原の味 (已結業)

情人不在港，週二晚又冇舞會，所以就應靚女約會，過海睇燈飾，順便喺尖東一家佢常幫襯o既「原の味」度食潮派日式料理，一嚐赤裸的秘密。餐廳樓底高高，裝潢簡單得黎又不失時代感，間隔開揚通爽，感覺輕鬆自在。適逢聖誕佳節，店內有不少精品擺設增添節日氣氛。話哂唔係小肥地頭，點菜亦順理成章地交予女伴代勞。梅酒杞子藜麥麻醬沙律（$88）：沙律所選用o既蔬菜清新爽脆，以浸過梅酒o既杞子及麻醬點綴，整體惹味得黎又帶份濃甜。三色揚げ出し豆腐（$158）：三件炸豆腐面上分別加上鴨肝、海膽、鰻魚。XO仔一向怕骨，見到「鰻魚炸豆腐」即好禮讓地夾俾美女食，扮哂紳士。中間件「海膽炸豆腐」個炸豆腐幼嫩滑溜，且皮層鬆脆，連同頂面o既海膽食則倍感鮮美。最後方o既「鴨肝炸豆腐」則潤濃甜嫩。三款炸豆腐其實都濃味得各有特色。原の味火焰卷（$148）：小弟所拍下o既相片雖然唔係太捕捉得到，但火焰卷上枱時個碟邊當真仍燒著藍藍火光。以三文魚包住辣辣吞拿魚碎卷o既原の味火焰卷柔軟帶脆，魚鮮味濃厚之餘，當中o既辣勁亦極為醒神討好。48小時慢煮雪花牛小排（$248）：肉質呈紅色o既慢煮牛排鬆軟潤澤，且好夠肉香，伴上墊底o既黃薑蓉及碟上微辣o既

總要有些日子不是紀念日，但就是要高級約會一下。從前爸媽高級約會的地方也是尖東吧。就是會去見最美的燈飾⋯食扒❤️現在太多選擇了，但都想來尖東成為我們的老地方。環境很舒服，好適合又想食好西又可以好好聊天的好地方。金槍魚他他加了蛋黃，好一個絕配⋯又有著酸酸甜甜，非常開胃。其實聊著天我不需要一個大大的飯或麵快快食飽，來了一客又一客小食，真的很relax~啖啖蟹肉配著黑松露👍🏻👍🏻👍🏻食物除了美味 擺放是一種藝術 會令你更開懷大吃。你會更知道廚師的用心。慢煮真是一種態度，好的食材要慢慢煮，留著汁，香味，。入口就化❤️❤️❤️❤️我不太愛甜點～我相信這個甜品會令怕了馬卡龍甜入心的人另眼相看，鵝肝意想不到的合適❤️我聊飽了也食飽了。心裡滿足

去完科學館睇木乃伊經過呢間fusion餐廳，見唔洗等位就入左去食。 環境寧靜， 裝修都好有氣氛首先叫左個梅酒杞子藜麥麻醬沙律沙律，一開始食覺得啲味有點濃，啲杞子好重酒味點知習慣左就愈食愈好味，酸酸地好開胃跟住男友叫左小食炸蓮藕片，配蛋黃醬..同上面既黑松露!我最鍾意既醬組合雖然我本身唔係點食蓮藕，但佢炸得好脆好薄，好似薯片咁，好正再來就黎左日式主菜 壽司八件，都幾新鮮唔錯跟住試左個創意壽司，芒果醬三文魚押壽司，擺盤幾靚。壽司飯入面有啲木魚咁，幾得意~不過個醬略嫌酸左點食埋西式主菜~呢個慢煮48小時雪花牛小排好正!!!可能第一次食慢煮牛，第一次食啲肉質咁tender既牛扒牛扒下面仲有薯蓉，應該配左燒汁，好好食。自製一人擺盤最後叫多個溫泉蛋黑松露意粉一撈埋成碟意粉，啲黑松露味就湧出黎個意粉係扁意粉黎，口感不錯之餘仲啖啖黑松露味仲有一粒粒既小藜麥，口感好豐富最後有個抹茶雪糕配咖啡既甜品，侍應姐姐教我地倒小小咖啡到個雪糕到食，竟然又幾夾豐富左抹茶本身既有層次既味道

朋友曾經推介呢間日式餐廳俾我，唔單止有新鮮魚生等，仲混合左fusion菜式，聽落幾得意趁今晚係TST，特登行過去試下新派日式菜的，唔使等位侍應安排左我地坐入面梳化位，環境佈置幾日式， 寧靜舒適，私隱度高雖然餐牌選擇多， 甚至意粉都有， 但我地黎之前睇過推介， 都大約揀左食咩，亦想試下佢既日式西餐要左個小食mini cones -魚子醬迷你脆筒二重奏， 以甜筒既造型， 賣相造型都好可愛， 比我想像中更的骰有兩款味道， 其中一款係海膽拼三文魚子， 海膽鮮味十足有光澤; 而一款係吞拿魚蓉拼黑魚子醬， 吞拿魚一般比較淡味， 但呢款加左辣， 十分惹味， 而且吞拿魚蓉刴得好幼細， 入口即溶，配埋黑魚子醬，突顯矜貴由於海膽實在新鮮無比， 我地加插多一份終極卷物，卷物上面鋪滿海膽，三文魚子同吞拿魚蓉，賣相吸引， 一啖放入口， 三種鮮味混合， 美味無窮，食到卷物裡包含紫蘇葉&漬物，但老公唔鍾意紫蘇葉味道太重， 好輕易夾走紫蘇葉， 壽司飯都無散開 原之味赤身沙律，用木板形式送上，份量幾大，差唔多半張枱咁大沙律菜好新鮮， 沙律材料種類多, 好豐富, 有煙燻吞拿魚，牛油果，合桃， 腰果，藍莓等，大家夾既時候先

「Naked」有一種原始、赤裸裸嘅意味，加上「原の味」嘅譯名，多多少少你就估到店家堅持嘅喺乜嘢。較早陣子，喺從雜誌嘅介紹認識這家店，主打新派日菜，並非常有創意及互動，仲記得早前到訪嘅Le Reve，以西日融和風格帶嚟唔少驚喜，所以，對Naked亦萬分期待。店舖嘅正門喺開放式設計，摺門趟開晒後，從外望入去十分開揚，擺上高腳枱椅，只喺嚟飲番杯又得，作為餐前坐晌度輕鬆小酌亦可。但當真正踏進餐廳，近門口右邊嘅巨型壽司吧，十分搶眼，坐晌度唔單止睇到師傅搓壽司，有興趣更可跟師傅交流，而背後嘅電視屏幕，不斷播放刺身、壽司相關嘅片段，絕對唔喺硬銷飲食嘅「節目」。因為我哋被安排坐晌一面，跟住侍應一路走，一路窺探內裡環境，原來地方非常之大，以多組雕花屏風作間隔，提升私人空間感。而一室以金、啡及木系為主調，帶點和風嘅裝潢，卻不失典雅及氣派，然而，唔會有太俗氣嘅感覺。餐廳設有貴賓房，人多大可訂個房自成一角，不過，溫馨提示一下，由於間隔只喺雕花屏風，唔能夠完全隔聲，悄悄話就唔好講得太大聲。除壽司吧位搶眼之外，裡面一張U型大枱，足可容納15人，侍應話人多唔想太拘束，揀坐依道喺幾唔錯，因為可以圍埋有傾有講外，更可以