一君士多 (已結業)

$58/3個餸本身都覺得唔算貴既...但係...點左牛腩，豬紅，魷魚。首先，個湯係完全唔夠熱點知.....牛腩得三粒（size大過五香肉丁粒少少咁多），豬紅仲要得兩粒...=.=呢碗$58車仔麵真係好唔值囉食完唔夠飽一君，加油

明星店@一君士多地址: 尖沙咀堪富利士道6號地舖由前明星開架餐廳，總會因名氣或明星光環宣傳下，吸引到人去由鄧一君開的，價錢非常經濟，由電視跳到保險界再分身開餐廳，車仔麵飯食到小食都有架小食要了$32 蘑菇芝士雞翼，塞到雞翼漲卜卜架，同埋去左骨都唔流擔心要吐骨啦。仲蘑菇芝士有d似白汁感覺！又炸到皮啡黃色兼脆身$32 南乳豬手 ，炆到豬皮都腍身帶小小南乳香，食來補一下collagen 架我！$12 油菜抵食，自己買都要差不多價錢了一個人想上小食就無點麵同飯啦，下次再光顧帶朋友仔，就可各點一個主食再share 小食啦，會再encore ！

在尖沙咀逛街，突然下起大雨，肚子又餓，就不如在附近找餐廳吃，順便避避雨。經過這間「一君士多」，以木做主題的裝修，日式風格，簡潔清新，起初以為是拉麵店？士多？原來是車仔麵店。入內發現也有些港式掛燈，紅燈罩，有港式味道又能襯托店舖。桌上也放了辣椒油和麻辣醬，方便加辣。餐牌選擇都算多，有飯有車仔麵有小食，我就各類都叫一款嘗試一下。而店舖主打相信是最貴價的霸王麵($98)。 麵方面-我選了油麵霸王麵有鮑魚、廣島蠔、花膠、花菇，十分豐富。鮑魚- 爽口彈牙 一口一粒的大小廣島蠔- 整碗最喜歡就鮮甜好吃 花膠- 都有數多塊 夠腍 花菇- 都很腍 很入味蔥油豬扒飯蔥油很香 再加入味又鬆軟的豬扒傳統配搭 吃得滋味 最後小食- 炸蝦餅 原本想叫雞翼 可惜售完蝦餅也不錯 炸得香口酥脆咬到蝦肉的口感 不錯的小食 整體食物都很好，餐廳又近尖沙咀地鐵站，方便易找，下次都會再來吃。

前藝人「香蕉仔」鄧一君開設的食肆一君士多，繼油麻地店後再下一城進駐尖沙咀，並增設堂食服務，炮製特色美食，包括：海龍王泡飯、廣島蠔車仔麵及一君炸蛋等，勁有綽頭感！於滿滿好奇心驅使下，貓人走入尖沙咀店，試試究竟啦！尖沙咀店特意與本地品牌紅A聯乘合作，以一盞盞照雞蛋燈加上白色膠櫈，配合日系淺木牆身，打造鮮明亮麗的港式情懷，令人坐得舒適。周五黃昏到臨，更遇上老闆「香蕉仔」真身親自坐陣，貓人即時信心大增，再豪點場內最爆餡的霸王麵（$98）及海龍王泡飯（$108)。大概等了十分鐘，有禮親切的店員端上來。招牌美食– 霸王麵，伴隨多款高級食材，包括鮑魚、花膠、廣島蠔及海蝦等，爆餡又足料。其廣島蠔味道濃郁，鮑魚迷你而爽口多汁，蝦肉結實大大隻，有微鹹海水鮮味，花菇飽滿又清甜，惜花膠大大片得來未夠腍身入味，豬骨湯底質感清而味帶鹹。特意選擇瀨粉，以盡收海鮮精華。而海龍王泡飯，以半隻波士頓龍蝦做主角，霸氣呈於奶白色湯上，配角包括鮮味滿溢的廣島蠔、爽嫩青口、啖啖肉海蝦、彈彈魷魚圈、翠綠生菜，搭上一碗白飯自行混合。貓人特別欣賞奶白湯底融入椰奶味及海鮮精華，泡飯盡吸食材精髓，口感豐富又滋味。但龍蝦肉未夠結實彈牙，未算

門口睇睇個餐牌見到好似ok咁入去叫個廣島蠔泡飯 黎到第一啖試下隻蠔一食腥到呢。。。🤮個湯係用椰汁整 成件事勁吾甲。。。仲有個紅豆冰又係 我冇野講 只可以講冇第二次！！然後同佢講換過第二樣 諗住求其換個車仔面啦 點知佢話淨係可以換番湯飯 咁我唯有換個豬手泡飯 黎到一見到 擺到明就係攞走原先啲蠔再放啲豬手落去換俾我 知吾知個湯仲有頭先啲蠔嘅腥味係度。。。 見到咁樣 成碗野冇食到就走左。。簡直不知所謂已經黑名單左 大家勿試！！

今天打算過去”五號㕑房” 午飯，去到門口看到張貼: 因各種原因，無法再經營⋯⋯，看到通知，十分可惜。於是行過兩步，看見明星主理的一君士多，反正未試過，一於入內試試⋯⋯門口貼上了店主和古生照片，吸引停下來看看⋯⋯點餐紙無論在字體大小和顏色來說，都比較難看，筆者要稍稍定神，才能清楚選擇。由於午市，唔使煩之下選擇了午市套餐。每張枱都設有辣椒油和麻辣醬，方便食客自行再作調配。豬腸、魷魚、牛筋米粉~整碗麵無論在湯底和份量都欠缺豐富，筋只有兩小件，豬腸也是同樣少份量，男士建議加底。牛腩、豬皮、木耳麵~是日油菜~麵餐另加$12 可點當日油菜，但不可選擇蔬菜種類，是日是西生菜，幸好啱口味。蝦餅~午餐隨選擇了三餸麵外，還配小食，蝦餅是即叫即炸，需時，但熱騰騰，相當吸引。南乳炸雞翼~同樣也是即點即炸，皮脆一讚但未夠入味。利賓納~跟餐利賓納是無需加錢，甜度適中，配車仔麵及炸物又幾夾檔。

#小秘書 呢排晚晚追睇「烈火雄心」，有日睇 #娛樂新聞 先知道原來「海寶」已經轉咗行，成為 一君士多 嘅老闆😉 乜都要試嘅 #小秘書 當然要嚟 #潮聖。最近 #一君士多 喺 #尖沙咀 開咗 #新店，就喺港鐵A2出口位置，落咗堂過嚟都好方便呀。一場嚟到，就要試最好嘅🤩 我哋叫咗碗「霸王麵」，#小秘書 無諗過原來 #車仔麵 嘅 #配料 都可以咁 #富貴🤩 既有 #花膠、#廣島蠔、#鮑魚，仲有 #花菇，睇餐牌介紹，原來連個 #湯底 都係用 #豬骨淆製 而成，唔怪得咁鮮味😋 不過一碗要賣成$98，對我呢啲 #小市民 就真係貴咗啲喇🤪 另外我哋加咗個 #香酥南乳雞翼 做 #小食，#雞翼 都炸得幾鬆脆嘅，不過味道太咸，掩蓋咗雞肉嘅原味，有啲失色😅 仲有呀，枱面上個QR code廣告，明明講好關注佢哋嘅 WeChat 微信 - 香港 號就有 #免費汽水，但比錢嗰時個 #收銀員 又話下次幫襯先補返😅即係欺騙我感情啫👉🏻👈🏻

同朋友好愛麵食～相約試試尖沙咀新開既一君士多🥰·🍜霸王面（$98）好多人點～我地都唔執輸😆配料有鮑魚；廣島蠔；花膠及花菇😻果然霸氣👍🏻面底選擇左幼面，配辣汁！廣島蠔肥美；花膠大大件；鮑魚彈牙；花菇肥厚🤤朋友評價：好食啊！！！·🍜大獲面（$72）我太餓～選擇左好多配料既大獲面💓豬皮；雞翼；豬腸；魷魚；蘿蔔；魚蛋；香腸；豬紅；木耳；生菜😻😻👍🏻好豐富！！！！加左辣好惹味·🐥芝士蘑菇雞翼（$32）睇到名即點🐽漲卜卜，塞滿芝士蘑菇！不錯唷

這一天夜晚要到尖沙嘴上堂,於是在附近搵野食,我們見到一君士多,店鋪裝修很光亮,這間士多並不是普通士多,有好多東西食,而且還很豪華🤭我們點了兩個車仔麵,朋友食辣魷魚,咖哩陳皮魚蛋,冬菇,豬皮特濃豬骨湯薯粉,湯底十分入味,很濃郁,魚蛋彈牙,朋友都讚不絕口👍🏻我點了牛筋,爽口豬頸肉,味汁豆卜特濃豬骨湯薯粉,牛筋很有骨膠原,嫩滑,啖啖爽口,真心不錯,而且湯底十分濃郁,很足料的感覺😋我們還點了小食芝士蘑菇雞翼,很迷你的雞翼,骨頭已經挑走了,入口即融的感覺,味道很夾,值得推介👍🏻一君炸蛋,章魚燒都不錯想不到這間士多的食物真的很好吃,我們都食得很滿足

早幾日黎到尖沙咀，由於仲有時間，因為下場嘅節目未開始 ，所以師傅決定搵啲嘢食 。呢期都係以車仔麵為主，位處老尖除左永年外，真係諗唔到仲有邊間。左諗右諗忽然間記起呢一間食店，其實之前已經試過一次，不過印像都係麻麻地，但係既然講得要寫車仔麵食評，所以一於要入去試多一次，當比個機會佢又比個機會師傅，於是乎膽粗粗又走入去食返餐。入到去人又唔多，好容易就搵到個位，坐低即刻攞張紙出黎，望下有乜嘢好食。師傅諗咗一陣，就揀左油麵再，餸就揀左豬紅，豬皮，豬腸，辣魷魚，牛筋同埋蘿蔔，六個餸，再加左個秘製辣汁同腩汁，就將張餐單交比侍應。等咗一陣，碗車仔麵就放左喺師傅面前，第一口當然係先至個湯底，湯底就香香甜甜，都算幾吸引，至於佢嗰個秘製辣汁，份量精緻到放少少喺隻匙羹度，食落又冇特別，味道唔香唔辣，師傅真係食唔出點樣秘制，唔算特別。再睇佢啲餸嘅份量都比較少，每款都係得兩至三件到，坦白講仲份量都令人幾失望。先講下個豬紅，豬紅細細粒，四四方方，入口味道一般，唔算入味，口感普通，最衰係一夾就散，失敗。豬皮入口唔算爽，屬於偏腍，坦白講真係唔吸引，唯一可取係比較大塊，但都不足以令師傅加分。蘿蔔得兩大件，其實都唔算好大件

尖沙咀行行下街，點知落大雨，唯有去餐廳避下雨。見到呢間門面幾日系，感覺乾淨企理，就入去試試。掛畫好可愛🥰呢度出名食霸王麵，有花膠，廣島蠔，鮑魚同冬菇做配料，霸氣十足😂我最愛嘅配料就係冬菇，炆得相當入味，同時亦保持到口感。如果有得淨食冬菇，我一定叫！鮑魚爽口；蠔好飽滿，唔腥，好鮮甜；花膠都唔錯值得一提喺連湯底都好好飲，感覺足料之餘又唔膩！另外叫蔥油豬扒飯，好大碟！蔥油撈飯好正🤤唔會過鹹；豬扒煎得香口，唔會乾哂。芝工蘑菇雞翼係我嘅推介即使放涼左一段時間，入面嘅芝士餡依然熱辣辣，3樣配搭埋一齊食好夾。一君炸蛋其實係炸鵪春蛋，炸起撒上少少椒鹽，幾有特式。炸蝦餅好酥脆，炸衣唔厚，蝦肉彈牙。南乳豬手炆得淋亦入味，但唔會過鹹，另有白蘿蔔索汁。龍眼冰俾嘅龍眼相當大方，有十幾粒😍

能將少男青春「爆發」嘅點少得港產電影《記得...香蕉成熟時》呢？喺重要嘅時刻，以火山爆發、煙花發放等意象表現出嚟，當年嘅港產電影，今日睇番，依然回味。想真實回味？今日我哋就去到尖沙咀嘅一君士多，仲好有緣見到香蕉仔，感受吓鄧一君嘅豬紅成熟時！霸王麵邊個話車仔麵一定係貼地架？一君士多就有四款行貴價路線嘅招牌車仔麵：霸王麵、富貴麵、蠔華麵同頂級牛肉麵。我哋就叫咗至豪華嘅霸王麵！麵底可以自由選擇，我哋就叫咗幼麵，麵底份量唔少，而配料有2隻鮑魚、2隻廣島蠔、3大塊花膠同3隻花菇，用料夠晒矜貴。最鍾意係廣島蠔，飽滿又大隻，極鮮甜；而花膠索晒豬骨湯精華，仲有少少膠口添；雖然鮑魚細細粒，但係都算彈牙；而花菇肥厚，口感一流。講真，呢個價錢已值回票價。大獲麵除咗豪華版車仔麵，一般版都有！配料選擇有成30款，花多眼亂唔知點揀好？呢個大獲麵就有齊豬腸、魚蛋、蘿蔔、豬紅、豬皮、雞翼、魷魚、紅腸、木耳同菜，配料多到就嚟跌出嚟。配料質素都ok，但車仔麵最主打都係個醬，喺一君士多食車仔麵就一定要加辣！若嫌唔夠辣，枱面除咗辣椒油，仲有成碗麻辣醬，鍾意食辣可以盡情忘我咁添加啦！鹹檸七食港式車仔麵，又點少得港式特飲呢？一杯

到了這間專吃車仔麵的餐廳吃晚餐, 麵條款式有很多, 油麵、薯粉、瀨粉、米線、烏冬等等。還可以配上多款配料, 例如有牛腩、雞翼、豬頸肉、魚蛋、白蘿蔔、豆卜等, 很地道的車仔麵餸菜呢！三餸麵 - 配料選擇了鮮甜白蘿蔔、牛筋、蠔皇冬菇、時菜、木耳。牛筋炆得夠入味, 很軟腍及滑身。冬菇有蠔油味, 入味。不想吃車仔麵的話, 也可以選擇飯類。日式炸蝦咖喱飯🍛 - 咖喱醬汁很多, 即叫即炸的炸蝦🍤幾香脆, 配飯不錯。香酥南乳雞翼 - 是一個不錯的小食。

這晚和朋友來到尖沙咀，想找點新鮮的餐廳食飯，剛好走過了這家店，木質裝修外型相當搶眼，於是就決定和朋友試試看這間店～先叫了麻辣牛柏葉這一碟小菜，麻辣醬味道不錯，牛柏葉都幾爽口！蘑菇芝士雞翼呢個小菜都好出色，咬落去係無骨既，裡面有香濃既芝士同軟軟既磨菇，推薦～五寶面有不同的丸類，魚蛋、墨丸等等，重點是有得叫薯粉而不用加錢，好多車仔面店都要加！呢個價錢絕對OK～牛腩撈面味道可以，只是醬汁可以再多一點就好，牛腩煮得軟而入味，價錢不會太貴，值得試試。跟餐加15蚊就可以有一杯飲品，我點了紅豆冰，朋友點了龍眼冰，都可以試試～餐廳環境以木色為主調，幾柔和同有日系既感覺，而位置也不會說很擠迫。

星期日，見Yahoo團購有6折券，便去一君士多試試！先來了蘑菇芝士雞翼（$32/2隻)熱辣辣香噴噴，入面釀了蘑菇片和仍流心的芝士！雞翼尖不太燶，入口脆，值得一試！主食點了廣島蠔椰湯泡飯($68)廣島蠔沒雪藏味，配合椰湯頗為鮮味，椰湯亦夠香濃，美中不足的是當中的飯應是冷飯，一塊塊的黏在一起，未有跟椰湯結合。以$36買$60現金券的價錢，屬抵食之選！下次還會試霸王麵，可惜的是已沒了新開張時的龍蝦泡飯。