Stanley Cave (已結業)

朋友生日，為減肥中的我找個好點的藉口大吃一頓吧。門口很美，我們在門口拍照也花了數分鐘呢。這間店是在地庫的，店內燈光比較暗，很有情調。這個超級好吃，皮好酥很香口，吉士醬也不會過甜，最重要士多啤梨一點也不酸，很香很甜。最重要，這麼大一個，差不多佔了一大個碟也才$28，超級抵食。好後悔走的時候沒有打包2個回家。超級後悔點了這個。店內選擇不多，$65可以點4樣沙津，但店內只有5種沙津，第5款是要加錢的。不知是不是不合我們口味，最左手邊的蝴蝶粉偏酸紅菜頭就過甜，只有蘋果配薯仔口味是可以接受，蘋果爽口也香甜。I牛角酥超好吃，很香的牛油味。而別的腸，煙肉等等，因為吃的太飽了，所以勉強吃光的結果是沒有品嚐到它們本身的味道。如果有機會再來赤柱玩，我一定打包2個士多啤梨酥回家吃

放假去赤柱relax 一下, 兩點幾，到達後即刻搵地方醫肚先，行左一陣就被佢外表吸引了，店舖位於地庫，一入店舖就被d甜品同麵包吸引住，堂食客人須自行搵位後再order, 不過cashier的店員超nice，幫我地安排坐位👍👍太肚餓了，同朋友一人一份all day breakfast 加支pink lemonade. 大概15分鐘就有得食. 真係好巨形，成份早餐包括一大碗暖笠笠的茄汁豆、三片火腿(厚切的）、煙肉、煎雙蛋（如果係牛奶或黑松露炒蛋就perfect)、炒薯仔粒、炒蘑菇、焗芝士蕃茄（超juicy)、三款香腸（肉味香濃）、最後就係牛角包（超好食，拎上手有啲硬身，但其實係外脆內軟，充滿牛油香味）實在太飽了,唯有下次先試埋甜品同沙律😋

同女朋友講左好多次話去赤柱行下，老老實實咁大個仔都係第一次去，好似大鄉里出城咁。出發前又睇巴士路線，又睇景點，當然唔少得睇下有咩好食。其實睇左都有幾間，不過都係俾stanley cave嘅神秘入口吸引左，入去個環境真係好有洞穴嘅感覺😱大鄉里出城，自己英文又唔係特別好，見到滿面胡須，外表西化嘅店長，當堂滴左滴汗，點知開口嘅時候，佢講廣東話，當堂咩壓力都無晒，仲多左份親切感😝呢間餐廳係先去點餐付款，再送餐過黎，我地點左一份all day breakfast，同一個吸引住女朋友嘅rasberry dome。點完餐，俾完錢，店長已經拎左個dome出黎，擺好晒等我地拎了，跟住就揾位坐等份主菜，咁啱櫃台對出有一枱食客拖住左隻狗仔，女朋友又有小小驚狗，所以我地揀左角落頭位。等左大約10分中，同女朋友睇下環境，影下相，食住個甜品，話咁快胡須店長就出餐了，見佢步履輕盈，捧住個餐，轉左個圈，講左句hey guyz, your all day breakfast😃，食物好以外，service都真係好親切。All day breakfast好大份，我同女朋友兩個人食，都唔會覺得唔夠食，即叫即造，全部野都係熱辣

溫書日，都要補充能量！赤柱呢間餐廳未試過早餐，今日就去試下，外面睇好特別，好似古堡石牆，要落地牢，環境幽暗，可能切合返cave 山洞嘅主題！地方窄長，都以大石石牆裝飾，桌椅簡潔乾淨，肥髀堅持要坐面壁高櫈（貪得意），自助形式，食物以西式為主，咖啡、麵包、沙律選擇好多，餐牌圖文並茂，方便！要先去收銀落單，再坐低等店員送食物，呢樣幾好！唔使客人走兩次，我叫一個all day breakfast同肥髀分享，餐飲叫熱Mocha,仲加了一個牛角包、一支pink lemonade,收銀店員識講廣東話，因為之前只有英文人，會先比我牛角包、Mocha咖啡！坐低食住麵包咖啡先！牛角包--有兩款牛角包，我揀了original!外層好鬆脆，一掂就變碎屑，外脆內軟，唔係即焗但好香，好味！熱Mocha--用瓦杯，拉花靚，飲一啖唔係好熱（可以即飲）朱古力味唔重，咖啡香易入口，如果可以熱啲就更好！All day breakfast--要等15分鐘，由店員送上，托盤係金屬嘅，幾形格，份量大，4塊火腿，唔會好咸，3條香腸，唔同尺碼，最細條嘅最濃，肉比較實，其他兩條腸衣易咬，3條都唔乾有肉汁！雞蛋只係好普通嘅煎雙蛋，形狀係