Sodam Chicken (已結業)

看了我的炸雞相，會令你食指大動!冇得去旅行，我突然間有思鄉病，天寒地凍我好想食熱辣辣的韓國食炸雞，其實唔駛去咁遠，近近地銅鑼灣就有Hi Sodam Chicken，它於韓國有70多間連鎖炸雞分店，高水準真係以為自己去咗韓國食咁，而且可以分兩個時段(75分鐘/90分鐘)的任食放題，炸雞滿滿的肉汁，絕不又乾又鞋，價錢又唔貴，飲品更有買一送一優惠。我帶同屬雞🐔嘅開心果仔仔一齊去食90分鐘放題，唔好以為淨係得炸雞啊，原來有烤雞、薄餅、沙律和多款韓式小食，絕對不會獨沽一味。🐔我自己都會弄炸雞，但係好難掌握入面爆汁，我今次重點推介“首爾風味焗雞”，外層有紫菜牛油嘅薄脆皮，適合不喜歡吃厚炸皮(怕熱氣)的你，滑嫩的雞肉，更能將肉汁鎖在炸雞內，真的令人一啖愛上。🐔相信大家都很喜歡吃鹹蛋魚皮，噉大家一定鍾意食這款“黃金鹹蛋炸雞”，滿滿鹹香的鹹蛋黃油，唔係想像中咁油膩，喜歡重口味的，一定要試，是非常惹味呀！🐔這個吃時真係要小心，是中辣的四川麻辣炸雞，🌶️🌶️🌶️辣度，充滿麻香辛辣，我嗜辣的，但又令人欲拒還迎，這個最適宜用來配啤酒。🐔BBQ🌶️🌶️香辣焗雞，本加入了韓國的辣椒醬，辣中帶甜，甜味所帶走的是炸雞的油膩感，我

天氣開始轉涼，Sodam Chicken新出了一個芝士鍋，令我這個芝士迷十分期待，馬上找了媽媽一起到銅鑼灣分店試試。這個冬日限定的韓式芝士火鍋 — 特級芝士火鍋 $278以四款不同芝士煮成，分別是藍紋芝士、金畢文芝士、巴馬臣芝士和韓國直送的水牛芝士。配料有手工流心芝士年糕、紫薯年糕、美國豬仔骨、黃金炸薯條、腸仔、車厘茄和農夫包。濃香的芝士鍋，誘人芝味香氣撲鼻即使普通的配料，只要沾上濃芝士融化後，就有種獨特的滋味，鍋中以慢火烹調時滲入芝士的香滑，令人一試難忘。豬仔骨用韓式辣醬醃製過，香辣惹味，不能吃辣的我把豬仔骨沾上芝士，中和辣的味道，肥美肉厚的豬仔骨同樣美味。白色的手工芝士年糕放上芝士鍋中煮一下，口感變得更煙韌，內裏的芝士餡果然十分濃郁，只可惜沒有拉絲的效果；紫色的年糕除了是紫薯口味的外皮，內裏有驚喜喔，是甜蜜的黃蕃薯餡呢！烘脆的農夫包粒點上芝士，可以品嚐到芝士的濃郁原味，感受到芝士火鍋的暖笠笠風氣，冬天就是要儲存芝肪的時候。鍾情芝士的朋友絕對不能錯過～我們還點了一款首爾風味焗雞 $158配蒜蓉芝士醬Sodam Chicken和其他韓式烤雞店不同，他們有分焗雞和炸雞。平時的我很少會吃雞

韓國炸雞己風摩好一陣子，試過幾間，沒有是滿意的。今日嚟間卻帶來驚喜。Sodam 榴槤芝士薄餅剛好是夏天，榴槤當造。以大膽創新將榴槤做食材加入薄餅。嘩！好鬼惹味。金黃的一大圓圈好吸引。飄來的沒有太強榴槤味。享用時卻在口腔慢慢滲出榴槤香。原來芝士跟榴槤好夾，兩者溶為一體，勁滋味。薄餅邊位烤得好脆口，食不停囗。首爾風味焗雞既然是炸雞專門店無理由唔點番個。款式多種，有辣味，芝士，榴槤味，蒜香......。選擇了風味焗雞。份量頗多。熱烘烘好熨手。食雞最好用手食先感覺到好味，每枱都會有膠手套供應，不怕弄污雙手，好窩心。雞件熱呼呼即時放入口，不得了⋯⋯蒜香味突出，肉質嫩滑無比，啖啖肉，調味又恰到好處，勁讃！熔岩芝士烤雞好味就不要停下來了，再點多一款雞。芝士和辣汁雙拚。芝士勁拉絲，惹味。但略兼辣汁辣度不夠，欠缺一點點。烤雞肉質嫰滑，甚至乎連雞胸肉也不嚡口。試過好味有信心，下次可帶其他朋友一起分享了。

岩岩係韓國返香港..........真係太掛住鄉下既食物, 唯有係香港尋覓一下...今次就去左CWB試下一間除左有得食炸雞同部隊鍋既韓式餐廳~ 我地總共4個女仔, 今次就決定叫多D野食~其中一樣唔可以少就緊係朕最愛既薯條啦~依個藉條上面全部都係芝士粉~ 再加上佢岩岩炸完出黎同D粉好似溶為一體~ 唔錯唔錯~ 但另外個個麵包就麻麻地~ 可以因為太dry, 如果變左唔係粉而係芝士醬, 之後點黎食就一定prefect喇~之後就黎左一個焗雞, 佢同你平時食個d有小小唔同, 佢唔係用蜜糖去焗, 佢係韓式醬去焗, 依個味道相對比較特別, 食起上黎又唔係太辣~ 佢d雞同韓國一樣都唔會係好大隻~ 所以d肉都相對黎講比較嫩身~ 同時再點返佢個特製既醬~ 都幾唔錯~咁叫一隻雞緊係唔要啦~係韓國食過bhc既芝士粉炸雞真係太太太好味喇~ 返到香港見到沒有不叫的理由~佢同焗雞唯一唔同就係佢冇左個辣味, 而芝士味都相對比較濃~ 都幾好~食食下終於到另一個主角~ 就係部隊鍋~佢既味道真係相對比較辣既~ 唔食辣既朋友要小心d~ 佢上既時間d 牛完全係未熟的~就等你自己慢慢煮, 咁d牛就唔會好un喇~叫得部隊鍋就一定有埋

常說韓式炸雞店，本以為只有炸物，其實不少炸雞店亦有焗雞的，各有千秋！香惹程度來說，當然始終是炸雞吸引，但如果想吃得少些油，焗雞可以同樣香脆，可以少一分膩感及罪惡感。本周六特然有奇想，親親爹哋之好去處從本來指定的點心宴改去試食韓國炸雞，估不到他亦贊成，獻上他的第一次！銅鑼灣眾多炸雞店中我選了 Sodam Chicken，因為炸焗雞皆好。首爾風味焗雞 外表金黃，焗得出色，香脆肉嫩，並無肥膏，可能已經焗至被熔化了，雞的體積相信有規格，不大不小，分成八件，調味剛好，可蘸一些沙律醬添潤澤。太陽芝士炸雞 見到吸引的圖片，就是邪惡也忍不住，巨型烤焗麵包內滿載溶化芝士，混了香草，烤至略有焦黃，味道不強，沒有過鹹，香味卻足。旁邊有八件炸雞，淨吃香脆至不得了，蘸些芝士，更是芝香滿瀉，雙重滿足。墨魚仔辣炒年糕 吃韓國茶，辣炒年糕豈能缺，年糕非常煙韌入味，唯辣度輕微，未夠刺激，但剛好合阿姨胃口。提子特飲 漂亮搶鏡，尤其是那支七彩冰條，果味自然，冰涼入心，特飲味道普通，如一般汽水。偶爾轉轉口味，家人吃得開心，周六中午九成客滿，慢嚐無壓力，上菜速度快，服務對辦，滿意的一餐。

Korean Fried Chicken has been conquering a big part of Hong Kong-Korean cuisine since the popularization of a K-drama. The variety goes on from chili spiced, sweet and sour glazed and double cheese chicken, it is now reaching far down to a healthy baked one at Sodam Chicken.With more than 70 branches in Korea, Sodam Chicken is set to locate its Hong Kong debut in the heart of Causeway Bay Bartlock Commercial Building.It is a casual diner that serves up a range of deep fried or baked chicken, som

約咗個師妹食韓國嘢 佢恨咗好耐啦～ 可惜佢有啲喉嚨痛 要就住食呢度熱飲唔多 得蜂蜜檸檬綠茶同柑桔綠茶 小妹揀咗後者 有grande size咖啡咁大杯 柑桔份量都多 好滋潤～～小妹首先點咗螺肉冷麵 失策了 原來係辣嘅 師妹唔太食到 好彩店員無幫手攪勻麵同醬（上次有一間就係「太細心」 令全台人都辣到食唔到）逐少夾比較易入口... 麵本身有麻油味 又爽口同滑漏... 螺肉辣中帶甜 還混有生菜似和芝麻白汁芝士年糕上桌 可以中和辣味～ 加泡菜係第一次見！不過礙於師妹怕辣 要撩走佢：P 白汁裡暗藏好多煙肉粒 汁嘅濃度好高 年糕煙韌得嚟唔黐牙～啲汁多到可以同冷麵crossover！正～～因為怕熱氣 所以唔試炸雞... 呢款係首爾風味焗雞 配有芝士蒜蓉醬 甜甜地... 呢度係一隻雞切開嘅 有10舊雞 件件都大舊 肥膏唔多 肉質鮮嫩... btw 每檯都放了放骨嘅兜同透明手套 好方便～～下次嚟 一定要試埋芝士炸雞！！！

Ready to savor some worthy Korean deep fried in the heart of this city?We have picked 3 chicken options at this new comer and ranked acording to our liking!Second runner up: Seoul baked chicken ($158)If you are not the type of foodie who loves deep fried battered chicken, this would be a considerate option you can pick at Sodom chicken. Tender meat with a thin chicken skin (without much skin after the baking process); well it sounds healthy huh? What wows us is the garlic salad dressing that giv

這是如此難得地約到兩位極度忙錄的小朋友！是晚大家終於有空能三位一起吃個晚飯，即管吃一頓炸雞，多熱氣都不怕！來到銅鑼灣，在深夜食堂的大廈看到sodam炸雞店，專吃炸雞的韓國店之前只吃過BBQ chicken premium，這家餐廳的風格和感覺和BBQ卻完全不同！打開電梯門看到黑底白字的招牌，感覺酷酷的，不像是快餐，相反，有種cafe可以久坐和比較舒適的感覺。明知來這裡一定會吃好多炸雞，又要吃炸雞又要擔心熱氣，所以我們三人每人都點了賣相美絕的specials。我最怕熱氣，就點了有超大菊花的菊花特飲事實證明，我的那一杯是最好喝的！甜甜的菊花茶非常解熱氣，大大杯直到走的時候都無法喝光。提子的那一杯有點像糖果味，而綠色那杯就…有點假的感覺我們一行三人仍然點了三份炸雞。雙重芝士炸雞，光是看到名字已經雙眼發光。一盤炸雞有兩種口味，雖然都是芝士，但黃色那一邊是比較濃的，也是我比較喜歡的。每一隻炸雞都炸得非常脆，炸雞不算好厚，不過肉都不是太多另一款雞因為不想再吃炸的了，就點了焗的。首爾風味其實是焗雞再沾上芝士醬，比起芝士炸雞的芝士味更濃，感覺上也比較健康。而且因為是焗雞，沒有了炸粉，肉的份量就變得更多

最近係銅鑼灣行街, 發現又多了一些新的食店, 愛試新店的我, 早前便去了位於百樂中心的Sodam Chicken食晚飯.店內怖置以簡約為主.這是一間韓式食店, 以售賣炸雞和焗雞為主. 枱上已放有即棄手套和碗, 方便進食和掉骨.我地唔想太熱氣, 所以點了焗雞, 口味大約有四五, 由於我地唔食得辣, 所以我地點了首爾風味焗雞, 這款是唔辣的.首爾風味焗雞上枱, 香味撲鼻.份量也不少, 應該是一雞, 足夠兩個人食.第一時間試下件雞, 雞是熱辣辣.外層的皮幾惹味, 但入口又不會覺得好肥膩, 味道調教得不錯.而雞肉幾嫩滑, 完全不覺得乾和硬.也附有醬汁, 點了來食, 另有一番風味.相對於炸雞, 焗雞別有一番風味, 好味程度不遜於炸雞.下次再來的話, 我要試下個炸雞.食雞當然要食嘢, 由於我喉嚨不太舒服, 唔飲凍嘢, 點了熱蜂蜜綠茶.對於愛甜的我來講, 稍為淡了一點, 濃一點更佳.食完雞, 我地想試下其他嘢食, 所以點多了一個魚串湯鍋.上枱時會用個小火爐承着個鍋, 等個鍋慢慢煮番滾起便可以食.而且一邊食, 一邊保持熱度. 若唔想太熱, 可以麻煩店員整熄佢, 客人可以因應自己喜好而選擇.鍋的材料也算

烤雞我來了！除了G字頭是非常好吃的烤雞外，我今天發掘到另一間位於銅鑼灣的過江雞Sodam Chicken!Sodam Chicken短短 7 年間，已在韓國開了 70 間分店，人氣度非常。看報導說店方精挑跟韓國品種相近的白皮雞，只選 30 日內餵養的 BB 雞，取其肉質柔嫩，脂肪少，還指定沒雪味的冰鮮雞。Sodam Chicken韓式炸雞(Kim子推介指數9/10)非常熱辣辣，肯定是即叫即炸！焗漿略比其他焗雞厚，外層香脆，肉質極之嫩滑，超級好味！首爾風味焗雞(Kim子推介指數8/10)怕太熱氣可以選焗雞。首爾風味焗雞味較淡，單吃有一種燒雞的清甜，但當點上附有的蒜蓉醬會提升了味道。燒雞比炸雞的煙韌度更重，燒過的雞皮十分香口嫩滑。BBQ焗雞(Kim子推介指數8/10)依然嫩滑的焗雞!微辣醬汁十分惹味，怕辣人士都可吃。魚串湯鍋(Kim子推介指數7/10)魚串湯鍋非常清甜，沾滿著魚串的香味，魚串軟綿綿。鍋內亦有其他雜菌類、豆腐及蔬菜類等。菊花蜜特飲(Kim子推介指數7/10)以大菊花作點綴，很美。 入口清爽， 是有汽的菊花茶。

銅鑼灣百樂中心一向以高質食店林立見稱，於晚市時間總會出現等候電梯的人龍。經朋友介紹下來到 Sodam Chicken，嚐嚐韓國風味。店家除了主打廣為人知的韓式炸雞外、另外還有焗雞，原味的、重口味的、甜甜辣辣的都有，口味多樣化迎合各種饕客所好，正所謂「有辣有唔辣，任君選擇」。作為一間韓國菜的食店，當然不乏芝士年糕、水冷麵、韓式薄餅、部隊鍋等為人熟知的韓式料理。炸雞餐牌當中，蜜糖芥末香蔥炸雞 ($188) 最能吸引我，賣相非常霸氣，每一件雞塊都炸至金黃色，表面淋上蜜糖芥末汁，非常 Juicy。加上炸雞表面舖上香蔥絲，整體外觀不至單調。炸雞裡具有雞全翼、雞槌、雞胸、雞脾，我與好友們各取所好。將炸雞沾蘸盤子上蜜糖芥末汁，再配上幾根香蔥絲一起品嘗，味道與口感非常有層次感：外層炸皮厚薄適中，蜜糖汁使喻人感覺很乾身的炸雞亦易於入口，而且帶有一點兒芥末味作提味，惹味非常。內裡雞肉保留有肉汁，就算是雞胸肉亦不會「鞋口」。最重要最重要的，一定要襯熱吃，從外皮咬進肉心，感受到熱騰騰的感覺是吃炸雞的精髓啊。既然焗雞亦是另一主打，當然要來一盤。首爾風味焗雞 ($158) 外觀實而不華，很是內歛，味道卻充滿內涵。

朋友相約我到銅鑼灣 ~Sodam Chicken 食晚飯敍會,順便取朋友剛去完旅行的手順.這店裝潢以白色為主,簡約得來舒適,伴韓國熱鬧音樂,充滿輕鬆.首先點D清清地野食先凱撒沙律沙律菜幾新鮮,好爽脆！好清新！* * * *紫菜卷芝士波波拼盤這拼盤有薯條､芝士波波､紫菜卷,全部都十分香脆可口.咬一口芝士波有拉絲效果,有香濃芝士味.紫菜卷內是滿滿粉絲,口感特別好味.* * * *蜜糖芥末香蔥炸雞雞件入口不太油膩,外脆內嫩,但外炸粉略為厚身了一點,淋上甜甜蜜糖芥末醬汁,夾著京蔥絲一齊吃,非常Yummy Yummy!* * * *首爾風味焗雞但熱氣的人, 可選焗雞系列.我地選了首爾風味焗雞,雞肉肉質鮮嫩、好Juicy多汁,清楚食到雞肉味,有陣似台灣香腸味道,另可沾點creamy蒜蓉芝士醬,別有風味.* * * * 噴火焗雞我及朋友都好嗜食辣,米選擇噴火焗雞,這辣雞辣程度勁滿分又過份又惹味,感覺秘汁必選多種辣椒而成.個個食後一定感噴火,確實食得勁辣才可食到,因不是個個人接受到這辣度,食感到刺激到出汗.* * * *Passionate LoveApple Cinder Beer BombAppl

今晚難得可以準時放工，於是一早喺lunch time既時候打黎book枱碰碰運氣，點知好好彩地居然可以攞到最後一個booking，認真幸運！餐廳位於食肆林立既銅鑼灣百樂中心非常易認，基本上一行到 Times Square後面果條街就會搵到，完全無難度！Asahi Beer Bomb ($78)：平時飲野既時候就見得多，喺食肆都有呢個咁特別既drink都真係第一次見。所謂「Bomb」其實即係將一個shot size既韓國燒酒好似炸彈咁放入啤酒到，不過千企唔好睇小呢個看似簡單既飲品，當燒酒溝埋Asahi之後如果一個唔小心真係好容易俾佢KO！Passionate Love ($58)：呢個提子特飲既特別之處就係Mocktail裹面放左一支細細個成日都會見到既阿波羅雪條。當D冰同雪條慢慢溶化既時候，雪條入面既果汁就會同提子汁混埋一齊，非常特別！不過，唯一唔好既地方係D冰既份量好似太多，所以飲到後期當D冰溶到七七八八既時候杯飲品好似稀左少少！首爾風味焗雞 ($158)：整盤炸雞一共有十件，份量尚算合理。雞既火喉剛剛焗到洽到好處，絕對唔會因為焗既時間過長而燶晒，能夠保持雞既juicy口感。重記得以

吃過數家韓式炸雞，質素有別，印象一般，直到吃至Sodam Chicken，又覺得真的不錯，除了炸功出色外，蜜糖芥末汁非常出色。 是比較新的店，尚以為星星熱潮已過，韓雞會冷卻，想不到反過來，過江新店繼續大展身手。 裝潢雅緻，分酒吧及用餐區，可見店子重視酒水。 餐牌食品簡而精，韓式炸雞5款，焗雞亦是5款，10款其他食品，飲料有多款包括啤酒及雞尾酒。 坐下來不久已被Kiss Me Honey 吸引了，無論圖片及真身皆吸睛，巨形新鮮菊花相伴的特飲，聯想到在夏威夷海灘嚐雞尾酒。菊花蜜特飲 Kiss Me Honey 面積大如伸開的手掌，加上大量冰粒，非常耐飲。 實際上只是菊花蜜糖加冰，味道清甜，平常的味道，遠不及外表出衆，真佩服生意人的創意，打扮昇呢可售$58/杯。幸好有優惠，推廣期間在FB打咭，可以免費享用。提子特飲 Passion Love 朋友選了 Passion Love，原來更加漂亮有特色，最喜歡它配上一支彩色冰淇淋，紫紅橙青黃之順變顏色，提子味道，冰涼清甜，但飲料味如汽水，很普通。芥末蜜糖炸雞意想不到的非常有水準，即點即炸是基本條件，皮酥脆肉嫩有汁亦是成功必需之道，吃個多店的