金鶴拉麵 (九龍城道) (已結業)

之前喺中環和旺角食過金鶴拉麵回味無窮，今次去土瓜灣再試一試是否一樣水準。門口以日式主題裝修，地下設有吧枱，樓上有大量用餐區，牆上有一大幅招牌金鶴掛畫。原本諗住食佢個期間限定極濃牛骨湯拉麵，點知原來已經完結左，聽到隔離枱個食客講佢已食過幾次覺得好好味，可惜可惜，期待下一次期間限定！極濃雞白湯拉麵$138拉麵內有兩塊慢煮雞肉、一大塊叉燒、半隻唐心蛋、炸牛蒡、筍、木耳絲等等，份量夠豐富。雞肉滑，叉燒香，牛蒡卜卜脆，至愛唐心蛋。拉麵較粗身，口感彈牙。雞白湯呈奶白色，起晒泡泡好正，極度濃郁雞湯味而不膩，食完夠哂滿足。黑蒜醬油拉麵 $98醬油拉麵份量夠大，有兩塊紫菜、半隻唐心蛋、兩塊雞肉、日本香叉燒等等。拉麵彈牙，湯底好濃郁勁香蒜味，個湯底都好好飲！日式餃子 (4隻) $38日式餃子煎得剛好，內餡肉嫩，咸度適中，肉菜同外皮比例剛剛好。

最後一間係連登仔狗都唔會hi既拉麵店金鶴呢間野最出名就係抄襲當食過座銀之後其實係無可能會過黎食一間價錢唔平得幾多但劣化既雞白湯拉麵之但係係網上面見到話呢間金鶴最好食既竟然係鰻魚飯仲聲稱自己選用台灣活鰻係店內劏即叫即燒咁就即管黎試下佢而且餐廳係網上訂座平台訂檯某幾個時段係可以做到五折優惠金鶴係香港都有成五間我地就去左土瓜環分店夜晚八點半先有呢個五折優惠位置就係鐵路便當對面既天橋底門面算幾港版既日式舖頭有兩層下層係bar檯不過基本上都會坐上面個格局都幾唔似拉麵店二人位算窄不過可以有籃放野呢間野好搞笑既我自己覺得佢見你用網上訂座平台優惠呢態度就係比較西既但因為我點左個正價既鰻魚飯咁果位類似經理既態度就即刻唔同晒仲幫我地調左去四人大檯話食物多可以好放d咁半價餐牌是咁的基本上大部份拉麵既話都可以有五折優惠而且加一係以折後計算所以如果黎食個老番拉麵其實都係七十六蚊咁都只係座銀既一半價錢我曾經都有期待過鰻魚飯會唔會有半價咁就當然係無既咁佢就無寫話係用備長炭應該係普通炭燒網上訂座平台餐牌無既全部都要收正價所以個鰻魚飯係賣到同木戶一樣價係呢種級數既餐廳黎講都算貴但見佢話係活鰻又真係想試而佢其他餐牌仲有炸

之前去其他分店食過北海道海老濃厚拉麵，味道唔錯，幾鍾意個湯底，今日專程再到土瓜灣分店，想試下其他唔同口味湯底。特濃雞白湯拉麵🍜 : 超級濃郁雞湯，味道比中式老火雞湯更濃，感覺全隻雞既精華都集合喺碗湯底度。拉麵上有一堆炸牛蒡絲，脆脆的好香口。黑蒜醬油拉麵🍜 : 湯底看似好油但其實一啲都唔油，仲有好香蒜味，比一般醬油湯底更惹味。每碗拉麵都有好多配料，紫菜、黑木耳、荀、溫泉蛋，當然唔少得既日式义燒，另外仲有雞肉。除左拉麵，小食質素都唔錯，點左餃子、鹽燒雞翼，餃子多肉汁，雞翼燒到香脆，只用鹽調味都好食。

想食拉麵, 唸起濃濃雞白湯, 第一間on list就係金鶴, li間位於土瓜灣嘅分店之前食過, 知道坐得舒服唔迫夾, 又鐘意個ok隱世嘅位置🤭.>極濃雞白湯拉麵🍜 (HKD138)Menu唔會眼花撩亂, 專注拉麵🍜嘅店. 鐘意超級creamy口感嘅我一定揀極濃雞白湯, 拉麵粗身有咬口, 啖啖麵都非常掛湯, 咁濃稠嘅雞白湯一啲都唔口渴, 最eye catching又好味就係面頭嘅炸牛蒡, 炸到勁高🤣好似藝術品🧑🏼‍🎨, 纖維量爆發嘅牛蒡li個食法小朋友實勁like; 厚切慢煮雞肉同日式叉燒各兩片, 加上大量京葱, 筍, 黑木耳絲, 一個麵已經超飽, 好好食😋😋.>黑蒜醬油拉麵 (HKD98)食食下想試下老公碗黑蒜醬油拉麵嘅湯底, 竟然仲係好熱嘅狀態, 又充滿蒜香, 雖然好似個面比較多油, 但據說黑蒜油係有好多對身體有益嘅功效, 我就唔怕多食👍🏻🧄. >日式餃子🥟 (HKD38)Juicy餃子🥟煎燶啲仲正. 以拉麵店黎講店家地方真心大, 小食menu又多選擇, 見到燒緊嘅鰻魚串燒真係好吸引呢! 店員推介嗌下小食啤酒🍻慢慢坐非常舒服😌. >COEDO- Ri

土瓜灣呢啲舊區有時真係一拉麵難求但係竟然咁都比我喺屋企附近搵到呢間充滿日本居酒屋風味嘅拉麵一入去個鋪頭裝修偏暗好有日本當地居酒屋嘅風味擺設同埋裝修都相當日式我同老公就坐咗喺長吧枱嘅位置如果唔想坐吧枱嘅話行幾步上樓上都有一個大嘅用餐area我叫咗餐廳最出名嘅極濃雞白湯拉麵佢嘅雞湯底濃得來好creamy另外以一個普通拉麵來講佢肉嘅比例係好多嘅有3塊叉燒同埋3塊好滑嘅慢煮雞胸肉上面揸到脆卜卜嘅係炸牛蒡呢個份量黎講係超抵食老公就揀咗個龍尾啲嘅黑蒜醬油拉麵比較冇咁「漏」同埋口感更加清爽侍應大力推薦佢哋嘅燒物所以我哋都嗌左燒鰻魚同埋燒牛舌嚟試吓兩樣都係即叫即燒因為我哋坐係吧枱位置更加睇到佢哋製作嘅一絲不苟燒鰻魚一出已經聞到好大浸嘅燒醬油味咬入口好香好juicy!建議大家去食都應該要試吓！

上一個星期我哋去咗天后嘅同一間店，我覺得好好味！上次去食咗鰻魚飯同埋小食，竟然係冇叫到呢間拉麵店嘅拉麵嘅，哈哈！今次我哋兩個嚟到土瓜灣店，試吓拉麵先！（不過我哋太早嚟到，原來依間店晚市係開晚上六點，結果我哋喺附近行一陣再等佢開門)入到去依個吧枱位好靚，好有日式感覺不過我哋今次冇坐吧枱位，上咗閣樓。（想不到拉麵店係會有閣樓！)依間店比我哋上一次去嘅天后店大，日式風格裝飾都多啲。電視播放有關日本食材嘅節目。今次我哋點咗兩款拉麵，同埋一個小食。小食係點左明太子雞翼，好細心咁有錫紙包住個雞翼尖，食起上嚟方便啲。雞翼裏面去咗骨，明太子嘅份量出乎意料嘅多，味道有少少辣，而外皮香脆。依碗係極濃雞白湯拉麵，個湯底好白，口感非常之滑，雞味濃郁，連埋拉麵食真係好夾。另外喺碗上邊嘅配菜係炸牛蒡，我第一次係拉麵上見到依款配菜，好香脆。而裏面嘅雞肉同埋日式叉燒亦都好好味，雞肉好滑，日式叉燒好入味。呢個拉麵好值得推介！另外仲有點左黑蒜醬油拉麵，黑蒜味好香濃，同頭先嘅白湯拉麵非常之唔同嘅風格，但係各有特色嘅。呢個湯底同埋個糖心蛋食味道係非常之夾。最後，店裏面嘅女洗手間都令我好有驚喜，係好日式嘅智能座廁，哈哈。另外，

家住土瓜灣多年，近日走過此處，發現終於有拉麵店於土瓜灣出現!樓下有吧枱位置，樓上亦有不少座位，裝修不錯。店員先把餐牌拿來，亦友善詢問需要熱茶還是冰水。店家之招牌為雞白湯拉麵，亦有其他如醬油拉麵及鰻魚飯等選項，亦有數款小食。看到主餐牌以外有一極濃雞白雞拉麵，決定選這個好了。友人選了黑蒜醬油拉麵。另點了一份餃子分享。極濃雞白雞拉麵: 一上桌便被拉麵上的炸物吸引，這擺放得像藝術品般的原來是炸牛蒡，店員還善意提醒此為脆吃更佳。牛蒡確炸得很香脆，亦吃到牛蒡的香味。接著當然要先喝一口湯，極濃這名字真沒取錯，一口奶白的湯頭，喝下是超濃的雞湯味，且濃得湯身頗杰，都掛在麵上，就像吃一個沾麵一般，很出色! 拉麵中的配料亦不馬虎。兩片白雞肉是用上雞胸所做，咬下卻是十分軟滑，完全感覺不出是雞胸肉。另有兩片叉燒，其叉燒的表面有灸燒過，吃到那份灸燒過的油脂香，相當有誠意! 吃拉麵必備的溏心蛋咸淡適中，是數一數二的好。個人本很怕拉麵中的筍，總覺得有怪味，這裡的卻沒有，讓我也輕鬆吃下，實在難得。黑蒜醬油拉麵: 試了友人的黑蒜醬油拉麵一口，湯頭較我的極濃雞白湯為清，黑蒜醬油很香, 也不錯。煎日式餃子: 也點了一份餃子分

是日係土瓜灣睇完裝修野，想夜晚食下日本野，行下行下見到呢間拉麵店，就入去一試。一入門口就覺得店舖既裝修充滿日本風情，仲要一直播住比較舒情既日文歌，坐低就覺得好放鬆。同埋店內既空間都大，位同位之間比較寬落同舒服~餐牌~我地嗌左侍應推薦既雞白湯拉麵 ($98)同黑蒜醬油拉麵($98)，另外加左個燒雞泡魚乾($48)同唐揚炸赤雞($33)。提提大家，如果即時下載佢地個APP可以即刻用100積分黎換支裝汽水或者一隻唐心蛋，下次仲可以繼續用今次既消費積分，$1=1分。下載完用電話登記好快就搞掂~由於個麵本身有唐心蛋，於是我地換左可樂~等左無耐，主角終於黎啦~~燒雞泡魚乾($48): 燒得軟硬適中，好香蜜糖味~用黎送麵好好味雞白湯拉麵 ($98): 個麵好有藝術感~因為上面果D一條條，雖然我唔知其實係咩黎，佢係炸過好香脆既好似木魚咁既野，第一次食都幾過癮。呢個麵最正最正既就係佢個湯，乳白色既湯底，超級濃雞湯味，但絕對唔係死咸或者味精，但果種入口清淡但越飲越飲到雞濃味果種。果然係煲足6個鐘，飲得出功力十足!!好味!!不得不說，原本以為個麵得雞肉，點知仲有豚肉，份量仲要唔少，都成3大塊。個雞肉先係戲肉

買菜遇上寶馬厰沒有營業，找到泊車位，就不能錯過，到附近新啓業的日本拉麵店下午茶了。進門是料理枱，有吧櫈供邊看邊吃的，但下午茶時段，不很多人，就繼續前行入內堂，燈光很柔和，座位很舒服，枱之間的距離很恰當。先點了小吃，明太子雞翼及芥末八爪魚。兩碟份量也不算大，但很鮮明整齊，味道也很好，不太鹹。明太子雞翼與別不同，沒有雞皮全包著釀肉的， 沒那麼膩。然後點了黑麻油拉麵及原味拉麵。黑蒜醬油拉麵是很致肥的，而鹽味拉麵則是店內最清淡的。麵質很彈口，也不會被浸腍了，很高明。吃了也不會口喝。肉質、配料都很岀色，足見選料用心，亦足料回饋顧客。很不錯的拉麵店，總共有四間分店，佐敦、銅鑼灣、中區及土瓜灣。有手機應用程式，登記成為會員可儲分換食品。另外，洗手間很清潔。價錢方面，及得上某麵屋連鎖，但食品比那連鎖來得清淡。希望能保持水準，以後會多找機會光顧。