幸拉麵 (已結業)

前陣子見有人介紹呢間拉麵店於是今日同朋友一齊黎朝聖一下！舖仔細細但裝潢各樣十分有日本拉麵小店嘅濃濃氣氛 分別叫左三碗拉麵黑豚（大蒜豚骨拉麵）赤豚（香辣蕃茄豚骨）味噌豚骨黑豚一嚟到 口罩都未除 已經聞到勁濃烈嘅黑蒜油香味 期待感大大上升🔝食拉麵當然要飲啖湯先 一入口十分香醇蒜味同豬骨湯嘅一樣咁濃郁 唔會互相搶對方味道 唔會過咸 而且仲食到蒜頭嘅輕微辛辣感 暫時真係我食過最好味嘅黑蒜湯底麵係幼身麵嚟嘅 食落偏硬身 爽口 好食配料：雲耳爽脆 有麻油調味過溏心蛋蛋味濃郁 蛋黃熟嘅程度剛剛好至於叉燒肥瘦適中 味道就正常不至於好出色但依然十分推介鍾意重口味嘅大家試呢款 因為個湯底真係好正嗰陣蒜味留喺口到瞓覺都仲有😂味噌豚骨湯底濃郁 除咗啖啖味噌味外 仲有濃濃荀味 雖然係味噌湯 但都一樣唔太咸 拿捏得剛好配料有溏心蛋、紫菜、叉燒同埋荀絲 足料！最後因為赤豚係我朋友叫既 所以唔知詳情咩味道 不予置評。最令我感動既係老闆果份執著 真係一手打理哂店舖所有大小事務 煮食又係佢 洗碗又係佢 敬佩敬佩！就算忙於準備食材既同時 都一定向每一位入黎既客人打招呼 感覺份外親切 好好味，價錢重要唔貴，食碗麵加埋底都只係

餐廳主力就係做拉麵 ，離遠望過去已經好有日本拉麵店嘅感覺。餐廳整體作全落地玻璃，十分通透。裝修方面要好日式，用上全木材。餐廳有5個湯底選擇，而飲品方面亦有啤酒汽水可供選擇。我點左個黑豚大蒜豚骨湯底，配料有肩胛肉，半熟蛋，木耳，大蔥，紫菜。另外嗌咗個海老豚骨湯底。蝦味味噌豚骨湯附有肩胛肉，半熟蛋，筍乾，櫻花蝦，大蔥，紫菜。黑豚湯底個味道好濃厚。湯底一啲都唔稀，熬咗十幾個鐘先會有哩種厚度。湯底亦有好香嘅蒜味，整體唔會太淡又唔會太咸。剛剛好。面身係細麵，硬麵身。個人喜歡食硬麵所以好啱我口味，半熟蛋整得啱啱好，係日本溏心蛋，個蛋黃好甜。蛋黃岩岩好.拉麵再配上紫菜嘅等等既配料，好好味。食到最尾再加咗個麵，依然係保持水準夠晒熱同硬。海老湯底有好濃厚嘅蝦味，再配上櫻花蝦做配料。蝦嘅味道更加突出。豚肉本身係薄切，有3塊,半肥瘦啱啱好。唔會好油膩，木耳好爽口夠曬新鮮。好滿足

今日收工同老婆直接去炮台山探BB, 我地6點半到炮台山, 先到AIA Tower食晚飯再回老家同BB玩。😁上次到幸拉麵食過呢度嘅赤豚拉麵, 味道非常好, 今晚我地決定黎幸拉麵試多兩款口味。我地未到7點已到餐廳, 客人未多, 不需要排隊, 7點半左右就開始多人。餐廳地方唔大, 不過座位寬敞, 加上高樓底同埋以木色為主題嘅日式設計, 整體環境非常舒適。😙我地今日點左兩款拉麵, 分別係黑豚同海老豚骨, 另外加左叉燒, 木耳, 應該好夠食。黑豚拉麵 $88黑豚拉麵其實即係大蒜豚骨拉麵, 湯底除左有濃濃豚骨味外, 大蒜同大蔥味都好濃好香。叉燒採用慢煮肩胛肉, 肉質軟滑, 而且唔會太肥膩, 配埋好流心嘅溏心蛋, 既豐富又美味。👍海老豚骨拉麵 $88呢款海老豚骨拉麵湯底非常有驚喜, 豚骨味同蝦味都濃郁, 湯底口感有d似龍蝦湯, 非常鮮甜。櫻花蝦好多, 我另加左$15叉燒, 非常滿足。😚木耳 $10點拉麵加$10配的木耳份量都唔少, 口感爽滑, 帶有微微酸味, 味道清新醒胃。👍埋單每位約$100, 性價比好高。😍

下班後打算在家附近隨意找吃點東西作晚餐，看到一家新開的拉麵店，決定一試從店外已可以將這小店一目了然，光猛整潔這裏提供的拉麵口味有三款，包括白豚、黑豚同赤豚，仲可以根據個人口味同食量加大麵底同增加湯嘅濃度，加肉或加配料亦可白豚配料有肩胛肉、半熟蛋、荀干、大蔥及紫菜！慢煮的肩胛肉用上西班牙豚肉，肉質軟腍，肉香味濃！湯頭以來自巴西及波蘭的豚骨熬製，香而不鹹！加上爆汁的溏心蛋，十分滿足黑豚配料有肩胛肉、半熟蛋、木耳、大蔥及紫菜。湯底蒜香味非常濃郁，而麵條掛湯力十足，十分惹味黑木耳無切絲，但反而更有口感，禁不住再追加一份呢

北角出名有不少美食，今天在油街展覽前，在附近就發現了一間美味的拉麵店，湯拉麵的選擇有四款，我選擇了赤豚，朋友選擇了黑豚。先來一個飯前小吃，木耳一碟，木耳爽口，麻油味很香，一疊有10數塊左右。朋友點的黑豚，其實就是黑蒜油拉麵，有蔥花、多件叉燒、木耳，糖心蛋，紫菜，拉麵是幼身的，麵質很不會過腍，幼麵也比較能吸收黑蒜油湯，黑蒜油湯也不會過油膩，朋友喜歡到把它整碗喝光。😂我點了赤豚，湯底是蕃茄豚肉湯，同樣有叉燒、大蔥、筍乾、糖心蛋、紫菜，番茄豚肉湯有少許辣，辣得來很可口，令我食慾大增，旁邊有芝士粉可以調味，灑下芝士粉的豚肉湯賣相更吸引，而且這個配搭也出奇地配合，湯底用新鮮蕃茄餚成，特別濃郁美味。

今日難得係港島區收工，同事之前成日話炮台山有好多美食，終於有機會食到呢間幸拉麵。佢係位於AIA tower，出左炮台山地鐵站行5分鐘就到，一坐低，店員就遞上點餐紙同筆，點餐紙上面有中英文版本，非常貼心。我同友人各自點了黑豚拉麵和白豚拉麵，並且追加左一份木耳同埋一隻半熟蛋。加餸係會特別分開碟上，木耳好特別地加左麻油好香口。白豚，非常正宗的豚骨拉麵，湯底十分足料，啖啖湯都有濃郁的豬骨湯味。麵質爽口彈牙，很適合喜愛硬麵的我。肉料選用了肩胛肉，沒有像有些拉麵店的豚肉般肥，咬口十足。黑豚拉麵，非常重的黑蒜味道，再加埋香口的木耳，食落口嘅時候非常之有層次感。今餐最大的亮點絕對是躺在拉麵中心的半熟蛋，溫度剛剛好令蛋白煮熟同時令蛋黃的流心最大化。

日日都返工真係好想放假、好想去旅行、好想去日本，就算去日本只食碗拉麵就要返嚟開工都覺得開心🍜朋友介紹炮台山有間日本拉麵無論裝修或者麵嘅味道都同日本好相近，無假去日本咁就唯有去試試呢間拉麵店一解呢個日本情意結啦🍜呢間拉麵同日本地道小店個風格都差不多，除咗有日式小店裝修之外，食物都係好似日本小店一樣專注三兩款拉麵，不花巧用心炮製看店拉麵。店內嘅拉麵只有三款湯底，就係黑豚、白豚同赤豚三款，而我同朋友就選左黑豚同赤豚來試😋黑豚呢個黑豚拉麵真係好好味，佢嘅黑蒜香湯底嘅蒜香味道口感層次豐富，除咗有蒜蓉味之外，更加可以飲到豬骨湯嘅香甜，再加上清新爽口嘅木耳，令到成碗拉麵變得好有層次感。赤豚呢個赤豚拉麵真係好特別，做得呢間店舖嘅人氣No.1拉麵就真係有佢嘅特點啦。聽店員講湯底原來係用新鮮嘅番茄加埋肉碎炒成湯底，另外再加上少少辣油，等到一個本來已經好香濃嘅蕃茄湯底增添左一份香辣嘅感覺，完全將番茄湯底嘅鮮味提升，蕃茄嘅先甜味非常之突出，層次感非常豐富。呢個芝士粉真係特別為蕃茄芝士湯底而設，加咗落去之後成個湯底變得更濃郁豐富。其實睇到呢度你唔好以為我已經食完啦，哈哈！拉麵嘅主菜叉燒係用咗豬食肩胛肉豬味特別濃

炮台山好似冇乜拉麵店，今日走嚟試試呢間小店。裝修非常企理，坐得舒服又乾淨黑豚 ($98)蒜味超濃郁，食完之後啲蒜味久久不散，超開心！麵嘅軟硬度無得揀，不過煮得彈牙適中白豚 ($88)我哋落單後，廚師即刻用機切肩胛肉出嚟煮，怪不得塊肉唔會有好乾身嘅感覺，肩胛肉呈粉色，肉質滑溜肥瘦適中；半熟蛋超軟熟，搓圓噉扁佢都得，一咬開啲蛋白蛋黃流晒出嚟，賣相一流又香！好想食多一隻！！！湯底好有膠質，食食吓好似會癡住個咀咁如果有啲小食選擇吓，咁就更好了！

堅持香港拉麵之旅，今晚到了北角炮台山附近的幸拉麵，近來新開的一間小店，在AIA樓下，裝修高尚得來好有平實的親切感，是傳統日本風。共有三款拉麵，沒有小食的。白豚是原汁原味的豚骨湯底，湯底質感濃厚，幾黏的，味道就濃郁不太咸的。簡單配兩片肩胛肉，不太肥膩。最出色是半熟蛋！！！很入味，中間呈流心狀，又甜又重醬油味，忍不住追加了多一隻！黑豚是黑蒜豚骨湯底，黑蒜味道強烈，很適合我，油份不算多，湯底不稠有厚度。不過木耳很特別，微酸的味道幾開胃。麵條是直身幼麵，都做到掛湯。是一間用心小店，看到店長的專注，而店員亦都很親切！

為求食「好西」, 當然不惜瓹窿瓹罅, 走遍港九橫街窄巷。今次來到有炮台山食街之稱的－電氣道。電氣道林立各式食肆: 中菜、西餐、日式料理等等, 一應俱全。食肆位於電氣道與油街交界, 由地鐵站A出口出發需時大約5分鐘。赤豚 $108 ( 肩胛肉追加 $15) 配菜包括: 肩胛肉、半熟蛋、筍干、大蔥、紫菜等。店長必食推介！辣味蕃茄濃湯。每日新鮮淆制, 以20磅新鮮蕃茄經猛火烹調, 再混合多種調味料, 鮮味湧現。湯底毫不油膩、味道鮮甜且帶點微辣, 零舍開胃。黑豚 $98 ( 肩胛肉追加 $15)接近手掌尺寸的巨型肩胛肉。生熟程度掌握得宜, 味道較為清淡, 口感不俗。糖心蛋鮮味十足, 口感嫩滑, 帶點微微的米酒香。追加首選！拉麵尺寸偏幼身, 質感較腍。食店有售玻璃樽裝可樂及汽水。( 可口可樂總公司已公開證實, 玻璃樽「存氣」最為理想。) 所以識飲一定飲玻璃樽！