一品齋甜品屋 (已結業)

經過一整天嘅活動之後，筆者與太座都覺得有點累。送了太座嘅祖父回家後，與舅仔一齊到銅鑼灣食糖水。此店搬進現址之前正正响對面舖位，新舖位比舊舖位光鮮很多，但有一樣嘢冇變嘅就係舖位依然咁細。筆者與太座到達後即時已決定食紫白及紅白，舅仔第一次嚟，經考慮後點了腐竹糖水。紫白即是紫米霑加豆腐花，豆腐花又香又滑，唔會比幾間叫做阿婆豆腐花遜色，紫米露亦十分足料，與其話係紫米露，叫做紫米粥更加貼切，足料情況可想而知；紅白即是紅豆沙加豆腐花，紅豆大大粒，而且已經煲到出沙，濃淡適中。蓮子並冇去衣，係傳統紅豆沙所用嘅有衣蓮子，而且加咗百合，材料豐富。同樣地，腐竹糖水足料，不過白果太多，所以有少少怪味。少啲白果應可解決此問題。據太座所講，她是此糖水舖多年擁躉，此情不變是因為這裡出品嘅糖水最接近已仙遊嘅祖母所煮嘅愛心糖水。每次幫襯，都能勾起她對祖母嘅美好回憶。紫白十七蚊一碗，紅白十三蚊一碗，腐竹糖水十一蚊一碗，係經濟抵食甜品店嘅不二之選。

是夜年三十，已約定俗成的會和家人吃過團年飯後，就和女朋友到維園逛年宵花市，行一個大運，也當然不例外的就是要吃湯圓了。首先是叫了必要的湯圓，也心思思的叫了黑白，即芝麻湖豆腐花。首先喝一口我愛的薑湯，個人喜歡較濃烈的，此處的不合我意，而湯圓也未見突出，似超市貨，皮不夠軟腍之外，也沒有油香，好吃的應該以豬油搓的，芝麻餡算是合格吧。芝麻湖豆腐花也令我感覺不爽，芝麻湖似溝粉貨色，不香是致命傷，而豆腐花也不是特別滑，也吃不出豆味。當我在失望之際，決定給它多一個機會，其實是自己為食的藉口，叫了這兒最有名的紅豆沙，果然不負所望，是一碗有誠意的紅豆沙，有蓮子、果皮，而豆及糖水的比例個人覺的剛好，火侯剛好煲得豆也軟，而沙也多，是一碗難得好吃的紅豆沙，這個笑臉，純粹俾面碗紅豆沙。最後，希望今年我跟女友都事事順利，在此也為OR各食友送上遲來的新年祝賀，祝大家日日都有食神，也身體健康。

一品齋這個名字往往令一聯想起素食店,但出乎意料地,這是其中一間出名的甜品店~雖然它坐落於銅鑼灣中,但它的地點比較寧靜,雖不起眼,但當你路經那附近,又會很容易地找到,因它在一所學校附近~它的裝修十分殘舊,而且地方很細,一進店內,有一古強烈的味道,友人立刻說"是不是煲燶什麼東西?"我也懶理什麼什麼東西,吃東西要緊,立即點了一碗蓮子紅豆沙和山水豆腐花<蓮子紅豆沙>紅豆沙味道普通,火侯不太足夠,只是弄得很熱巴,而且不夠"沙"值得欣賞的是,它的紅豆真的很多很多,單單放紅豆沙在桌上,已清楚地看到紅豆,很多材料,令整個紅豆沙潻增了口感,不過只有一至兩顆小蓮子~<山水豆腐花>只試了一口,覺得普通,就連友人也不覺得沒有什麼特別之處~而且還不夠甜,要求老闆再加多小小糖~看看它牆上的介紹,估計他的紅豆沙算是招牌菜之一,應該是他滿滿的紅豆料比較特別,而且$11一碗多料的紅豆沙,在銅鑼灣(或其他地區)比較難找~

After seeing so many positive reviews, i gave this place a try two nights ago. The taste was so ordinary for the red bean soup that I think i could have done a better job at home.... The sesame paste and sesame dumplings did not smell good nor did it taste freshly made... I wouldn't come backI think 玉葉甜品 in Central or 翠苑甜品專家 in Causeway bay are both better.

接近11pm吃完 shakembuns 經過這裡，告訴朋友這裡出名『黑白』，然後就來了。其實我已經很飽，所以要了番薯糖水，我第一次飲沒有薑味的番薯糖水，my god，真的只是番薯+糖水 『黑白』比上次吃的一般，朋友也說普通。黑芝麻及豆味也不夠濃。今次不用等位（要等的話也不會等），不過人真的很多，坐低兩分鐘後就有一堆人在門口等…

又落去銅記剪髮,約的是兩點,但不小心起床太晚,就skip掉了lunch,原本打算剪完去蛇王二大吃一頓,豈知三點半從sogo走出來卻一點都不覺得肚餓了,於是掉頭行去希雲街吃糖水一早就聽聞一品齋的腐竹糖水好出名,而此味糖水恰好是我的心頭大好,自然一入去就叫份腐竹糖水啦,還要加埋雞蛋,或許是因為weekday下午的緣故,細細間舗頭得我一位客,雖然好細間,又是間老舗,但仍給人很乾淨的感覺,不到五分鐘我的糖水便上檯了,睇落真是幾吸引!香味也極其濃鬱,聞不出一絲人工的味道,再食一啖,嘩!實在令人滿足,心中只剩下一個"好"字!薏米與銀杏頗足料,全都煮得軟熟到極致,尤其是銀杏,幾乎入口即溶,我本是對銀杏很是抗拒,但煮到如此程度的銀杏卻是極對我胃口的而此碗糖水的甜度也恰到好處,大部分是原料的香味,腐竹早已煮到溶化,而薏米與銀杏的清淡香味滲透到每一滴糖水中,至於糖,落的並不多,食完一整碗絲毫不覺口乾,至於另外加的那個雞蛋,煮得也剛剛好,蛋黃不太乾,但因為是與糖水分開煮的關係,糖水的香氣並未能滲透進去,這是一個敗筆,而且我始終喜歡打散的蛋白多一些,下次再order應該不會再加雞蛋了如此美味的一餐糖水不過16

血拚完sogo, 行到老遠食碗紅豆沙 陳年果皮加上天津紅豆, 啖啖起沙, 甜度剛好, 實在很像爸爸煲的感覺.....這裹的紅紅豆沙由我第一次食到現在, 味道真是一模一樣, 努力保持原味, 實在很欣賞

食完華姐行嚟呢度食糖水腐竹銀杏 (因為人人話好味,我又見到人吔影相好多銀杏...點知: 得三四粒喳,超唔開心呀!!! 但老實講係好味架~ 因為好香豆味而且佢吔煲到d腐竹溶晒呀^^)芝蔴糊: 一般者 :總結: 呢度腐竹銀杏 好好, 但係芝蔴糊就 翠苑好呀

一直同呢度無緣, 今日趁食 lunch 前想先食碗糖水, 終於0黎了試試佢的白果腐竹蛋糖水 ($16).熱辣辣的, 腐竹煲到稀爛, 好似飲豆漿, 雖然唔及九龍城地茂館0個 d 咁滑及咁香豆味, 不過仍然味道清甜, 唔錯; 白果粒粒飽滿, 粉粉軟軟的, 好正; 薏米帶淡淡香味, 煙煙韌韌, 幾好食; 隻蛋就加唔加都無所謂, 哈哈. 幾有水準的一碗住家糖水, 0係銅鑼灣實在難求, 值得試試. 下次食紅豆沙 and/or 桑寄生蛋茶!P.S. (老闆?) 阿叔好 nice, 好有人味的一間小店!

因為jul 23, 08早上feel到自己好熱氣,下晝突然諗起呢度好出名嘅腐竹白果仲未食過,所以戚起條筋,夜晚嚟叫咗 : 1) 熱腐竹銀杏-腐竹,白果同薏米都好足料,絶對唔欺場-腐竹除咗煲到溶晒之外,仲會食到有小小嘅片狀-好清甜,好good

曾有不快經歷, 同自己講以為唔會係到再食糊 今日大舊收左工買左我最愛既紅豆沙比我… 我心笑緊 ~ 大大粒天津紅豆右埋果皮煲到起晒沙, 清新果皮味, 豆多而又琳,大滿足 ~~~

2008月7月8號 - 一品齋甜品屋銅鑼灣希雲街8號放工後 本來想去做gym的 但天氣實在太過炎熱了 於是便想到了去公司附近的一品齋甜品屋吃一碗甜品才去. 其實一品齋已經吃過好幾次了 每次去都是沒什麼人 可能我去的時間不適當吧. 而坐在鋪頭內一路吃甜品一路看著街外 原來也別有一番風味. 今天我點了 黑白(芝麻糊 + 豆腐花) 再加了兩粒湯圓. 上幾次來都沒有叫到湯圓 今次一定要試下. 芝麻糊有別於街外的糖水店 一品齋的芝麻糊是比較淡和有芝麻香的 而且質感也不錯. 豆腐花就有一點點過硬 可能我叫的是凍的吧 所以感覺普普通通 而湯圓真的很不錯 雖然7蚊才有兩粒 但大大粒 口感十足 很有咬口. 埋單20元.

銅鑼灣0既第二站就係 <一品齋甜品屋>.其實係榮記粉麵行過去大約十至十五分鐘啦, 我同祖安就當消化下同散下步. 當去到甜品屋的希雲街0既時候, 第一個感覺就係條街都幾靜喎, 而且間甜品屋都幾平凡, 都要望幾望先望到, 去到門口, 入面有五六張檯左右, 不過一個人都無, 哈哈, 最後我地都決定入去試一試, !!! 1. 紅豆沙+芝麻糊 <熱> ($13) ~ 對於初哥0既我0黎講, 我覺得糖水0既口感同味道好緊要, 紅豆沙無陳皮味, 0岩我, D紅豆都幾"淋", 而且味道適中. 食完之後有五個字浮現在係我個腦海中 ~ "好夠火喉呀"!!! 2. 腐竹銀杏意米 <熱> ($13) ~ 銀杏真係好大粒喎, 味錯不俗. 整體評價: "夠火喉"的糖水, 都已經值得去探訪一下!!!

此店雖細小，但禾桿蓋珍珠。甜品種類雖不算多，都是紅豆沙、綠豆沙、紫米露、黑芝麻糊和豆腐花的配搭，外加湯丸、蕃薯糖水之類。但其實只要做得好便已足夠，我點了芝麻糊加豆腐花，俗稱黑白。芝麻糊味道香甜，濃稠軟滑，豆腐花亦有淡淡豆香，亦軟滑。兩者配合得很好，不會互相搶去味道，佳作。服務雖不算殷勤卻友善；環境衛生亦中上。

I visited this place yesterday and tried out their desserts~ I heard about this place so I was searching all over for it...took me like forever; a very secret place. Anyways, after a while, I finally found it and decided to sit and eat. Price, of course, it's not $$$, so that's a bonus! And, I especially like how their dessert isn't just about SWEET. Yes, I agree dessert is suppose to be sweet...but not only sweet. And seems like this is also a celebrity secret dessert place? Who knows...