一本‧串里 (已結業)

今日同呀B一齊黎食飯，唔叫得生野，但熟野都全部好好食！要滿足呀B食壽司既意欲，就叫佐火焰壽司拼盤，有6件，分別係三文魚、鮮帶子、吞拿魚、左口魚裙邊、劍魚腩同埋芝士甜蝦，全部燒熟晒，小朋友都唔怕食，我最中意左口魚裙邊，燒熟咗勁香，魚油滲晒出嚟，其他全部本身都好新鮮，好好食😋😋另外叫佐海膽蛋白帶子炒飯，炒飯好大碟，啲飯炒到粒粒分明，好上色，亦都有好多帶子粒蔬菜粒，鹹鮮味啱啱好，再撈埋新鮮嘅海膽一齊食，超級香，每啖都有海膽味🤩🤩我地叫多個小食汁燒原隻日本魷魚筒，日本魷魚筒真係唔同啲，勁大隻，仲要厚肉，唔會好薄，魷魚燒得啱啱好，好彈牙，入晒啲燒汁味，好香😚😚

今日要同大家介紹吓呢度嘅食物🥰真係好好味呀！🤤✨泰汁海虎蝦刺身：這道菜品是以新鮮的海虎蝦為主要食材製作的刺身，配以泰式口味的調味汁，口感鮮美。通常情況下，海虎蝦會被剝去殼，將蝦肉切成片狀，擺放在盤子上，再淋上泰式口味的調味汁，最後用一些香菜、辣椒等配料點綴即可。✨海膽蛋白帶子炒飯：這道菜品的主要食材是帶子和雞蛋，配以海膽來調味，味道十分鮮美。在烹制時，先將帶子切成小塊，用蛋液把米飯炒熟，再加入海膽和帶子一起翻炒，最後用鹽和胡椒粉等調味品調味即可。✨廚師發辦刺身：呢度菜系由廚師自行發揮創意而製作的刺身菜品，具體的食材和調味方法會因廚師而異。一般情況下，刺身會選擇新鮮的生魚片作為主要食材，再加上一些蔬菜或水果等配料，用醬油、醋、檸檬汁等調味即可。每一位廚師都有自己獨特的創意和做法，所以這道菜品可能會有很多不同的版本。整體來講我覺得刺身味道好鮮味。

［荃灣］一本‧串里.時令生蠔食剩指數:0/100生蠔好大隻幾新鮮幾鮮甜.特長燒鰻魚壽司食剩指數:0/100鰻魚壽司好長肉質軟腍燒汁夠多.珍寶赤蝦食剩指數:0/100赤蝦好新鮮好彈牙夠先甜.明太子雞翼食剩指數:0/100 雞翼無骨一咬落去有明太子嘅辣味雞肉多肉汁.三文魚軟殼蟹反卷食剩指數:0/100反卷好長軟殼蟹好脆仲食到啲蟹肉同蟹膏表面嘅三文魚幾肥美.日本芝士年糕食剩指數:0/100芝士年糕入面芝士半溶狀態炸完唔算好油.串燒食剩指數:10/100串燒叫咗四款性價比都幾高汁燒帆立貝:帆立貝有三粒加咗燒汁，甜甜地幾好鹽燒牛舌心:牛舌心幾單啊可惜有一嚿有跟雞腿肉串:雞腿肉表現出色，好香嘅肉味串里一蕃薯:番薯好甜

👍🏻 木板海膽（原板）超級抵食 海膽鮮甜而且份量足😊強烈建議加紫菜、壽司飯 一齊食可以更好地享受海膽嘅味道同質感👍🏻 珍寶赤蝦刺身大大隻 蝦肉爽脆彈牙 蝦頭位置仲有大量蝦膏 食落甘甜🦐👍🏻 時令生蠔🦪好新鮮 零腥味 入口一刻會先感受到海水🌊嘅味道 然後蠔肉嘅回甘👍🏻 特長鰻魚壽司好似好耐冇食過特長鰻魚 一個字 爽🙌🏻👍🏻 鮮帶子壽司帶子極厚 温度剛好 鮮甜味美 下次嚟一定要再叫👍🏻 蒜蓉燒蠔哥一上枱就超香 蒜蓉味傳入我的鼻 燒過後蠔肉依然大大粒 一啖入口 精彩!👍🏻 三文魚炒飯堆至如山嘅嘅炒飯 肉眼可見嘅多料 每一啖都充滿三文魚又香 炒飯乾身 份量足 注意事項⚠️-餐廳每樣出品都好高質 環境舒適 充滿和風感覺🤗

呢排好多Fd都係社交平台上，瘋狂推介呢間餐廳，D 相影到野食好似好美味咁，於是來試下佢地既lunch水平如何。✨ 日式叉燒拉麵 ✨ 日本拉麵裡的日式叉燒可說是拉麵好吃的加分關鍵；那柔嫩入味的叉燒肉，不油不膩，入口即化又散發滷汁香氣的口感，實在是很誘人的美味。✨ 鹽燒鯖魚定食 ✨，魚肉超級鮮甜，上面嘅椒鹽點綴鮮味；✨ 珍寶赤蝦刺身 ✨，肉質偏軟糯😍😍口感十足。👍🏻👍🏻✨ 時令生蠔 ✨真心好食，非常新鮮大隻！真系唔錯喔今餐，而且價錢比想像中實惠，而且份量都充足、唔錯！

呢間餐廳係聽朋友介紹嘅，咁啱今晚冇時間煮飯，於是就帶老公嚟食，撐下枱腳❤️蒜蓉燒蠔哥✨蠔啱啱好烤熟，但入口仍然新鮮👍🏽淡淡的海鮮醬油好清新,，更能襯托出蠔既鮮味😋廚師發辦刺身✨刺身有吞拿魚、三文魚、油甘魚、牡丹蝦🦐，刺身有光澤，全部都是厚切，非常新鮮，極致鮮味，油甘魚味道甘鮮，肉質富有彈性且爽口，牡丹蝦肉身豐厚，極富彈性，味道鮮味😋泰汁海虎蝦刺身✨賣相精緻蝦肉🦐好新鮮😍鵝肝肥牛炒飯✨正😄好多鵝肝可以每一啖炒飯都有肥牛好滿足好好味❗️肥牛原汁原味入口即溶，香氣逼人，用料十足，夠1-2人食用😊結果三個字作總結：鮮、味、香，樣樣俱全，佢嘅醋飯真係食過番尋味🤤

放假想食平嘢，去咗荃灣嘅一本‧串里食Lunch😆 佢哋嘅假日午市都係特價餐，熟食、壽司、魚生飯都有，好多選擇！店內舒適又衛生，唔會話坐得好逼，仲非常有日本風情🇯🇵 我哋揀咗壽司配烏冬同埋魚生飯，呢個價錢有咁多嘢食，絕對抵食🤪 另外生蠔同赤蝦刺身都係$10幾蚊，緊係叫埋啦，埋單每人$100左加已經食到好多嘢，下次試埋佢哋晚市先！💰時令生蠔 $15💰珍寶赤蝦刺身 $12💰特長鰻魚壽司 $30💰自選午市套餐 $42-69📍一本‧串里地址︰荃灣海壩街108-114號荃碧大廈地舖

呢一間餐廳我一直都以為只係有串燒食，點不知阿妹食完返嚟讚不絕口話原來有刺身食㗎 ！所以我今日就約咗佢落去一齊食返夠本❤️今次食咗佢哋嘅招牌菜，雜錦魚生丼同什錦壽司，真係好正啊！雜錦魚生丼入面有油甘魚、吞拿魚、魷魚、三文魚、蟹柳、甜蝦同埋玉子，食落好鮮味，配上啲醬汁更加滋味十足！ദ്ദി^._.^)另外，我阿妹就叫咗什錦壽司，總共有8️⃣件，入面有三文魚、吞拿魚、無頭甜蝦、北寄貝、鱲魚、鮮帶子同埋2件加州卷，令到味蕾好滿足，而烏冬都煮得剛剛好，仲有啲口感，真係好正！值得一試！我同妹妹話下次要再黎！

餐廳係唔太起眼嘅角落，一入去已經見到木系裝修落足心思，牆上有日本寺廟、富士山圖案，最特別係有棵膠造既櫻花樹🌸。今次我地主要試餐廳推介嘅餐牌，全部都做緊優惠，超抵食。時令生蠔 $15/隻生蠔新鮮，肉質好鮮甜，海水味唔算太重，必試。珍寶赤蝦刺身 $12/隻Size巨型，望落去已經覺得好新鮮，入口非常爽口鮮甜，亦非常抵食。木板海膽（原板）$88真係原個木板上枱，味道甘甜，可以慢慢享受。特長燒鰻魚壽司 $30/件鰻魚長過手掌，表面加咗蒲燒汁，肉質柔軟。串燒 今次試咗幾款串燒，其中最鍾意嘅係特選雞中翼（$25/串），雞皮燒得脆身，肉質嫩滑。吉列豬扒飯 $65真係即叫即炸，要預少少等候時間，新鮮嘅吉列豬扒咬落去好香脆，可以加少少醬汁，送飯一流。

本身諗住去海壩街睇下有咩岩食，發現串里轉營，多加不少日式料理。見到大大張【一本推介】poster，俾佢地特價既價錢吸引左，就入左去try try。餐廳環境都改左少少，由暗黑型格轉做和風日系，座位數量多！ - 一本推介 -一本推介入面大多數都系做緊特價，海膽、生蠔、刺身，水母刺身提供，本身仲想嗌生蠔🦪、水母刺身，點知太受歡迎咁賣晒😩！好彩我地嗌到最後一板【原板木板海膽 $88😝】【珍寶赤蝦刺身🦐 $12/隻】【特長鰻魚壽司 $30/件】。海膽冇澀味好鮮甜，赤蝦好爽口彈牙，最值得提既係超大條超厚肉既鰻魚，非常有口感。 - 燒物、炒飯 -基本上必叫燒物都一定系【汁燒牛舌心 $38/串】夠晒juicy又唔韌【汁燒翠肉瓜 $16/串】就清甜得黎爆晒汁【燒茄子 $52/串】口感爽口，味道偏向日式和風多d。最後見【鵝肝肥牛炒飯 $122】好邪惡就嗌埋，味道香口，鵝肝粒好飽滿，食起上黎有口感之餘都唔油膩。

荃灣出名多嘢食見到一間新開嘅餐廳有個日式門口幾吸引Set Lunch仲要好抵食 😀室內環境都好靚好日系 🇯🇵日式吊燈 有神社、櫻花壁畫 富士山掛簾牆上用咗日式門圖畫做背景 仲有啲貓貓壁畫感覺柔和舒適單點咗🦪生蠔🍤珍寶牡丹蝦刺身生蠔新鮮即開 牡丹蝦鮮甜肥美🐟特長鰻魚壽司鰻魚肉好厚身 醬汁好香🍣 雜錦壽司配烏冬有三文魚、吞拿魚、甜蝦、北寄貝、𩶘魚、加州卷壽司質素唔錯 烏冬可以自己揀湯底🍱 親子丼三文魚子、三文魚都好新鮮份量好足夠 價錢好抵食 👍🏻