越．男

营业中

休息中

適逢就嚟聖誕節，利東街有限定燈飾擺設，超多人喺度打卡。經過大王東街見到呢間越南舖頭，睇落幾有特色，於是入去試吓。我同朋友點咗兩個set，分別跟一份主食、一份小食同一杯飲品。<脆燒腩撈檬/越式春捲/西柚汁> $90撈檬加咗啲魚露，再將啲配料同埋醬汁撈勻，食落味道清爽，解熱一流。脆豬腩爽脆不油膩，點埋甜酸醬有種港越fusion感覺。春捲有驚喜，食落索索聲。<香茅豬扒法包/木瓜絲沙律/椰青水> $80香茅豬扒很貼心地為客人去骨，方便食用。不過我覺得豬扒份量有啲少。至於木瓜絲沙律味道正常。總括黎講，食物味道不錯，而且老闆娘都好熱情介紹菜色，如果想食越式嘅嘢係一個唔錯嘅選擇。

呢間餐廳位於灣仔囍帖街附近，由越南人主理的越南餐廳，有平民小店風味，價錢都比較貼地～ $80 主菜+飲品，另加$20追加半份小食Lemongrass Pork Chop Banh Mi香茅豬扒法包🥖豬扒炸得好香脆，配合香茅，蘿蔔絲同生菜🥬幾清新，仲有少少扎肉～法包一啲都唔會硬，外脆內軟，中間仲搽咗d好特別的醬～Lemongrass Roasted Pork Cold Vermicelli香茅豬頸肉撈檬豬頸肉燒得好香，肥瘦適中，配合蘿蔔絲，蔬菜，扎肉，撈檬酸甜開胃，清新健康～Hot Lemongrass Lime Water熱香茅青檸水青檸水味道清新，酸甜開胃，香茅味香濃，飲落好順口潤喉～Garlie Buttered Wings香蒜牛油雞翼雞翼好大隻，炸得好香脆又唔會太油膩，裏面雞肉肉質細嫩，有少少蒜香牛油味～

📍@combanhmi in Wan ChaiVietnamese Food: 💛💛💛💛🤍Décor: 💛💛💛🤍🤍Service:💛💛💛🤍🤍Price Value: 💛💛💛💛🤍Price Range:💰 $80-150Favourite: 💖 Lemongrass pork chop bánh mì ------------------------------- Fluffy bread and the veggies stuffing was great - Fast and authentic Vietnamese food - Value for money - set lunch menu for HKD80 only - Friendly staffs #CómBánhMì #灣仔美食 ------------------------------

越．男 🇻🇳Combo Set (主菜+小食+飲品)HK$80香茅豬扒法包🥖 8.5/10超級足料嘅法包，食落口亦都好fresh，無論佢個醬、酸蘿蔔絲、青瓜、扎肉定洋蔥都好足料同開胃🥗洋蔥🧅超級甜，好好味😋佢上層麵包同下層麵包係兩種醬，上面個醬似美滋醬，下面係鵝肝醬✨豬扒有煎香到，同埋調味啱啱好，食落都好嫩👍🏻法包亦都好鬆軟🤤香蒜牛油雞翼🍗 8/10一上枱好香牛油同蒜味🧄，食落好脆口，而且雞肉好嫩，不過就偏油咗少少🙈同埋唔太食得出蒜味，可以重口味啲。凍越式煉奶咖啡☕️ 9/10必試！！！ 唔係咖啡愛好者都可以try try ，絕對有驚喜🎊飲落去似朱古力星冰樂個咖啡底，甜甜地好易入口，又滑又有咖啡香味🤤💕Extra comment🖍•Combo set有成14款主菜可以揀，cover 哂湯河、法包、飯同撈檬🍙•坐位有卡位同埋有酒吧枱位，佢個kitchen 係open kitchen 黎，好似subway咁睇到哂啲食材Ig @ricebucket_sis

小店係一間越南快餐店 唔算好大間 牆身好有心思地畫左好多有關越南既signature😚主打pho撈檬海南雞飯同法包🌯就咁單點係$60 跟set就$70-$80.▫️香茅豬扒法包set $80諗落好似未試過食法包 就諗住試下佢😚法包用左特別烘焙法 口感好香脆有啲似豬扒包咁🤭餡料除左香茅豬扒仲夾左扎肉豬扒薄切同煎過 味道香口仲配左沙律醬同好多新鮮時令蔬菜🥬香草洋葱紅蘿蔔絲等 令味道更豐富同口感更加有層次😆 .▫️越式春卷揀左set會包埋小食同飲品小食有4款可揀 個春卷食落好香脆 用左芋頭蓉同豬肉碎作餡料 幾特別 尤其個芋頭味好出.▫️檸檬特飲原來係柑桔檸檬🍋 飲落甘甘甜甜 .總結，食物質素幾好 食落幾正宗法包啲料大致同平時撈檬差唔多 但原來個包身係咁香脆架喎😚令層次感比平時食落更豐富下次我要黎食pho 好似都幾正咁～

 一到lunch time，灣仔呢區好多餐廳都要排曬隊，見到呢間越．男唔洗排隊，而且餐牌啲野食都啱食，就入左去食。價錢黎講係同區入面算抵食，如果就咁嗌一款主食，$60就埋到單，叫埋小食加飲品就$80。今次嗌左既法包同小食都好唔錯，下次有機會想黎試埋佢地既牛肉湯河🤤  1⃣️香茅豬扒法包+越式春捲+越式煉奶咖啡（$80）個法包有驚喜🤩食落好脆身，入面有滿滿既醃蘿蔔絲、扎肉、切好一條條既香茅豬扒、肝醬、沙律醬、青瓜、香菜、洋蔥。食落清爽得黎夠曬豐富🤤香茅豬扒唔乾身亦都唔會癡牙👍  小食揀左越式春捲，炸得夠脆，入面有啲芋頭、豬肉，唔錯。  越式煉奶咖啡唔算好甜，咖啡味都算香濃☕️  2⃣️香茅豬扒法包+香蒜牛油雞翼+椰青水（$80）朋友一樣都係嗌左香茅豬扒法包，佢都大讚呢度既法包好有水準😋  另外小食牛油雞翼炸得好脆既，不過食落冇乜牛油味，同埋油左啲，夾起件雞翼之後見到個碟上面成層油🤔不過食落其實又唔覺得咁油。  椰青水輕甜解渴，配埋呢啲越式野食啱曬。  

Lemongrass Pork Chop Banh Mi + Papaya Salad + Coconut Water = perfect light but fast clean for packed Monday to fill yourself up. 現點現做的鬆軟入味香茅豬扒法包 + 清爽木瓜絲沙律 + 椰子水才HKD$80，沒什麼可以挑剔的～外酥內軟的法包搭配醃漬蘿蔔令我這芫荽頭號hater一口接一口喀嚓喀嚓掃清光🍞

鋪頭雖然細細間，但環境裝修好有越南feel，全日都有套餐set 可以自己揀主菜+小食+野飲，都只係$80咋，性價比好高!!❤️香茅豬扒法包 豬扒好香好大塊，入面d 越式沙津好好味，仲有幾片扎肉係入面，真係好中意食呢個越南法包呀🧡牛油雞翼 脆卜卜好香牛油味，炸到岩岩好熟多少少，冇血水又夠滑💛香茅青檸水 未飲已經聞到好大陣香茅味，收銀姨姨仲好好咁幫我加熱水，仲問要唔要加d 檸檬添，真係好nice呀！！充滿越南風情之餘，仲好warm, 絕對會返去再食😇

位於灣仔大王東街嘅小店，店內空間唔大，坐座唔多，係快餐店格局。每次都必叫combo set，主菜+小食+飲品先至$80真係好抵。而且combo set係全日供應。一向都好鍾意食Pho, 香港都有好多好味嘅選擇，而呢間個Pho都做得相當唔錯。會安生牛肉湯河賣相好好，芫茜蔥同香草都畀得慷慨。香草同芫茜蔥都係越南牛肉河嘅精髓所在，將香草浸落熱牛骨湯，香味慢慢融入湯底。牛骨湯清澈透明，牛肉呈粉紅色而且厚薄度剛好，就算浸耐咗熱湯咬落都唔會韌，牛肉味濃。河粉爽滑唔易斷，份量唔算少。枱上面有提供青檸同辣椒，可以根據自己口味落落湯底。香茅豬扒法包賣相好靚，夾住好多芫茜，啱晒我呢啲好鍾意食芫茜嘅人法包輕輕烘過，外脆內軟唔會乾，香茅豬扒夠腍味道好。夾埋酸蘿蔔絲好好味。小食方面次次都揀香蒜牛油雞翼同炸春卷。呢度個香蒜牛油雞翼超好味，食落酥脆而且蒜味牛油味夠，加配小食只得兩隻真係唔係好夠喉。生牛肉河同越南法包都好味，幫襯過幾次食物水準穩定。$80套餐好抵食，性價比非常高。

🇭🇰Cóm Bánh Mì by Chef Phuc Dat Bich·呢間其實都係係bakehouse個條街既 不過佢門面比較細 所以經過既時候成日都睇佢唔到🤭😂😂·combo set $80呢個set超級豐富 佢係包1個主食 1個小食同野飲😎😎·香茅豬扒法包 l 會安生牛肉湯河越式春卷 l 香蒜牛油雞翼我覺得如果法包超級好食 佢個法包有稍微烘過既 所以表皮好脆 不過佢中間仲係鬆軟嘅 唔會成舊硬掘掘 我自己好鍾意😍😍佢入邊個豬扒都仲juicy既 配埋其他配料超好味😋佢個生牛肉湯河我就覺得一般啲啦 尤其係佢個牛肉比較韌 質感麻麻🤭不過佢兩個小食都好食嘅 炸到好脆 係隻雞翼骨個啲位有少少炸唔透🤣·#rbyeat#rby東南亞菜#rby灣仔·📍灣仔大王東街28號地舖

🐷🥖平日Lunch time 去都坐滿，要自己揾位坐，都要等一陣。有lunch set，可選跟小食，跟飲料或倆樣都要。我叫左個香茅豬扒法包同個凍嘅越式煉奶咖啡。等左一陣食物就到。個法包🥖暖暖地好脆身，咬落好鬆化，食到最後一口都keep 到，唔會淋左，而且麵包香味好濃郁。香茅豬扒香茅味好香，但🐷豬扒沾粉略嫌有點多，但肉味夠，個法包內加上🌱芫荽，🥕紅蘿蔔，紫洋蔥同白蘿蔔，同個🥪三文治係絕配可以解豬扒嘅油膩。☕️咖啡帶甜咖啡味還可以，但比較薄身。.香茅豬扒法包 $60+ 越式煉奶咖啡 $10

今日到訪灣仔哩間越南小店。唔似平時嘅餐廳，只供應幾款主菜同小食。越南法包係心頭好，二話不說就揀左香茅豬扒法包。即叫即整，所以要等。法包又脆又熱，餡料爆滿。首先香茅豬扒炸得酥脆，味道剛好。除左豬扒，仲有扎肉，蘿蔔絲，莞茜。係香港食過至正嘅法包。一定要親熱食呀！另外試左好多人推介嘅越南海南雞飯。份量偏細，女孩子都係剛剛好。雞件幾滑，已經無骨，方便食。而油飯幾香，但唔會似平時食開嘅咁油，light d。小食嘅牛油雞翼亦十分脆口，木瓜沙律係唔辣嘅，酸酸地，幾開胃。餐廳細細間，食物精而不濫，推介俾喜歡越南小吃嘅各位！

講起食越南野，識食嘅當然去細舖啦，前幾日同幾個朋友嚟到灣仔，食左個高質嘅越南簡餐。店子不大，只有四款主菜及四款小食共8款，專注地做好每一個菜式！價錢仲要好抵，當茶記都四五十蚊落樓時。。。。。會安生牛肉湯河 ($60)加左牛筒骨煲足一日一夜的湯底好鮮甜唔油膩，美國生牛肉薄切，放落湯底好快熟，但食落依然好嫩滑，金邊粉質感煙韌有彈性，湯頭飲完都唔會口喝！香茅豬扒法包 ($60)因為Kawai 喜歡澱粉質，所以對包包的期望比較高，越南法包係即叫即包，法包脆身，薄身的香茅豬扒炸到脆卜卜，隔油做得好所以唔會油淋淋，而且入面嘅配料夠多，塞到個包滿一滿，唔會話就住就住，令人食得好滿足！會安雞湯河 ($60)湯底同牛肉河絕對不同，呢個係清湯底泛著淡淡的雞油香，雞件用三黄雞，雞味濃又唔會肥淋淋，而河粉依然是煙韌有彈性，呢個價錢性價比唔低。鮮蝦豬肉米紙卷 ($40/4pcs)米紙卷入面包左大量的蔬菜及豬肉，大大隻鮮蝦好彈牙，配合泰式甜酸汁好開胃！店子不大，人流都不少，氣氛cozy感覺如在會安小食店食飯，好適合簡單食餐飯！最緊要抵食又好食嘛！