一寿司 (已結業)

前幾日諗住食下壽司, 一去到同預期一樣唔使等位, 因為佢o個度都好大好多位, 但係一坐低發現佢d壽司超細舊..... 同剛開張果陣d size 真係好遠。我order一個三文魚手卷, 點知個d三文魚勁碎...真係好失望...... 我諗以後唔會再去,就算去都係去尖沙咀果間。

上個星期五同班朋友打完波，有人提議去試一試，九點去到等位，真係好多人，經已打晒蛇餅．可能我哋人多的關係，等到11:40pm先有位，真係好辛苦，等得太耐只知好肚餓．一坐底就叫咗好多壽司，總括來講，整體都唔係太差，可能特價所以個size都唔係太大嚿，較為好食就係牡丹蝦壽司．三文魚刺身切得好厚，所以好有口感．等位真係等得太耐，半價只有壽司，卷物，刺身，飲品....．其它小食就無，選擇較為局限．下次都唔會再幫陳．

今日同個fd九點就去排隊好有有雜誌同nds解悶10點度就入到啦我地兩個連價錢都唔睇想食咩就點咩~好Free啊必點之選：三文魚壽司(只係$4.5 each)食落去質素唔差呢我地狂叫左幾碟帆立貝超鮮甜其他的都唔差不過藍鰭吞拿魚無想像中咁好食火炙三文魚唔多夠肥美兼有少少「鞋」海膽壽司味道怪怪地且有少少苦味蟹腳壽司同花之戀味道都OK卷物通常都唔會難食得去邊我地叫左雪花(荔枝+ 蘆薈)清清地好好飲上菜速度好快添侍應服務態度都算可以接受個fd話平日去會好D反而假期真係爆多人總共食左成300幾蚊野只係付一半價錢算係超值且食物又唔錯

今日去咗旺角，行到六點本來想同朋友上雅蘭飲杯野，但大家見到一壽司，見到雜誌成日吹棒有幾勁、有幾抵、有幾多人排隊，不過排隊人龍限於晚上10:00後的半價時段，大家見原價價錢都可以接受，又唔駛等位喎，於是入去試一試！入到去，環境最吸引當然係個大魚缸，其實我好鍾意望住魚缸嚟食，會食得好開心，可惜安排唔到！我哋坐嘅係bar檯，椅子好大，好舒服，比一般連鎖壽司店檯子坐得舒服！店員服務亦都不錯，密密為客人添茶！我哋2人食咁唔係太多碟，每碟嘅壽司飯比一般壽司店為細嘅，這點我反而欣賞，因為嚿飯太大的話，幾碟就好快飽肚，魚生都係一般啦，唔係話好鮮味，不過不失咁，炸物卷都唔錯，炸物唔會係凍冰冰。最後大家點了兩杯飲品，本來見佢唔平，成30-40蚊一杯，不過賣相(餐牌)好吸引，所以我點了一杯芒果特飲(有酒精)，朋友點了一杯熱情(冇酒精)，好好味，不過就略甜，朋友果杯好快飲完，反而自己果杯有酒精關係，飲到一半我已紅晒臉，所以要投降了！今餐消費：8碟壽司+兩杯飲品=$230

前幾日同朋友去食, 下午二時左右啦, 去到時都無咩人, 不過都要等位, 因為有一半唔開,都唔緊要啦, 又唔趕時間, 但係估唔到就係, 見到裡面有好多位, 但係無人執囉咁其間一路食一路傾計, 唔知係唔係多人叫既關係, 我地等左好耐都未有得食, 最慘係就係, 我有一碟壽司由叫到等差唔多成八個字, 我覺得勁度攪笑囉, 我問待應, 佢即刻幫我整, 點知我一食完, 我個碟就到啦, 開頭又話唔見左張單, 要再落單.不過最差既係埋單時, 我地兩個人食十三碟野, 佢收左我二十六碟既價錢, 4XX....唉...又再等佢重頭打單都等到傻....

10:00 後有半價, 咁當然要食o下la. 食o左好多sushi, 未試過係依d貴價sushi店可以咁叫ga, 平時因為太貴的sushi今次都可以叫, 因為要meet $60最低消費, 咁啫係要食正價$120.佢d創作sushi真係好好食, 好多都係包蝦天婦羅or軟殼蟹, 真係好脆口, 同爽, yummy~~ 火龍卷係當中最美味的.另外最深刻的是蟹籽軍艦, 紫菜好脆, 好好味.鰻魚都好食, 火炙海謄蟹棒, 有驚喜.之前都有食過, 以為半價質素都會減半, 但水準依然, 正!!! 唯一唔好食的是拖羅, 好腥,以後食放題不如食依度, 又平, 又好味, 特別係當你想食sushi, 因為一般放題sushi款少同冇咩水準.

先講環境，知道10點後有半價會有好多人排隊，所以約9:05黎到，9:45就入得，坐bar台，望魚缸，坐又坐得幾舒服，落左order之後見到個壽司帶d壽司已經疏疏落落，好快就無晒壽司，而見師傅d order單就係咁出係咁出，都做唔切。我同我女朋友就order左以下壽司︰(壽司果然比其他壽司舖的細件) 蟹腳壽司2碟︰隻蟹腳超霉，無口感可言，極唔新鮮，大佬呀半價都唔駛咁呀﹖海膽壽司︰一睇就知唔新鮮，輪廓唔鮮明，入口ok 甜蝦壽司(巨)2碟︰幾好味，夠大隻，夠爽，唔知點解甜蝦壽司舊飯會大舊d，佢想搵枝牙籤自己new都等左5分鐘先有人理佢。帆立貝壽司︰都ok，但係唔夠新鮮5A火灸和牛壽司2件︰比板前的無燒過的更加好，板前無牛味，今次呢度輕輕燒過佢更加突出牛味，入口好重牛味，但無入口即溶的感覺，但係都好味。蟹柳棒壽司2碟︰($9)抵，好味，咁既價錢真係食得過，比新解蟹腳更好味。黑椒三文魚壽司︰我女朋友唔覺意畫三文魚時畫錯左黑椒三文魚，佢黎既時候咪話唔係我地架囉，但係waiter即刻拎番張order紙黎俾我地睇，駛唔駛呀，畫錯左者。照食可也，好重黑椒味，普普通通。汁燒玉子︰難食，暖暖地，唔甜。蟹膏蟹

晚上跟一位朋友選了這間壽司店晚膳，是第一次光顧。裝潢是很不錯的，價錢跟其他壽司店差不多，算是中價。可是，食物質素差極了...飯不夠lim, 刺身又不新鮮，好似無味咁，很差呀@_@上菜的侍應態求散漫，不會再來！

岩岩去左兩個禮拜旅行,返到黎香港,女朋友想食壽司.就同女朋友黎左呢到食飯啦.夜晚8點幾,唔駛點等位.order野食亦黎得好快.當然試左我最鍾意既海膽手卷啦.幾好喎一D都冇偷工減料D海膽入晒D飯到.好味=)到最COMMON既三文魚啦..唔係好新鮮BORRR玉子壽司,個玉子如果夠熱既話會好好多.軟瞉蟹壽司!呢個推介呀,好香口,,好大件=]食左好多款壽司.俾女朋友話我大食積,所以收口.最後無試到"和牛"埋單之後見出面排隊排左好多人,原來10點之後入坐.所以壽司/手卷半價喎.不過最低消費係60@有機會既話,,會再食.

在盛八留肚要吃壽司, 原本想到峄新店試食, 可惜太多人, 大熱天要在街上排隊? 咪攪!! 見到路邊banner 介紹雅蘭有間一壽司, 有大型魚缸坐鎮、又未食過, 就試下啦!! 晚飯時間處處都是長龍, 不過起碼這裡有冷氣嘆! 等了十多分鐘就有位, 服務員問我介唔介意坐bar檯? (心想一般都是問你介唔介意坐order檯的, 已覺奇怪); 入到去才知道原來order檯(梳化位)裝修得十分雅致, 怪不得order檯會較bar檯更受歡迎(但全是大檯)! 不過bar檯的櫈一樣舒適、夠大夠闊, 無問題!開餐了, 凡立貝壽司: 夠大夠厚, 不過鮮味一般, 但尚可接受。三文魚壽司: 鮮味更少(老公說的, 所以我沒有吃, 哈哈), 此款不吃也罷。海膽壽司: 都OK, 不過仍然是壽司正的近海海膽最正。甜蝦壽司: 蝦身比一般的甜蝦大隻, 賣相吸引, 可惜蝦身太腍不夠爽, 失望。海鮮什錦壽司: 一句講晒: 失望! 象牙貝壽司: 不過不失! 活赤貝剌身是全晚精華所在, 夠新鮮夠爽甜, 正! 不知道飯是手握還是機製, 夾完不易散開亦不會太硬, 算唔錯。有機會都會再來! 十點後有優惠, 夜鬼啱晒!!

聽人講呢間一壽司要等幾個鐘頭位,但星期五晚去到, 都冇乜人, 唔係化.....三個人去食, 有得坐卡位, 好闊好舒服食物就ok 啦, 略嫌d 壽司真係太細件喇, 男人食真係一d 都唔飽, 慘....帶子壽司最好味, D 海膽都幾新鮮幾靚

唉, 其實佢唔野原來唔都係差得咁緊要, 但飯太酸啦, 令你未飽, 都唔想叫多d野食個次同老公兩人個人去, 食佐二百幾蚊, 佢d款式都算幾新, 壽司新鮮度一般啦, 佢最大既好處, 就係等位快, 佢賣點係金魚缸, 但唔係每一個位都對正魚缸, 我地就對唔正啦旺角太多好野食啦, 所以冇下次啦

見le間野裝修得唔錯...就入去try下啦...d壽司真係好唔掂啊...d飯太爛..魚生又唔夠新鮮又唔涷...叫個三文魚手卷..紫菜係"林"都算..d三文魚竟然係碎粒..仲有加埋d生菜..真係生菜多過三文魚囉!!而且佢d價錢唔算平...甘ge價錢甘ge質數...完全唔值!!普通ge連鎖店"x氣"都好食過佢多多聲啦!!

晚上九時多無意中看到這問好像有名的食店, 便走上去一看, 見到幾十人等吃半價餐, 我們以為很好吃, 便豪一餐, 不等半價便走入去, 吃了12碟, 埋單$283.00.勁難吃, 三文魚刺身4片又少又多根, 吞拿無味又有根,北寄貝乾憎憎....無樣好吃, 一句講晒, 不要再去。回家上網, 才知道各位都早領教過, 早知上門前先來上網check 下先喇! 服務不好, 最好只有大魚缸。

成日都聽到人地講呢間野既夜晚好抵有半價．．有１次黎見到咁多人排隊，即係冇曬興趣～但尋晚本來想去和花亭架，但係果度又勁多人，咁就諗住試下第２間啦！去到門口真係打曬蛇餅咁．．由９點半排到１０點八先入得去．．好彩我地係２個人去食ｊａ．．可能會快ｄ掛去到即刻去拎迴轉帶既野食．．但係見到冇乜款喎．．又唔吸引．．就寫紙．．拎起本野睇下有咩款啦．．唔知點解覺得１ｄ都唔吸引．．叫左幾款野食．．最難食係幔魚壽司．．有骨架．．而且又唔係好新鮮食左７，８碟已經唔想再食落去．．但又要每人最少消費＄６０．．惟有焗住叫啦．．叫左個唔知叫咩芒果沙律．．雖然冇半價但仲好，起碼可以快ｄ食夠六十蚊．．呢個反而我覺得幾好味．．食到１１點幾果時，迴轉帶既壽司明顯放左好耐．．冇曬水乾曬咁．．好恐怖．．之前叫落既壽司又懷疑冇落單．．叫左幾次先黎．．．我諗下次都係唔貪平喇．．食１次就夠．．早知係咁我去排返和花亭仲好