天龍軒

营业中

休息中

麗思卡爾頓staycation第二日同tosca一樣因為疫情關係變左early dinner雖然可以四點checkout但係因為要食埋天龍軒就三點checkout放低行李同早餐同一條扶手電梯轉右就係米芝蓮兩星既中菜天龍軒自從食過兩間三星既中菜廳之後最期待就變成左呢間二星既天龍軒如果話唐閣既招牌係蟹蓋咁天龍軒既招牌就一定係叉燒天龍軒有兩款叉燒招牌係黎自西班牙黑毛豬既叉燒呢份被譽為全港第一既叉燒需要廿四小時前order定不過基本上訂位時已經會問定你洗唔洗預留一份或者半份我都係因為呢半份叉燒所以無揀到佢地比較抵食但又只提供普通叉燒既套餐主廚劉秉雷既片段可以係飲食果女既youtube搵到師傅話呢份黑毛豬叉燒係取自膊頭肉稀少而且特別而呢批伊比利亞黑毛豬係食橡果大所以肉質會帶橡果味劉師傅亦都係全香港最年輕既萬豪金殿行政總廚鄧家濠既師公係好多訪問亦都成日會見到劉師傅既身影門面其實同尋日行入去tosca係一模一樣既只係廚房今次唔再開放式見唔到劉師傅今日有無番工餐檯尋日tosca係藍色而天龍軒主色調就係紅色又係食完影既呢邊係望昂船州一帶既海景如果黎食晚餐既話應該真係乜光都無其實個天同尋日都係差唔多陰陰天

三月間買了一大堆酒店折扣券，今次用天龍軒的午市executive lunch券。天龍軒的氣勢，居高臨下的海景實在是開眼界，相比之下，午市行政套餐菜色較為平淡，當中桂花义燒味道很特別，其它菜色四平八穩，水準不錯但也沒什麼特別。反而另點的兩個signature 小菜能夠初窺天龍軒的功力。其一是焗蟹蓋，焗得金黃飽滿，啖啖蟹肉十分滋味，伴碟的炸紫薑有趣，也和蟹肉很夾。另一味是龍軒東坡肉，醬汁有濃濃花雕酒香，無論肉和脂肪都是入口即溶，天上的美味。意猶未盡， 希望有機會再來，嚐一下天龍軒的真正滋味😗

娘娘呢幾日黎左香港旅行，百幸中抽到時間同我食餐飯見過面，作為一名老兵，當然要扭盡六壬，務求令娘娘有一餐愉快又難忘嘅晚飯回憶﹗娘娘平時係台灣都食慣好野，而台灣都不乏出色嘅西式日式餐廳，所以今晚就揀左相對娘娘係台灣小食嘅中菜啦﹗頭盤係黑醋魚乾 (個名唔係好肯定，掛住聽娘娘呻唔見左部電話，都唔記得聽服務員介紹)，雖然只得兩細條，但入口異常香脆，作為頭盤相當唔錯。頭盤之一，亦係招牌菜之一，窩貼大蝦多士，薄薄嘅多士，緊緊貼住厚厚嘅大蝦，加埋甜甜酸酸嘅醬汁，呢個頭盤係滿分﹗最後嘅頭盤，招牌菜之一，西班牙黑豚肉叉燒，有別於一般叉燒，極少肥膏，但口感有如肥叉般軟綿，冇筋冇渣，微燶帶香口，引用 Peter Wong 名句，神奇，頂級，超卓。呢個娘娘好捧場，食左一半呀﹗花雕蛋白蒸蟹拑，大肉蟹拆出黎，睇 size 就知本身隻蟹有幾大隻，蟹肉新鮮具彈性，唔似雪藏貨霉霉爛爛 (收得咁貴仲要食雪貨)，蛋白帶蟹香而滑，唯一可惜係花雕味淡啲 (酒鬼！？)。龍軒東坡肉，蘇杭名菜，食東坡肉最怕死咸死甜，呢度就啱啱好，要挑剔嘅話。。。肉本身瘦左啲，只有一層薄薄嘅肥膏，當然未去到柴頭，不過食得東坡肉都唔會追求健康要走肥掛？松

特別的日子，搵間特別的餐廳，食Ｄ普通但特別的食物～點解又普通但特別呢，因為我地食只是普通的叉燒，不過就特別在佢係西班牙黎據師傅講，此叉燒成本十分高，有一次師傅發現來貨的質素差，一次過弄晒佢，難怪一向係米芝連常客～叉燒厚身，肥瘦比例剛好，食果時肉汁四濺，如果用質素同份量計算，我本人覺得幾抵食ＴＩＭ其他食物都有不錯味道，呀，不能不提，他們的服務很細心，他們不知道用什麼方法，知道我是個左撇子，把餐具放在左邊

早於一個月前訂咗位，懷著興奮的心情去會一會哩間位於102樓嘅中菜館餐廳嘅裝修都幾靚，服務都幾好。是晚試咗以下菜式：龍軒東坡肉（$68）- 肉味香但唔咸。連太太平時怕食肥都話好桂花蜜椒鱔球（$58）- 鱔肉香脆但唔乾，帶少少桂花糖吊起啲味，正！白玉錦繡上素盒（$168）- 賣相好靚，不過冬瓜配菇菌實在太淡無乜味家鄉梅菜雞（$190）- 梅菜好味，但啲味無同雞結合。無乜特色如果大家為咗觀賞維港夜景而來，咁就可能會失望。因為天龍軒並非面向維港，而是向奧運站