米走雞 (昭德大廈) (已結業)

一早已經聽聞過米走雞的芝士雞煲很好吃，見今日凍凍地就約埋朋友一起去試下。餐廳全部都係卡位!所以座得好舒服。店員一座低就遞上餐紙讓可以我們揀選食物。餐廳都非常貼心！枱面貼好曬雞煲的食用方法和最佳配搭，而且十分清晰，值得一讚。我地叫一個細的黃金芝士雞煲和一些最佳配搭的打邊爐配料。黃金芝士雞煲：雞煲內有芝士碎、洋蔥、中芹、芫茜、乾蔥等配料！而且餐廳用咗5種芝士混合。如果你係芝士控的話真係絕對不能錯過呢個雞煲。煲左一陣雞煲的芝士開始溶化，一打開蓋已經聞到好濃烈的芝士味。而且芝士仲會拉絲！！！雞煲完全唔溜，味道令我們驚喜。雖然係揀左細的雞煲，但係雞件份量十足！而且全部都係雞脾肉。食完雞煲後可以選擇清湯/芝士湯打邊爐，而我地就選擇了清湯。特級雪花肥牛(大)：餐廳採用了本地牛隻，肥牛雪花紋路都很鮮明！牛肉質鮮嫩，牛味重但不肥膩。鮮炸響鈴：響鈴是鮮炸的都是配搭雞煲的最佳配搭！響鈴皮薄而其且色泽黄亮仲好吸收湯汁。正！手打五寶丸拼盤：手打丸每一粒都用料十足！非常彈牙有咬口，怪不得是餐廳必食之選。餐廳的食物質數相當不錯，下次一定要黎試埋火焰雞煲！！！

剛剛入秋，天氣開始轉涼，又是吃雞煲的好時候，不想找新餐廳，於是今天來了長沙灣的米走雞。米走雞招牌芝士雞煲，但今晚回歸傳統吃麻辣雞煲，火鍋配料選擇夠多，價位適中。火焰麻辣雞煲雖然今晚只有三個人，但仍叫了大份的麻辣雞煲，侍者上桌前先燃點起火焰，一股麻辣香氣撲鼻而來，一嚐雞件，舌尖立馬發麻，夠香夠麻夠辣，味道令人上癮，雞件份量多，肉質鮮嫩，注意雞煲會越煮越辣。特級雪花肥牛來一客大份的雪花肥牛，雖然是價位較便宜的一款牛肉，但質素卻絕不馬虎，沒有將貨就價，油脂分布恰如其分，厚薄適中，輕嚼一下，香濃牛味在口腔爆發。鮮炸響鈴店家自炸的響鈴，將之放入濃郁的湯底之中，吸收湯底精華，半軟半脆，口感豐富。鵝腸鵝腸肥膏醇厚甘香，腸身爽脆，非一般街外無味啤水貨色。蜂巢冰豆腐打邊爐遇上優質湯底，必須來一客凍豆腐，早早放入鍋底吸收味道，一口咬下，湯汁在口中蕩漾。

一直以來，天氣冷和打邊爐食雞煲就是對等的關係。雖然香港人一年四季都會打邊爐，但在這麼寒冷的天氣下烚下烚下，那感覺真的完全是另一番體會啊！自從上一次在長沙灣區發現了平價的優質西餐後，我們改定再到同區尋找美食。今次要試的新餐廳是米走雞，主要是因為看到網民對這間餐廳的評價都是十分正面，而且價格又不是很貴，所以我們便決定試一試。餐廳位於青山道，距離地鐵站有一點遠，但都是容易到達的。我們在A2出口走過去，順道看看還有沒有其他餐廳可供選擇。但天氣太寒冷的關係，我們都是快步走到餐廳罷了。可能是星期一的關係，店內不算是太多人，店員主動安排了四人卡位給我們，真的很好。因為我和朋友都穿得很擁腫，坐四人座位就可以坐得舒服一點。餐廳主打芝士雞煲，幾乎每枱客人都點了，濃濃的芝士味充斥在整間餐廳。可惜我和朋友都怕食完芝士雞煲後會太滯，所以還是選了傳統的麻辣雞煲，另外再追加了鮮炸響鈴白鱔片竹笙蔬菜和四拼餃。無多久店員就為我們送上食物了，整體賣相都十分整潔乾淨。然後，店員熟手為雞煲點火爆炒一下雞件，一陣陣玫瑰露的香味不時傳出，非常吸引。雞件有別於坊間所用的原隻雞，反而是用上雞腿肉，食起來啖啖肉，非常滋味。用玫瑰露爆炒

這晚放工後跟同事來到米走雞，實在太想嚐嚐這出名的黃金芝士雞煲！本來怕芝士雞煲的配搭會很膩，但吃過後便覺得味道很不錯，有濃濃的飽意但卻不會太滯。最近幾年興起雞煲打邊爐，我們這晚選了黃金芝士雞煲（小），有二至三人份量，再另選火鍋配料，包括魚皮餃、特級雪花肥牛、生菜、出前一丁、鮮炸響鈴，足夠滿足我們得胃口！除了雞煲，餐廳還提供傳統的火鍋選擇，而火鍋配料選擇也非常多，包括海鮮、肉類、蔬菜菌類、丸類、手打鮮製食材、麵食。粒粒芝士鋪滿雞件上，溶化後的芝士變得綿密，有拉絲般的狀態。雞塊被芝士包圍，味道很惹味吸引鍋中的雞件大約有十多件，啖啖肉！加了湯後我們便可以開動吃火鍋了！特級雪花肥牛份量也頗多，脂肉分明，入口綿綿好吃。魚皮餃餃皮很煙韌，餃餡多汁！響鈴吸收了香濃的芝士濃湯，芝士控表示非常滿意。出前一丁煮至半熟煙韌，放下湯中如芝士撈面，回味無窮生菜也新鮮好吃。這晚我們聊得很開心，餐廳環境和座位也很舒適寬敞，通風不錯，是滿足的一晚！

我又黎喇今次為了方便朋友放工過來，所以選擇長沙灣分店。數數手指，米走雞的太子，觀塘，長沙灣分店都去過了，現在只差銅鑼灣分店還未去過，下一次等我去埋先，哈哈!! 不知不覺間做左粉絲添～一進入店舖，感覺整潔乾淨，餐具已一早整齊擺放好～我跟朋友都不吃辣，所以今次都是點黃金芝士雞煲(小)～焗了一會，員工告知可以吃了，一打開蓋子，雞件上全是滿滿的芝士，紫洋蔥，份量十足，雖然吃過幾次，但看到這個畫面依然非常興奮還有這個拉絲畫面，超級邪惡但我不客氣啊!!雞件選用雞脾肉，肉質嫰滑，一定不會鞋口，加上雞件沾滿濃郁香滑的芝士，份外美味，即使吃完也不會覺得好漏，芝士控必定喜歡💕吃完芝士雞煲後當然唔夠喉，加了芝士湯轉做火鍋，雖然雞件份量蠻多，但無阻我們再點火鍋配料～自從在米走雞吃過牛頸脊後一直念念不忘，每一次都必點新鮮牛頸脊(小)，今晚也不例外另外，點了鮮製四拼餃，鮮炸響鈴，出前一丁加兩杯飲品～嘩⋯⋯最期待的牛頸脊出場!!牛頸脊脂肪分布均勻，入口即溶，牛味十足，真心推介 食肉獸一定會愛上～ 而鮮製四拼餃有不同的包餡，滿足各人需要～鮮炸響鈴比平時吃到的大很多，響鈴吸收芝士湯後，好吃到不得了!此時已開始飽肚，但輪

星期一去咗長沙灣道買啲嘢,跟住經過有間火鍋店見到有好多報道貼左係間鋪頭嘅門口,所以停咗喺度望咗陣。見到好吸引，所以走左入去食火鍋。呢間火鍋店出名係黃金芝士雞煲。但係因為我朋友話芝士會太膩，兩個人食唔晒，所以我哋叫咗去另一種特色火鍋-火焰麻辣雞煲。估唔到佢哋呢個麻辣雞煲都好有特色，因為首先佢哋要煮滾咗個雞煲，跟住點火落啲雞度，好似用明火咁樣燒下燒下跟住再落啲辣汁落去煮煲等多一陣。嗰啲麻辣雞香味就已經係一震震咁樣一漂入我個鼻嗰度啦。其實我已經急不及待想食架啦。但係個服務員叫我地等多陣，因為啲雞未熟晒。等咗一陣服務員一打開嗰個蓋，我就即刻夾咗嚟食啦。其實個雞都幾滑，唔錯。同埋佢嗰個麻辣醬汁我覺得真係幾香濃架，好味。之後我哋叫咗好多嘅食物，重點要講講佢嗰個韭菜餃同埋牛肉片，真係一絕啊！記得一定要叫！總括嚟講呢間鋪頭個環境唔錯又乾淨又光猛，仲坐得幾舒服添。啲服務員態度又非常之和藹可親，同埋就算幾忙都係笑笑口咁架。咁都真係幾好嘅，因為食火鍋最驚就係見到啲職員黑口黑面架嘛。以下就係我地叫嘅嘢食：鮮炸響鈴$48-呢個自家製嘅鮮炸響鈴，非常之脆，好有口感，因為比一般嘅係響鈴厚少少，仲有香香地嘅豆香味。鮮

這天朋友相約去吃雞煲, 但地點選在長沙灣或荔枝角, 正好想起常去的這家米走雞於長沙灣亦有分店. 米走雞是我最愛的一家雞煲專門店, 既然就近有分店自然是我的必然之選. 這家分店於長沙灣地鐵站走大約5分鐘左右便到, 店面是2個舖位相連. 長沙灣的這家分店應該是比較前期開店, 裝修較簡單及中式化, 但地方尚算整潔. 餐牌的食材價格, 種類與其他2家分店相同. 幾款喜愛的特色食材均可選擇. 來米走雞已有3,4次, 但最近3次都是吃麻辣雞鍋的, 有人愛點芝士雞, 這次也不例外地點麻辣雞. 較為失算的是帶了一位不蔥不蒜不芫茜的三不朋友, 只好著店員另上這些材料. 幸好的是這裡的麻辣鍋做得頗出色 雖沒有蔥蒜芫茜的輔助, 雞煲的味道還是很不錯. 而且這裡也是有店員代為控制火候, 雞件控制得剛剛好而鮮嫩. 以味道以言, 這家是我吃過最好的麻辣雞煲. (最好的方法當然是不帶這類型的三不朋友.)第一款先吃的是黑蟹子墨魚滑, 先把黑蟹子均勻撈進墨魚滑裡, 稍稍灼2,3分鐘便輕易灼熟. 肉質彈牙有鮮味, 不錯. 白蟮片切成薄片"起雙飛", 這樣的切法讓白蟮灼的時間較短而且較爽脆彈牙, 可惜點了一碟後已沽清, 只

天寒地凍，一班朋友打邊爐是最合適不過。這晚，Mr.Cuisine一下班就被朋友即興約了出來。我們一行四人來到這間位於長沙灣的米走雞，這家店的名字，起初聽以為是米酒和雞。但原來並非如此，米走雞以芝士雞煲打出名堂，一般的芝士火鍋就吃得多，芝士雞煲還是頭一回吃。平常和朋友吃雞煲，通常都是指麻辣雞煲，選好辣度，大家吃到滿頭大汗，然後就加湯和花膠，再吃其他配料。對於芝士雞煲，Mr. Cuisine十分期待，因為我很欣賞創新精神，那種未知和神秘感非常吸引，相信大家都認同創新是進步的靈魂。來到米走雞的門口，我們看到店面的玻璃上，張貼了不少名人到訪的合照，相信合照中的兩位年青人就是老闆，實在年輕有為，而合照當中還有志偉哥。而令我們意想不到的是，米走雞的地理位置不算十分優越，但門口也有不少人在輪候位子，可見受歡迎程度很高。這裡有訂座服務提供的，可預先用即時信訊軟件訂座。但由於我們都是即興而來，所以一起加入排隊大軍。我們一邊排隊，一邊和友人聊天。約十五分鐘就到我們了。進入店內，米走雞的環境舒坦、整潔衛生。桌上鋪了餐桌紙，相信是專為Mr.Cuisine這些論盡的食客而設。而餐桌紙上還有芝士雞煲的吃法介紹：先

今次終於可以一嚐米走雞的招牌芝士雞煲，真係非常期待，已經心思思想食好耐。其實之前都食過呢度的麻辣雞煲，那時我都已經大呼好食，可以選擇不同辣度，而且份量十足，剩係雞煲都食到飽，配料選擇又多。呢度有啲配料仲可以選全份或半份，比啲人數唔多，但又想食多幾樣配料可以多啲選擇。而今次就點左黃金芝士(小)一落單個芝士雞煲就好快黎到，煲緊的時候，見到好多芝士係入面熔緊，睇見就好想快啲食。終於都等到芝士煮熔晒，一打開蓋，芝味撲鼻。啖啖都係雞肉，雞肉嫩滑，而且每件雞肉都沾滿了芝士，就好似食緊瑞士芝士火鍋一樣。大讚！當食完雞後，就加湯打其他配料，唔好以為係普通清湯，而係芝士湯，所以芝味有增沒減。感覺即時又變成食中式火鍋了，一個雞煲兩種不同感覺的食法。其實食完雞煲都開始覺得有少少飽，但依然想繼續食，所以都點了幾樣半份配料黎滿足我的食慾。極力推薦蜂巢冰豆腐、蟹柳，真係好食，又滑又甜，吸埋啲芝士湯好正。竹笙墨魚滑又鮮又爽口彈牙，外面包住竹笙都幾特別。仲有新鮮牛頸脊，煮完好滑好爽一啲都唔韌，而且牛肉味沒比芝士搶走。其他配料都非常好吃。鮮炸響鈴，煮10-15秒就剛剛好，外軟內脆，吸埋芝士湯簡直一級棒。炸魚皮非常香口，