一幻拉麵

营业中

休息中

第一次食一幻🦐拉麵係日頭，為左睇埋個夜景，再來encore, 今次有期間限定，辛辣味噌蝦湯拉麵，必點啦！👍由於有海港城coupon關係，每$100減$50正價單點, 今次食好啲，點了1） 叉燒飯😋🥩感想： 叉燒切粒上，加埋蝦湯一齊食，雙重享受2）煎餃子🥟🥟感想：餃子煎到一邊香脆，一邊軟，加埋餃子汁，好味3）白桃梳打, 芒果梳打🥤感想： 梳打少少甜，有果香味，讚4）辛辣味㬝蝦湯麵🦐，幼麵🍜感想： 龍龍蝦湯，加上少少辛辣，鐘意呢個味，提升左蝦既鮮味5）原味蝦湯拉麵🦐，粗麵🍜感想： 水準依舊，大愛加埋個海景，真係心情都唔同啲

自己一唔知食乜好 時間尚早仲係7:00有位仲有得安排俾你對住個維港景色 平平哋對住個維港食碗拉麵 又唔會急住要你走 座低自己寫紙要啲乜嘢 ♥︎ 番茄蝦湯拉麵 $88呢度嘅招牌 製作認真非常濃郁嘅蝦味湯底 果然冇失望 小蕃茄味 我選擇咗呢度推薦嘅幼麵 麵條掛湯 🍝 流心蛋總共有一隻蛋嘅份量 半件x2 但呢個湯底好味 食完野之後都想飲埋個湯底♥︎ 筍絲 $15 另外加咗碟筍絲 粗粗切條 加入拉麵有湯絆住食更加好味♥︎ 日本梳打蘋果氣酒飲 $25飲完非常滿足

餐廳:一幻拉麵地點:尖沙咀廣東道3-27號海港城海運大廈地下OT G59號舖食物:原味拉麵(鹽，幼麵）Cp 值:$88+10% 正常拉麵價位味道: 麵，幼麵口感食落硬度足夠，唔會太軟，但係啲鹼水味重到阿媽都唔認得，我見到個師傅dun啲面，都唔係dun嘅， 純粹輕放兩下，個人覺得係因為咁所以有鹼水味溏心蛋有溏心湯頭係重蝦味，不過敗筆係鹼水味叉燒正常有啲炸碎喺上面我諗係天婦羅碎，食落口感OK夠飽：唔知係夠飽定俾啲鹼水影響咗心情唔想食翻啅： 鹼水味太重唔會再嚟

📍一幻拉麵嚟自北海道 佢嘅招牌湯底蝦湯相當出名蝦湯味道濃郁 超重蝦味 湯頭夠鮮甜相對重口味 湯底愈食會愈鹹拉麵表面鋪上蝦味天婦羅麵酥 加分! 增加咗拉麵嘅口感味道更加豐富拉麵掛湯 推薦選擇粗麵 湯底仲可以選擇原味或豚骨味 餐廳質素穩定 值得再訪!

曾經係門口睇佢地既menu時 聞到好香濃既蝦湯味道 再望入去佢既環境 發現窗口既bar枱位 可以獨享無敵大海景 所以今日就特登過黎海港城食又好好彩 當日雖然都幾多食客 但係咁啱唔駛等就可以入座 仲要係我地想坐既窗口位叫左兩拉麵 一小食 分別係蝦湯拉麵- 循例試左啖湯 的確好香蝦膏味道 但湯頭未夠濃  拉麵可要求軟硬度 今次煮得剛剛好 其他配料不過不失 但唯一要提既就係溏心蛋 作為日式拉麵度 溏心蛋都絕對屬於靈魂之一 但呢度隻蛋過熟 食唔到日本蛋蛋黃既濃郁 可惜了特濃蝦汁叉燒拌麵- 叉燒切粒 實際左不太方便 因為當食客夾起麵時 很難同時夾起粒狀既叉燒 可以考慮切粗絲 有口感之餘又夾得到 建議上枱時拌勻先享用 因為啲蝦汁係晒底 而且偏咸 最好一開始拌勻先食日式餃子- 煎得香脆 又保留到肉汁 味道正常似豬肉餡黎既

行行下尖沙咀，忽然拉麵引起…靠OpenRice 搵到你見排隊人多數用coupon,我就冇喇，唔知係咪咁所以唔使等位見到有個套餐$238兩個拉麵兩個小食兩杯野飲抵喎！蝦味湯底勁濃勁入味，拉麵有趙口，叉燒就一般喇⋯⋯如果為咗個麵，一定會再黎😋

基本上每次黎都係食拉麵，今次忽然之間想試新野😅特濃蝦汁叉燒拌麵比較DRY，叉燒有少少難，湯拉麵好食好多。餃子皮幾薄，平時自己買返屋企煎既quality。蝦味飯團好大舊，唔算好多蝦係入面，食落有淡淡既蝦味，好飽肚！

叉燒非常多肥豬肉，肉質有啲老，和有雪味，之前食過可以，但今次相當失望，我還加了三塊义燒，total五塊义燒都是肥豬肉，非常不值，食拉麵除了拉麵嘅QQ度我很看重外，叉燒亦是非常重要，若食拉麵中叉燒不好吃的話，整碗拉麵的靈魂都沒了，是因為這店用了coupon令味道質素下降這會有點可惜吧，之前吃過覺得還可以所以才再來吃，但這次吃了後我一定不會再來，幸好只排隊10分鐘便能進入，若要排一個鐘我一定不會考慮這間

TGIF🥳週五晚同friend 子HF~唔想食太heavy,所以揀咗 「一幻」 。尖沙咀店嘅賣點就係個無敵大海景。好彩我哋早，唔使排隊就可以就座，仲要係海景位… …嘅隔離🤗 （張海景相都好有「幻」嘅效果🤪)原來我哋兩個都未食過「一幻」, 認真大鄉里🤭點咗鎮店之寶嘅蝦湯拉麵。friend 子揀鹽味，而我就揀左味噌味。 試一啖湯，味蕾為之一振！係濃郁嘅鮮蝦味啊！味噌味同鹽味比較，鹽味湯嘅蝦鮮味就更加特出。唔怪之得呢家拉麵咁多人排隊，湯底認真正👍🏻麵條方面，我哋都揀咗店家推介嘅幼麵，質地不過不失啦～如果有下次，反而想試吓佢嘅粗麵。叉燒有啲薄，可能湯底太出色，叉燒反而變得可有可無。我同friend子傻傻地咁分別點咗糖心蛋做配菜，兩個人加埋食咗3隻全蛋！下過！佢嘅糖心蛋都好正，起碼我食咗1.5隻蛋後，仍然覺得佢好好食！流心蛋黃充滿住濃厚嘅醬油味，咸香得宜，有啲料到😋

蝦湯點了兩款，一款是鹽味+原味蝦湯，一款是味噌+濃味豚蝦湯。湯底很濃，喜歡濃湯的人，這是不錯的選擇。但濃湯蓋不住麵的鹼水味，加點蒜末尚可以蓋一下。一般濃湯的日式拉麵店，都會提供昆布清醋，在吃到後段時可以加入一些去中和濃湯的油膩，也令湯麵變成有一點甜味，別有一番風味。於是就叫侍應給點醋。不久打來的是一碗黑色的東西，味道是咸的，這應該是餃子醋醬油。味道不對，加到湯裡更使濃湯變咸。不對，再找一個看似高級的，侍應一句：「呢度冇醋呢樣嘢。」 海港城的定位加上維港一線海景，這價位算是便宜，但拉麵店以日式味道掛帥，服務態度走上港式茶餐廳風味，惜連茶記都有嘅醋都未能提供，想走港式風味又做得不足，此店來得有點不倫不類。

原味蝦湯拉麵 HK$88，湯和麵都有少許鹼水味。我個人好怕鹼水味，但如果不介意鹼水味的，這個湯蝦味都幾出。餃子 HK$35，一般水準沒甚麼驚喜。叉燒飯 HK$45，好食。甜辣小蝦沙律 HK$38，好食。連加一總共 HK$227，用海港城 coupon 減了 HK$100，埋單 HK$127，這價錢還可以。店內環境不錯，其中有一排坐位對著維港，今天我就被安排對著維港坐位。看到食評大多是讚好的，今天便來試試，其中有一偏食評提到鹼水味，我以為是個別例子，點知中伏😓。雖然很輕微，但我個人接受不到鹼水味的。除了拉麵和湯有鹼水味外，其他食物都唔錯。但拉麵店靈魂就是拉麵和湯頭，沒可能來到只吃叉燒飯和其他的，所以我就不會再吃這間店了😬

我本人一直對拉麵興趣不大, 不過有朋友極力推介這間濃蝦湯拉麵非常好吃, 這樣我便結伴去試下🍜 出發前, 上網睇見食評見網友話在另一個Eatxxxx食肆平台訂座有折扣優惠. 餐廳提供一人/二人套餐(另收取加一服務費), 不過這個套餐不能與商場優惠或其他優惠同時使用, 所以因應自己食物選擇, 而做一個精明消費的你🧐-青瓜木耳, 爽脆, 味道帶酸, 幾醒胃-甜辣小蝦椰菜沙律, 辣味不是太重, 小蝦脆脆有咬口, 椰菜絲爽脆, 整體不錯原味蝦湯味噌幼拉麵&原味蝦湯鹽味幼拉麵, 濃郁的蝦味, 兩者湯底不同係有味道的分別. 每碗有兩塊薄薄叉燒片&半隻溏心蛋, 兩者味道正常. 不過我食到一半, 因為蝦味太濃, 開始覺得越食越鹹, 建議食麵期間可食其他小食中和啲鹹味😅白桃味梳打, 有桃味, 不太甜, 可惜不夠凍靚靚的海景, 濃味蝦湯拉麵, 服務質素都不錯. 如果下次再去的話, 我會試蕃茄蝦湯拉麵😬😬

人氣日本過江龍拉麵店［一幻拉麵］，係香港已經好左幾間分店了，每次食飯時間都見門口大排長龍😲其實一經過門面已經聞到陣陣蝦湯味🤩大為吸引😋叫左招牌蝦湯拉麵 $88湯底簡左-原味，口味-鹽味，麵條: 粗麵加左蔥同紅薑天婦羅湯底好濃郁嘅蝦味, 帶點蒜味，不太鹹 麵煮得岩岩好軟硬適中，又入味配菜叉燒有兩片，半隻流心蛋紅薑天婦羅口感脆卜卜，好有咬感餃子就正常普普通通，枱面有提供蒜泥，可以加埋一齊食，令到味道更加豐富。

好想去日本旅行，好掛住日本食既拉麵😭幾時先有得去旅行呀😭😭為左解思鄉之情，去左一幻食拉麵🍜約一點到達，在外排隊等候約半小時。海港城一幻設有海景位置，$88食拉麵嘆海景抵到飛起🤣🤣由於唔想等海景位置，所以有位就入😂叫左一碗招牌鮮蝦拉麵 $88湯味濃，蝦味濃帶有微蒜味。👍🏻喜歡蒜味既我，自行加了數勺蒜泥😍簡左幼麵，但總覺得麵的味道不太入味，但是可以接受的。唯一不足既係岀水位置，稍為大力按壓岀水制，水會四周圍彈。

一幻拉麵食下呢間過江龍拉麵先，成日好多人排隊，令我好期待。但上星期朋友揸車，所以叫左外賣，拎上車食，希望唔會令個拉麵扣分。招牌蝦湯拉麵 $88招牌菜😊香濃蝦湯，叉燒味道唔錯，2片大大片，局部脂肪，好香口。麵條爽口，唔會好淋。留心蛋正常發揮，整體都好食，但湯底有少少鹹。由於我食外賣，佢有啲紅色脆卜卜嘅嘢俾我哋，我本身以為係蝦乾，食完上網查下先知道係紅薑天婦羅🤣🤣🤣可能浸左落啲湯度，真係好似蝦碎。