金鶴拉麵 (閩街)

营业中

休息中

有時屈係一個地方太耐，真係好想抖下。香港人就好鐘意衝出HK, 周圍飛下食下野買下野出唔到埠，食拉麵止下隱都好 極濃雞白湯拉麵有叉燒，慢煮雞胸＆半隻溏心蛋。個湯底好好飲雖然濃，但唔會令人覺得好「漏」，會一直想飲落去 炸牛蒡好甘香，浸入d 湯度食，等佢吸收左湯汁，食落味道又另一個昇華叉燒我唔好，所以俾左友人食。重點係果兩件雞胸，一食驚為天人真係好好味，d肉好嫩，完全同平時食開雞肉嘅纖維唔一樣。而且佢嘅調味適當，仲食到鮮雞味 當然成碗麵最重要嘅拉麵都冇失威，麵軟硬適中，配合熱辣辣嘅湯入口一流鰻魚飯友人食左覺得幾大份（其實佢叫左最大果份囉😅），味道唔錯，不過佢話今次果碗湯好淡，就好似用清水煮嘅一樣 所以佢冇飲到。之後再黎就食左 鹽味拉麵配料同之前係完全一樣，只有湯底唔同，清清地 當然，雞胸都仲係咁好食晚市仲會送甜品，食埋已經好飽，個胃暖笠笠滿足Ps. 侍應fill水都幾密，店舖擺設企理整潔

一向都覺得座銀嘅白雞湯拉麵好好味 之後睇食評見到呢間嘅白雞湯拉麵好似個賣相同座銀一樣, 食評又好好, 價錢方面好似仲平少少, 所以諗住去試一試~有食過座銀嘅朋友, 都知道一碗白雞湯拉麵大約$138, 見呢一度有$98一碗白雞湯拉麵仲有糖心蛋半隻附送, 一心諗住試吓呢一個平啲嘅version睇吓有咩分別 不過佢呢度仲有一個極濃白雞湯拉麵 ($138), 店員好推介所以我同男朋友都覺得可以試一試 同埋我知道呢度好出名一個鰻魚飯所以都叫咗一碗嚟試一試~碗麵嚟到嘅時候, 其實我覺得個賣相真係同座銀差唔多(雖然我男朋友話其實一睇就知爭好遠🙈)不過當我飲第一啖湯就知爭九條街 個湯底完全飲得出係廉價嘅忌廉湯😓 平時去座銀就算食唔晒個麵都飲晒湯嘅我, 飲咗兩啖湯都已經唔想再飲 個炸牛蒡我男朋友話見到其實佢哋一早已經炸好咗, 所以凍哂不過公道啲講句, 佢其他配菜都多嘅, 例如木耳絲, 蒽, 筍等等之後個鰻魚飯都嚟啦~ 都還可以啦, 鰻魚舊肉都好厚切, 不過啲米就麻麻哋, 雖然好似係聲稱用日本米, 不過就食唔到日本米嗰隻粒粒分明好有咬口嘅感覺 仲要留意番係$238...如果係$98我就會覺得都幾好食會再食

今日同女朋友在佐敦舟車勞頓，終於有機會到附近的金鶴拉麵嘗試！😋我哋嗌左金鶴雞白湯拉麵，即燒鰻魚飯，煎日式餃子，炸雞，以及溏心蛋。先講金鶴雞白湯拉麵，呢個拉麵嘅重點係個湯底，煮了超過6小時，入口像忌廉咁幼滑但濃郁，但係係食落又非常之清甜，一啲都唔覺得膩，好味道。另外佢亦有200%極濃雞白湯拉麵，希望下次可以一試。🤗然後重點係燒鰻魚飯！據我所知燒鰻魚有兩種方法，一種係好似喺日本食到嗰種燒到脆嘅，另一種係肉比較厚身，食落非常腍而且啖啖肉，呢度既係後者。等左廿分鐘，黎到即刻一嘗，我都唔識講啦，真係好好食！鰻魚肉超過1cm厚，醬汁惹味，食落極之滿足，飯粒粒粒分明，好！😋三款小食味道都唔錯，我覺得個鰻魚飯同雞白湯拉麵麵已經足夠叫人一試再試！😎

認真講，我係香港冇食過比呢間更好食既鰻魚飯！呢間野認第二真心冇另一間可以第一，同我係名古屋食過既鰻魚飯絕對有得比！鍾意食鰻魚飯既人我個人覺得必食呢間。佢呢度既鰻魚飯點解咁好味呢，首先，佢係即叫即燒既，佢用一個爐特登去燒鰻魚，同我地平時普通餐廳食果d已經高出唔止一個檔次。所以去食果時記得早d叫鰻魚飯，因為製作需時。佢呢度d鰻魚係特別靚既，d油脂比例根本係人間極品，咬落去係滿滿既幸福感覺。秘制鰻魚汁加上超肥美既鰻魚，根本冇得輸。另外我會推介既小食係明太子雞翼，佢真係塞滿哂明太子同埋整得非常好味又足料。

星期五就7點去食⋯竟然唔洗排隊點左個雞白湯麵、鰻魚飯、黑豚串、鰻魚串、手工啤酒🍻先黎雞白湯拉麵⋯唔錯！麵質岩岩好、唔硬唔淋⋯但炸牛蒡唔太岩我食。手工啤酒麥味重⋯好飲之後就黎鰻魚飯⋯脆身彈牙整體係值得去試既。

今日睇完戲，我們就早早去食晚餐。今日決定食金鶴拉麵，好多人like的日式料理。6點開舖，竟然排長龍，厲害呀！可見口碑好好雖然唔算好大，但環境都幾好，有吧枱有正方枱選擇，地方乾淨又別緻的日本風格，而且服務員態度好，入到去就即刻問飲熱或凍茶，服務周到又友善，每次上菜收碟都會先同客人講、主動添茶；每張枱放了餐單及獨立包裝的濕紙巾，可以讓客人先抹手才開始食，更衛生殺菌我們點了一個招牌白雞湯拉麵、活鰻魚蒲燒飯及一枝山梨縣產桃果酒（招牌白雞湯拉麵）招牌當然一定要試啦！一開始當然要飲湯先，白雞湯好濃郁又唔咸，原來是用赤雞慢慢熬湯，好香濃好重雞味，鮮又唔會口渴； 好足料，有2片厚身又軟腍有黑椒入味的雞肉、有粒粒正方的肥瘦均勻又香口的豬肉粒、2片香滑有口感叉燒、半隻好靚的糖心蛋、配菜有洋蔥粒、香蔥；當然唔少得好搶眼又有藝術感的炸牛蒡絲，好脆口好特別，見師傅好純熟的技術炸好牛蒡，我覺得單食脆口同點湯的口感各有特色，都咁美味可口（活鰻魚蒲燒飯）鰻魚是我的最愛之一，選擇這間是因為這個鰻魚飯太好了，即叫即燒鰻魚！一個套餐包前菜：涼拌日式豆腐、鰻魚清湯及一盒日式盒子放著的鰻魚飯。涼拌日式豆腐：清清的、滑滑的豆腐配

服務好貼心、好細心，一坐低問我地想飲熱茶定係凍茶！女侍應見我整親隻腳，仲安排一個比較舒適嘅位俾我地。好鍾意呢度嘅日式裝修，特別係行去廁所呢個位，鋪晒石春，設計好有心思。餐前小食我哋叫咗明太子雞翼同埋日式煎餃子！主菜就梗係叫呢度嘅招牌雞白湯拉麵同埋活燒鰻魚飯！師傅就係我哋面前即叫即燒鰻魚⋯先來日式煎餃子：新鮮熱辣送上枱，一邊煎得香脆又唔乾明太子雞翼：雞翼炸得好香口，裏面塞滿大少少辣嘅明太子，好惹味第一個嚟嘅主菜係雞白湯拉麵：造型已經好得，有師傅喺面前炸嘅牛蒡、半隻溏心蛋、兩片慢煮赤雞肉、兩片黑豚肉，仲有蔥絲同埋木耳絲識食拉麵，第一時間梗係飲一啖湯先啦雞湯濃厚，但係一啲都唔油膩，飲完唔會口乾，亦都冇豬骨湯咁滯咁飽，試過呢度雞白湯拉麵，我從此冇咁想食豬骨湯。兩塊雞肉你唔好睇佢個樣白烚雞胸咁，咬落又嫩又滑，比起兩塊（畀啲蔥隱藏左嘅）豚肉更加出色兩塊豚肉烤過的，幾香又唔肥膩活燒蒲燒鰻魚飯：黎到真係嘩一聲，鰻魚成塊扒咁厚，個皮烤到脆脆的，連埋醬汁真係一流，好食旁邊有個鰻魚清湯、有一件魚肝響裡面；嗰個小碟係芝麻蘆筍。

上網睇到佐敦有新開日本食店，見到有買一送一優惠，特登黎試下！店員一開始就介紹曬個餐牌比我地，誠意十足！首先就叫左個店員推介既雞白湯拉麵個湯底好好味，唔似味精湯，真係可以食完麵飲埋佢！雞肉經過慢煮，好軟熟，唔似平時食果啲雞胸肉。因為買一送一既關係，叫多個醬油拉麵試下，味道都幾好，不過無雞白湯果個咁正。仲有壓軸既鰻魚飯，用日本活鰻魚以炭火燒成，鰻魚肉好厚身，味道好好。199就食到呢個質素既鰻魚飯都好抵環境都幾好，女朋友力讚個廁所好乾淨，要去！