上海婆婆336 (iSQUARE國際廣場)

营业中

休息中

店舖環境衛生，通道寬躺，半開放式格局，而且十分寧靜。一到達上海婆婆，店內都有七成滿，無需等位。服務員態度唔錯，有禮貌。今日晚餐點左五個菜，由點菜至上菜只需要2分鐘。所以我稱之為超音速滬菜。

大愛上海菜的我，今天正值下午茶時間經過iSquare，看到上海婆婆336，又想再吃上海菜。原來336象徵上海別墅的門牌號碼，諧音為上海話的謝謝儂，難怪整間店都充斥着謝謝儂。木製的桌椅以及灰色的牆身，開放式的店面，感覺比傳統嘅店較時尚。入面座位超多而且很大，我們被安排坐窗邊的沙發位置，十分寬躺舒適。硬身的菜單，內裏應有盡有，款式很多。先來2杯茶，味道不錯，而且店員加茶亦很快。冰鎮醉黃油雞 $82醉雞，幾乎每次食上海野都會點。今次比較特別，因為醉雞面頭鋪左用酒做嘅冰，令雞可以更長時期保持凍既口感，所以食既時候"醉"味更突出更持久。黃油雞夠嫩口，而且骨唔多，整體唔錯。336上海小籠包 $38皮薄饀靚嘅小籠包，輕輕咬開小籠包嘅皮，大量肉汁流出，味道鮮甜，小籠包內的豬肉份量亦充足，配上少許醋吃，令味道更加突出。阿蘇大籠包 $32小籠包食得多，大籠包真係未試過。成個手掌咁大既大籠包望到裡面勁多汁。店員已經預先準備好食用工具 - 飲管。先係大籠包開個窿，插支飲管入去，啖啖上湯流入口中，從未試過食小籠包有飲之不盡既湯。記得慢慢飲，因為入面嘅湯好熱，飲完湯之後再食埋個包，真係一大享受，不過包皮凍左會變硬

可能因為尖沙咀實在太多美食了，原來，iSQUARE 開場多年，BeautySearch 也沒有停留在這裡的餐館進餐，Sogo 感謝祭，在尖沙咀Sogo 搏鬥過後，便在附近找地方吃晚餐，途經 iSQUARE 時，忽然想起，好像從沒在這商場覓食，於是便來 iSQUARE 探索一下！最後，我們揀選了一間既熟識，又新穎的餐廳《上海婆婆 336》。為何我會這樣說？因為，大家對《上海婆婆》相信一點也不會陌生，不過，原來加上「336」後，「婆婆」竟搖身一變成了型格的「少女」呢！《上海婆婆 336》佔地數千呎，裝潢新派有型，有點像西餐廳，而且還帶有點點工業風格，店內以你鎢絲燈膽作點綴，令環境有點昏暗，再搭配水泥牆身、鐵管、及時尚擺設等，我又怎能不說「婆婆」已變成「少女」呢？天氣這麼炎熱，涼拌是最佳的前菜，來品嚐上海食餚「涼拌皮蛋豆腐」又怎可少呢！薄切的豆腐帶點清涼，口感細滑；皮蛋香軟，濃郁的皮蛋搭配清淡的豆腐，還有那醬汁，略帶微酸，食落就更為開胃，是絕佳的中式涼拌。「干貝賽螃蟹」味道屬淡淡的，有食開賽螃蟹的都知道這道菜餚是沒有螃蟹的，相傳是當年慈禧太后突然想吃螃蟹，偏偏不是螃蟹盛產期，御廚突發奇想做出

晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又

小弟家住美孚，曾幾何時都有一間「上海婆婆」，其實質素都唔差，裝修又夠時尚，不過，最後都結咗業；亦曾經幫襯過牛頭角道淘大商場嘅「上海婆婆」，仲記得一大班人食得好滋味添。今回老友吹雞叫開飯，地點喺嚟尖沙咀國際廣場嘅「上海婆婆 336」，知道佢喺「上海婆婆」嘅副線，針對年輕朋友，當然好有興趣啦。又再次掹住食友衫尾，小弟就老實不客氣，多謝老友請客！查實都未嚟過上海婆婆336，嚟到先知咁唔同，一反傳統老派滬菜店嘅格局，若非門口有大大個招牌，否則都可能以為自己搵錯地方。餐廳嘅用餐區以環形設計，正正中間喺廚房，近門口左邊嘅卡位似足西餐廳，而近門口另一列吧位已夠晒有型，繼而再進入大廳，不規則花紋地磚搭水泥地、水泥牆身、鎢絲燈膽、木枱木椅，懷舊得嚟型格唔老套。最意外喺晌尖沙咀依啲黃金地段，枱椅排得一啲都唔密，所以，坐落輕鬆舒服。主餐牌印刷精美，分門別類有齊冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品，選擇過百款，可謂一應俱全。除咗有列明一啲「本店推介」，等大家減少選擇困難，仲有一啲「辛辣」提示，而部分菜式又有圖片以供參考，確實喺依家對食肆嘅要求。雖然，上海菜嘅基本特點

早前，我到訪尖沙咀 iSQUARE 國際廣場7樓的 <古法烘焙> 試食其出品；然後，我沿扶手電梯走落每一層，經過 6 樓的 <上海婆婆336> 型格裝潢，令我印象深刻！ 恰巧！4月尾那天晚上，謝謝食友 Annie 邀約，跟好幾位相熟的食友來到 <上海婆婆336> 品嚐上海菜！  可是，我在 iSQUARE Lobby 那層等兩部 lift，也等上起碼 3 分鐘！怎料一部 lift 不停那層，而另一部 lift 卻 full 了！  建議大家在 MTR 那層搭 lift 或沿扶手電梯逐層走上去。這間分店佔地四千多呎！   以上海菜館來說，確實很大！環境寬敞舒適，空間充裕！  鎢絲燈配合木餐桌椅子，別具一格！牆上黑板的粉筆圖案也是人手繪畫，(店方以光油之類物料塗層，以免弄花圖案) 更加入型入格！  另設有吧枱及卡位，迎合不同食客！型格裝潢佈置有別於其他 <上海婆婆>！原來有「336」的 <上海婆婆> 是新支線！怪不知風格也較為突破不同吧！  此外，「336」是上海話「謝謝儂」的諧音，謝謝的意思，別

早前去咗I Square的上海婆婆336食晚飯, 這是我首次來這裡.首先來一個冷盤 -蒜泥白肉. 平日我多數是食肴肉, 今次想試下其他款式. 肉吸收晒D汁, 加上這個汁帶少許微辣, 好啱夏天食, 好醒胃.接着, 我地叫咗黃金炒飯, 一上枱已經聞到好香.雖然配料唔算太多. 但飯的硬度適中, 每一粒米都沾滿蛋.另外, 我地點了砂鍋粉皮魚頭湯. 我去食上海菜多數點砂鍋雲吞雞, 但我見到這個魚頭湯幾特別, 所以點了.個魚頭都幾大個, 加上配料有豆腐, 粉皮, 菜, 全部吸收晒魚的鮮味, 魚湯尚算鮮甜. 而且魚肉都好滑. 這個配炒飯最啱, 可以中和一下.最後, 當然要食埋個甜品先完滿. 我地揀咗香蕉高力豆沙. 這裡的高力豆沙SIZE較細, 豆沙不會太甜, 所以每日兩件都唔會太多.