3rd Space (已結業)

星期六終於有時間去上環影Ian嘅生日壁畫🎉，行開嚟呢頭就順便食埋飯。我哋竟然發現「3rd Space」夜晚都有開，所以第一時間入去就係問清楚Last Order未🤣。原來餐廳最近試開晚市，睇吓有冇機會開拓新市場，今時今日經營小店真係一啲都唔容易🙏🏻。之前嚟食過班戟同意粉，呢晚就一於試吓佢嘅飯。廣島牡蠣炊飯($140)，朋友鍾意食蠔🦪，所以二話不說揀咗呢個廣島蠔飯。蠔自然係主角，有四大隻，每隻都好肥美，味道鮮甜唔腥，沾埋旁邊嘅蠔汁食更出色。🍚炊飯亦唔馬虎，底汁用上醬油、味醂同昆布等材料所煮成，再加埋野菌🍄、蓮藕同牛蒡，食落幾豐富。24小時浸煮鮮豚肉角煮慢煮蛋穀米茶漬飯($120)，🍶茶漬飯儀式感十足，提供埋教學教你點食，鰹魚湯熱辣辣，滲出淡淡茶香，另外再撈埋蛋汁食🍳，就製造出湯飯喇。🐷慢煮豚肉片帶點肥膏，口感炆至軟淋淋，好邪惡；調味用上鰻魚汁，估唔到有呢個組合。飲品方面，兩杯都係綠色💚，分別係宇治抹茶豆乳拿鐵配北海道牛奶雪糕($58)同埋紫蘇梅鮮青瓜梳打($55)。🍵Latte抹茶味突出，配上荳奶底同樣細滑，店員建議撈匀雪糕一齊飲，撈完反而仲無咁甜呢。青瓜梳打好清新🥒，至於粒梅就自己篤，

假日約了友人食lunch，好耐冇出去食飯了，難得聚下揀了一間特色的CAFE-3rd Space，經過幾次都無緣幫襯，今次終於可以一試，因為唔想等，訂位最方便。店面牆上壁畫甚有街頭藝術之感。小小的店子，簡約設計，店外及內堂的牆身也有壁畫作品，令其添上了藝術色彩。用餐時間70分鐘最低消費$90/位設加一餐牌，招牌是班戟，一於試下，及叫了主食，開心些牙。Cappuccino，$38，好靚的拉花，味道不俗。招牌芝士厚班戟全日早餐，$125。，人氣之選，份量十足，招牌係班戟，一於試下，有蜜糖伴食，厚身的班戟，口感鬆軟，內餡有半溶的芝士，芝士唔算太濃郁，味道平均，鹹鹹甜甜，都不俗，配料有牛油果、沙律菜及蕃茄，清新之感，太陽蛋煎得靚。24小時浸煮鮮豚肉角煮慢煮蛋穀米茶漬飯，$120，個名好長！有個食法教學:把茶漬鰹魚湯倒入飯內，把慢煮極上蛋拌進飯裡，豚肉口感鬆化入味，茶漬飯加入鰹魚湯易入口，味道清香。招牌燒海鹽忌廉麻糬班戟(伯爵茶味)配北海道牛乳雪糕及水果，$98。，班戟口感鬆軟，有淡淡的伯爵茶味，內餡有煙韌的麻糬，口感豐富，配上軟滑的海鹽忌廉食鹹甜味道有層次，幾好味呢。甚有藝術之感的店子，食物不俗

舖頭細細，有10幾個位，木系裝修好啱打卡，係位置偏僻啲。星期六三點左右去食下午茶，當時人唔多，店員告知60分鐘用餐時間、最低消費$90。聽到60分鐘用餐我已經呆一呆，仲要係非繁忙時間都有用餐時間。坐低認真睇吓餐牌，發覺一個班戟$85(未加一)，換言之好大機會單叫班戟要叫杯嘢飲。*24小時浸煮鮮豚肉角煮慢煮蛋穀米茶漬飯 $120角煮豚肉係厚片豬五花，有三大片，帶超濃醬油香，肉質軟腍，瘦肉肥肉半半，入口唔會過油。溫泉蛋煮到啱啱好，滑嫩流心。茶漬飯當然要有茶同飯，飯偏硬，米香略淡，自己將茶倒入飯碗，茶味淡又唔香，完全俾醬汁香掩蓋咗。招牌燒海鹽忌廉麻糬班戟 $85班戟有好多味道可以揀，我揀咗伯爵茶。班戟厚身，質感介乎日式梳乎厘班戟同美式班戟之間，有啲份量但唔會覺得厚實，size偏細，單食班戟茶味偏淡，配埋其他配料水果就會食唔到茶味。中間有黑糖麻糬，少少甜，煙韌得嚟唔會似鼻涕嘅質地，面頭仲有少少吉士醬，帶蛋香但偏甜。北海道牛奶雪糕溶得好快，奶味香濃，配熱班戟一流，但奶味會掩蓋班戟茶味。

佔盡地利嘅上班族又趁lunch time去3rd Space，呢間良心小店介乎西營盤同上環之間，純白色嘅牆身漆上壁畫，相當易認，順帶一提佢地係蟲二嘅姊妹店，港島人想食麻糬班戟的話唔駛過海呀。今次坐最入嘅二人枱，先至發現餐廳有個小小嘅戶外吸煙/用餐區，以日本藝妓為主題，裝飾得幾雅緻，不過烈日當空都係留喺室內啦。餐廳pet-friendly，臨走見到隻可愛嘅柴犬，有寵物可以帶埋佢地黎呀。(w/ 10% service charge)🍽24小時浸煮鮮豚肉角煮慢煮蛋穀米茶漬飯 24-hour Braised Pork Belly Sous Vide Egg Multigrain Rice Bowl ($120)見門口塊黑板寫咗呢款就試試佢，托盤附上簡單食用說明，先將茶漬鰹魚湯湯倒進碗內，再伴勻半熟蛋就可以食。豚肉角薄切，浸煮一日後再煎香，做到邊皮脆，肉質軟腍，帶燒汁嘅味道。茶漬鰹魚湯調味剛好，泡飯食亦無飽滯咁，撈埋蛋汁更滋味，朋友最後飲晒啲湯添。🍽招牌燒海鹽忌廉麻糬班戟 Signature Mochi Pancakes ($85)班戟有藍莓、黑朱古力、花生煉乳醬等七隻味，上次食左伯爵茶，見隔離

之前去過旺角分店 上環呢間環境幾靚 坐得好舒服😌佢係行木系風格 好簡調嘅感覺🪵.📌24小時浸煮鮮豚肉角煮慢煮蛋穀米茶漬飯 $120豚肉口感算係嫩滑 但個肉味唔係好出 唔知食緊咩肉🤣肉嘅份量少左啲 得3塊🥲飯嘅份量就夠嘅😝呢間嘅鰹魚湯嘅味濃啲 但飯就淋過旺角分店🤫.📌黑朱古力麻糬班戟 $85朱古力幾濃唔會話太甜太苦🍫麻糬就同之前差唔多😛雪糕係雲尼拿味 Topping就有燕麥,香蕉同朱古力醬😎我覺得個份量比旺角少啲啲👀朋友唔太鍾意食朱古力 但都覺得呢個幾好味😋.📌宇治抹茶豆乳拿鐵配北海道牛奶雪糕 $48抹茶味好濃 好重回甘味 所以店員suggest將個雪糕撈埋黎飲🍵雪糕同pancake一樣😆但因為抹茶味比較濃 所以唔太飲得出個奶味🥛.📌皇室伯爵茶 $38個茶嘅濃度係可以自己調教🤩因為可以自己拎個茶包出黎🤓飲落好香醇嘅茶味💓