東寶小館 (已搬遷) 新店位置

東寶給我第一印象就係環境極 “嘈” 😆，根本無辦法同自己同枱的朋友傾偈。但係佢嘅食物水準確實很得，夠鑊氣，有風味😋😋 即使在台灣的朋友都告訴我，有機會過來香港，一定要我帶佢去東寶吃。戰鬥碗是東寶的招牌🍻🍻南乳炸豬手，炸得夠香口，不過南乳不夠濃黃金蝦，虾好新鮮 又大隻，蝦殼炸得夠脆，但這次鹹蛋黃少了一點，如果鹹蛋黃再多D，我絕對比五粒星😆炸墨魚膠皮蛋，夠特別。蒜蓉白菜有啲失色，因為好淡瑤柱扒豆苗，其實比想像中貴了一點點，我沒有留意價錢，諗住叫了蒜蓉白菜，就唔想一樣蒜蓉炒。但係都真係好味，豆苗好嫩，完全冇渣😋豉油王炒麵，夠大碟又好味，鹹甜適中剛剛好👍🏻

星期日下午06:30到達，差不多滿座，先去找職員登記人數，再等職員帶領入座。餐廳環境是大排檔格局但有空調，大圓枱，小圓椅。看看餐牌，並不是大排擋價格水平，而是酒樓價格水平。沙拉骨，很特別，炸肉排配沙律醬和黑白芝麻，外脆內軟，沙律醬份量恰到好處，味道很夾，值得推介。風沙雞，香口惹味，雞皮脆，雞肉滑嫩，肥瘦適中，炸蒜粒份量不多，附有南乳醬汁，醬汁作用不大。黃金蝦，外層薄薄蛋黃醬，濃味但不過火，蝦肉彈牙，必吃之選。敗家仔炒飯，即蛋白海鮮炒飯，表面的炸瑤柱絲很香口，蝦肉粒和帶子肉粒份量足夠，炒飯乾身但飯粒太硬。雲耳海味什菜煲，材料新鮮，湯底清清地。整體來說，好味道，昂貴得有道理。

【東寶小館】黃金蝦、花雕醉雞荷葉飯北角東寶相信好多人都食過，最近試左佢既黃金蝦真係無得輸。黃金蝦啲咸蛋黃好香，同時更炸到好脆，最重要既係啲咸香味係入到落隻蝦到！係出面食過幾間黃金蝦都無呢個效果，多數係啲殼有咸香味，蝦係無。 （弱弱一問，究竟係點做到😭好味到咁）另外要讚既係佢既花雕醉雞飯，有酒香得黎唔太濃，重點係啲雞整完都仲好滑😋！好好味！唯一有啲覺得唔係咁好既係啲員工既service，禮貌欠奉...可能唔休做所以咁？

朋友聚餐, 有人提議食D有鑊氣小菜就揀左東寶!一行7人, BOOK左位, 唔洗等好耐就有位今餐不計成本, 一共叫左10個餸! 伙計好爽快, 現場仲有懷舊歌播叫左啤酒, 呢度飲啤酒既方式好特別係用豌碗飲, 小妹唔覺意飲多左

大陸既同事來香港玩，佢想食d地道野， 所以帶左佢來東寶試下d鑊氣小菜。本身唸住星期五晚一定要等位等好耐， 點知又唔係喔，等左10分鐘就可以入座。 今晚老闆請吃飯，就梗係要食好野啦， 但其實我地得四個女仔，所以都無叫太多， 首先係椒鹽九肚魚，不過今次既做法同以前食開既有d唔同， d魚開左邊來炸，以前係成條炸，咬開還會見到白色好嫩既魚肉，但今次既做法唔咁好食，不過味道還是保持水準。薑蔥魚雲煲，好香好有鑊氣，送啤酒一流， 可惜份量比較少。黃金蝦，好鍾意食佢個蛋黃既鹹香， 今次d蛋黃唔算多，唔會太漏， 蝦有炸過，蝦殼好脆， 成隻可以連殼食落肚。薑汁芥蘭， 切得比較大條，有少少over cook, 係今晚比較失水準的一道菜最後壓軸出場既係椒鹽瀨尿蝦， d 瀨尿蝦好大隻， 上碟時已經剪為三件，方便人客進食，都既貼心， 肉質不算包滿， 但有蝦膏，都不欺場。不過兩條已經要5百幾蚊， 都係尼d場合先適合出現

昨晚在北角渣華道的超級名店「東寶小館」食晚飯，果然名不虛傳。雖然是位於熟食中心內的店子，但食物同氣份俱一流！不少中外食家都講過此店，人氣自然有番咁上吓，甚至看到不少外國人都懂來這裡搵食。和朋友共二人，雖沒訂位，但人數少反而易安排，只等了五分鐘左右便能入座。第一次來試多幾款菜式，order了黃金蝦、墨汁鮮魷、南乳炸豬手、荷葉飯及炒油麥菜，但另一想吃的風沙雞冇貨，有點美中不足。黃金蝦雖然定價稍貴，但個鹹蛋黃弄的「黃金」表層唔會過火過鹹，蝦肉又彈牙，朋友都覺好食。南乳炸豬手雖比較硬身，但有𡁻頭，炸得香口，細細件點南乳汁剛好。墨汁鮮魷黒得來十分油亮，鮮魷切得細件，故入味，此店還加入了意粉，換句話說這是一碟墨汁意粉，而且水準不遜西餐廳。荷葉飯也夠香的，而且飯身成棕色，較一般同樣出品入味。食唔晒拿回家，第二天翻蒸味道還唔錯呢。樣樣都好食！但全場亮點是此店是用其「戰斗碗」飲啤酒，果然將氣紛提升至更高景界，聰明！

相信一講起「戰鬥碗」都會即刻諗起東寶小館。呢個地方真係好傳奇，大排檔都可以咁旺場，全因個氣氛超hyper，老闆伙記都好玩得!有興趣的話，甚至可以youtube睇片，真係好特別 - 特別high!是晚帶外地朋友嚟試試呢個咁有香港特色嘅大排檔，我當然唔係第一次嚟，某幾款招牌菜次次都會叫：椒鹽九肚魚 – 炸粉好薄但好脆，九肚魚肉質滑，即使係炸嘢都唔會唔新鮮。豆腐時菜魚雲湯－都幾大碗，而且魚湯煲到奶白色，入哂味!黃金蝦 – 好大隻蝦蝦蝦，咸蛋黃少得好香，有人連殼都食埋!敗家仔炒飯 – 所謂敗家仔，就係用上瑤柱蝦粒來炒飯，其實好飽肚，食哂都唔敗家嘅～最後當然要啤一啤啦，用隻戰鬥碗飲啤酒真係特別爽呀!!我仲留意到伙記哥哥對水鞋邊係自己剪出個pattern，fashionable起上嚟，連水鞋都唔放過!

閒日晚上七時，4條友行咗嚟喱度食飯，曾在大排檔界 享譽盛名的東寶，是否水準依舊呢人流算是多，七點半後來到的食客，需要在外等候安排入坐，好彩我們較早來，無須等位侍應普遍快手快腳，唔見有慢人，而且仲有一位專門負責𢴇骨，只要你碟有骨，他便會出現幫忙更換碟子或把骨頭清走開始時，點了個冷盤"青瓜芥末魷魚"芥末味十足，青瓜清涼，夏天佳品，魷魚爽及彈牙接著，點了魚、蝦、蟹，全都是時價"黃金蝦"金黃咸蛋蓉把走油的蝦包著咸蛋黃味道無得輸，而且大蝦夠脆口又接著，點了一些拿手小菜"綠茶豆腐"外脆內滑的豆腐，跟了個芡汁一啖咬落去，見到入面豆腐淺綠色，都幾靚嫁食到咁上下忽然炸機，播出狂勁音樂其實大排檔已經夠嘈，唔會預咗佢靜呢種自然嘈視為熱鬧，但忽然炸機...呢D叫嘈到拆天，仲有條友表演一字馬究竟咩樹呢？食飯有表演睇...(無興趣)原本高高興興吹水食飯，被炸機破壞了為保護聽覺，最後急腳埋單走人埋單先發現呢度食嘢都幾貴

近幾年已經沒有來東寶小館，今日朋友邀約食飯，只好再來。(因為環境實在太吵雜)如喜歡熱鬧的人，這裡氣氛一定很滿意這裡飲啤酒，一定是用碗，此碗還叫「戰鬥碗」，所以大家都順道啤啤佢。菜式都係叫左例牌招牌菜最後整體都很好，價錢就比一般大排檔有點貴，但香港風味的好食的大排檔已經不多了。值得一讚就係服務員，每個人都在忙，但服務態度仍然很好

事實上我是個喜歡去大牌檔的小肥妹記得當我小時祖母住的地方 樓下有很多大牌檔父母平時週末 探望老人家後 會帶我去吃大牌檔brunch所以很喜歡這裡的氣氛 非常熱鬧勾起很多童年回憶食物方面 有鑊氣 - 正!正是大牌檔風味風沙雞: 肉嫩多汁 皮鬆脆多一點點 "沙"多一點點就 perfect 啦! 南乳豬手: 炸得乾身 肉質又有彈性正!黃金蝦: my favorite!鬼仔friend 一路吃蝦 一路怪叫 "holy sh*t - 從來沒有吃過這樣好吃的蝦"

一提起戰鬥碗 就立刻先想起東寶今天是特意考敬父母來吃的價錢不高又能吃得飽肚兼津津有味這裡的菜份量一點也不吝嗇啊不過等位卻實等得有點久呢前一天打算打電話訂台接聽的侍應說已full但當晚在候位時接待的員工又說可以訂是我理解錯誤了嗎?不知道訂台是否有上限呢最後不想等太久 就選擇了搭台中國人不時不吃冬天的芥蘭確實爽甜不過爸爸牙力不夠 吃得有點吃力之前吃過墨魚丸感覺比墨魚好墨汁的厚度給我足料的感覺螺有很多隻呢好像吃極也吃不完的樣子汁很有酒香 怕辣可能會覺得過辣飯很入味 不過略嫌少配料 飯可以再煙un 少少喜歡它比外邊的黃金蝦少油和少蛋黃不會太「漏」很意外地覺得魚腸配冬古是如此夾魚腸沒有腥味 但仍有魚香薑味很重的蕃薯糖水我們仍接納到那種辣度不過未必人人都受很滿足的一頓 必有下回希望試到南乳炸豬手 羊腩煲 炒肉蟹因為對面台的兩夫婦點了 看似不錯 其實在大排檔搭個台也是不錯之選可以借此分享一下飲食之道 不然也不會知道他們的炒肉蟹是多麼的肥美呢!

中學同學生日,佢選擇黎北角呢間東寶小館,我今次係第一次黎,之前聽過朋友講話過好好食,但我食完之後,就覺得一般,只係相比一般既大排檔多咗d新花款,今晚我地4個女仔,order咗一支藍妹啤酒(因為壽星朋友話想試下用凍碗黎飲啤酒 ^.^ )、芥辣魷魚(真係好芥辣ar!!!)、椒絲腐乳通菜(好好味)、生炒骨(色、香、味都有,正ar!!!)、黃金蝦(d蝦夠晒大隻,有埋膏tim,可惜唔夠黃金 >.<)、鴨汁荷葉飯(夠晒入味,但建議多d人食先好order,因為食到我地好飽ar!!!)

　　光顧了東寶數次，早年曾與家人、三五朋友共進晚餐，嚐後總覺多人吃才更佳。店方規定下午方可訂座，同時預留一些菜餚。店員的談吐顯現有性格的一面，並叮囑不要遲到。　　是夜七時，十三人共冶一爐，先到達的數位人士邊吃小食邊喝生啤酒，談笑風生。兩款一分鐘小食：豉油皇雞腳、芥辣鮮魷頭附有炸米條，份量不少，美味，特別是芥辣鮮魷，微辣滋味，故很快便吃光。喝一口啤酒後，便前往海鮮處選擇色澤鮮明、活潑的海鮮，並點了其他菜餚。　　侍者繼續端上大量的藍小姐生啤酒，這群曾遇饑荒的幸存者舉杯暢飲。五分鐘後侍者先端上一煲青紅蘿蔔豬骨例湯、陳皮狗仔鴨、豉椒炒蟶子、墨魚春滑蛋（附多士）、蝦醬炒通菜、瑤柱粉絲魚湯菜。例湯鮮味，材料不少，價格便宜，值得一嚐；狗仔鴨醬汁混有南乳濃厚味，掩蓋了肉味的嫩滑；蟶子的重量兩斤左右，廚師功不可沒，青紅椒、洋蔥、乾蔥、辣椒、豆豉、少許蒜泥各自分配角色，醬汁緊緊覆蓋小巧鮮嫩的蟶子，味道微辛而不過濃，優質美味；店員推薦的墨魚春滑蛋，廚師炒蛋至滑身，附有香蔥、墨魚春，雖然碟底保留油分，但滑蛋、墨魚春同屬嫩滑可口，值得推薦；炒通菜為整餐添加纖維，而瑤柱粉絲魚湯菜更佳，只因有香菇、草菇、瑤柱、香筍

星期五又係出動gar時候,上星期老點咗個friend 去咗喊得一句句gar 將軍澳食店!!內疚咗一個星期, 今次帶佢呢間東寶小館….嘻嘻….Good ar!!!當晚 7:10 PM 到, 等到約8:00 PM 才可入座….人真係好多…似乎好多外國華僑, 內地人士及鬼佬幫襯!!!!黃金蝦 – 外表平平無奇, 食落…連個friend平時唔鍾意食蝦頭都食埋佢落肚….南乳炸豬手 – 嘩嘩GOOD GOOD…唔肥亦唔油膩…米通蓮藕綾魚餅 – “難食之選” 一般但…其他地方並無此選!!!墨汁魷魚麵 – 好似唔記得落調味料….小小鹹味及鯹味!!!!當晚9:00 PM後一直播MJ d 歌, 連小朋友都手舞足動作, 老外跳舞!!個侍應重跳埋霹靂舞添, 另一個就用紅酒向d 孰客敬酒!!!!咁做生意重唔發!!!大排檔環境, 酒樓價錢!!!

我和男朋友一起吃晚飯, 好味道, 我地7點鍾己經去到, 所以吳洗"等位", 一去到就有位, 但係要"搭台".......(1)牛肋骨包生棻......好野味, 加埋D三種調味料, 更"好味" & 更"野味"(2)墨汁墨魚丸意粉.......墨魚丸勁彈牙, 但係吃完後, 成個口都是"黑色"(3)黃金蝦......都好味, 味道無特別, 勝在"蝦"夠脆***吃完都勁飽, 三個小棻, 夠曬飽**但係要收加一服務費