Amaroni's New York Italian Restaurant & Café (又一城)

营业中

休息中

十人聚會約在這 家意大利餐廳，聞說這家餐廳在又一城開業已有二十年歷史，即使經歷疫情寒冬依然能夠屹立不倒，食物一定不會差!　餐廳裝潢典雅舒適，四周牆上掛滿藝術味濃的畫作或雕塑，輔以綠色植物點綴，超高樓底讓人感覺非常放鬆。人多聚餐的好處是可以多試不同的菜式，我們點了五款前菜，五個主菜，再加兩客甜品。食物太多，不在此一一點評，只選取三個推介的食品供大家參考。１）香燒露絲瑪莉棒棒雞棒棒雞其實是雞槌，大廚需要先做點功夫，把雞槌的肉退至骨頭頂端，落足香草及香料醃肉，然後放入焗爐烤至香熟，肉質嫩滑可口，一點也不覺油膩。大家忍不住要ENCORE，前後叫了兩客棒棒雞。２）燒澳洲香草羊排餐廳大部分主菜可選叫正常或加大份量，我們點的加大版共有七支羊架，medium cook, 切開的肉質呈粉紅色，火喉調較剛剛好，隨羊架配有含薄荷醬的黑醋。個人覺得不用點甚麼醬料都已經好好味。３）意大利芝士蛋糕這是餐廳招牌甜品，目測size大概是4吋x4吋x4吋的立方體，跟足tiramisu的傳統做法，蛋糕內夾有手指餅，增加脆脆的口感，芝士又滑又香，甜度適中。

因為d野好大碟，所以要一大班人share先好，因為咁有2,3年冇去今次再去食，食物都ok，不過服務同餐廳級數有距離訂枱嗰時，佢要我地個半鐘交枱咁大班人食飯，個半鐘唔係好夠，不過咁，可能因為星期四關係，最後佢都冇趕我哋走book枱嗰時已經講左係10個大人，2個bb，要2張high chair但去到佢竟然俾張8人枱，仲同我哋講可以坐12個嗰張枱放埋high chair，根本放唔落咁多張椅枱同枱之間又逼，四周都好窄，再睇下成間餐廳佢哋全餐廳都只係得一張大枱可以坐10人以上咁嘅安排好唔得明知有bb，實會抱上抱落，細心啲嘅人都唔應該安排要行樓梯嘅枱囉安排得唔好 Assorted Bread每張枱都有，好好味，仲可以加添 Roasted Rosemary Chicken 水準依然，d雞夠滑 Seafood Risotto意大利飯本身係濕嘅，但d飯就一粒粒睇下個人鍾唔鍾意咁嘅質地啦，我覺得ok嘅Pepperoni, Pineapple & Mushroom PizzaTable Size, 好大塊，但呢個味道唔太得，太咸，同埋d腸都辣Canelloni好好味，好creamy 白酒汁蜆肉意大利幼麵相比

去到又一城shopping，想起呢間嘅Rosemary Chicken仲未試，以為好多人排隊，點知攞咗飛，行咗十五分鐘，已經叫過咗我地個no，唯有後補再排過，點知幾分鐘就輪返到我地，真係好彩。今次叫了一個set, dinner special for 2 persons.1. Limonata Lemon - 意大利汽水，擺到明係Lime soda咁款，不過幾好飲嘅。2. House wine - 白酒一杯，毫毛特別。3. Assorted Bread - 好軟、好鬆，餅乾好脆，黑醋同olive oil就冇咩特別，唔夠香。4. Seared Tuna Salad 燒醃吞拿魚沙律 - 真係唔係人人可以頂得順陣味，我同小公主都食慣嘅都係咁話。我話生嘅吞拿魚，始終都係日本嘅好味好多。5. Penne Rustica 焗蒜茸蝦及雞通粉 - 個cream sauce好creamy，好香，肯定落咗大量cheese，料就十足，好豐富，粉都幾爽口，不過不失。6. Rosemary Roast Chicken 燒露絲瑪莉雞 - 今晚最期待嘅主角終於出場，不過rosemary又落唔夠，肉又唔係太滑，好失望

班長要去買手機，妹妹又要去賣手機，搞掂哂已經九點幾，我已經由肚餓變到唔肚餓，但係又要食嘢喎....跟住就去又一城食嘢，去到...我即刻諗起我幾個星期前已經想食嘅Spaghetti Carbonara，喺又一城只係得Amoroni's Little Italy同Dan Ryan's 有得食，最後終於入咗Little Italy。食物方面：叫咗三個courses，先嚟麵包，同以往一樣，有隻軟嘅，亦有類似餅乾嘅薄脆，有意大利黑醋mix w/特純檻欖油 比我地點，班長嘅favourite，但我似終都係鍾情牛油，最終都係叫waitress比幾舊牛油我地。1. Calamari 炸魷魚 > 班長鍾意食....冇計，如果唔係我就一定唔叫，大家都以為係炸魷魚圈，點知一嚟到係魷魚條，雖然幾香，但係我感覺又肥、又高膽固醇、又難消化，而且啲蕃茄汁又好熱，真係熱到出煙，點入口呀! 而且佢實在有啲貴，要成$160一客，仲要碟底有舊大大嘅法國包，我認為最多只係值$80。2. 忌廉芝士火煺意粉 Spaghetti Carbonara > 終於到主角出場，雖然只係叫咗個細份嘅$98，但係我地三個已經