韓牛牧場 (已結業)

1++韓牛韓燒定量午市餐（二人份） $238定量韓燒包括有牛肋骨肉、牛肩胛、五花腩、雞腿肉、虎蝦同青口。肉類肉質鮮嫩，紅白顏色分佈比例勻稱，虎蝦鮮甜彈牙，青口加左牛油食落香口唔會乾身。食燒肉最怕油煙大，餐廳用嘅係韓式光波燒烤爐，無煙之餘仲有自動旋轉烤盤，烤肉嘅時候好方便。餐桌紙仲寫咗食材預計燒烤時間，好岩我依啲唔識煮嘢食嘅人作為參考。~~~大醬海鮮豆腐湯飯 $78海鮮湯好足料，虎蝦、青口、扇貝、魷魚圈全部都有兩件或以上，仲有豆腐、白蘿蔔、粟米等配菜，份量好足。而湯底味道比較清，唔會蓋過海鮮嘅鮮甜，亦唔太咸，用嚟泡飯或者直接飲都可以。~~~沙律、前菜同飲品都係自助式嘅，十多款前菜小食同生菜都係任食，飲品就以罐裝為主。

1++韓牛韓燒定量午市餐（二人份）$238拼盤都幾豐富，有韓牛牛肋骨肉、韓牛肩胛、西班牙黑豚五花腩、韓式雞腿肉、虎蝦同青口。牛肉油滋分佈唔錯，🦐都好新鮮，燒完唔痴殼。佢用韓式光波燒烤爐，傳熱能力比我想像中快，而且座位餐紙上有講每種類要燒幾耐，幾好。佢枱上有調味料俾你落，添加口感。火炙1++韓牛丼 $138如果唔想燒野食，首推呢款，韓牛火炙得剛剛好，入口即溶既感覺。個丼飯上有生蛋，亦有醬汁，撈埋黎食😋😋佢有任食plan，不過定食都包任飲任食前菜，沙律同飲品。小食首推牛舌，拌得唔錯。佢個韓燒因為無煙，所以燒完都唔會一陣味👍

Happy Friday！又想食韓牛，同行友人提議黎呢間銅鑼灣登龍街既韓牛牧場，之前黎試過，食完超飽，就encore啦！之前都係周末黎，原來平日餐牌同周末一樣，有兩款二人套餐，仲有韓式製作湯飯，製作定食，招牌製作燒肉丼，韓石燒，同招牌製剌身丼。全部包飲品，沙律，前菜及小食任食。一入門口就見到沙律同前菜吧，沙律有車厘茄，生菜包，粟米粒，青瓜絲，中華沙律，有兩款沙律醬。前菜有辣白菜，蓮藕片，芽菜，菠菜，枝豆。我最鍾意菠菜，加左紅蘿蔔絲，蒜蓉同白芝麻粒，好翠綠新鮮。芽菜都唔錯。蓮藕片非常爽脆。先黎醬汁三寶，服務員介紹左起用黎沾豬肉，中間用黎沾牛肉，最後芥末用黎沾韓牛他他。1++韓牛韓燒定量午市餐(二人份) $238 1++韓牛韓燒定量午市餐(二人份)用左個好靚嘅六格木盒上枱，德國寶韓燒爐温度有成280度，服務員提醒話牛肉唔好燒咁熟，枱面嘅枱紙有建議唔同肉類嘅燒烤時間。肉類有6款：6片1++韓牛牛肋骨肉牛味好濃。6片韓醬1++韓牛肩胛油花好靚，牛味好濃，食落嫩好多，韓醬味道就唔多覺。6片西班牙黑豚五花腩，肥膏多但係勁多肉汁，豬味超濃，仲有少少白色骨咬吓。連皮雞翼兩隻一開二。兩隻連殼虎蝦好有蝦味

好幾個月前黎呢間銅鑼灣登龍街既韓牛牧場試過午餐，今日又黎encore先。韓牛牧場當然係主打韓牛啦。餐牌同上次黎一樣，有兩款二人套餐，仲有韓式製作湯飯，製作定食，招牌製作燒肉丼，韓石燒，同招牌製剌身丼。全部包飲品，沙律，前菜及小食任食。極上火炙7色丼 $118 上次食左1++韓牛他他丼，今次試吓呢個極上火炙7色丼先。7色分別係韓牛，海膽，帶子，三文魚，油甘魚，鰻魚，同蟹棒。賣相好唔錯。首先全部材料連海膽都係火炙過，好香。韓牛全熟不過都好嫩，青瓜片上面嘅海膽滑溜唔太腥，帶子三文魚同油甘魚半熟好鮮嫩，鰻魚彈牙，蟹棒都唔錯。下底嘅飯粒係淺啡色，粒粒沾滿醬油不過味道甜甜哋，唔洗加豉油就咁食就得。呢個價錢好抵食。1++韓牛韓燒定量午市餐(二人份) $238 1++韓牛韓燒定量午市餐(二人份)用左個好靚嘅六格木盒上枱，包以下食物：1++韓牛牛肋骨肉8片，油花非常平均，餐廳建議烤50秒就食得，肉汁豐富而嫩口。韓醬1++韓牛肩胛6片，一樣肉汁豐富而嫩口，韓醬味道就唔多覺。西班牙黑豚五花腩6片，肥膏多但係肉汁豐富，嗰陣豬味未食先聞到。韓式雞腿肉5件，連皮，多汁嫩滑，面頭加左少少辣醬調味。連殼虎蝦兩隻唔算太

好耐無食放題，今次要試新野，友人帶左我黎呢間銅鑼灣登龍街既韓牛牧場，顧名思義，係食韓牛既放題。一心諗住黎食放題，點知原來友人話食套餐，但係其實都算半自助，因為全部都包飲品，沙律，前菜及小食任食。餐牌有兩款二人套餐，仲有韓式製作湯飯，製作定食，招牌製作燒肉丼，韓石燒，同招牌製刺身丼。1++韓牛韓燒定量午市餐(二人份) $2381++韓牛韓燒定量午市餐(二人份)包1++韓牛牛肋骨肉，韓醬1++韓牛肩胛，西班牙黑豚五花腩，韓式雞腿肉，同虎蝦拼半殼青口。成個餐用左個好靚嘅六格木盒上枱，仲有沙律菜同少量雞脾菇，翠玉瓜，同冬菇伴碟。枱面嘅枱紙有建議唔同肉類嘅燒烤時間。1++韓牛牛肋骨肉六片，燒左分幾鐘。牛味可以又唔太韌。韓醬1++韓牛肩胛六片，燒左幾廿秒就食得。呢塊牛肩胛超正，個韓醬原來係蒜蓉，味道好好，最難得係肉質好嫩口。西班牙黑豚五花腩六片。豬味濃又多肉汁，係要咬吓。韓式雞腿肉四件，要燒五分鐘。脆皮而肉質嫩滑。虎蝦兩隻唔算太大，不過都好新鮮，啖啖肉而蝦頭帶膏。半殼青口餐廳建議燒一分鐘，我地穩陣啲燒足兩分鐘。兩隻青口係新鮮貨色，質感算幾嫩，而個汁好香牛油味。上個餐俾我哋之前，服務員上左三格燒肉汁