隨心 (已搬遷) 新店位置

係香港真係難得搵到間好食嘅星馬菜，見依間都幾多推介，一於試下佢！一打開menu選擇都幾多，而且價錢都算幾平。黎之前已經諗住一定要食喇沙，款式都多。最後嗌左海南雞喇沙！海南雞好滑，喇沙麵底係米粉同瀨粉，配搭幾新穎！但口感幾好，一個爽口一個軟身。湯底夠哂濃，椰香味道重！正。另外仲叫左個新加坡肉骨茶，香港真係冇乜機會試到肉骨茶，入面有白胡椒、大蒜、冬瓜同白蘿蔔！胡椒味好勁！撈埋飯食應該會仲正。最後仲叫咗個黑蘿蔔糕，之前有個新加坡個朋友都有特登介紹依道菜俾我話係必試！用左黑甜醬油去炒，食落甜甜鹹鹹咁好得意，有別於普通炒蘿蔔糕，幾正！總括黎講依間都無令我失望，終於搵到地方食星馬菜！

在太古城逛街後走到了鰂魚涌想吃粉麵 看到「隨心」大燈箱寫著喇沙就走過去😂Menu寫明所有食物不添加味精👍🏻那麼就試一下坐下店員就遞上兩杯熱水😊店面乾淨整齊兩個人點了四個菜整體來說很足料！也真的吃完沒有口渴相信是沒下味精的關係😃魚蛋魚片喇沙 ($65)粉底是米粉+瀨粉 非常有趣的口感！少辣 可接收必須得說豆卜很入味！完全吸收了湯汁😋魚蛋魚片爽口彈牙湯頭有椰香味 很棒馬來西亞肉骨茶藥材味(一位)($48) 熱騰騰的上桌☺️沒騙人 很足料！有很補的當歸紅棗冬菇等等喝完很飽呢🤪黑蘿蔔糕 ($48)比想像中大碟用黑甜醬油及蛋炒加上香辣的參巴醬 蘿蔔糕軟腍非常惹味！沙嗲串燒(六串 - 豬及雞)($68)重點在細節沙嗲醬上桌時是熱的 值得讚揚！醬很濃稠🤣 有點像花生醬平日七點接近滿場 看起來小店口碑不錯😉

抱住一個"隨心"的態度, 入來"隨心"餐廳~其實係男朋友話要食肉骨茶...是日晚餐:-黑蘿蔔糕-參巴蜜糖骨-新加坡肉骨茶其實有兩種肉骨茶,一個是比較重藥材味, 一個比較重胡椒味, 由於我不想要重藥材味的, 所以就試了胡椒味的~可以一壺湯上, 亦可以單點一客上; 純粹想試試, 所以就要了"一客"; 裡面有一大塊肉, 一片蘿蔔, 一片冬瓜, 好重胡椒味; 冬天飲了十分驅寒~男朋友話南洋地區近海濕重, 所以他們會多用胡椒藥材驅風, 連肉煲湯,還可以增加體力~我比較喜歡食甜的~所以就叫了"參巴蜜糖骨"! "參巴"其實是東南亞的辣醬, 每個地區的參巴醬都有自己特色~我原先都不知是辣醬, 只見到蜜糖二字, 食落不是太辣, 可能比較多蜜糖, 肉邊比較焦香, 因為比較甜, 和飯拌才是一流, 所以又叫了一個白飯~不過我就略嫌每件骨都比較大件...嘴仔細較難食...最後就是黑蘿蔔糕, 這個純粹好奇是什麼就點了~我猜"黑"是因為蘿蔔糕裹了醬再煎/炒; 食落有些辣,十分惹味, 不過我食了不夠半碟已推給男友食....對我來講真的受不住...

前幾日接朋友放工，她表示想在鰂魚涌附近食一些星馬菜，想起暑假時與媽媽食過一間質素不錯的餐廳，就再黎重拾一番～——————————🔹黑蘿蔔糕 $48上次食完黑蘿蔔糕念念不忘，今次難得嚟到梗係再叫，果然真材實料，有好濃的黑醬油香味，醬汁掛滿每嚿蘿蔔糕表面，惹味非常～🔸新加坡炒貴刁 $78這個新加坡炒貴刁選用傳統正宗的「掺掺」，即是用河粉及油麵混合配搭，裏面有大大隻蝦、魷魚、魚片等，炒得很有鑊氣，朋友都讚冇介紹錯☺️🔹海南雞喇沙 $80上次媽媽就不太喜歡喇沙的味道，所以就沒有叫～ 今次朋友就想試下，配搭海南雞。這個喇沙非常濃郁，豆腐卜吸盡湯底的精華，一咬爆晒湯汁，還帶點椰香味，正！相反海南雞就有點失色，雞肉不算嫩滑，欠缺雞味，還有點兒凍，感覺切完後放了要一段時間～不過三種醬料甜酸辣，非常醒胃！

嚟到鰂魚涌海光街搵嘢食正當好煩惱諗緊食咩🧐唔知食咩好之際～就見到呢間個名都幾有趣嘅餐廳🤣於是我就好「隨心」咁入咗去坐低左🙇🏻‍♀️我好「隨心」咁揭下個Menu竟然見到有我至愛嘅黑蘿蔔糕所以最後我就嗌咗黑蘿蔔糕 、海鮮喇沙、新加坡肉骨茶（位）黑蘿蔔糕$48第一次食咁濕潤嘅黑蘿蔔糕可能係同佢加入左蛋汁有關🍳所以比起之前食嗰啲就冇咁乾身而味道方面都幾辣吓🌶絕對係惹味之選！海鮮喇沙$85🍲有兩隻蝦🦐幾片魚蛋🐟一隻帆立貝兩條蟹柳🦀仲有蛋半隻🥚用料豐富👍🏻而且喇沙湯底重奶味🥛幾啱我口味😛新加坡肉骨茶（位） $48🥣 入面有一舊排骨、蘿蔔、冬瓜仲有一碟油炸鬼可以選擇浸湯同豉油俾你點排骨其實大家想大份d可以選擇嗌窩咁就可以開心share🥳🥳

好耐冇食過新加坡菜，甘岩睇完飲食節目見到個黑蘿蔔糕好好食甘，於是專登黎試一試。除左叫左黑蘿蔔糕之外，仲叫左沙嗲黄金豆腐，無骨海南雞飯同青檸梳打。黑蘿蔔糕切成一粒粒連埋雞蛋一齊去煎，再加埋入味既黑醬油，果然冇令我失望。沙嗲黄金豆腐，第一次食炸豆腐配沙嗲醬，豆腐炸到外脆內軟，沙嗲醬甜甜地，有花生粒，配搭唔會突兀，可以試下。無骨海南雞飯既雞肉唔鞋口，可惜當晚油飯售罄，無得試，得返白飯，下次一定要黎試下。青檸梳打鍾意佢冇落糖，原汁原味，又健康。呢間都幾多街坊黎食，老闆親力親為，留得住客人既胃。

媽媽愛下廚，亦重視健康，所以平時好少出去食飯。不過她對東南亞菜式比較陌生，不會煮，也少吃，所以今次就帶她去鰂魚涌食飯，試下不同的口味😋——————————🔸黑蘿蔔糕 $48第一次食黑蘿蔔糕，非常合口味！蘿蔔糕吃得出真材實料，加入雞蛋及黑醬油拌炒，醬汁掛滿表面，勁惹味！-🔹咖哩薄餅（1件）$18咖哩薄餅新鮮熱辣，酥脆中帶點嚼勁，蘸上香辣的咖哩，不錯。-🔸百味雞煲 $98第一次在東南亞餐廳見到這款菜式，就決定嚐鮮一下，看看會不會有什麼特別～可惜未見突出，不過不失，不太夠辣-🔹 新加坡炒貴刁 $78選用傳統正宗的「掺掺」，即是用河粉及油麵混合配搭，裏面有蝦、魷魚、蛋、芽菜等，炒得夠味又有鑊氣！🔸馬拉盞油麥菜 $58媽媽很愛食油麥菜，所以就叫了這道菜。整體炒得不錯，味道剛好，又特別入味～

住得近太古坊有個好處，因為附近有不少餐廳可以選擇。揀食方面可以有好多唔同.....不過好多餐廳都係星期六日唔開，有時搵食都要趁星期一至五!今次難得放假，就去附近搵下有咩好食~下午茶時段，平時都係食茶餐廳咁.....路經呢間名為「隨心」的餐廳，見到佢下午茶的menu有好多選擇，一於入去試下!個下午茶多選擇到呢....有成20幾樣野可以揀，感覺唔錯~餐廳連埋隔離舖位，座位多又大，食野同FD傾計都坐得舒適!我地兩人去，最後叫左兩個飯，加多個小食tim....介紹下有咩好食先：隨心海南雞飯(無骨)   $58一黎就試左呢個海南雞飯先.....見好似係呢度主打咁....無理由唔試下!配上黑醬油、辣椒醬、薑蓉，同一杯湯!3種醬料都各有特色，雞肉嫩滑帶油香，真係啖啖肉；仲要特別讚讚個雲耳，酸酸微微，好鐘意啊!個飯都好特別，佢有陣陣椰香味，食落係停唔到口!大家不妨試試將雞肉，加上醬汁同槨香飯一次過放入口，感覺好滿足!話梅豬軟骨配飯   $55我自身係好鐘意食酸野，每次去D餐廳見到有話梅野都必定試!呢次試左呢個，真係覺得以前食過GEI都太普通!首先平時食開GEI大部分D醬汁都係較為濃稠，配飯真係有難度~

莫非在鰂魚涌上班的人和附近的居民對東南亞美食例如喇沙，海南雞特別情有獨鍾？何解越來越多這類餐廳選擇在鰂魚涌開業？雖然我們今晚來這間餐廳已經開咗一段時間，不過見到好多人幫襯咁都要試吓。餐廳頗大，樓底夠高，兩個相連舖位夠霸氣。餐牌圖片精美，食物都幾多選擇。點了喇沙，炒貴刁，胡椒魚和蘿蔔糕。我們叫的是海南雞喇沙，雞和湯是分開上，粉底選用米粉及瀨粉。海南雞是去骨的，肉質鮮嫩滑溜，有功架湯底味道夠香濃，雖然味道層次唔及其他幾家多，但絕對係上佳之作係馬來西亞旅遊時很喜歡吃炒粿條，係香港就叫炒貴刁，而且大多數餐廳只用河粉，這裏就選用「摻摻」，河粉加油麵去炒。個人頗喜歡兩款麵質一齊食，增加口感貴刁炒得香熱，醬汁唔會太多，不會食到成口都係油，蝦亦彈牙有咬口。胡椒魚係今晚的亮點估唔到這個酸菜胡椒魚比平時食既酸菜魚來得更好味酸菜再加少少胡椒粒調味係極佳嘅配合！魚是先煎後放湯，吃得鮮甜黑蘿蔔糕就跟新加坡食過的差不多，份量很多，醬汁非常惹味亦是一個濃味的小食。

突然有朋友話想食喇沙，最後就選了這間馬來西亞菜餐廳。店鋪雖然不是設於大街，但喺美食值得推介。店面掛著馬來西亞國旗。店內也有魚尾獅嘅牆紙。那天是下雨天，又濕又熱。所以我叫了一杯凍柚子檸檬汁，酸甜開胃，又解暑。非常適合暑天時飲用，由其在食飯前。朋友則點了一杯（冰）雪梨茶，雪梨汁又甜又潤，可以幫助我們補充水份。我們點了兩款小食，分別是班蘭葉炸雞和黑蘿蔔糕。班蘭葉炸雞，經過油炸後，肉沒有老，反而夠滑。聽聞班蘭葉有消暑之用，好像選擇得不錯呢。話說，雞肉還沾上了香草味，應該就是班蘭葉嘅味道了。黑蘿蔔糕看上去不怎麼好看，但是醬油嘅香和軟綿綿嘅蘿蔔糕，真喺好好食。非常值得推薦。海鮮喇沙被肌友霸住了，不過我也搶到幾口。喇沙最重要嘅應該喺湯。這碗喇沙，湯底濃厚，而且我還飲到蝦嘅鮮味。喇沙配料也多，有蝦、帆立貝、魚片、蟹柳、豆腐、蛋和芽菜。米粉被濃湯滲透，一個字正。而我當然要點埋馬來西亞嘅特式菜海南雞飯。這個海南雞飯比平常食到海南雞飯，多了一碗杞子雞湯。湯不鹹，而且油不多，好喝。飯比較有嚼勁，但不乾。而海南雞不但不肥，而且嫩滑。雞肉滲滿鹽香，也沒油凝固成膏狀。還有配菜菜嘅木耳，酸甜爽口。至於醬料，個人覺得，