一本鐵板燒日本料理 (已結業)

平價日本菜，味道ok，抵食~當然，一分錢一份貨，d食物質素唔可以expect太高~壽司拼盤12件- 件件唔同款，全部都係魚生，$44抵食牛肉薄燒- 燒得香但冇乜味芝士焗蠔- 味道普通，芝士唔夠香，蠔偏細汁燒聖子- 細細隻但個汁味道幾好三文魚竹筒飯- 整得幾香

本來沒甚麼期望，只是貪平。不過試過以後完全改觀，以後想食日本，必然是第一號心水。小弟不好煎炸鐵板之類，對濃味食物也不喜歡，所以根一般人口味不同也不足為奇。1. 壽司拼盤$44 (12件)款色沒甚麼特別，但所用的魚生種類繁多。壽司飯口感軟糯，壽司醋的味道剛剛好。料鮮味，三文魚也不膩，芥辣辣度適中(於我則辣一點更好)。2. 三文魚魚頭鍋$18一大個三文魚頭，十分好肉。湯底香濃，有椰菜、金菇、冬菇等作配料，稍嫌鹹了一點，否則更能突出魚的鮮味。3. 雞肉炒麵$38麵質爽滑，配以原粒黑椒粒、蒜段、椰菜絲、羅蔔絲、雞柳炒成，相當香口。看起來油光很重，但吃起來並不膩，唯一可惜的是味精和鹹味太重。4. 金菇冬菇拉麵$30豬骨湯底，香濃但一點也不鹹，味精也不重，相信真的是用豬骨肴成。麵條爽滑，不易斷，每條麵條長度相約，是少有的好拉麵。唯一可惜的是金茹和冬菇質素一般。雖要加一服務費，但總括而然水準相當高，價錢也十分合理。下次一定再試！

我第一次留食評,都係朋友介紹我睇呢個網站........一睇就睇到鐵板燒,由於無試過,睇到一本就去一試,而且有一些見地,不吐不快........所以在此登記做會員! 9點15分到步,就揀個對正扒爐的吧位坐,都算有氣氛(如果你唔怕油煙的話)環境算企理值80分開始叫野食,侍應無乜禮貌,我一般都係直接同個師父點菜,師父重比侍應好禮貌,但我本人覺得師父可以多少少同客人溝通,食野好講feel,老實講,呢間一本,招呼麻麻食物方面..........唔錯,(大帆立貝)35蚊,好味,其他食物方面都覺得幾好,價錢各樣都幾合理.有樣野唔講唔得,sushi $6 或$8 兩件,好食過百(呔) & (乞衣)島,各位大哥你地仲想點?????人地打開門口做生意,都收到咁平,唔好再蛋裡挑骨啦好冇....另外,$68一板海膽,保證全香港都冇咁平,不過千萬唔好叫,因為冇乜野你食.$18一客牛肉簿燒,一客4件,同樣係冇乜野你食,但好Q好食,個個都叫.$38一客巴西牛扒,正,本人覺得不叫不可,仲有得你揀要幾成熟,掂~~如果想食得平d,可以叫多d sushi,唔好叫咁多鐵板燒.

遲嚟嘅食評. 情人節為咗慳住男朋友仔嘅荷包, 決定咗嚟呢間食. 由於冇Book位嘅關係, 我地被安排坐bar檯, 啱晒, 正合我心意.嗰晚冇揀到情侶套餐食, 因為唔想俾佢局限咗食D乜, 決定散叫, 我地叫咗 :三文魚壽司- 一般, 三文魚唔夠厚身油金魚壽司- 一般, 但係都有少少魚味北極牛油魚壽司- 完全食唔出係乜嘢魚, 一D味都冇, 可以話唔好食吞拿魚壽司- 一般, 同三文魚壽司一樣北寄貝壽司- 一般, 始終都係屯門嘅青森料理好味三文魚刺身- 新鮮而且好香, 但我覺得叫半磅會抵D軟殼蟹手卷- 擺咗一陣先食, 但紫菜仍有D脆, 軟殼蟹夠乾身三文魚竹筒飯- 夠晒熱, 但冇我想像中咁好味冬菇串燒- 好香冬菇味, 外表燒得乾争争, 但係裡面仍然keep到有d汁鷄軟骨串燒x 2 - 好味, 唔會過鹹牛舌串燒- 好味, 厚身D會仲好象拔蚌串燒- 第一次食, 感覺唔錯牛肉薄燒- 薄薄嘅牛肉卷住d蒜片食, 好好味鐵板牛柳- 燒到有九成熟, 但入面充滿肉汁, 超好味, 師傅好嘢鐵板尤魚鬚- 好好味, 好味過出面街嗰D不倫不類嘅尤魚鬚鐵板帆立貝- 大粒, 肉厚, 但味道一般糯米糍兩粒- 送嘅1. 可以

今日同老婆拍拖記念日!!!本身想去打邊鑪既!但係諗起一本,,又未食過,,老婆又話好好味!咁就去試下啦。等左陣位,入去!叫左2個三文魚竹筒飯,三文魚壽司(6蚊2件),熟吞拿魚壽司同,黃金墨魚壽司同汁煮雞鎚。黎左壽司,,味道幾好,,唔錯,,食完壽司,,等左半個鍾先黎汁煮雞鎚,個竹筒飯之前買哂,係度整,,等左好耐!8點去食,10點先走!第一次比我感覺就係好慢!!

一間典型的港式日本料理, 舊舖常常排長龍. 昨晚一行三人, 九點去到新店, 唔駛等位.揭開餐牌, 嘩! 真係嚇一跳, 好多壽司都係$6一碟(兩件), 叫左三文魚、赤貝、象牙蚌同醋青魚(各兩碟), 全部都好新鮮, 飯團水準亦不差, 軟硬同酸o既程度都好適中, 不過我朋友話食到佢有"師傅"o係度. 另外叫左一客刺身拼盤($108)、一板海膽($68連六件飯團及紫菜片)、一客燒鵝肝($68)同一客細的冷蕎麥麵($12). 刺身有六款(蝦、三文魚、八瓜魚、墨魚、螺同北寄貝), 又係相當新鮮, 不過板海膽就麻麻, 唔夠新鮮, 鵝肝第一次食, 唔識comment, 不過煎得太火農.蕎麥麵太腍同埋個冷麵汁好鬼甜.總括黎講壽司同刺身抵食,其他就麻麻,不過剩係黎食壽司都抵啦!!埋單共$344

這間日式餐廳在紅磡巳開業多年,生意一向不俗,尤其是夜市更是大排長龍.個中一定有其吸引之處.舖內面積不大,中間位置是鐵板燒,如果不怕油煙,坐在這裡一邊欣賞師的手藝一邊與友人把酒談笑,亦屬人生一大快事.至於食物質素方面是比較一般,不能與高檔曰本料理相比,但以價錢而言則十分抵食.午市更有特價套餐,買三送一,益哂街坊.以平價日式食肆而言,此店應屬紅磡首選.

有朋友帶我去一本呢間分店食o野,朋友話價錢平, 味道又OK! 試過之後, 整體感覺唔錯, 以咁O既價錢, 味道絕對可以接受, 食物款式亦有很多選擇!

呢間係總店，d野真係好平~壽司三文魚(兩件) $4吞拿魚(兩件) $4燒鰻魚(兩件) $6最貴都不過係$12一碟最平推介，三文魚竹筒飯$6大蚊~鐵板燒三文魚頭$2鐵板燒三文魚腩$4仲有好多平燒~ 真係好好好好平環境一般la~ 服務都算係甘la~ 味道嘛...我認為放得落口嫁~作為polyu窮困的大學生，沒咩錢食飯，不妨試下lei度~