一粥麵 (長發廣場)

营业中

休息中

原汁牛腩粒湯米粉 - 真係嘩一聲，以為係肉碎湯米粉! 所謂牛腩粒總數得4小粒，又老又 "un"，淨係得花椒八角既味，完全無牛腩味，唯一就係個米粉底好大個囉!蠔油生菜 - 凍冰冰既，普通一碟白灼生菜，無乜特別。

下午茶一到, 個個都走去排隊, 大排長龍, 呢度長者比較多, 所以排隊時間會再耐少少, 不過有平野食都冇咩所謂。呢度之所以咁吸引長者, 完全是因為大部分的食物都好o岩佢地, 而且價錢好平, 2X蚊可以食到一個粥餐, 我都唔執輸, 叫左一個。魚粒粥+炒麵, 燒賣配熱檸水($26)- 咁多野都只係26蚊, 平平平, 本來想食鯇魚片, 但這個平好多次餘又多野食, 所以食魚粒粥, 但發現粒粒魚肉無刺, 入口好安全, 雖無魚片鮮甜, 但都有陣陣魚味, 加上又綿又稠的粥, 無得彈炒麵比較乾, 混合甜麻醬食比較好, 偏油但有咸香, 配上多肥少肉的燒賣, 味道確不錯, 但見到咁多脂肪, 都要留一留力。性價比高, 可再黎ENCORE~

都算幾好食既云吞面佢係細蓉所以好鬼細碗，三粒云吞，細細粒但十足料。湯底幾甜，面唔會太淋，簡水味少，加醋食一流！敗笔係店内無潮州辣椒油！紅豆冰夠大杯，豆夠多甜度適中，有啲似三四年前既大家樂紅豆冰！

老闆點名要吃中菜 飲茶怕是趕不及 吃炒飯的時間卻也大把 不好意思拍大伙的套餐 這篇就講講我的 柴魚花生排骨粥吧粥底綿滑 米粒也都開了花 入口咸香 一口下肚 被冷氣吹的僵硬的我終於解凍再來細細看下我的午餐 面層有一卷蔥花絲 而撈起的內容也算是豐富 花生粒下的足 口感也夠淋 不過柴魚塊就比較硬了 有點難入口 另外三四件排骨也是同樣'柴'而不爛 不過我的概念裡 粥料和湯料的骨頭 精髓已入汁 也就足矣 而快餐的使命 也是圖在快捷 倒也有點羨慕吃飯吃面的同事們 擔心胃消化力不足的我只能吃些好咬的主食 暖了胃填饱肚 下午继续工作

前些日子朝早要啃快餐作早餐，命比苦瓜更苦，「一」的早餐亦差不多試遍，她們的炒滑蛋也吃了兩次，第一次被賣相所騙，第二次吃真一點，才發現原來有八成蛋是炒好備用，待客落單時才淋上鮮蛋漿，令人覺得疑幻似真的滑蛋；至於啡茶，談不上好，純粹是比場內其他餐廳做得好。

歲末中趕頭趕命的一天，著老弟去替買些吃的，他問吃些甚麼，我說隨便，反正樓下餐廳的味道也是合著眼也可知。結果是一粥麵的照燒雞扒飯，而近年的餐中也會加入沙律，那是廿年前剛搬來時美心快餐時代所沒有的，是廿一世紀的健康潮流。至於味道，雞扒叫醃得夠味，飯太立口，叫做吃得飽，吃完繼續開工。

宵夜真係好鬼抵, 叫左個細蓉 + 凍咖啡, 驚喜既係好似廿幾三十蚊, 好平.... (sorry, 其實我對數字錢銀唔太敏感)而且凍咖啡竟然係冰震.... 真係幾貼心!! 唔會比d 冰溶到淡左味!! 細蓉 (即雲吞麵) 雖然無旺角果d 咁正, 雲吞細粒左d, 不過d 蝦好爽口, 麵無咩鹼水味, 咁既價錢... 真係好抵又好味!!夜媽媽想食個健康d 既宵夜真係一個唔錯既選擇!!

晚上七時多到達，正值晚飯高峄期，無可避免地等了一會～可能由於人客太多，執枱姐姐勁互相卸膊，可以扮睇唔到就扮睇唔到，唔願執枱，就算「不幸」被人客叫到要執枱，都好像蝸牛一樣走過來，又像烏龜一樣慢手慢腳逐件執。從未見過這樣慢動作的人……幾乎每次晚市來這裡都會叫菠蘿生炒骨，今次也不例外～這裡的生炒骨即叫即煮，所以是要等號碼的～不過等待是值得的！菠蘿生炒骨餐$44，包括例湯白飯和香茶，小貴，不過水準不錯～菠蘿生炒骨新鮮炸起再用甜酸汁兜勻，肉外面又脆又酸，粉不會太厚，中間的肉醃得入味又鬆化，還有些肉汁～雖然知道一定有用鬆肉粉，但出來的效果好吃就得啦！菠蘿也不欺場，雖然應該是罐頭菠蘿，但吃下去的味道有如新鮮菠蘿，我也分不出來了！好味！白飯通常都不過不失，不過今次一扒入口，飯竟然是半生不熟咬到硬米……拿去換了另一碗後就沒事了。=_=湯是味精湯，也算了。順帶一提，這裡的腸粉是新鮮拉的，勁新鮮香滑好味！又是必食！這裡的菠蘿生炒骨好吃過很多大酒樓，而且次次水準都很高，吃過十多次只試過一次有些少失準，原因是外皮不脆～所以每當想吃好味生炒骨這裡就是不二之選！一定會再來！

今曰lunch,去到叫個穩陣大路嘢：火腿豬扒飯$23.5走飲品，個收銀叫我拍八達通，我見到$29，我問收銀咩唔係$23.5嗎？佢話焗豬扒飯係$29。我話我係要火腿豬扒飯$23.5，佢並末覆單就亂入，然後佢仍叫我啪咭。我話佢末改價錢，八達通機顯示仍係$29，我問佢點解我要啪？另一資深收銀員解釋原來已落咗八達通機取消唔到，叫我啪完咭，再比返$5.5。咁都得！取了飯，賣相一般，橙色汁滿碟，飯淋淋，入口便先知唔穩陣！火腿很咸，唔知佢用咩牌子，豬扒很薄又很'un'、多根，我以為自己食近柴皮鞋牛扒。食了1／3終於頂唔住，算吧走人。

雲吞牛坑腩撈面牛坑腩炆得好淋，好入味，但八角味太重，而且牛腩得三舊，四舊會合理ｄ。蘿白亦炆得好淋，推介之作。而隨撈面配上的清湯就好一般，用味粉開的。

二月下旬也有送粥探病的時候，是日收工已近八時，分心不下煲粥探朋友，趕忙下到附近買了兩碗蠔豉瘦肉粥就飛的到美孚。粥送到去時已經涼了，朋友胃口麻麻只能兩口，自己還沒有時間吃晚飯，剩下的就由自己待辦，味甜但不綿厚，蠔豉分量不少，但感覺上是粥有粥味，碼有碼味的生滾粥，連鎖出品，收費不平也不好吃，只是比海皇少半分師傅味道就是了。話說回來，住醫院的日子絕不好過，閒聊至十時許，待惡姑娘發火才執包袱走，祝朋友早日康復。

二月上旬回家了，忙得不可開交的清理執屋趕過年日子，執到手軟又清垃圾嵌書檯嵌到腳軟，走下商場找點吃的，結果士別兩月刮目相看，新商場感覺如萬花筒。簡吃，不想到MX吃四寶飯，打道到樓上的一粥麵，一碗細蓉可抵上兩小時，又另加了蠔油菜芯。收銀入單，廚部另有機出單，拿著籌坐下等吃就好了，人客雖多卻避免了人龍問題，等了三分鐘有得吃。細蓉玩傳統演繹，羹在下麵在上，湯底味淡偏甜還不如沾仔記下重羅漢果味道佳，麵質偏軟欠爽勁，還幸不著「鹼水效應」，對於化學敏感的人來說，是佳音，慢慢吃也總算吃得完，雲吞只吃了半口，摺口吃起來突戛，包紮功夫認真麻麻，而蓉浸湯中，湯亦帶「粉」味，實是走蓉亦非損失。要靠綠色朋友消消膩，另加$12的油菜，切得粗枝大葉，量不少卻是條條瘦削如柴，勉強吃掉芯位，其餘枝葉難消化，就不去碰了，比較起來黃枝記$18的菜芯粗圓纖嫩，選材上有心很多，也是自己不喜歡大部分連鎖餐廳事事得過且過的原因，當客人是傻的嗎？

是日好夜先收工番屋企,0係屋企樓下想求其搵少少野填飽個肚,試下新開的一粥麵~~見到有個宵夜麵餐忍唔住即刻order,因為廿蚊都唔駛有個麵同埋有即磨咖啡,好抵雲吞米粉雲吞有四大顆,算係抵食,不過用料都唔係太新鮮,同埋皮偏厚~~所以填肚就okay,其他的不大期望熱咖啡好慶幸都係快餐即磨咖啡最愛飲了~~用的咖啡奶好滑,整體杯咖啡唔算濃,但係我覺得都唔錯之前宵夜時間又多左個choice = ]

一粥麵---宵夜套餐:鹹瘦肉豬紅粥~配蝦米蔥花腸粉日期：2009-11-04 在"一粥麵"(青衣長發商場分店)買了"宵夜套餐:鹹瘦肉豬紅粥~配蝦米蔥花腸粉"($19.5)。腸粉附設豉油、甜醬和芝麻花生醬各一包。1.鹹瘦肉豬紅粥---粥內有鹹瘦肉絲和豬紅。粥底尚算稠身，口感綿滑，米香略淡，豬骨味十足，略鹹了點。鹹瘦肉絲份量算多，肉質略嚡，味道鹹香。豬紅軟滑彈牙。整體質素不俗。2.蝦米蔥花腸粉---腸粉卷著蝦米和青蔥，加上烘芝麻、豉油、甜醬和芝麻花生醬。腸粉厚薄適中，口感滑溜。米香、蝦米香和蔥香足夠。蘸上豉油、甜醬和芝麻花生醬，非常惹味。

呢一日返學之前，見有時間。就過黎呢度食個早餐，明明青衣城都有間，我點解要黎呢間。因為呢間無咁多人，坐都坐得幾舒服。馬碲牛肉腸粉都算幾滑既，佢地係即叫即整。味道唔錯，馬碲同牛肉既份量都算適中。而牛肉就係免治牛肉，幾好食既。鮮奶麥皮同呢個早餐一都唔夾，不過我唔鍾意食粥。所以就食麥皮。同大記既無也乜分別，不過呢隻已經加左煉奶架啦。冰鎮奶茶好夠凍呀，不過就略甜。可能無左冰沖淡個甜味，但味道依然唔錯。好有茶味。呢餐都唔錯架，有腸粉又有"粥"食。算係咁啦，不過有餐係唔包飲品架。