Mini Club (已結業)

「Mini Club」位於銅鑼灣一個不太顯眼的地方，不是朋友帶我來，真的會走漏眼。餐廳的環境很有格調，燈光昏暗，粉紅色的霓虹燈招牌，很耀眼。另外，餐廳一個最有特色的設計就是位於餐廳中間的一個倒轉的巴黎鐵塔，整個粉紅色的，非常突出，亦突顯了餐廳型格的風格。坐位的格調亦不錯，寬敞舒適，給人舒服的感覺。餐廳以平板電腦作餐牌，食物顯示得十分清楚，非常方便。餐廳內有一張酒吧枱，相信深夜的時候，會坐滿客人。由於明天要工作，我們都沒有點酒精的飲品。如果點紅酒或白酒一枝，會贈送法式銅蠔三隻或以優惠價享用海鮮拼盤。看餐牌的圖片真的很吸引，我們就決定散叫了。另外每張枱都附送花生一小盤，是無限添食的，送酒真是一流！海鮮拼盤($298)：包括熟龍蝦半隻，睡蟹半隻，藍青口三隻，加拿大翡翠螺兩隻，法國翡翠螺兩隻，鮑魚兩隻，鑽石蜆兩隻及玫瑰蝦兩隻。熟龍蝦，新觧爽甜，很容易用叉子直接起出龍蝦肉。肉質不太老，煮得剛好。睡蟹，是法國麵包蟹來的，肉質很肥美而且很多蟹膏，蟹膏亦略帶甜味，不錯！玫瑰蝦，肉質鮮嫩，脫去蝦殼後，蝦身晶瑩剔透，口感爽甜。鑽石蜆就略為遜色了一點，比較圖片的細了一些。鮑魚，味道帶點鮮甜味，很新鮮爽口。本

上OR有食家介紹餐廳有粉紅色倒轉巴黎鐵塔, 而餐廳位於鬧市二樓, 可以居高臨下於寧靜環境觀看外面熱鬧人潮, 聽來覺得頗為吸引, 於是擇日嚟餐廳試試.晚上七點半嚟到餐廳, 可能時間尚早, 人客唔係好多. 餐廳安排我地坐近落地玻璃旁, 隔離就係倒轉巴黎鐵塔. 聽著餐廳播抒情音樂, 心中突然想起優客李林嘅首本名曲認錯, 好似一個人走在傍晚七點的台北City, 不過唔係等著心痛就像黑夜一樣的來臨, 而係懷著興奮心情為美食而來臨.餐廳用iPad做餐牌, 睇見有推廣，價錢$428, 叫一支紅或白酒，就免費送海鮮拼盤或生蠔6隻或瑞士芝士火鍋. 睇落都好吸引, 不過我同老公唔係好飲得, 好難飲哂一支酒. 想食海鮮拼盤只好散叫, 價錢都只係$239.餐廳每人收十蚊就有無限量供應嘅花生. 叫咗兩杯雞尾酒送花生, Sea Smile顏色黃黃藍藍好迷惑, 入面用青蘋果、‪奇異果、‪檸檬汁同桃再加酒溝成, 生果味重, 冇乜酒味, 容易入口.海鮮拼盤present得好迷幻, 藍藍地色, 款式頗豐富,包括有龍蝦半隻、‪‎睡蟹‬半隻、‪藍青口‬三隻、‪翡翠螺四隻、‪鮑魚兩隻、‪鑽石蜆三隻同玫瑰蝦兩隻. 龍蝦同‪‎睡蟹

同男朋友興祝想飲下酒，又要食海鮮，又想有情調，搵到呢間mini club。一早book定，好快就入到。一入門口就比佢既格局吸引住，暗暗既燈光配上粉紅色光管招牌，大大個倒轉左既巴黎鐵塔。坐低後店員比左個ipad餐牌我地，都幾特別。事因食海鮮，我地叫左一支白酒。都算唔錯，酒味唔太強，帶有清甜口感，比較易入口。入面既海鮮樣樣都大大隻，熟龍蝦（半隻），睡蟹（半隻），藍青口（3隻），加拿大翡翠螺（2隻），法國翡翠螺（2隻），鮑魚（2隻），鑽石蜆（3隻），玫瑰蝦（2隻）。大蜆同青口都好甜，翡翠螺大大隻食既時候仲有海水味，鮑魚新鮮彈牙，熟龍蝦同蟹多膏。再來點左四隻生蠔，有美國太平洋蠔同美國南本德蠔。隻隻都盡頂鮮味，帶有海水味肉質彈牙。食完海鮮，食返個主菜。哈哈，又係海鮮。成個飯粒粒都有龍蝦汁包住，值得一讚。龍蝦汁夠香濃。飯質彈牙有咬口，係意大利飯特色。

朕今日約左一大班隨從同朕吃喝玩樂，朕一行人去左Mini Club食海鮮，飲飲酒。一坐低，店小二就俾左部iPad朕，朕又唔打機，俾朕幹什麼？店小二就話呢部雖則係一部iPad，但係佢作為一部iPad而佢又兼職做一個餐牌，亦都係一件好正常既事黎啫...... 好！點野呢啲粗重野梗係留俾朕既隨從做啦，作為一個花生友，朕就梗係坐埋一邊剥花生啦！食得花多，有啲口乾，朕就問下隨從們叫啲咩野飲，隨從們就話又要紅酒又要白酒，朕就一於少理，叫左支Craft Beer。 《九龍手工啤酒》，呢支全麥啤酒，口感略濃，入口有好香既果味，手工啤酒值得一讚！！！跟住就黎左個生蠔，朕就食左隻南非Live Oyster，有淡淡既海水味，入口甘香，口感Creamy。跟住就係是日焦點，大大海鮮拼盤。海鮮拼盤入面，又有翡翠螺，又鮑魚，又睡蟹，又龍蝦咁。翡翠螺鮮甜爽口，睡蟹同埋龍蝦又勁多膏，隻鮑魚又夠哂彈牙，同個拼盤搏鬥完，都飽左一半。跟住就黎左個《巴東牛肉配特色包點》，隨從們搶先朕一試，嘩！辣到噴火，但係朕之前去巴東食既巴東牛肉都係香啫，同埋少少辣，唔會噴火架，一定係啲隨從們不濟，等朕試下。個巴東牛肉既肉質都幾稔同埋幾入味，個

放工同朋去咗想去好耐嘅Mini Club飲野。 Mini club最近推介海鮮拼盤套餐，包括一枝紅酒/ 白酒，加半打生蠔 價錢$428環境很不錯，營造出一份時尚型格氛圍。播放著悠閒音樂加上簡單裝飾，暗黑嘅環境可以放鬆下傾下計...relax，坐得好舒服生海鮮拼盤，好大盤，有飽魚，螺，硯，四隻蠔都好新鮮，全部都洗得好乾淨，仲有大隻蟹同龍蝦，大隻蟹好多膏，肉質都結實，好鮮味。鮑魚有半隻掌心大好新鮮，肉質爽口。翡翠螺也很大隻，肉質非常爽彈南非活蠔,好肥好大隻,好新鮮，海水味不重，但入口非常creamy海鮮盤配有意大利黑醋和茄汁為海鮮調味龍蝦汁海鮮意大利飯，比坊間一般的意大利飯濕潤，入口尚算濃郁，而且海鮮配料頗多。

兩人聚餐，選擇比較寧靜的樓上餐廳，既可以慢慢享受美食，又能在不被打擾的環境下聊天。Mini Club是朋友多次推介的餐廳，可是餐廳環境看起來不太適合大群朋友聊天，所以一直沒有機會去試。剛好這個星期有「二人世界」的約會，而且地點又在銅鑼灣，正好可以順理成章品嚐朋友大推的Mini Club海鮮拼盤！進入Mini Club，首先看到的巨型飾品必定是中央位置的「巴黎鐵塔反轉再反轉」，以粉紅色燈和微黃的背景燈光打造溫馨、浪漫效果。餐廳以iPad顯示餐牌。Sea Smile，剛上桌就被其奪目色彩所吸引，外觀滿分。它的味道很清新，有青蘋果、檸檬、蜜桃及奇異果，感覺是夏日在海邊的飲料。Tall Tall帶有益力多的酸甜味，而且透出微微的蘋果白氣，對於女生而言容易入口。朋友極力推薦的海鮮拼盤，一場來到怎麼可以錯過！大大的一盤放滿不同海鮮，包括：生蠔、鮑魚、翡翠螺、大蜆、青口、龍蝦、睡蟹。個人非常喜歡帶酸味的黑醋汁，和海鮮很配合。生蠔分別是Britanny及Special Geay，前者身形瘦長，味道較清甜，後者呈現飽滿狀，海水鮮味濃郁。兩款生蠔非常新鮮，而且相當肥美，是全晚最好吃的食物！鮑魚軟硬適中，吃

近期好鍾意同朋友去酒吧餐廳, 因為可以舒服咁飲下野之餘又唔會太似酒吧咁雜或著煙味, 而且食物質素也是不錯的, 之前也去過尖咀同MK的店, 這家在銅鑼灣朋友工作的附近, 在一幢飲食大廈的1樓, 其實近年都有好多幢專開來做飲食業的大廈, 大家搵食都會好方便……開LIFT門一看環境很不錯, 而且樓底很高, 有吧台, 有高座, 也有舒服的梳化位位置, 再入內就看到一個SIGNATURE的標志, 就是粉紅色反轉的巴黎鐵塔, 一看到不其然就想起 “家有囍事”中的巴黎鐵塔反轉再反轉, 哈哈!! 蠻漂亮的~~~牆上有不同的裝飾, 也有介紹酒的東西, 而吸引我的是那個發光的粉紅字 “WINE IN THE CITY”~~~~在城市中能感覺飲酒暢聚的文化, 我們被安排坐高椅, 望到街的大玻璃, 感覺幾舒服~~~這裡經常都有SPECAIL的SET, 好似係叫一枝SET規定的酒$428或者OVER $500的酒, 就可以在六款拼盤中揀一款食品, 其實真係幾抵, 因為酒的價錢都已經差不多, 加上六款的食品單叫其實都唔平, 所以SET係好抵!! 不過今日兩位女生就唔太想飲酒, 所以叫了其他飲品~~~~VIRGIN

最近係FACEBOOK 見到呢間新開既BAR，仲有個桃紅色的巴黎鐵塔倒轉裝飾，真係好想黎見識下同影下相，所以就約左好朋友黎HAPPY HOUR啦。上到黎，覺得環境真係唔錯，都幾適合朋友們放工傾計既地方。坐低之後侍應遞來Ipad Menu，我地叫左2杯cocktail，分別係Apple Summer 同埋 Jim Jim。Apple Summer 係蘋果同桃汁再加Vodka，至於杯Jim Jim就係荔枝加綠茶再加Vodka，2杯cocktail酒味都唔太重，女仔飲都幾適合。之後我地叫左4隻生蠔同埋個小食拼盤。唔講都唔知原來生蠔都有咁多品種，望住個MENU真係唔識揀，最後係職員介紹下揀左2隻來至澳洲既Tasmanian同埋2隻來至法國既Gillardeau，2款都好新鮮，Tasmanian比較重海水味，一入口會比較咸，肉質帶爽脆。至於Gillardeau，口感比較爽，海水味較輕。雖然D 蠔都有茄汁配，但係個人認為唔點醬先至可以食到佢真正既鮮味。小食拼盤有3個選擇，我地最後揀左個德國腸拼盤。個拼盤有6條腸，分別有慕尼黑白腸，香草肉腸，煙辣椒腸，原味紐倫堡肉腸，煙莎樂滋米腸。當中香草肉腸最好味

在瀏覽臉書動態時，發現到這家Mini club最近成為朋友中下班去放鬆下的新地方，剛好八月工作忙碌之餘又多飯局出席，便將這晚飯局定於這家Mini Club﹔對於我而言，Happy Hour等同Happy Friday，這個絕對是五天工作最大的好處，感覺時間見洗得多，不過今次一反常態於平日Happy Hour是源於Mini Club令我這個想法可以輕輕改變﹔原來有不少白領們三五成群選擇這個時段輕鬆一下，一支白酒、兩個小食、三個朋友聚在一起，將白天緊張的心情暫時放低，換來一個輕鬆的夜晚，加上餐廳中的音樂和酒精帶動下，氣氛不錯﹔於我們而言，有美酒當前美食是少不了，侍應們奉上Ipad menu，推介我們可以點套餐會比較划算，還有提議當日的新鮮生蠔﹔這晚有來自南非的Live Oyster和澳洲產的Tasmanian，先從淡味的Live Oyster吃起，海水味較淡，肉質較Creamy而鮮甜，加少許檸檬汁鮮甜度再得以提升﹔而澳洲產的Tasmanian，體積相比起較細少但口感更豐富，一入口會比較咸，肉質帶爽脆，但吃落會有一陣清新青瓜味，我覺得反而加少許茄汁，味道就較配襯﹔到了酒精方面，沒有選擇包括在

一直好想同chicken去擦海鮮，但又冇咩好推介所以一直冇行動，但我想食海鮮既引已經去到極限！就爆喇！！一於自己行動搵左好多食文，見佢好評如潮，又新開張，一於係你喇！黎到MINI CLUB特別興奮，因為去到門口已知預未著一陣就可以有海鮮餐食～yeah當然chicken因為曾經應承左我，所以要佢破費了～hahaha(奸笑)內裡環境燈光幽暗，令人覺得好有神秘感，而且坐位都係枱吧形式既高度，坐窗邊位可以眺望銅鑼灣既街境最有代表性既特色設計－反轉既巴黎鐵塔，仲要係鮮粉紅色，令人感覺魅惑，因為黎到時間尚早，如果再入夜啲既話，成個環境氣氛會係另一番景象以ipad黎做menu真係夠破費xd不過隨時可以更新依點係做得幾好，一黎我已經揀定左要依個海鮮拼盤喇～其餘既就交比chicken揀xd日式厚燒安格斯牛柳粒，牛柳粒上得最快，而且岩岩黎到果時，我已經流晒口水，引起左我既食慾！每一粒牛柳咬落去都有豐富既肉汁，而且小小既肥膏食落去仲更加惹味，食落唔會覺得好韌，毫無油膩感～ 我會加埋少少既木魚一齊送入口，味道有「咸咸地」既燒汁，咁先稱得上係日式牛柳粒！再者份量都好夠多，粒粒都好大粒，真係要比個good佢！龍蝦

Mini club的兩人精選套餐($388包1款主菜+紅或白酒1支 / 2杯飲品)，有七款咁多，上次去過旺角店後，已確定會再去食。前幾天看到朋友臉書，原來現在連銅鑼灣都有分店，環境氣氛也不錯，決定來這裡談天說地一下。倒轉的粉紅色巴黎鐵塔，非常惹人注目。貼牆一邊是梳化座，其他都以 high chair 為多。兩人精選套餐，我選了手切伊比利亞黑毛豬火腿伴黑松露脆多士。份量可不少，片片薄薄的36個月黑毛豬火腿，油份充足，口感柔軟，味道有點不平均，有幾片是淡味，有幾片是較咸香的。黑松露油份相對較小，氣味較輕，沒有搶走黑毛豬火腿的主角位置，塗在脆多士上吃，加倍美味。另外，mini club 有十多款生蠔，我又點會放過呢，Coffin Bay 及 Normandy，兩款都屬爽口，Coffin Bay更帶有海水味，既清新又新鮮，口感味道來得更豐富。龍蝦汁海鮮意大利飯，外形有點像電飯煲蕃茄飯，有點爛，龍蝦汁鮮甜，味道適中，不會有口喝感。白酒忌廉汁煮大蜆伴蒜蓉包，白酒味濃不嗆喉，忌廉汁又不會太膩，兩者味道平衡，大蜆水嫩滑溜，好入味，好有衝動把汁料喝光。套餐飲品，既然每日有經驗豐富嘅調酒師駐場，我當然選擇