○de▽ 鯛白湯らーめん

营业中

休息中

又去咗試座銀旗下第二個品牌嘅拉麵— Ode鯛魚湯拉麵，鋪頭只係賣三款拉麵，分別有鯛魚白湯拉麵，鯛魚清湯拉麵，和鯛魚沾麵。本身好鐘意飲魚湯嘅我，未食已經好期待😍 不過太夜去到，想試嘅鯛白湯已經賣哂啦🥹如果大家想有多啲選擇，就要早啲去啦。🍜 鯛魚清湯拉麵（$138）👅:84.23分由於係清湯嘅關係，會好直接品嘗到鯛魚的鮮味，但味道上相對較單一。魚肉以粒狀呈現，最欣賞佢加咗紫洋蔥同好香口嘅炸魚皮，增加整碗拉麵的層次。🍜 鯛魚沾麵（$148) 👅:95.72分沾麵的碗底放了乾冰，上檯時會帶有煙霧，除咗加強視覺效果外，仲可以保持麵條爽滑。湯底係好濃厚嘅魚肉同豚肉雞白湯，味道不會過咸，飲哂全碗湯都唔會覺得膩。配料方面有日式叉燒粒、筍，魚肉，但份量唔算多，麵嘅口感似刀削麵，帶點煙韌，好掛汁，幾鐘意！環境: 👍👍👍👍回頭率: 👍 👍👍👍訂座: ❎等候位置時間: 星期日夜晚8點到，等待半小時

今日同fd去左呢間聽聞用鯛魚熬製的湯底拉麵，入到去鋪面不算大，但都坐得舒服。最好坐bar臺可以望住師傅處理的過程，可惜無位。叫左清湯，飲左啖湯幾清甜，再來炸魚皮蘸個蠔醬都好食，拉麵普通無特別，至於叉燒我個人覺得鞋，總括來說都唔錯，可以再去。

這店是座銀的姊妹店，座銀的雞湯底令我印象深刻，想着也回味，所以急不及待想試這裏的鯛魚湯底是否同樣出色店面很細，同時只能容納20人左右，所以經常會見到人龍在門口排隊，為方便人流，所以進入店內前都會先點餐和付款，減省時間，這裏值得一讚剛好坐正看着師傅烹調，他們都很專業，步驟乾淨俐落，完全沒有讓客人久等，坐下沒多久就有食物端上來了原本想點最濃郁的沾麵，可是當日已售罄，所以試次濃郁的鯛白湯拉麵黃色那pat是柚子醬，是用來減淡油膩感的，與湯底混和一起吃是挺清新的配料有魚碎和义燒，這裏的叉燒和座銀一樣很好吃，很嫩很鬆軟可惜的是鯛魚湯沒有很出色，和平時自己煲的魚湯差不多，比它出色的魚湯拉麵已經心裡有數粗幼適中的麵條男朋友為了魚皮而點了鯛魚清湯，雖然湯底頗清，但個人覺得比鯛白湯更濃郁這裏的味道其實不算差，但有選擇之下，應該不會再來吃第二次了。

評分：🐷🐷🐷🐷（5🐷滿分）作為座銀既姊妹店，開業無耐已經有唔少人慕名而來。今次難得去朝聖，一心想試吓佢哋嘅招牌鯛白湯，但係...食唔到😐得番清湯，都有少少失望。鯛魚清湯🍜印象中香港又真係冇乜以魚作為湯底嘅拉麵，今次亦都係我哋第一次試魚湯拉麵。湯好清，雖然冇咩複雜嘅口味，但係好有魚嘅鮮味，一啲都唔腥，另外再加以鮮蠔而製嘅蠔油，鮮味就多左一分層次。麵就略偏淋，都係中意座銀既麵質多啲。但要一讚佢哋嘅炸魚皮，雖然已經經過油炸，但係外表依然能夠見到魚皮嘅紋理，脆口得來一啲都唔粉，仲保留到原味，非常好。