一粥麵 (長發廣場)

营业中

休息中

點了一碗粥同一碗麵等待的時間超過20分鐘。隔離舖頭是大家樂， 我想大家樂等候時間沒有那麼長喂。食物味道一般。熱檸茶味道也不錯這裏的環境也可以但冷氣少一點。收銀員的速度非常快但廚房的速度非常慢

探險又一城，今次蒞臨咗家好有人氣嘅小店。一入去氣氛就勁親民，等位嗰陣望住牆上啲美食相，口水都直頭流晒出嚟🤤。落單咗招牌炸雞同埋特色豆腐，份量嚟講，真係令人眼前一亮！炸雞外皮香脆得嚟唔油膩，冧爆！咬落去啲肉汁豐富，腍滑過百花凍，啖啖肉嘅滿足感，真係好難拒絕。豆腐呢，外表普通，但味道清新撲鼻，入口後，嗰份滑溜感覺，簡直無得頂！😋飲品唔能唔提，杯檸檬茶做得啱啱好，酸酸甜甜，清新解膩，喝過之後整個人都提振起嚟。我要講，這裏啲小食，真係香口得滯，啱哂想搵個地方歎下下午茶或者豐富下晚餐嘅朋友。仲諗咩？快啲嚟試下啦！千祈唔好錯過喇！👍

一粥麵下午茶又出返刈包系列，可惜2:00-5:00供應，🤴🏻6:00放工肯定食唔到😥😥，好唔容易先夾到一齊放假，一於去食佢啦！🥳🥳～～～豬扒刈包～～～醬汁甜甜地幾好味，豬扒就正正常常，刈包質地鬆軟，好香包味😁😁～～～雞扒紫薯刈包～～～醬汁同豬扒刈包醬汁一樣味，不過紫色嘅刈包顏值都唔錯，未食心情都加左少少分🤭🤭但可惜佢講係紫薯味刈包，真心一啲都食唔出😅😅，雞肉比豬扒幼滑，但豬扒硬啲有咬口，睇你鍾意邊個🙂🙂！

16／1， 叫黃金四寶煲仔飯，外賣，等了廿幾分鐘，終於攞到。返到家，打開煲仔蓋期待品嚐，失望，是排骨飯加咸蛋。只可叫做黃金一寶，沒有滑雞，沒有臘腸，潤腸。又沒有給豉油。回想在等候時，煲飯人員交給包裝人員強調是4寶。或者當時非常繁忙，但也不應隨意出餐，外賣的我無法即時檢查，回家後只好無奈接受，為免再失望及多付費用，日後不會再叫外賣了。

今日返去同媽媽食飯，媽媽話懶得煮，推介「一粥麵」，話啲家常菜炒得唔錯。我地一人食一個餐，有一個餸、老火湯、白飯。我食韮黃蝦炒蛋，媽媽就食通菜炒牛肉。果然無介紹錯，首先賣相唔差，份量又大碟，好吸引，價錢又合理，性價比高，如果懶得煮，家常便飯黎講，一粥麵可以做飯堂。韮黃蝦炒蛋，啲蝦都算多同埋大隻，蛋唔會炒得乾，撈飯好正。至於通菜炒牛肉，幾有鑊氣，通菜唔會炒到黃晒，牛肉唔會韌，仲幾滑。老火湯就真材實料，唔係味精湯，煲到啲肉都林晒。如果平時諗唔到食乜，又唔想煮，我推介一粥麵，平靚正之選👍🏻

好耐冇食過一粥麵，呢日餓餓地又唔想等，就快快趣係一粥麵order個雲吞麵+凍檸茶！有驚喜喎～先係大地魚湯底，好鮮甜，再食雲吞，雖然細細粒，但都有原隻蝦係入面，至於麵底，好爽口，整體質素唔錯！

一粥麵於九月時在其social media 專頁舉行【22周年有獎遊戲 知唔知粒雲吞咩料】， 讓網民投選最喜愛雲吞新口味。當中「麻辣鮮蝦雲吞麵」口味成為冠軍，並於10月26日於一粥麵全線分店，期間限定發售。天氣轉涼就特別想食粉麵同🔥辣嘢，公司附近就有間一粥麵，lunch 就過去試下呢個冠軍🏆「麻辣鮮蝦雲吞麵」🏆麻辣鮮蝦雲吞以原隻大海蝦做餡，啖啖大蝦肉，令每粒雲吞口感爽脆又彈牙。手包雲吞，以傳統散尾雲吞嘅製作方法去包，令每粒雲吞入口更滑。湯底方面用咗大地魚、蝦殼、豬骨等以3小時熬製，入口有大地魚的烤魚鮮味，特別鮮甜甘香。雲吞加入麻辣調味都係第一次試，而我覺得最特別嘅地方係雲吞皮預先加入辣椒粉一同製作，令到麻辣度更加豐富，唔會因為雲吞皮而減低左個辣度。如果你係食得辣嘅朋友仔，記得去水吧追加最多一客麻辣醬🔥🔥🔥🔥

第一次係一粥麵買早餐，估唔到又幾抵食喎！細的粟米瘦肉粥，叉燒包，仲有炒麵添，咁都只係28蚊炸！如果加熱飲就+3蚊，咁都只係31蚊！我就叫左熱奶茶啦。平時食早餐都係一碗麵都要30啦，仲要冇野飲喎⋯⋯講返個早餐先，粟米瘦肉粥的粥底夠棉，D米就煲到爆晒花既！叉燒包都有酒樓的水準，都唔錯啦炒麵一路都有返咁上下水準，同平時差唔多啦奶茶又幾好飲呀！好夠茶味！又夠滑！整體黎講，又一抵食之選，我會encore lor~

我平時唔寫食評，但今次體驗真係好失望，忍唔住要寫出嚟。星期二下晝嗌左外賣，一碗皮蛋瘦肉粥（$33），一個炸兩（$20）。結論，碗粥完全唔值$33，街邊$20一碗反而有綿綿嘅粥食，起碼有米落肚先，真心我而家食完好似冇食嘢咁，完全唔飽（利申：我係細食嘅女仔，平時食沙律都當一餐）真係冇下次失望囉！等外賣嘅時間都算耐，都等咗15分鐘，原本以為佢係即刻整緊，啲嘢會有返少少質素，點知等咗咁耐都係比粥水，仲要炸兩好似放𣺉左整返熱咁！

一粥麵青衣担杆山路6號長發廣場3樓319A號舖而家全香港抗疫期間，好多公司都係Work from home, 所以時間彈性好多，唔使日日都1點出去食飯同人迫，較晏少少下午茶時間無咁多人，而且仲平D，今日就試左一粥麵下午茶既meun選擇好多，都係有d難揀呀最後揀左呢個生炸無骨雞脾+頭抽撈粗配紅豆冰，隻炸雞脾真係好大隻，而且炸得好香脆，無骨啖啖肉，唔食用手食而個撈粗味道都唔錯，但略嫌麵底既鹼水味重咗D最後紅豆冰夠晒多豆又唔會太甜，好正始終覺得下午茶要配杯紅豆冰先完滿

一向唔想諗費事煩既時候,都係去一粥麵外賣搞掂(堂食經常無位),呢期多數都係嗌通菜炒牛肉,茄子豬扒,再加$8有多個腐乳通菜,價錢都算親民。咁樣一個set dinner,有湯有飯有茶,都係$6x,個湯仲要都似老火湯,雖然試過一,兩次瀨野(似鹽水),但9成機率係無事的，通菜炒牛肉係咸左少少,但每次都保持水準,茄子豬扒就要睇少少彩數,有時剛整起無耐的，相當惹味juice,但好似今次咁，肯定擺左好耐,啲肉已經柴哂皮,下次都係唔好叫呢啲高危野。

每日夜收工無煮飯就多數係食佢，快餐店有樣野好係選擇唔多，即係處理既野唔多，衰晒有個譜，茶餐廳就可以好飄忽，可以衰到你唔信，剩係個飯佢每次都保持到水準哩下就值得幫親，今日又有冬瓜盎喇，夏天黎就有，原隻冬瓜仔，湯就唔會太鹹，ok, 加個小菜蜜桃冰梅骨，不過不失，唔會有咩驚喜都重好過難頂，70幾蚊都唔係話平，但係唔同一般例湯既冬瓜盎就可以接受啦，加多8 蚊雞再就有個府乳通菜，不過最慘係有好多時炒個菜都可以等成半粒鐘，啲姐姐又成日都好似喺度發呆就真系有啲火滾。今日上商場時撞啱佢地派傳單有優惠，咁就慳左7蚊雞。

🥢一個人一人一爐火鍋🥢就算一個人都好，都必須打邊爐，今次帶大家試下一人一爐的客家酸菜魚，粟子香辣雞煲🥢客家酸菜魚鍋 $73魚肉質地滑溜，但份量未算好多，湯底有少少辣度，很少的泡椒味，沒有覺得酸和辣，可能要配合大衆的口味，加肉打邊爐有點不夾🥢栗子香辣雞鍋 $69香辣雞鍋湯底比較濃味，雞件算是滑身，加肉入去味道很夾，辣辣地幾開胃，但完全唔覺得有栗子存在🥢以一人一爐來講，雖然都算是好食，但沒有火鍋料覺得呢個價錢未算滿足，沒有火鍋感覺，所以未必會要試了各大一粥麵分店

口淡淡想食碗粥，老婆又想打邊爐，就黎左一粥麵，叫左碗碎牛粥，真係新鮮滾熱辣，價錢平，就算高檔少少魚腩粥都係四十蚊有交易，難怪晚巿咁多街坊撐場！粥底夠綿滑，碎牛夠碎，貨真價實童叟無欺，隨粥附送的「牛肉腸」真係「求奇」左少少，啲牛肉「隨機擺放」响條粉皮之上，同心目中的「牛肉腸」有一段距離，無他嘅，要捲返啲牛肉入條腸度俾多廿蚊人工囉！想通了就不再介意，於自己條腸內進行二次融合吧！火鍋黎講自私鍋一個，酸菜魚湯夠醒胃，肥牛素質拍得住「吉野家」咁上下，平平地單人鍋收曬貨囉！要幫貧苦大眾對抗猛如虎的通脹「一碗麵」一定係你其中一個選擇！

某天發現天水圍的一粥麵竟然需要等位排隊，確是悲情。下午一時到兩時，周末的長發邨非常之多人午膳，結果自行到一粥麵吃個飯。黑醋豬軟骨菜飯，現在回想起來，才記得這個原來名叫「黑醋汁」，但是完全沒有黑醋味道，也不覺得有酸味。雖然名叫豬軟骨，但是中間的白色骨頭，一點兒也不鬆軟，需要用牙齒大力咬，與軟骨扯不上任何關係。另外，此餐配送一碟小小的豆角，雖然也不是什麼珍饈百味，但是比起只有一碟肉跟一碗菜飯，誠意可嘉得多，豆角還淋上少許肉燥/炸醬，味道也不錯。冰鎮凍奶茶需要額外加＄9 ，由於等候了一會兒才有，而且冰鎮的盤子內的冰粒不是太多。我想可能是利用普通的凍奶茶，放進外賣杯，然後再將並放在盤子內而已🤔，而不是本來已經「雪好了」的奶茶。但是味道依然也不是太差，至少不會像普通的凍奶茶，冰粒溶解後將奶茶淡化😉。