Amitie Kitchen

营业中

休息中

相隔一年再來吃飯，餐牌亦新加了些菜式。中午設午市套餐，包餐湯/沙律、甜品及飲品。點了蟹肉、牛油果煙斗粉沙律伴乳酪汁及XO醬大蝦意大利麵；另外還點了Appetiser日式磯煮鮑魚伴芥末沙律醬。蟹肉、牛油果煙斗粉沙律伴乳酪汁有別一般沙律，這裡使用乳酪汁作沙律汁，酸酸的，感覺較輕盈，配上牛油果及蟹肉，再加上煙斗粉，很飽肚的一碟沙律。XO醬大蝦意大利麵炒得夠乾身，一碟有5隻大蝦，中西式的配搭很惹味，不錯。日式磯煮鮑魚伴芥末沙律醬這是朋友點的，一碟有2隻鮑魚，旁邊有沙律菜伴碟，第一次吃磯煮菜式的我，被驚艷了。這鮑魚很好吃！肉質煮得剛好，淡淡的甜味為鮑魚提鮮不少。飲品方面點了特飲—400次咖啡及抹茶latte。原以為400次咖啡會很甜的，這裡沒有額外加糖打成，所以是一般咖啡的甜度，可自行加糖。餐廳水準仍保持到，不錯喔！

向來都好鍾意呢間tst的高質西餐廳，前排終於有機會同朋友再去，質素還非常好呢😋😋😋雖然餐廳內好多人，但座位都坐得舒服，適合同friend邊嘆美食邊傾計點餐後餐廳會送上熱呼呼的面包，口感好鬆脆，還有麵包條！加拿大海膽松葉蟹膏蟹肉忌廉汁意大利麵賣相非常吸引，大大塊的海膽下還有非常creamy的意粉。海膽出乎意料的鮮甜，意粉內就有絲絲蟹肉，配上creamy醬料、菇、紅椒粒和洋蔥，texture夠曬rich😋還有的是，蟹柳好肥美，燒得好香之餘好厚肉。炸軟殼蟹·牛油果漢堡配蕃薯條同樣的非常好味😋，炸軟殼蟹是我吃過的餐廳中最大隻、最多肉的。吃下去膏和肉都好鮮甜，還少有的加了檸檬汁，更突出蟹香味。旁邊的蕃薯條亦非常可口，香脆得來少少甜，越食越過癮！另外還有不在menu上的「400次咖啡」（因為見到openrice上有人曾點），好滑好香。原來他們還有午市優惠menu，已bookmark有機會再來1～

#懲罰黃店💛 厚福街真係成條街都勁多黃店，行幾步就有，呢間就僻少少要搭lift上樓食😛平日lunch time唔算好多人，但佢食物嘅質素都值得有更加多人去幫襯，大家多d去懲罰下黃店呀🥰呢度嘅明太子扁意粉個醬係偏忌廉嘅creamy感覺，望落好似好heavy但食落又唔會太膩，明太子味好濃唔會淨係得忌廉味，夾埋本菇嘅清新口感同好入味嘅豬柳，真係好快已經食完🤪意大利飯係朋友叫嘅，個飯有好濃嘅番茄味，好似有d蓋過咗蟹肉味，唔係好食得出😂不過青口就比得好足，咁樣夾埋都抵食嘅😛😛400次咖啡聽就聽得多，我就一次都未試過😂😂都幾鍾意上面層發咗嘅咖啡，好creamy好濃咖啡味，就咁飲會有少少酸，撈埋牛奶一齊飲個味道就柔和好多☺️

係尖沙咀返工既我，放工係返附近既厚福街覓食，今次去左呢間食晚飯，主打西餐～我地叫左一個dinner set同散叫一份主菜。套餐本身包左一份前菜、一個餐湯、餐包拼盤同主菜，仲有一杯飲品..前菜: 香煎西班牙墨魚仔伴辣肉腸🐙 有沙律菜、炒香左既墨魚仔同片片辣肉腸 餐湯: 每日餐湯 - 蕃茄湯🍅 好濃郁，完全飲到原個蕃茄既原味，不過口味會偏酸，相信佢無咩落糖~ 餐包拼盤: 有驚喜，有脆條🥖同兩款軟法包🥯，仲有提供埋牛油同果jam俾你..主菜: 芝士BBQ醬燒美國豬仔骨🍖 豬仔骨幾大份量，三條骨，醬燒豬骨上面鋪左芝士一齊燒香，鍾意芝士既朋友應該幾鍾意~肉質軟腍，肉味濃郁!餐飲: 400次咖啡☕️ 加少少錢轉配的，堅濃郁既咖啡，配鮮奶，好香，不過真係唔甜👍🏻..散叫: 炸軟殼蟹牛油果漢堡配蕃薯條🦀🥑🍔🍟份量勁大勁足料，漢堡外面比較乾身，但配埋裡面既食材同醬汁又幾juicy～軟殼蟹炸得幾脆下，配埋牛油果食幾夾幾fresh! 蕃薯條又甜又脆，精華在搭配左日式麻醬! 完全未試過咁食，又幾好味😋..套餐其實都幾多野食，所以如果兩個女仔去，就真係一個套餐一樣散叫都得，本身仲諗住叫甜品，最後都放棄左無叫😆

五一黃金週條街開始多人，係疫情下間餐廳都要book到2030先有位，睇嚟應該有哂咁上下質素，所以有啲期待。餐堂唔算大，大約10鬆張枱到，坐得都尚算舒服。當晚fully booked, 餐堂小waitress 明顯有啲應接不暇。上餐次序都亂左。我地叫左晚餐set 牛小排，上左主菜都未上餐前小食，大概忙中有錯。散叫左個法式洋蔥湯，大概係飲過嘅洋蔥湯最「甜」嘅一個了... 不過，佢都有好多驚喜位。餐前麵包係暖的，仲有三款麵包，而其中一款仲係牛角包忝，呢個係有誠意嘅... Set 嘅餐湯係南瓜湯，呢個係好味嘅，有好濃郁嘅南瓜味而又唔太creamy... 食到南瓜本身嘅甜味... 主菜牛小排係最有驚喜。本身舊肉好juicy 同好稔。佢唔似啲butter knife steak 咁，食落好有質感。甜品叫左tiramisu 同最近大熱嘅400次咖啡。係屋企整唔到唔使失望，嚟呢度就有得飲啦～

好食既黃店特別珍貴，今次經朋友推介嚟咗尖沙咀既Amitie Kitchen。一到門口已經感受到一股強烈既黃色力量。裝潢同一般西餐廳無異，座位之間有一定距離，個別座位甚至有玻璃擋板，大家絕對可以安心進餐。落左單後就送麵包，總共有三款，包括牛角包、提子包同竹炭餅乾。- 火炙加拿大海膽芝士焗松蟹膏大啡菇🍄聽落咁多材料就知道好豐富，大啡菇肉厚多汁，入面亦有紅椒粒、黃椒粒同洋蔥，加埋海膽非常鮮甜。- 鹹蛋黃醬煙肉蘑菇意大利麵意大利款硬程度剛剛好，每一啖伴隨濃郁嘅鹹蛋黃醬，另外仲有大量煙肉洋蔥碎粒。卡路里應該幾高，不過食咗先講！- 油封鴨髀配蒜味薯蓉伴藍莓醬平時食西餐，Main course一定有牛扒。今次轉下新意，試下啲稀有菜式，例如油封鴨髀。鴨皮超級香脆，肉質柔軟，味道唔會過鹹，藍莓醬減少鴨腿的油膩，調味比起傳統嘅鴨髀輕盈得多，更適合香港人口味。相反薯蓉好鹹，而且唔算好creamy。- 400次咖啡最近社交網站上有一款爆紅人氣飲品－400次咖啡，但我平日太懶惰無整到，所以見到飲品list有400次咖啡，我二話不說即刻叫左🤣。淺啡色嘅「奶蓋」真係幾靚，口感綿滑。- 紅柚四季春自從罷飲茶狼都冇飲紅

上菜前，有三款餐前麵包，麵包微熱食落少少甜味，有牛角包，脆麵包。.🔸忌廉蕃茄湯 (跟餐)分數: (7.8/10)好酸，我鍾意，應該落咗好多蕃茄。.🔸吞拿魚他他伴日式芝麻醬 (跟餐)分數: (7.5/10)生吞拿魚幾香，冇乜腥味，沙律新鮮清甜。.🔸炸蠔二重奏意大利麵 ($188)(餐)分數: (7.8/10)意粉用蠔汁煮，醬汁濃郁，食落去舌頭根部有回甘，配有三粒炸蠔。.🔸脆炸軟殼蟹牛油果漢堡配蕃薯條 ($158)(單點)分數: (7.2/10)最特別係蕃薯條個醬- 肉桂沙律醬，有淡淡玉桂味。軟軟的漢堡包皮之間，夾住大大舊炸軟殼蟹，新鮮牛油果。美中不足係軟殼蟹有一小部份吃到有沙。.🔸伯爵茶奶凍 (跟餐+$30)分數: (8/10)奶凍口感滑，好香伯爵茶葉味，上面有玫瑰花裝飾，裝飾好靚好少女心，派場夠大。.🔸400次咖啡 (跟餐+$20)分數: (7.5/10)呢排興呀嘛，又懶唔想自己整喎，咁咪嗌嚟試吓囉！都係果啲味啦，上面好濃咖啡味又好creamy咁囉！.💛有學生，醫護優惠。💛免費支裝水，比香港人有需要時拎。