一君士多 (已結業)

經過過幾次，好熟口面🤔，好似係邊到見過咁，佢個裝修係日式嘅，而入面就係賣好地道嘅車仔麵。💡終於俾我醒起，呢到就係連古天樂都幫襯過嘅一君！😍佢係主打呢個可以配搭比較😋高級食材嘅車仔麵店。所以今次我就過左黎食！🔥呢到環境好好，乾淨又光，除左餐牌上嘅食物，記得要睇下牆上嘅牌，有d係係餐牌上見唔到架！⭐️富貴麵💰招牌之一嘅車仔麵，除左⭐️普通車仔麵，佢仲有提供⭐️雲南米線，💰同呢類型嘅升級車仔麵。呢碗有鮑魚，花茹，花膠嘅車仔麵，😋平時都冇人煮呢d我食，依加俾咁嘅價錢就食到。🤤再加上佢個湯都唔差，睇落清清咁，但都好有味！正啊！❤️⭐️咖哩牛腩飯佢個咖哩係港式嘅，牛腩煮得林，所以高評價！👍🏼⭐️香蕉成熟船😋大胃嘅我地叫左個甜品食！

我第一次睇見車仔麵有飽魚、花膠、蠔，本身幾鐘意食車仔麵既我，決定去試試鄧一君藝人開既-豪華版車仔麵。🔺霸王麵$98 配料有花膠、鮑魚、廣島蠔，真係相當真材實料。廣島蠔好肥美，咬落去有淡淡海水咸味，飽魚細細粒易入口又多汁彈牙，而花膠同花菇炆得好入味，呢個價錢來講性價比高。 🔺自選三餸車仔麵$40自選車仔麵，好多款式揀,我揀咗牛腩豬大腸陳皮魚旦，配上油麵加辛辣汁，牛腩肉質非常之入味，豬大腸非常香，食嘅招牌陳皮魚蛋，又爽又彈。🔺一君炸蛋（鵪春蛋)$28離遠都問到陣陣香味既鵪春蛋，入口外脆內軟 有少少椒鹽味，真係唇齒留香 細細粒一啖過好過癮，特別推介必食之選！🔺南乳豬手$32南乳味十足既豬手肉質腍滑 ，骨膠原豐富，食落一點也不油膩，食過番尋味！🔺菠蘿冰(跟餐+$15）非常之多既菠蘿肉既菠蘿冰，真材實料。夏日炎炎，食麵配上菠蘿冰，夠絕配！🔺香蕉成熟時$48食完正餐，女仔第二個胃啟動啦！呢到食麵仲有甜品食，揀左曲奇荔枝味雪糕，配香蕉肉真係一個不錯嘅選擇！人均消費：$50

俾個裝修吸引左，嗌左一碗所謂雲南酸辣米線🍜湯底完全係清湯冇味道蠔皇冬菇冇蠔味 蘿蔔唔甜 所謂秘製辣魷魚更加係搵水淥過就算！雜菜咖喱咖喱飯嘅雜菜得三樣 薯角西蘭花同椰菜花🥦求其搵間都好食過佢！真係好唔明白

呢度既裝修都幾有本土風味，紅燈罩街市常見既燈，掛於餐廳內挺有格調的~蘑菇芝士雞翼 $32呢款真係邪惡小食呀~ 雞翼釀到漲卜卜，一咬開芝士味就奔騰咁爆發出黎。減肥係乜野？我已經唔記得左啦~火山之牛飯 $68呢個飯望落平平無奇，實質有驚喜！中間果顆流心蛋，一戳開濃香蛋黃就順住飯粒既紋理滲出黎，乘住個勢淋埋另上既牛肉汁，撈飯食真係無敵！肥牛幾有肉香，份量都幾足，可惜既係芝士少到唔見左影，如果多啲芝士就完美啦。章魚燒 $20港式章魚燒又幾得意，其實係比較有層次既八爪魚丸，入面有八爪魚粒同香蔥，非常彈牙。效外油菜 $12出街食得飯多，點都要叫個菜平衡吓，呢度既灼菜都幾翠綠，又唔會太多油。餐牌

今日同朋友行街街 順便過黎尖沙咀新開嘅一君士多 食佢地嘅麵。鋪面地址唔難搵，一出地鐵站行幾分鐘就到入到店面 ，裝修用木設計。簡單得黎，又舒服。坐左一陣，我地就叫左碗散叫 同一碗 招牌霸王麵，一君炸蛋，芝士雞翼。上菜速度快，店員都好貼心問需唔需要加辣汁。霸王麵除左名字霸氣外，餸入邊都好霸氣，有鮑魚，花膠，花菇，廣島蠔。麵底足，蠔好甜，鮑魚入味又有口感。散叫個碗，魚蛋有陳皮味，豬頸肉爽口。炸蛋好好食 彈牙得黎，入邊炸到剛剛好。雞翼係冇骨嘅 入邊有芝士係度。整體來說：店員服務好，環境不錯，食物質素不錯，是一碗高級嘅車仔麵。

食咗兩次，食物質素ok。車仔麵同小食份量偏細，花菇豬皮好食，豬手都入味，湯底話係濃味豬骨湯但真係食唔出。魚蛋太細粒啦。上菜實在太慢，今日下午2:32落單，等咗23分鐘先食到碗麵(餐廳唔滿客），其他客都係等好耐，感覺好似得一個人煮咁。職員不斷同啲外賣客講對唔住等咁耐⋯⋯最惡頂係冷氣弱，已經加咗部直立式冷氣都唔得，冷氣機顯示29度，再加埋啲客出出入入開門閂門真係食到出晒汗。要等天氣涼啲同唔趕時間先好嚟。

由前藝人鄧一君開的車仔麵店, 主打食車仔麵. 當中有五款主打麵款係走高貴路線的. 這次點了 ($88)🤤 ~ 配料有鮑魚兩隻, 花膠三大舊 & 花菇三隻, 真係好足料. 所以即使價錢貴左dd, 但真心係抵食又好味. 花膠炆得好腍, 鮑魚雖然細細粒，但爽口彈牙入味. 配上幼麵, 麵質好味. 除了車仔麵外其實店內還有其他小食 & 飯類可選擇. 🤤 ~ 滿滿的肥牛伴碟, 再鋪了隻半生的蛋, 望落似好簡單但全部撈好來食又幾好味.

如果你嘅年紀都有番咁上吓👴🏾，你可能都會知道呢間車仔麵店嘅老闆之前係做明星，佢當時嗰套「香蕉仔」🍌電影令佢一炮而紅，更伴隨著阿叔成長！哈哈！🤣🤣.先陣子經開尖沙咀，發覺呢間新開嘅車仔麵店，當時都未知由明星開，只被佢光鮮嘅裝修引起注意，結果一試先知由佢開，而且呢間已經係分店添，第一間位於油麻地。☝🏽😏.麵店主打一系列招牌麵同自選車仔麵，講真打正旗號明星開，阿叔都預咗價錢一定略貴，不過睇menu，呢度嘅選料又唔差喎，有鮑魚、花膠、廣島蠔等高級材料。心諗唔知伏唔伏，所以今次先試佢其中一款價錢中間位嘅 #蠔華麵 ($68)。😛.呢碗麵嘅豬骨湯底幾香濃，唔覺加咗味精，好好飲；另外，有5大隻廣島蠔，隻隻掌心咁大隻😙，有鮮味但唔算超甜；花菇開半都有4隻，又係大大隻，而且姑味濃。總結，食後有驚喜👍🏼，用料充足，有誠意，不過份量略少，阿叔食完好快肚餓！哈！😝😝😝

平價的車仔麵就吃得多了，每次試試位於尖沙咀的高級車仔麵店。除了麵食外，他們還有多款日式咖喱飯、小食和飲品等等，一定合你心意。我們先來一碟麻辣木耳 （$20）小食，果然辣得過癮，木耳夠爽口，十分惹味。我點了富貴麵 （$88），有花膠、鮑魚和花菇，份量十足，更岀乎意料之外的是鮑魚竟然有兩隻！麵底選了上很久沒吃的油麵，這裡的油麵煮得爽滑彈牙。而湯底則是特濃的豬骨湯。真個富貴麵我極度推介。寶寶更誇張，點了霸王麵 （$106）。霸王麵有鮑魚、廣島蠔、花菇和花膠。廣島蠔肥美又鮮甜，可惜花膠賣清了，只會換上雞翼，但味道也很不錯。湯底也是特濃豬骨湯，麵底吃了銀針粉，在香港餐廳銀針粉不太常見。寶寶喝黑牛 （$18），而我則點了較為清甜的青檸梳打 （$15）。油菜 （$12）

係openrice見到呢一間 食肆 ，見到有好多好評，於是今日特登同埋朋友嚟試下， 入到店舖，感覺環境係乾淨。 服務方面:感覺侍應嘅態度都好有禮貌 ，店內大約有三至四個樓面落單 。霸王面賣點就係啲餸，有兩隻原隻鮑魚，有鮮味既廣島蠔，膠原十足既花膠同厚肉入味既花菇同帶子！面底有多款選擇，我地分別揀左幼面同油面，有一碗仲叫左沙爹汁，都幾夾幾正！蘑菇芝士雞翼雞翼皮皮好脆，食落口感好嫩滑，中間釀上蘑菇芝士芝士味濃厚，入口非常香滑！一君炸蛋金黃的色澤與酥脆的外觀，無膩味之感，加上撲鼻而來的鵪鶉蛋香，真是讓我們垂涎欲滴。鵪鶉蛋裡頭細嫩的質感，濃厚的蛋黃香，不用提味，單吃已很美味。

星期五的晚上，同時係驚安之殿堂開幕之時，相約了田會長一起去潮聖，驚安之殿堂，相信大家都並不陌生，去日本時多數都會去掃下貨，而加進駐香港，即想去行下~好奇個價差幾遠，反正開24小時，不如去食個飯先，已有心水餐廳，揀了一君士多，由藝人鄧一君開的車仔麵店，看餐牌價格合理食物吸引，一於試下，入到去，見到鄧一君在場打等，果然落力。 裝潢以木系為主，天花板掛懷舊雞蛋燈，既港式又帶點日式風格，主打車仔麵。 餐牌，必食推介-霸王麵，一場來到，即試呢個。 日式咖喱飯系列。 跟餐加$15有特飲。 薄荷梳打，跟餐加$15，味道好淡。 龍眼冰，田會長的。 霸王麵，$98。 有鮑魚、廣島蠔、花膠及花菇等，用料十足又名貴，廣島蠔飽滿，但食落有腥味，花膠太林，花菇肥厚幾美味，鮑魚口感彈牙，不算太鮮美，據聞是豬骨湯底，但味道又唔太似，麵底有得揀，配了瀨粉。味道普通，一百蚊內食到以上鮑魚、廣島蠔、花膠及花菇，都算有咁了。

係尖沙咀見完客，就順便食埋飯 先返公司，上網留意到呢間一君士多，係藝人鄧一君開既，好奇都想去棒下場！餐廳裝潢有日式feel 有夾帶點港式風味，我就叫左一個廣島蠔咖哩飯，咖啡係日式咖哩帶微甜，我唔係好食到辣，所以岩哂我！咖哩味濃郁好下飯，廣島蠔大大隻又炸到表皮好香脆，蠔味十足，非常不錯呢！我仲叫左份芝士磨菇雞翼，內裡釀左芝士同磨菇粒，芝士好creamy,配埋煎到香脆既雞翼勁正！呢度食物質素十分不錯，下次經過會再黎呢！

尖沙咀食車仔麵選擇不多，見有新舖一於試下。舖頭不大但勝在坐得闊落。除咗車仔麵仲有其他飯、撈麵及小食可選擇。麵同餸種類多，但竟然無河粉⋯雞翼肥美，肉質嫩滑。紅腸切得夠厚及煎香過，值得一試。豬骨湯頗淡，好在有沙嗲汁及大量蔥花搭救。豬腸夠肥，無臭豬腸味。牛腩一般，陳皮魚蛋陳皮味濃但口感偏實。薯粉煙韌值得一試。

平時經過已經好想試吓，但都幾多人，驚排隊，所以無去到，今次就試下佢嘅車仔麵先。我叫咗個廣島蠔湯泡飯，朋友叫咗個霸王麵，一人一杯嘢飲，再加個一君炸蛋同磨菇芝士雞翼。上枱了，首先係我杯熱利賓納，好似唔係好覺平時啲餐廳有熱利賓納，呢杯就甜度適中，朋友嘅黑牛好懷舊，味道都ok, 佢表示好懷念細個嘅時候，有得飲就開心哂。一君炸蛋，其實係鵪鶉蛋嚟嘅，都幾特別喎，一口一啖，又重蛋味，好食。磨菇芝士雞翼，真係估佢唔到，一咬入去，啲芝士漏哂岀嚟😂😻正！輪到我個泡飯，又係癲倒咗我嘅認知，本身以為會係中式湯底咁，點知佢係忌廉湯底，食落好creamy 有少少漏，係我鍾意喔口味，啲蠔大大隻，勁新鮮，食落又夠滑又軟又唔會有渣，大推！😊 朋友個霸王麵有鮑魚、廣島蠔丶花膠丶花菇。我試咗幾啖，湯底濃郁，似係煲咗好耐，成個湯都好甜，好重骨膠原。連埋啲料都好入味，好食！

一君士多，名副其實係由鄧一君係既餐廳，餐廳裝潢走簡約風，雖然佢主打豪華車仔麵，但佢仲有賣飯類同其他特色小食。我同朋友分別叫左蔥油豬扒飯（$58）同霸王麵（$106），另外叫左兩個小食，芝士蘑菇雞翼（$32）同炸蝦餅 （$28）。野飲方面，我地叫左菠蘿冰（$15）同龍眼冰（$15）。除此之外我地仲叫左個香蕉船（$48）做甜品！蔥油豬扒飯🍖 豬扒炸得好鬆軟，炸粉唔會太厚，蔥油可以再落多點就好了，由於飯是白飯底，量都很多，食落感覺有點dry 霸王麵 🍜霸王麵所包含既有鮑魚，廣島蠔，花菇，花膠，我地叫左烏冬做麵底豬骨湯底加沙嗲汁，本身以為佢每款餸得一份，但佢係兩份🤤，蠔很肥美，鮮甜，鮑魚好易咬，花膠都好大隻👍🏻唯一美中不足係湯略微淡一點，同埋烏冬底係普通烏冬芝士蘑菇雞翼🧀一碟兩隻，價錢黎講略貴，但佢已經去骨，一口咬已經係芝士蘑菇同雞肉，芝士味食落不膩，值得一試👄 炸蝦餅🦐 一碟3份，食落去都有蝦肉既質感，配埋個泰式甜辣醬都幾好食架菠蘿冰🍍酸酸甜甜既菠蘿加梳打水，食到少少飽既時候，飲一啖，正👍🏻 龍眼冰🍹初初飲既時候覺得好淡好怪，但其實係龍眼仲未浸開😛 當食到咁上下既時候，再飲既時候其實幾好飲😁