橫綱

营业中

休息中

冇得去日本食拉麵既話...我一定會黎油麻地橫綱止癮~!咁多年佢地都keep到水準...而且坐bar枱又可以睇住師傅煮拉麵...感覺好偽日本!~可能近年來受疫情影響...以前晚飯時間一定要排長龍食...宜家最多都係排15分鐘左就有得食~!

今晚放工去搵食，喺開油麻地，突然諗一間有20年冇去嘅拉麵店🥺。真係好耐冇嚟，入邊裝修嘅印象只剩得坐吧枱！今日我哋被安排坐一個卡位，環境尚算可以，我哋一坐低打開Menu見到入邊都有好多款式，價錢亦都算是合理。我哋一人叫咗一碗拉麵同埋都有叫啲小食。我已經好耐都冇食拉麵，我見到佢嘅櫻花蝦拉麵話有龍蝦湯底，我都即刻就揀咗呢樣，果然味道都足夠，而且湯夠濃亦都尚算足料。令一碗就係魚豚骨拉麵，其實男士如果唔算肚餓嘅話，一碗麵家啲小食應該都係夠飽嘅，佢嘅湯都係夠濃，麵亦係爽口 不稔哂咁👍🏼。兩碗麵來講質素尚可，但係小食來講就只係一般可以食可不適。😬整體因為店舖環境唔係大，所以我哋食完都立即走。整體而言價錢不算是很貴，所以都可以再encore 🫡

油麻地附近拉麵低調之選一入到場，已經有3張台等緊。比起那些膾炙人口的拉麵店排到死呢間反而係一個好好選擇店內拉麵有很多不同選擇。九州/博多/味玉/叉燒/魚豚骨等等。播放著不同的日本音樂。讓人抽離一下子吧。叫咗比較少見嘅魚豚骨拉麵習慣性拉麵一到都會先和一口湯好好好出色鯛魚的鮮味與豚骨的濃郁相得益彰，相互相承過多的魚味會腥過多的豚會油魚和豚肉的味道平衡平衡做得很好再來是麵算是大家平常都會吃到的那種麵體個人特地要求軟麵條吃來了口感很綿密，確有口感煮麵的功力十足另一方面，很掛湯每次撈起都伴隨著湯汁每一口都充滿魚與豚骨的香氣至於不足吧就是沒有大杯且凍的啤酒吧畢竟星期五的夜晚一個人一碗麵一杯大啤酒是很好獎勵自己的一種方式吧

提供探熱和酒精搓手液，店舖很細，環境較迫，要排隊等候。不設加一#櫻花蝦拉麵 $85配料有紫菜、溏心蛋、叉燒各一。濃蝦湯底，很香蝦米🦐味，重口味，偏咸。麵質有點像港式拉麵，幾好吃。但重味精～記得飲多點水🤣有調味料和水提供#魚豚骨拉麵 $85配料有紫菜、溏心蛋和燒肥豚肉。豚骨堅魚湯底，像燒焦柴魚味/中藥的感覺，味偏淡。肥豚肉好有味～不錯～#雞肉串 $40是燒雞排塊，很肥嫩。超多甜甜的燒雞醬😂竹纖都是醬料ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious

放工來到旺角油麻地附近，完全無計劃晚餐食咩好，只是定好要去佐敦「佳佳」食糖水 (正餐還未食，已定好甜品食咩好 @.@，什麼玩法)漫無目的，隨意地向佐敦方向行，經過救世軍時，見到平時好多人排隊的拉麵店，竟然無人龍呀﹗﹗﹗好啦，就呢間。去到「橫綱」門口，雖然無人排隊，但店內剛好坐滿，所以要先拎飛，我們排第一，先睇好Menu，好快就安排到位置了。店面不大，坐位有點逼，大家要坐得親密少少。師傅努力準備各款拉麵，無停過手。餐牌不算多選擇，但有拉麵/ 沾麵/ 小食/ 飯類定食，覺得已經好足夠。魚豚骨拉麵 ($85)選用了豬骨鰹魚湯底。湯底的鰹魚香味好濃，飲落質感較厚，豚肉一整塊，比手掌還大塊，好厚，肥瘦適中，燒得剛剛好，入口好淋，帶有少少豚肉油香味，但絕不會過膩，反而好惹味。拉麵軟硬適中，伴住香濃鰹魚湯底一齊入口，吸哂湯底的味道。元祖拉麵 ($79)可以選擇醬油、豆醬、辣味或清湯湯底。某人選了醬油湯底，相對魚豚骨拉麵，這個湯底無咁濃厚，幾片叉燒肥瘦比例剛好。可能因為較偏愛鰹魚湯底，所以覺得這個元祖拉麵較遜色。

話說每次想去橫綱食晚餐都會見到門口有大批人係度等候，由於冇咩耐性，結果遲遲都未試到。今次趁住假期下午茶時段嚟試下，唔洗等位，原來下午茶時段（3PM後）更有8折優惠，認真抵食！👍🏻👍🏻今次點咗個大熱嘅魚豚骨拉麵，個湯非常香濃，充滿鰹魚同豚骨既香味，不會太竭，我竟然少有地飲哂成碗湯。😋😋 糖心蛋很香蛋味，重點係豚腩，肥瘦比例非常好，表面略為煎香，咬落去陣陣豚油香味。呢碗拉麵真係值得一試再試。👍🏻👍🏻👍🏻

估唔到油麻地都有正拉麵食不過都幾多人，都等左大概20分鐘，不過都值得嘅！不過坐就唔係太闊落，上菜要啲時間，要有耐性。魚介豚骨拉麵個湯底勁濃，豬腩肉大大塊之餘，唔太肥又一啲都唔”鞋”拉麵一啲都無淋到，好爽口沾麵係加埋柚子嘅醬汁，加埋濃烈嘅湯底，好特別，每一啖沾麵都好入味最後個沾麵湯底可以加湯，都幾好飲，不過就有啲太鹹不過整體都抵食，個麵底真係好特別，正！小食就嗌左煎餃子，煎得好香，個皮又夠晒薄，沾醋食正呀！

呢間餐廳係男朋友介紹，佢細細個阿爸帶佢去食，然後覺得呢間嘅拉麵係超好食，人生最好食嘅一碗🤣 事隔多年，我同佢一齊重遊舊地，試下佢係咪仲值得做佢心目中既第一位👫晚市時間六點九左右去到，已經見到幾個人排緊隊，大概等左四個字就到我地入去啦入面有bar枱位，可以望到廚師係你面前煮拉麵。旁邊既四人座位就有啲逼同窄，枱面area好細，如果冬天去仲麻煩，大家着哂厚褸，每一下動作都要好小心我地各嗌左一個魚豚骨拉麵同沾汁麵，無記錯既話沾汁麵好似揀左蝦湯，唔係好記得仲有咩款可以揀～沾汁麵湯底好濃同埋都唔會好快變凍，可能同佢用既碗有關。蝦味好重，似係真係用左好多蝦去淆個湯咁。麵條掛湯能力高，麵條無因為浸湯而變腍。麵嘅份量都多，叉燒又有三四舊，好快就飽左。叉燒都係有燒香過嘅，所以見到有啲焦黑既邊另外一款魚豚骨拉麵唔係我食，所以就冇評論～ 當男朋友覺得水準依然喺度，值得再食下一次！

每次來<橫網>，必定試不同的菜色。今次也不例外，約了朋友下午6點15到左右，已經要開始排隊等，大約15分鐘後便到我們。我們便立刻下單 魚豚骨拉麵 和 牛肉拉麵!!牛肉拉麵之前試過牛骨味濃，今次特意介紹給朋友試，拉麵軟𥒏適中，質感亦不錯，朋友說很好吃，但本人喜歡吃硬身拉麵，所以只能說可以。牛肉是用肥牛薄切，口感不錯，適合喜歡吃拉麵的朋友們。魚豚骨拉麵第一次試，我喜歡吃硬身拉麵，所以特意叫硬身少少!濃濃的湯水浸入魚豚骨和拉麵。魚豚骨很大塊好像吃東坡肉的感覺，上層脆脆中間有點脂肪肉下層口感少少硬身又鬆軟，好好味的菜式。麵是硬身，口感一流，有點似在日本九州時吃的感覺。湯味不錯，而且有半隻蛋來配合，感覺不錯也滿足。這間店舖已經多年，所以定時來品嚐不同的味道，坐位雖少，但人流不絕。是我喜歡來的原因，因為師傅咁多年都保持水準~~但今次由落單到菜色來都有30分鐘以上時間，希望大家留意考慮清楚~才決定來試試~!

路經永星里，打開開飯網Apps搵食，排第一位嘅我冇興趣，於是揀咗排第二位嘅横綱。响門口迎賓嘅係位中熟啊豬媽，心諗：「唔係卦，我食拉麵喎，唔係車仔麵、雲吞麵喎，年輕新世代嘅潮流飲食，唔係應該由年輕人主理咩？」邊行邊猶豫之際，行到水吧淥麵位，望一眼淥麵師傅，當堂放心哂。肥仔奇獨門速辨掂與唔掂以貌取男人六字心法有云❝有鬚根，冇染髮❞，即係食力穩重廚房真漢子，唔係玩玩吓Hea做花𡃁仔。一場嚟到，好日都唔經過，梗係盡量叫多些少款式試吓咩料。邊睇邊諗之際，先至發現此店聘用啊豬媽原來大有妙用。原來行出行入，幾乎全是熟客，眾食客與啊豬媽之間話題不斷，一睇就知幫襯咗好耐。亦只有啊豬媽先可以帶畀客人一種無芥蒂嘅親切感。而且，啊豬媽主動斟茶、執碗碟、抹檯、落單、搭訕，工作效率與效果俱佳。滷蛋生熟恰到好處，滷得香甜。可惜蛋唔似係日本貨，輸咗啲蛋嘅鮮香味。筍尖嫩、木耳爽、香葱香，個麵底略有些少鹼水味，唔算突出。豚肉夠肥軟，滿油口香。湯底唔太鹹，確係有啲鰹魚豬骨味，但就❝好漏❞吓。跟餐細鰻魚丼。一句講哂：「响食拉麵嘅地方，千祈唔好好似我咁，無鬼聊叫個飯食，一定冇好下場。」日式叉燒做得標準，肥瘦均勻，入口有豬味。最

接近七時到達，馬上拿籌，起碼要等二十張，幸好佔據到有利座位，可以坐着等，等位期間店員亦會送上熱茶，服務體貼。結果我們等了一小時，八時入席。我們坐在看着廚房的位置，看着兩位師傅用摩打手製作拉麵，甚有系統，令人佩服！朋友和我都是大食之人，擔心只吃麵不夠飽，所以加了$32多要一碗迷你飯和一罐汽水。點菜後，飯很快送到。咖哩牛肉飯內的薯仔非常腍，咖哩很香，珍珠米香軟，牛肉並非薄片，而是腩位，好！而牛肉飯也真材實料，牛肉片很足夠，味道如預期。順帶一提，那飯碗極熱，燙手得很。我吃了元祖拉麵配醬油湯底($73)，拉麵爽口彈牙具嚼勁，醬油湯底濃淡適中，吃罷不會覺得口渴、重味精，叉燒軟滑不嚡口，果然是值得推介。朋友的魚豚骨拉麵($79)也很有質素，豬骨鰹魚湯底味道濃郁，沒有魚腥味，喝罷令我想起時興隆的魷魚片，哈哈！那片肉又腍又肥美，半熟蛋、配料都足夠。期待下次光顧，我已決定要試那兩款期間限定的沾麵和冷麵，因為看到同場顧客點了，才知道製作特別花功夫，值得一試。

講起呢一間橫綱真係有兩年沒有去食過，但是每一次搭巴士的時間經過都會見到長長的人龍。今日朋友話想去食，好我就你去，去到已經見到好多人排隧問朋友一定要食嗎?佢只有望住我講一句我想試。我地就足足等了45分鐘，真是一路等一路叫肚餓九洲拉麵，湯底是豬骨湯底味道非常濃郁，叉燒大塊又厚，肉質剛好唔會太淋，有少少的肥肉係最好的呢到比較特別的是九洲拉麵會有波菜，平時係出面食都不會有的。麵質方面剛剛好，唔會太淋。魚豚骨拉麵，豬骨鰹魚湯底的味道比九洲拉麵要濃，喜歡濃湯底的朋友一定係首選。豚肉的面層有烤過，味道會更香，咬落口啖啖肉。溏心蛋真係好出色，流心的感覺最後我地就只係食了15分鐘，但等就等咗好耐。餐廳的坐位比較少，想食的朋友仔真係要早少少去排。隊。

之前看食評，說自己在這間拉麵店排了25年隊，仍要排隊！心想：一定有過人之處吧。畢竟在香港這片彈丸之地，小餐廳要撐起一片天著實不易。星期天下午兩時，飄著綿綿細雨，我來到了橫綱。看到掛在門口的「大聲公」，手執特製「等位紙」，大概知道排隊機制如何運作了。店員會問你貴姓，叫編號的同時講埋X先生X小姐。靜靜地，期待著，等了半小時。「d人食完仲唔走架，仲影相喎，喂，真係唔走架喎！」門口一位女士開始按捺不住了，隔著玻璃指手劃腳。我輕笑，少年你太年輕了……橫綱老闆山本浩一從1987年開到依家，敢以自己民族國技「相撲」的最高級別來命名店子，絕對是帶著尊嚴和覺悟來的。屹立不倒必有原因，這碗拉麵，值得等吧！等了接近40分鐘，可以入內。店內是一張L型拉麵吧檯，和3張四人檯，店內裝修以木為主，已有點舊。剛好，我又坐在剛才叫囂的女士旁邊。「等咁耐乜都唔好食啦。」她坐下後爆出的第一句。其男伴一臉呆滯，沒有反應。我不以為然，點了魚豚骨拉麵($76)，加麵底(+$8)，再加了煎餃子($34)。加麵底只是($8)有125克，非常划算。不像其他拉麵店，橫綱不能自選湯濃淡、拉麵粗幼等。全部統一製作，理論上速度快一點。坐在L型

想食日本拉麵又要平、靚、正，晚上來了横綱。多年來也會不時來吃拉麵，水準依然。來到店門前外，人龍依然，等了約半小時。今晚我選了魚豚骨拉麵，而朋友選了味玉拉麵。店拉麵坐無虚席關係，拉麵製作時間也較長，待應也不時為我們refill 玄米茶。等了約20分鐘，待應終於端上我們的2碗拉麵。魚豚骨拉麵: 豚骨鰹魚湯底非常濃香美味，拉麵口感煙韌，半肥瘦厚义燒冧滑好味，入口即溶，荀爽嫩，溏心蛋非常美味。味玉拉麵: 豬骨湯底，加上粒粒义燒，配上雙份溏心蛋，蛋黄流心，蛋白美味!

一早聽聞橫綱需要早點去等位於是夜晚七點去到就等左大約九個字，其間店員好細心拎左Ｄ熱茶出黎俾我地呢個拉麵係用豬骨同鰹魚熬出黎😋碗內除左普通配料仲有一大塊半肥瘦既魚🐟魚肉輕輕煎過再放入拉麵 依然好香口好滑 好好味👅💦溏心蛋既蛋黄亦做到流心 好入味😋七十幾蚊食到一碗高質拉麵 好唔錯呀