蘇媽.蘇媽馬來西亞茶餐室 (已結業)

多年前幫襯過旺角嘅蘇媽.蘇媽, 一直回味佢地嘅咖吔多士, 今晚同朋友係尖沙咀shopping, 正值未到dinner高峰時間, 經過蘇媽.蘇媽唔洗排隊, 即刻入去回味食返餐!蘇媽.蘇媽尖沙咀分店劃分為兩個區域, 前廳為酒吧區, 後區為餐廳。兩個區域環境氣氛都大有不同, 餐廳裝修富有馬拉style, 整潔企理。蘇媽.蘇媽肉骨茶別具特色, 將肉湯同埋藥材味道盡量取得平衡, keep住湯頭清甜, 不被藥材味蓋過, 唔會有好重嘅藥材味, 更易入口, 而且肉骨茶仲係無限添飲, 超滿足!!【百吉爹肉骨茶(豬腳彎)】HK$58肉骨茶清香清甜, 有多件無骨豬腳, 豬皮彈滑有豐富骨膠原, 連帶少少軟筋, 某幾件仲連帶肉, 很有肉香。【高佬麵配雞扒】HK$72幼身炒麵彈牙唔硬, 伴有馬拉特色辣醬汁、花生、魚乾仔同埋溫泉蛋, 將所有配料撈埋一齊食, 配料豐富了層次, 個汁令味道更濃更香。煎雞扒大大件, 皮脆肉嫩, 意想不到的驚喜。【椰香咖吔多士】HK$38多士烘得金黃鬆脆, 夾住了軟滑牛油同埋咖央醬, 外脆內軟, 甜甜地, 椰香味突出, 大愛!【馬來西亞拉茶】HK$26賣相有特色, 面層有好多輕盈泡泡, 拉

中午見未到1點，經過蘇媽，未見太多人，門外見餐牌選擇都算多,有几款都啱食嘅，就嗱嗱臨食左先，免得到中午食晏時人山人海⋯環境闊落 ，地方清雅乾淨。午餐選擇都算多。亞參叻沙，青瓜、洋蔥，冇肉的，湯底味道酸酸哋，有少許辣，十分清新惹味，食素者最佳選擇。而宜食完後完全冇口渴感覺，係正嘅。午餐跟埋飲品，梗係叫馬來西亞拉茶哪😏食完仲想食甜品，咁就叫了一份咖央多士，多士鬆化，咖央夾牛油甜甜的，好食，唯一美中不足之處係多士凍左D才上枱，整體來講係唔錯，過多兩個月後經過會試多一次👍咁價錢及質素都值得encore😉

經過尖沙咀見到呢間餐廳門面裝修得幾高檔，望一望原來係蘇媽.蘇媽馬來西亞餐室，之前都食過呢間餐廳幾次，尖沙咀呢間係第一次食。檳城福建蝦麵：麵煮到軟硬適中，湯底濃郁得黎仍然有蝦既鮮味，蝦肉爽口既，腩肉肥瘦均勻，豆卜索晒湯底，好入味。馬來西亞拉茶：拉茶第一啖飲落口，即有喜出望外既感覺，除左有茶既香味之外，仲帶有一陣淡淡薑既味道，同茶香配搭得非常好。椰香咖央多士：多士係暖暖地，似係岩岩整起，牛油夠晒厚，加埋咖央醬，咬落口外脆內軟，牛油入口即溶。

行過蘇媽蘇媽就令人諗起去左馬來西亞嘅感覺, 即興入去大飽口福. 天氣熱辣辣先嗌杯凍馬來西亞拉茶嘆下, 唔會好似印度拉茶咁甜幾適合香港人口味. 椰香咖央多士外表脆而中間夾住份量不少嘅香噴噴咖央醬令人口水直流, 轉個頭已經食哂成碟, 必食之選馬來沙爹串雞＋牛屬於正常唔會燒得太乾, 最鍾意一邊點佢個沙爹醬一邊食. 一字骨肉骨茶亦都好跟傳統馬來西亞嘅做法, 除左一煲仔一字骨外, 額外仲有多一碗肉骨湯湯, 湯底有好濃藥材味, 一字骨大大條好多肉又好腍好有肉香唔駛加飯其實份量都唔少夠飽. 檳城福建蝦麵又係大大碗好足料, 湯底用蝦殼熬製, 所以又濃又香, 魚片頭配油麵都剛剛好夠咬口又吸收左湯嘅精華, 雖然之前嘅菜式令我開始飽但都好回味呢碗麵嘅味道

📍 蘇媽.蘇媽馬來西亞茶餐室 Kedai Kopi Semua Semua 🎗📍 尖沙咀 𝗧𝘀𝗶𝗺 𝗦𝗵𝗮 𝗧𝘀𝘂𝗶 • 加連威老道10號加威中心地下\ & causeway bay & mong kok & sham shui po & tsuen wan /〔 follow me on instagram @sikbaobaola ! ^^ 〕-Craving Southeast Asian cuisine? Be sure to check out < Kedai Kopi Semua Semua >!-Everything here is served hot AND fast, also delicious AND cheap!-Their [ Bak Kut Teh ] and [ Kaya toast ] are definitely must-try-s!Bak Kut Teh here is refillable. Don’t be shy and ask for refills if you like the hearty soup with a h

到蘇媽.蘇媽馬來西亞茶餐室吃午餐🥢， 今次到尖沙咀分店， 位於加連威老道10號加威中心地下。 店內充滿著馬拉懷舊風，午餐😋 ～ 砂煲老鼠粉$88、 檳城亞參叻沙滲滲$58、 椰香咖央多士$32、 馬來西亞拉茶$20。 📌砂煲老鼠粉🥘 ～ 有銀針粉、流心蛋、魚乾、蝦米、肉碎、豬油渣、辣椒和葱花，配料豐盛， 將所有配料撈勻， 口感豐富，鹹香十足。 📌檳城亞參叻沙滲滲🍜 ～ 滲滲是兩種麵條混合， 湯底辣辣地🤤， 惹味可口。 📌椰香咖央多士🧇 ～ 口感酥脆， 咖央和椰香的份量都很多✌🏻😋，很美味。 📌馬來西亞拉茶☕ ～ 拉茶有香甜的味道， 奶香味十足。 喜歡吃馬拉菜的朋友🥰，千祈不要錯過😉。

喺蘇媽蘇媽嘅一個下午，感覺好似去左馬來西亞旅行，除左佢裝修好有feel之外，佢當中有部分餐點，我覺得都值得一試。咖央多士平日我係唔食咖央多士，但哩個值得一食。佢特別嘅地方在於加咗斑蘭，令到成塊多士都好香，唔會得個甜字，而且多士烤得非常香脆，黎到一定要試下。馬來黑叉燒馬來黑叉燒食落甜甜地，燒得幾香，而且叉燒偏瘦，如果平日唔鍾意食太肥叉燒嘅可以試試，整體都唔錯。馬來西亞拉茶奶茶有香料嘅味道，幾特別，飲落唔會太甜。招牌砂煲老鼠粉老鼠粉上面再撈左啲魚乾、肉碎，仲有一隻半生熟雞蛋，食落普普通通冇咩驚喜。串燒串燒冇特別燒得香口，配埋沙爹醬，味道都係正正常常。玻璃魷魚配通菜通菜配左辣醬，上面放左灼熟左嘅魷魚，少少辣。

尖沙咀站📍蘇媽.蘇媽 x SO BAR-冬天好多時都想食有湯嘅野、暖野，之前去左蘇媽.蘇媽試一試馬來風味😋百吉爹肉骨茶-棒棒骨（$92）啖啖肉嘅肉骨茶☺️棒棒骨好入味，配合埋甘菇同埋豆卜都好正，最中意連埋湯一齊飲，暖笠笠！招牌砂煲老鼠粉（$88）見到menu寫「香氣撲鼻，必食之選」，當然吸引到我試下！味道係幾香、同埋有好多配料，好似豆卜仔、魚乾仔等等，的確幾惹味，老鼠粉短短一條，煙煙靭靭😋不過兩個人食黎講份量太多😹玻璃魷魚配通菜（$56）本身呢個菜係有少少辣，不過早兩日肚屙完，叫咗走辣。玻璃魷魚幾爽口，即使走咗辣都有少少汁，配埋通菜食都幾夾🤘🏻馬來西亞拉茶（$24）本身以為會好甜，飲落又OK喎！上面有綿密嘅泡泡，飲落都唔算太大杯。飲完肉骨茶黎講份量都啱啱好😋本身一坐低，已經俾咗兩碗肉骨茶俾我哋飲😜冬天暖笠笠都幾正！座位就唔算太寬敞，不過裝修都幾有馬來西亞風味。晚飯時間都多人等，所以食完都好快就走啦🐾