倚窗閣

营业中

休息中

都有一段時間無食buffet喇 想食哩間好耐架喇 今次同朋友仔食飯慶祝生日 所以就去哩間食啦 嘿嘿 嚟食之前緊係有睇相相喇 非常期待呢😋😋今次一拎就係拎熟食類嘅 有串燒 帶子 燒羊架 燒茄子 個人口味就比較喜歡燒羊架同帶子 哩兩款我都encore左呀哈哈 首先講下燒羊架😍😋燒得啱啱好 好入味 口感不錯 唔會過韌 又帶有羊膻的味道 配埋芥末醬 不得了 好好味呀 所以忍唔住又出去拎多塊 哈哈 至於帶子 燒得好好 口感好滑好彈牙 一點渣的感覺都無 正👍🏽👍🏽至於其他熟食也不錯喔 屬於多款式 味道也很有水準呢食buffet 刺身類也是必取的吧 有劍魚腩 三文魚 帶子 甜蝦 全部剌身都很新鮮呀 個人喜歡帶子同三文魚 三文魚非常厚切👍🏽👍🏽好肥美 口感一流 至於帶子 我要求師傅唔好切條嘅 要原粒上 真係好好 哈哈 食帶子嘅時候 一啖擺哂落口 真係啖啖肉 好正囉😍😍至於薄餅就真係麻麻地 但啲汁係好食嘅 🍅好甜呀 食生果有益呀哈哈 至於哩隻芝士 小妹鐘意食嘅 有非常濃郁嘅味道 吞左之後 口中還有一股芝士味留在口中 配埋🍸更好哈哈😉😉原來仲有鵝肝呀 我encore左兩次呀 雖然食得多無益 但一次半次ok

重要嘅事情講在最前面，打電話訂位嘅時候，接電話嘅小姐話星期一同二都冇做宵夜自助餐嘞（星期日仲有冇做我就唔記得嘞）。埋位先嚟刺身，點解唔係先拎生蠔？因為呢度啲刺身唔知點解係比生蠔搶手得多。呢度嘅三文魚向來品質有保證，好彩嘅話仲會搵到魚腩位，個人就最鍾意食三文魚嘅呢個部位，可惜今次影相時係冇魚腩。不過唔緊要，普通魚肉依然係有三文魚味，唔腥冇臭。雖然唔係即開嘅生蠔，但係勝過唔少肥仔奇食過嘅即開生蠔，蠔味極濃，唔需要任何調味就咁食已經食到兩打。不一定撞啱有提供嘅紅酒燴牛尾，撞啱有嘅話你一定要試，牛味正得很，肉質鬆軟冇渣。豉椒炒花蛤嘅豉椒味始終及不上大排檔，花蛤嘅貝殼類海產鮮味亦淡，好在佢冇沙。嗱嚟多張生蠔畀大家比對吓外觀質素。呢度嘅熱葷係會有轉換嘅，視乎去貨速度有幾快啦，此所以呢，千祈唔好諗住嗰晚人少就發達喇冇人爭嘢食，錯哂！要有返起碼坐滿一半人先多機會試多啲口味㗎！呢度嘅甜品係出哂名品質好水準高，個人至愛芒果拿破倫同半熟朱古力蛋糕。特別係芒果拿破倫，夾間鬆化，餡料奶香唔太甜。雲呢嗱＋咖啡＋朱古力雪糕係肥仔奇每次食自助餐寫上完美句號嘅習慣。

每個星期都會嚟港鐵尖東站L3出口，畀彌敦道、中間道、漢口道、北京道順住東南西北圍住嘅九龍酒店倚窗閣嘆宵夜自助餐。第一鍾意佢交通方便，對於唔識揸車嘅我嚟講，從夜晚十點食到十二點都唔怕冇車返屋企；第二鍾意佢價錢合理仲時有優惠，通常每位計埋單二百零二蚊，同樣價錢要响任何稍有質素嘅西餐廳食個SET DINNER幾乎不可能。言歸正傳，自從闊別此地接近一個月，我又嚟幫襯。由於今晚嘅中湯唔得掂嘅關係，一向無湯不歡嘅我轉飲呢個意大利蔬菜湯，今次已經係接連第二次見到呢個湯出現，在此之前幫襯咗幾十次都冇見過佢。呢個湯之好處係用料足、菜夠稔、酸味夠、蔬味出，最重要係佢唔係果啲單憑罐頭番茄膏做底味嘅慳時間製作。食過咁多次，呢度嘅西湯總係擺出豆蓉、南瓜之類何其飽肚嘅款式，試問對於嚟食自助餐嘅人嚟講又點會吸引呢？此所以呢個將西湯常用意大利蔬菜湯嘅做法我就十分支持嘞！上次食評讚完呢度嘅中湯經常正爆之後，勢估唔到今晚佢就出事嘞！原本濃郁如阿媽親煲嘅中湯，今晚唔知咩事變得水汪汪咁稀咗淡味咗好多！縱然隔籬檯有位貌似吃素為主嘅姑娘前前後後我睇住佢起碼連隊十幾碗仲要食埋湯渣，我都係飲幾啖就放棄咗佢，期待下次幫襯佢可以做返原來

幾乎每個星期閒日都總會嚟食一次Supper Buffet，最鍾意佢哋嘅中湯＋甜品。食咗咁多次都冇寫過食評，因為只得22:00至00:00兩個鐘，拎得嘢食嚟食得嚟都夠鐘，實在難以抽時間影相嘞。點解今次又會寫呢？好好彩地今日人少，慳番唔少排隊時間，所以終於可以落筆。一開場我哋先嚟睇睇坊間雜誌飲食專欄經常講嘅「回本必食」生蠔先－嗱唔好以為真係一開場擺哂响度任你摞呀，呢張相係臨完場前45分鐘左右影嘅，即係個個食緊甜品嘆緊咖啡冇乜人摞果時至會擺哂响度，呢一轉係Last咖喇。剛開場時每人限摞兩隻，文末我再講下對呢度啲生蠔嘅評價。呢個「沙參玉竹雪耳煲唐排」，屋企缺湯水嘅你就啱哂嘞！佢哋嘅中湯全部都勁好飲！我經常見到人飲三、四碗。呢個西式嘅「南瓜西米湯」都唔錯咖，但係就飽肚咗啲囉。本人極鍾意貓，聽啲貓奴朋友講話南瓜非常通便，咁食自助餐總會食多少少嘢之時就唔少得佢，點都要飲番半碗啦！呢啲係部份冷盤，人多嘅日子果啲三文魚刺身就會被「狂風掃落葉」，跟住「春風吹又生」。我個人對三文魚刺身麻麻哋，只會食幾塊最肥嘅腩位。至於壽司嘛，我嚟咁多次都冇食過。煙三文魚〈圖下三片〉係呢度可遇不可求嘅冷盤之一，唔一定有咖，味

時間過得真快，還記得上年把明信片寄往挪威，讓聖誕老人蓋章後寄回，真是充滿了童真。而店方今年更把十二首聖誕歌曲，融入食物的主題，令整道菜更加有聖誕氣氛。先說說在12月24日及25日提供的主菜，每位正價顧客都有「We Three Kings」併盤一份，當中包括了法式焗龍蝦米多、黑松露大蝦慕絲釀皇后蟹鉗及威靈頓牛柳。法式焗龍蝦米多把半開龍蝦起肉，然後用芝士及蘑菇去焗，蝦肉仍爽口彈牙，芝士味並未有把蝦味蓋過，反而令口感更佳。黑松露大蝦慕絲釀皇后蟹鉗吃起來有點像飲宴中常見的蟹鉗，但賣相更可愛，加添了黑松露的手法，又的確少見。威靈頓牛柳以酥皮包裹，最中間肉質色澤胭紅，十分嫩滑，只嫌酥皮未夠鬆化。其他菜式亦會融入buffet之中，且看大家能找到多少款？「O Christmas Tree」是壽司塔及香檳水晶煙三文魚鴨肝卷。還有「Oh Holy Night」是星星形的鴨肝和牛漢堡酥皮盒，餡料是澳洲M4和牛及鴨肝，很豐富的口感。「Deck the Halls」要加點想像，其實是炸沙蔘牛肉丸子。「I Saw Mommy Kissing Santa Claus」以slow cook玫瑰三文魚配西洋菜芝士汁，帶