黃豐富多油，沾在大頭蝦身上超級惹味，蝦肉同樣鮮甜嫩滑，連蝦頭也是啖啖肉的，絕對是正宗的大頭蝦啊﹗羽衣甘藍不是常常能吃到，雖然我常

友人知我愛食海鮮, 帶了我去位於太子的蝦棧食飯. 我地點了醉雞卷, 香煎墨魚黑白卷, 魯肉鮮蝦湯米和胡椒蝦. 醉雞卷. 平日食醉雞食得多, 整成卷還是首次. 雞肉尚算嫩滑, 而且啖啖肉, 食得夠方便. 但酒味再濃郁一點更好. 香煎墨魚黑白卷. 外層薄而香脆. 饀料有黑白的墨魚, 肉質幾彈牙. 主角胡椒蝦上枱, 香味撲鼻. 用鐵鍋上枱, 保持熱度. 一共有八隻蝦, 蝦幾大隻. 蝦夠新鮮, 蝦肉夠爽口彈牙, 入口有微微胡椒味, 若胡椒味多濃一點更惹味. 魯肉鮮蝦湯米. 米湯夠脆身, 吸收晒鮮蝦精華, 特別鮮味. 而湯也要飲, 夠鮮甜, 飲完不覺得口渴.

平時在大坑東跑步後，回家途經花園街時見到一間新開的餐廳叫蝦棧，門口有幾個魚缸養了很多大頭蝦，今日放工同朋友經過，所以入去試試。餐廳是小本式經營，據店員說老板是香港人，太太是台灣人，所以引入台灣crossover港式菜。叫得蝦棧當然蝦才是重點啦，餐牌上主要都要蝦煲及一起台式小食等。醉雞卷共有九件，每件雞卷切得厚薄一樣，表面放上一粒杞子。雞卷跟平時食得到不同，除了有花雕香味還有濃郁的酒香，店員說是混合了幾款的酒如五加皮等，所以比外面吃到的酒香更濃更入味，雞卷結實不鬆散而且雞皮很薄無油脂，還帶點爽。香煎墨魚黑白卷黑色白色各有五件，黑色的是加了墨汁，黑白兩色的墨魚卷外層似響鈴，炸得香脆，肉質爽口彈牙，裏面還有點墨魚肉。胡椒蝦主角蝦終於上枱，共有六隻，非常大隻，餐牌上寫明有300克，不計多少，重量十足。蝦其實是大頭蝦，店員說是每天新鮮取貨，賣完就無，而且是客人落單後才會取蝦，所以非常新鮮，胡椒蝦外殻有濃郁的胡椒及蒜香，帶點可接受的辣味，蝦頭多蝦膏且鮮甜，蝦肉已去腸，結實彈牙。大腸湯米米粉幼細爽口，即使浸了一陣才吃都不會腍，大腸滷得入味，而且有咬口。滷蛋滷水味濃郁，蛋王剛熟，還有點半生熟的效果。椰