火鍋撚 (日富里百好大廈) (已結業)

環境5分：台式火鍋店格局，Ｄ燈籠好中國風，Ｄ畫有Ｄ潮。卡位最正，全部都有屏風隔開，打邊爐好舒服夠空間，可以畀五分。衛生5分：枱面有煮食餐具同紙巾，仲有十一款調味料任君選擇，好乾淨好企理，可以畀五分。服務5分：侍應生人手足，個個爽手唔囉唆，落單上菜加湯全部都好快，態度好好畀滿分。味道5分：1) 雙冬古法枝竹羊腩煲有筍，冬菇，腐竹，羊腩，全部分量都超級多，有成十幾嚿羊腩，咬落非常嫩滑。配左唐生菜非常新鮮，索曬羊腩煲入面Ｄ汁，非常之夾。2) 蓮藕片一樣索曬Ｄ羊腩汁非常好食。3) 香蒜粒炸魚皮好脆，用蒜蓉炒過零舍香口。4) 最後送杯腐竹糖水冰沙真係好特別。抵食5分：四百蚊唔使有一大煲嘅羊腩煲仲送埋生菜或者響鈴，食完全身暖笠笠，冬天火鍋必選，抵食一定滿分。

環境5分：高級台式火鍋店格局，地方大，中國風裝修有屏風同燈籠，位同位之間唔會太迫，前半部全部係長形卡位，可以坐2至6人，後面就有卡位同大枱， 畀大圍人一齊打邊爐，唔嘈，可以畀五分。衛生4分：枱面有煮食餐具同紙巾，一大盤豉油醬料都好乾淨，可以畀四分。服務5分：侍應生非常好人，落單上菜都好快，一路食一路會加湯，快手快腳唔囉唆，又好笑容，態度好好畀滿分。味道5分：1) 香蒜粒炸魚皮，呢碟嘢唔係出面食得到，好明顯廚房即叫即炸，用香蒜粒炒過D魚皮，一上枱熱辣辣，就咁食又嘢味，點湯食都好食。2) 黃金雞皮呢個都係出面未見過嘅，細細粒雞皮用咸蛋處理過，炸到好似薯片咁香脆，一Ｄ都唔油，送啤酒真係好正。3) 媽媽滋補老火湯鍋入面有雞肉，瘦肉，猴頭菇，紅蘿蔔，粟米，海底椰，紅棗，超多樣嘅材料嚟煲，未落食材之前已經飲左兩碗靚湯，然後叫夥記加湯先開始打邊爐，絕對真材實料好夠味。4) 加22蚊就可以有五塊大大塊嘅鴨血，冇騷味，食落軟軟淋淋仲好滑。5)  個巧手韭菜餃應該係自己包嘅，個皮又薄又軟滑，個韭菜餡好香好嘢味。6)  新鮮紫淮山，因為未見過紫色嘅淮山所以叫嚟食下，煮一陣食落口就感覺好多纖維，應該係非常健康

剛好今天大家都就腳，就約了朋友們於西環於火鍋撚打邊爐，火鍋撚於中環吃過數次，認真不錯，唔知西環係咪都咁正呢！原來都係正！🤭格調和中環差唔多，reception 都有一個兵馬俑。我們選了酸菜白玉鍋，有大量酸菜，新鮮番茄，薄切豚肉，鍋底還有寬條麵，味道酸酸的，非常醒胃。火鍋配料各款都非常新鮮。豚肉脂肪分布平均，一啲都唔嚡口。安格斯牛肉油花均勻，牛肉味濃，肉質軟腍不帶韌👍🏼呢個岀面好少有，叫牛黃喉，初以為是牛的氣管或食道，原來係牛動脈，食落口感很爽脆，挺特別。我們點了兩款滑，新鮮手打有光澤，食落又彈牙。牛骨髓新鮮軟滑，魚腐都唔差。魚皮鮮炸，大大塊，香脆可口。淥一淥就食得，很好味。最後仲有甜品送，有小丸子，芋圓同珍珠，煙韌有嚼勁，正！加二百仲有水煙，好香果味，很甜很清新。