一寿司料理 (已結業)

食過松X/大X屋/浦X/X吉數間放題後, 係雜誌度見到呢間一壽司開既放題, 唔試點對得住自己,價錢都唔問就book位了!!一行4人黎, 發覺做緊優惠, 圍起一人大概220蚊, price is not bad!坐落先叫刺身一探虛實, 唔錯, 選擇多, 由三文魚, 吞拿魚, 帶子,到比較少有的希靈魚,白玉豚都有鮮味,味美!值得一讚係佢既甜蝦仲連頭, 一般只得個身咋, 蝦頭仲幾鮮味tim! 整體刺身size比正常的略細, 可以試多幾款!食親放題必睇有冇海膽, 佢有, 只限手卷and蒸蛋, 手卷至少食左一打(一啖一隻),海膽分量唔算少,食到海膽味道! 蒸蛋令人失望, 可惜暖暖既海膽有d腥!熟食必試雞翼and羊扒, 羊扒入味又稔, 雞翼內裏唔太乾, 唔會overcook!鍋類一般都唔會叫, 通常好大份食唔哂, 點知呢度size適中, 兩啖食完,味道尚可, 又試多幾鍋, 推介蠔鍋!通常沙律都好似d伴碟生菜絲混合餸頭餸尾而成, 不過係度試左蟹子沙律, 青瓜新鮮無出水, 豆腐沙律尚算正路, 可食可食!任飲汽水啤酒, 咁我就飲啤酒la~不過得兩款揀, 種類太少!任食乳酪雪糕加toppings,topp

收到有$100現金券, 當然要去一試! 平常心去試, 點不知有意外驚喜。 17:25一去到, 未入場, 竟然超多人拿住飛等入場, 心想:大鑊。原來沒有訂位是就要等, 幸好我們有訂位, 可以即時入座。 入座後立即入單~ 不一會食物已經來到。 刺身:三文魚, 有頭蝦, 油甘魚, 鯛魚等等.....都好新鮮, 好好味! 值得一讚是, 入單後不久, 便立即送到....Good! 熟食:羊架,都好好味, 其他的都忘記了, 最記得是出菜時有個小型鐵板盛著。我去咁多間放題都沒有。只是這間有。通常去食放題, 全部食物到齊, 都唔知先食什麼好。食刺身先, 又怕 熟食凍。食熟食先, 又怕刺身會壞, 現在解決了~ 有鐵板保持熱度, 我可以食完了刺身, 再食熟食。 最後的驚喜是有Yogurt 和雪糕, 自己唧, 食幾多, 唧幾多! 還有很多小裝飾給予你的yogurt 和雪糕。 侍候的們的侍應應該是新來的, 手腳不太靈活, 但十分有禮貌。這放題下次可以再試! 不過如果沒有了現金券的話, 價錢就比較費, $251(已加一), 我們現在$201(已加一)埋單。

HAPPY BIRTHDAY!吃放題慶祝生日是一大快樂之事，可以悠閒地慢慢吃日式食物！刺身新鮮！好味道！三文魚新鮮！甜蝦大大只，不過也不見得太新鮮！ 可能是保鮮困難吧！交通也方便，所以適合大家一起聚會的好地方！

事前已訂枱8：00 等左半個鐘先可以入，同樣係5人ge walk-in都比我地已訂位更早有位可以入先 ，預訂服務形同虛設。其次，5位客人必需坐4人座位，為什麼這不合理規條在這間餐廳係完全合理化，我們毎人只能坐0・8個位。。。。😒第三服務態度惡劣，另收加一服務卻完全不能夠提供服務，口岀惡言，黑面等另類卻應有盡有。最後環境惡劣，冷氣機滴水嚴重，我們親眼見證冷氣滴水落入食物中，而岀餐待應明明知道卻冷眼旁觀。更過份的是放在冷氣機上的紙巾突然從天而降，衛生程度令人咋舌。*服務態度差！*食物味道一般、款式少！

之前有親戚食過，有張一百蚊現金券（要七點半前結帳），趁住老公亞哥生日，同佢去慶生。我訂咗五點半，早三分鐘到，當時已有幾個人排隊。好彩有訂枱，等咗五分鐘就入座。點選食物及食物質素刺身：應該算係咁多食物之中質素最好 豆腐沙律：味道唔錯 味付螺肉：正常味道炸物：天婦羅蝦同吉列蠔都唔錯 燒物：全部都係燒定晒，落單就執俾你。難怪，唔係點可能一次過serve咁多枱 手卷：好細件，紫菜又"淋"咗，味道麻麻 茶碗蒸：叫咗黑松露同海胆兩款，味道一般蒜香牛柳粒：味道ok秘製汁金菇牛肉：味道ok黑豚生姜燒：味道尚可汽水啤酒任飲／乳酪任食總括來說，我唔係大食嘅人，俾得二百幾蚊，我會寧願去間普通嘅日本料理食，質素應該會較好。其實，最唔滿意係佢有個侍應提我哋交枱時的態度。我17:32入座，兩個小時任食，佢19:27行埋嚟叫我哋起身交枱，話出面有人等，要我哋交枱先可以俾枱人。我哋當時正努力清緊枱上的食物，況且仲有少少時間，但佢仲不斷咁講，又話我哋可以俾錢加時 我真係好唔高興，我叫佢可唔可以唔好搔擾我哋，等我哋快快清埋d嘢。講真，我真係唔會再去，亦都唔會介紹d朋友去囉!

同老婆出街食飯係一件好頭痛的事，兩個人好難叫嘢食，成日食set 又悶左啲，忽醒起可以去食放題，但冇預先訂枱又唔知有冇位，唯有碰碰運氣去左銅鑼灣廣場新開間 Sushi One Deluxe 睇吓，好彩等左一陣就有位。原來呢度咩都係自助就連茶、水、汽水、啤酒、軟雪糕都喺哂一邊，我哋咁啱又坐得好近，一眼就望哂有咩飲品，幾得意！日式放題刺身當然係重點，一開始就黎個併盤先，但都係自己點的類別啱食啲，我同老公就最愛吃吞拿魚、油甘魚及三文魚，雖然三文魚常常都會買黎食，但係我哋都係食極都唔會膩，而今天的三文魚刺身好靚，全都是厚切同埋一啖入口啱啱好，真係好新鮮及充滿魚油香味，完全沒有預先切定哂的感覺，吞拿魚入口軟綿綿，油甘魚個彈牙口感真係令人回味，當中有點驚喜就係甜蝦的 size 都算大而且都好鮮甜，八爪魚、北寄貝同海螺片都好爽口鮮甜。望住張點菜紙仔，見到有張叫「一品料理」入面有好多嘢都幾啱食，蜆味噌汁、蒜香牛柳粒、豚肉生薑燒、金菇牛肉、蒜香三文魚腩、牛油炒雜菌、牛油燒玉子法蓮草(菠菜)都點左，份量填二人，全部送到都係迷你版的份量，真好！每樣都係兩個人食啱啱好，又唔會浪費，我哋又可以點多啲不同款式的食物

場內環境：分別分了３個區域，A、B、C區，場內燈光比較暗，位置都算舒適，唔會太迫，另外仲有卡位。服　　務：其實除了遞紙、上菜及換碟，機本上都唔需要人服務自己！因為是半自助放題！但人手算多亦算快手。重點食物：三文魚：不太肥美，仲有點瘦……海膽手卷：任叫，手卷SIZE亦算細，唔會話食兩個就飽燒番薯仔：呢到有日本細細粒的燒番薯仔，不過估計係烚完先燒，所以一般！炸雞翼：比燒雞翼好味很多，燒雞翼比較乾，但炸會比較多肉汁！炒雜菌：好多油，我地食左兩三塊就因為太油而放低了！多春魚：雖然好大條，但好似無平時食既多春魚香！仲有芒果加州卷、黑松露蒸蛋、牛肉粒等等！雪糕及汽水都是自助！雪糕有４隻味：YOGURT、士多啤利、雲尼拿、青蘋果另外仲有配料任選！好似有12隻味定15隻味！

一家大細去食日式放題，去左試銅鑼灣新開的一寿司料理，貪佢可以訂到枱同埋幾就腳，一行人6點半就到左，人不太多地方都算大，侍應人數亦不少但眼見個個都好忙，動作超快！好好笑係我哋都未座好就已經有一碟刺身併盤放底左，小朋友重叫住那住哥哥話我哋重未叫嘢食喎，呢個唔係我哋架……佢哋真係小食放題所以有點大鄉理添……嘻嘻！食過預設那一碟刺身大家都分別拎住不同的 order form 點嘢食，小朋友當然係拎住張天婦羅 form，居然將全部款點哂……有海老、南瓜、番薯、多春魚 and 冬菇，另外亦點左個日式炒烏冬比佢哋，呢啲類別一般都係比較耐先會做好，但今日卻很快就送到，各款天婦羅都炸得好鬆脆，尤其是多春魚最好味，一啲都唔腥就連小朋友都話好好味，當然炸蝦亦係佢哋最愛，蝦夠大隻之餘啲肉亦彈牙有蝦味，我最怕就係食炸蝦但隻蝦全無蝦味，小朋友們都要 encore 再點多春魚同炸蝦天婦羅呢！另外都點左大量的爐端燒尤其係牛舌、雞翼、甜粟米、迷你甜番著、翠肉瓜and 有機菠蘿，當中的雞翼及甜粟米就最受歡迎，雞翼沒有一點燒燶而且啲肉是全熟的，味道亦很好，咸度適中，大家都食都停唔到口 (其實我哋好怕啲燒到表面燶燶的但內裡的

未到6點已經到，到步已經呆了 很多人在等候，今時今日已經少見，難道因為銅鑼灣???但幸好原來要看第一輪人優先比訂台的入，於是過了他們我們也很快入座。 入面地方不小前身印象中是機舖 之後也做過其他食店。 被安排了坐壽司吧台那邊老實說有點不方便 因為跟飲料地方很遠而且走廊很窄，所以要坐入點。食物款色不算少 而且上台速度也挺快，什少漏單，侍應也會不停推車收拾台面， 食物方面刺身很新鮮，三文魚 甜蝦 希靈魚 北寄貝 海螺 八爪魚 墨魚 吞拿魚 應有盡有 甜蝦大隻有膏非常新鮮鮮甜 三文魚也肥美熟食方面也不錯 炸蠔 炸蝦全新鮮炸起 串燒也是熱的上台 全部都入味 反而烏冬好像太過辣，連同肥牛金菇卷也是。 至於手卷的細小真的可以一口吃下 基本上等如一件壽司的飯量，而且已經迷理版....但也好少食飯。整體來講滿意 食物齊也不錯 但限時前半小時前已經要結帳有點趕。

一壽司集團，真係唔錯食物點數目無變，唔會少左幾件，點幾多有幾多！質素很好，6個人食到唔知飽，同款食物太好味追加再追加必食回本推介：雲丹茶碗蒸（蒸蛋上放一些海膽）好滑概蛋，蛋內有雞肉和蟹柳，海膽都唔少，最開心蒸蛋份量個杯偉得1/3唔怕過飽，反而大家忍唔住再加單再食，哈哈！佢仲有三文魚子茶碗蒸，黑松露茶碗蒸都係正，蒸蛋有偏咸感覺，但非常滑溜手卷飯少真係好值得食，海膽手卷，海膽鮮甜仲大大量係面，一試傾心追加三次蟹子就奇，非常少蟹子……唔通蟹子貴過海膽，柱貝，辣味三文魚，芥辣八爪魚都yummy正常刺身居然有白吞拿真係味道好好，唔講d朋友食左都唔知係白吞拿，因為佢叫白玉豚！朋友以為係帶子，有北寄貝，甜蝦大隻必食推介，八爪魚就鞋左d，現在點刺身已經唔會留意三文魚了，哈！正！估唔到炸物禁出色個醬唔厚，保持到非常熱，好食到辣親，炸蠔居然鮮味！明知係雪居然有鮮蠔味全熟唔帶半點腥味！追加三次！炸雞翼鮮嫩多汁！係真架！本人放題好少食雞翼都讚！反而燒雞翼對比下就乾啦！燒羊架好味唔穌，章魚小丸子都好味！醬汁功勞應該最大炸芝士年糕比較複雜，因為三個人食都有不同見解，佢外脆內軟面層有旺旺味道，芝士偏咸，年糕比較痴牙

近日朋友圈講起一寿司在銅鑼灣廣場開左以放題形式營業，名為一寿司料理，上網睇左價錢又唔貴所以都要去試一試先！可以 book 位之餘又冇限時段，只係有兩小時的時限，咁又真係彈性好多，想約朋友幾點都得。雖然唔係 weekend 去但門口都有好多人等緊位，訂左枱都要排隊等攞枱同帶你入去，好似真係好旺咁喎……入面其實都幾大，分左兩邊，但都座無虛席，見到枱枱都放得滿滿的刺身及其他食物，我哋都急不及待地要點嘢食，成場個氣氛好熱鬧，有個位我覺得好好笑就係佢放左好多個氣水櫃出黎，好似7-11買嘢飲咁，原來係自助飲品櫃，連茶水都係自助，重有個 Yogurt bar 都好吸引，自已轉雪糕又有啲去左遊樂場玩咁，好想出去玩吓！ 點菜方面都係用紙仔落單，一坐落好快就黎左個刺身併盤，不太多的份量就正好比我哋試一試啲刺身質素，食落都好新鮮肥美，厚薄切得啱啱好，我個人最欣賞就係個油金魚同埋白玉豚，肉質鮮嫩彈牙的油金魚真係我的至愛，甜美又醇厚的魚香帶住絲絲質感及凍凍哋的溫度放入口中，真係食到停唔到！另外一個重點 order 就係白肉豚，唔係間間放題都有的白肉豚比起傳統吞拿魚响肉質上比較結實啲，味道亦較清一啲，加上佢雪白的

暫時得銅鑼灣分店做緊放題一入到去已經覺得裝修唔錯，坐位空間大感覺唔會好迫好嘈一大班朋友都坐得舒服淨係揀嘢食都揀到你頭昏腦脹，超超超多選擇呀一行十一人所以上菜全部都係勁量級非常壯觀雖然唔好刺身都令我眼前一亮嘅刺身拼盤終於鼓起人生最大勇氣試吓，我發現我係唔食魚類刺身...反而食八爪魚呀魷魚呢啲冇咁大路嘅很誇張的壽司船質素比普通的壽司店更好!!一小件的可以試到更多款式天婦羅─要留肚呀!!淨係試咗海老!!以放題來說真不俗黑松露茶碗蒸─清清哋配埋黑松露又香又滑鍋物種類很多，掛住食都冇逐一影相呢和牛免治石鍋炒飯─好精緻呀!!細細個啱晒樣樣都想試嘅我有圖有真相!!大家非常熱愛甜蝦刺身，基本上係一到就極速洗碟迷你手卷─好可愛呀一啖一個，惟一要彈係紫菜唔夠新鮮爐端燒選擇都算多，整體不俗，最欣賞佢個牛舌日本迷你甜蕃薯─我唔食蕃薯，不過見佢哋食完再encore肯定好味啦另外仲有自助乳酪，好受歡迎，長期排長龍好貪心試晒所有味道，Topping選擇好多呀食埋甜品為今晚畫上完美句號$198一位價錢合理，而家幫襯仲有100蚊Coupon送!!抵食

去食日式放題，最怕食物質素差，唔夠新鮮，賣相好似餸頭餸尾，就算價錢平都食得唔開心，試咗新開一壽司料理，呢個放題令人喜出望外，平日都係$198，星期五六日及假日就$218，但以食物質素嚟講個價錢係抵食。店內環境：店內都全坐滿人，座位寬敞舒服，大型汽水櫃汽水啤酒任攞任飲，茶亦是自助型式，有3種茶任飲，旁邊係有乳酪機及軟雪糕機，以及先選乳酪toppings差唔多20款，乳酪及軟雪糕都係任食。食物方面當然試唔晒咁多，當中有些味道麻麻地，以下係部份食咗又覺得好食嘅推介：壽司：火炙左口魚邊、火炙黑椒吞拿魚及汁燒三文魚，左口魚邊本身肉質較滑，火炙過後魚肉仍保持口感滑嫩嘅感覺，多添一份魚香嘅味道，特別甘香美味，而吞拿魚加上黑椒火炙，厚厚嘅吞拿魚變得更香味，黑椒嘅點綴令舌拿魚肥美嘅口感溫和了，反而令人更想食多舊，汁燒三文魚壽司味道更勝一般三文魚壽司，配以汁燒，三文魚在半生熟狀態，肉質口感豐富了，亦減了食多了生三文魚會溜嘅感覺。爐端燒：鹽燒牛舌、鹽燒雞軟骨、芝士翠玉瓜、迷你日本甜蕃薯及野蜜汁燒羊架。牛舌燒烤後賣相好似燒到好乾，但食落口先發覺仍然軟身，十分惹味，香口非常，愛牛舌者必要一試。雞軟骨燒得脆卜卜，

一大班人去食放題真係一件好暢的事，因為 order 啲咩都係嗚一聲就食哂，可以不繼落單！落單！再落單！真係搞都大家越食越興奮，越食越瘋狂，越食越想食多啲！食多啲！食多啲！今晚肯定抵哂呀！ YEAH!!!攞左位即時有位侍應以9秒9的速度放低左兩盤什錦刺身，因為有時間限制的關係，大家都以很快的速度弄好碟wasabi豉油，試吓邊款刺身最好味就重點主打order la…..結果係油甘魚、甜蝦、北寄貝、希靈魚、海螺片及三文魚跑出，第二輪我哋就主打叫呢幾款，刺身食到第四輪時有朋友提議不如第五輪試吓只點甜蝦，我估當然係佢自己最愛吃甜蝦的緣故……嘻嘻！但確實今晚的甜蝦質素令人驚喜，大隻之餘肉質又彈，真係名符其實鮮甜到食完又食，見到盤甜蝦刺身黎到大家都好開心，因為平時真係未試過只點甜蝦做到成個併盤 size 咁上枱…大家都好滿足咁又食食食！不經不覺大家食左超過一百隻以上的甜蝦刺身，真係利害！其實另一個今晚重點 order 的居然係燒物，當中就以有機菠蘿、迷你甜番薯、芝士翠肉瓜同埋意大利香草燒羊架跑出左，個羊架燒到啱啱好帶有淡淡的香草味，算係中 size 的羊架，食得出唔係平價貨色，大家又食左幾轉！講開又

其實對於吃放題有些怕怕，也許上次在中環，在一個極之狹窄的環境下，坐著一百幾十人，生怕遇著火警，便成甕中之鱉，但好友苗兄約到，並保證地方闊落，還可見一班好友，遂立刻答應。來到早前來過的地庫，已由Monster Sushi 和 Baby Cafe 改成Sushi One Deluxe，地方更大，座位相隔闊落，與之前中環看見那間相差很遠，頓時安心坐下。一般的放題飲品都是點的，但這裏卻很大方，擺滿幾個企身雪櫃的汽水啤酒，任你愛喝幾多罐也可，熱飲有三款茶包：玄米，烏龍和抹茶，總有一款合你意。兩小時的放題，時間就是金錢，二話不說便狂剔刺身。友人是甜蝦狂徒，甜蝦是少不了，還有港人最愛吃的三文魚，其餘是吞拿魚，油甘魚，北寄貝，八爪魚，蟹棒，希靈魚，海螺片，白玉豚和魷魚。送來時是堆成一座山，無論賣相和擺設都很賞心悅目，感覺很豪。起初以為兩小時的放題，收費$198，質素不能強求，但試了多款刺身，這想法不攻而破，甜蝦超好味，肉質黏黏，有些友人連蝦腦都吮埋，但我不敢試。其餘刺身都是有水準的。接著而來的是壽司船，用一隻長碟加些裝飾而成，以我們十一人的份量，應超過一百件，陣容鼎盛，絕不吝嗇，而且款式眾多，包括有三