一葉台灣料理

营业中

休息中

放工係附近搵間餐廳食晚餐，聽朋友講一葉好好食，佢lunch time經常嗌呢間外賣，一於嚟試下。當日叫咗一碗鹽酥雞排配台式蔥油拌面同埋豬排古早味家鄉拌面。雞排外酥內嫩，外皮炸得金黃香脆，雞肉有肉汁，有種去咗台灣夜市食大雞排嘅感覺麵條煮得啱啱好，唔會煮到淋曬。麵條質地偏厚實有筋道，口感唔錯，撈埋蔥油，色澤吸引。家鄉拌面面頭就鋪咗啲肉碎，拌上蝦油，有蝦米嘅鹹香。兩款拌面都係經典台灣菜，好開心係香港都可以食到正宗台灣料理。餐廳位置就腳，係正鰂魚涌B出口隔離，環境衛生，乾淨企理。Menu都有好多小菜、水餃、台式甜品等等，晚餐同屋企人朋友聚餐都適合。餐廳嘅名都好有詩意，原來係一葉知秋，香港最舒服而難得嘅秋季，同一碗難能可貴嘅美味台灣comfort food，相得益彰。

喺鰂魚涌有間台灣菜餐廳，價錢親民，但食物質素真係幾好，超出預期呀。餐廳環境輕鬆自在，非常適合朋友聚會或者家庭聚餐。我最鍾意嘅係佢哋嘅雞扒擔擔麵，湯底濃郁得嚟，仲有香濃嘅花生醬，微辣嘅口感仲好惹味。炸得勁脆嘅雞扒，不單止外面金黃酥脆，裡面仲保留咗肉質嘅嫩滑，搭配著Q彈嘅麵條，真係幾正！除咗雞扒擔擔麵，古早味家鄉拌麵都好值得一試。佢配上香脆嘅豬排，醬汁豐富，味道層次分明，一口咬落去真係好過癮。豬排外脆內嫩，肉汁十足，而且份量驚人，足夠令你食到飽！

鰂魚涌的橫街有很多小餐廳，供應附近街坊，方便我們這些模范夫妻💏。芬尼街13號得發大廈有一家台灣餐廳，乾淨企理，最重要是價錢合理，豐儉由人，吃一碗麵或一碗飯得，點小菜又得。👍店員細心有禮，介紹餐點清晰明白，套餐包含飲品，可熱可凍，任君挑選。我們打算吃個簡單晚餐，兩個主食一個甜品就可以滿足。招牌牛肉🐮炒飯＄69現叫現炒，新鮮熱辣，米飯粒粒分明，加入牛肉香蔥雞蛋，炒得香口，味道適中，不會太濃味，對於天天出外開飯的人最體貼了。🥰🥰古早味家鄉伴麵配豬排＄70一大碗寬麵熱氣騰騰，有肉鬆木耳芽菜香蔥等相伴，還有一塊很大的炸豬排，份量充足。👍👍綜合燒仙草凍＄38涼粉加各式丸子，黃色紫色黑色白色都有，試全所有味道，加上滑滑的花奶，不會太甜，是飯後最好的甜品。🥳🥳

老實講，非常失望！首先，態度非常差，餐廳附近有間中學，有時會見到有中學生會食呢間，當中有一位身形較圓潤的老闆/服務員同埋服務員對學生和成人待遇不同，有次有位妹妹想飲水，服務員同佢講要自助，但另一位成人白領上班族要水，服務員就攞俾佢？唔通因為學生有優惠就對學生差d？ 聽過我好多朋友都講老闆好鍾意趕人走，明明人地食完飯想坐下，仲有好多位剩，服務員就開始趕人走：「我地要枱啦」食到好唔安落。個位仲要好迫，枱又細，食得好唔舒服，唔自在，一句講哂， 非常失望😮‍💨👎👎👎唔推介

前排去咗鰂魚涌呢一間台灣菜嘅餐廳🙌🏻價錢都親民，而且食物質素都唔錯💓雞扒擔擔麵呢碗麵既有香濃嘅花生醬，亦有微辣嘅口感😋搭配上嫩滑嘅雞扒，實在係一個完美嘅組合❤️令人食得津津有味古早味家鄉拌麵配上香脆嘅豬排😆醬汁豐富，麵條Q彈，豬排外脆內嫩，份量仲要好多添👍🏻芋圓珍珠鮮奶抹茶凍呢個甜品色彩繽紛，抹茶味道清新😝搭配香滑嘅鮮奶同Q彈嘅芋圓，食落去既清爽又滿足，為整頓晚餐畫上完美句號🥹🫶🏻

昨天和老公在鰂魚涌探完朋友，朋友知道我喜歡食擔擔麵，所以就介紹咗我哋去食佢屋企附近的依間餐廳，嘩個湯底都好濃郁，午市嘅時候都幾平，不過就未食過晚市，唔知道價錢。我見佢介紹個湯底幾濃郁，就諗住不如去試吓，睇吓係咪都唔錯。不過，依間舖頭都幾難搵，好彩朋友係鰂魚涌地膽，指引下點樣行，如果唔係嘅話，我覺得普通人唔會特登走過嚟呢邊食。我哋點咗雞扒擔擔麵，以及古早味家鄉拌麵配豬扒。個人覺得雞扒有點兒乾，不過豬扒好好味。冇諗過拌麵個面底都幾好食，不過覺得最好食嘅真係個擔擔麵，個湯底好濃郁，而且湯底嘅料都幾足，花生味同辣醬撈埋一齊，超正！我估係佢有一個魚仔底嘅辣醬放喺湯底嘅下面，所以攪勻食嘅時候就好正！

位於鰂魚涌內街地鐵站B出口附近的這家小餐廳，雖然環境不大，但卻充滿了親切的氛圍。這裡的性價比極高，特別適合喜愛平民美食的食客。今天我試了兩道招牌菜：台式蔥油拌麵配豬扒和紅燒牛肉麵。台式蔥油拌麵配豬扒台式蔥油拌麵的麵條彈牙，蔥油的香氣與麵條的滑順相得益彰，簡單卻充滿層次感。豬扒幾柔軟、味道偏鹹，胡椒與鹽味的配搭有台灣的感覺。紅燒牛肉麵，燉煮得非常入味，醬汁濃郁，牛肉軟嫩，彈牙的麵條相搭配，呈現出台式牛肉湯的基底。平日的八點也不算很多人，不過看得出大家都是熟客，有家庭溫暖的小店。

一葉台灣料理鰂魚涌芬尼街13號得發大廈地下B號舖就到坐港鐵鰂魚涌站B出口步行二分鐘落自動電梯轉左手邊就看見。細緻門面，入到餐廳感受到環境空間感和燈光，都令人舒服，店員態度友善地介紹新推出的食物😊 唔食唔得金沙南瓜 招牌牛肉炒飯: 牛肉，配菜有芹菜、洋蔥粒 、雞蛋好足料👏炒飯餸到面前好有鑊氣，香噴噴和味道啱啱好，撥開D飯從中冒起煙來，好有 濃鬱香味，熱辣辣放入口好有台灣feel。 每粒珍珠飯都唔會黐埋一齊， 入口柔軟😋 金沙南瓜: 南瓜鹹蛋黃😋放咗紫菜、蒜粒、芝麻等配料灑在上面。 原來即叫即做炸金沙南瓜😉入口易咬，煙韌口感非常好，好有份量，每件南爪都炸得鬆脆，好有汁感，柔軟和香味，食第二件，仍然柔軟香甜和鹹蛋黃非常之合😋

去太古坊開會，同事帶我去食台灣菜，估唔到的確有驚喜。我們兩個人order了幾樣食物：1）台灣手工水餃選了高麗菜豬肉餃，啖啖豬肉，真材實料，配埋特調嘅豉油，味道恰當好處，一客有十隻，性價比高。2）招牌牛肉炒飯真心推介，真材實料，每口飯都充滿牛肉、青蔥和洋蔥的味道，恰到好處，十分有鑊氣和家的味道。牛肉腍又入味，令人回味無窮。我本身平時吃很少飯，也吃了一碗半😅。 份量十足，又一性價比推介。3）芋圓仙草奶凍食台灣菜，又點可以缺少芋圓？芋圓、番薯粉圓、珍珠和仙草，已經滿足了四個願望。好味！太古坊雖然是商業區，居然周邊有這家台灣美食小店隱藏在其中。總括而言，十分美滿的一餐晚飯，下次有機會搵多幾個朋友再試多幾樣美食。😋

今日黎開呢頭做gym, 做完之後又肚餓又攰，費事諗食乜嘢，見到乜嘢就食咩算啦~ 喺樓下兜咗兩個圈之後發現咗呢間台灣嘢啲嘢食好似幾吸引咁，於是就揀咗佢啦~ 平日六點幾入座都唔算多人，我估餐廳主要係做附近Office打工仔午市生意，所以夜晚一行入嚟就有位了~ 上OpenRice睇吓有咩推薦，見到個個都叫牛肉炒飯，我都叫黎試吓~ 其實得一個人原本應該叫一碟炒飯都夠，不過我自己又為食所以叫多咗個金沙南瓜，炸完嘅南瓜再加上滿滿嘅鹹蛋黃，都冇乜可能唔好食，一個人都食咗大半碟完全停唔到口，卡路里就唔好諗啦(完全將頭先做gym嘅成果食返晒返嚟) 另外雖然我食南瓜食到好飽，但係牛肉炒飯我都一個人食晒全碟，因為真係啖啖牛肉，同茶餐廳嗰啲得幾粒肉完全係兩件事~ 食完之後捧住個肚走，都唔知做gym嚟做乜, 不過人生就係運動完食，食完又運動架啦，聽日又要繼續努力

今日同朋友去咗鰂魚涌地鐵站附近一間台式料理餐廳食晚飯。餐廳環境舒適，而且佢啲食物都好地道有一啲台灣嘅小炒。我自己叫咗古早味家鄉拌麵配雞排。呢碗拌麵真係好有台灣特色，麵條煮得啱啱好，口感滑順，唔會太硬。拌麵嘅調味汁味道濃郁，帶有一啲微微嘅甜味，裏面有啲滷肉，所以有啲肉汁，食落去非常開胃。最吸引嘅就係上面嗰塊炸雞排，外脆內嫩，雞肉鮮嫩多汁，咬落去好有滿足感！ 而且身邊有一個醬汁，我覺得同個雞扒幾夾！本身雞排嘅脆皮上面，佢沈有少少甜粉，唔確定係堂定係台灣嗰隻梅粉！整體來講幾特別！招牌牛肉炒飯炒飯嘅顏色金黃，夠晒鑊氣，粒粒分明，唔會黏埋一齊。牛肉炒得剛剛好，嫩滑又唔油膩，味道相當鮮美，仲有一啲蔥花同埋胡椒粉嘅提味，飯粒吸收咗牛肉嘅鮮味！重點係真係超級大碟，本身諗住叫小炒最後都嗌唔到啦。總括來講，今次嘅晚餐真係非常滿意，無論係拌麵定炒飯，味道偏向地道。如果你鍾意台灣美食，真心推薦大家去試下呢間餐廳，絕對唔會失望！下次再嚟一定要試下佢哋其他嘅招牌菜！

今天約了在鰂魚涌區工作的朋友晚飯。 天氣真的很熱，冇哂胃口，想吃些輕食。朋友是地膽，推介去附近有一間好有特色由台灣人開設的台式小店, 位於小巷內的隱世小店名一葉臺灣料理。 它在鰂魚涌芬尼街13號得發大廈地下B號舖，港鐵鰂魚涌站 B1出口, 一出轉彎步行那條橫街就到。 餐廳舖面不是很大，裏面裝修簡約，貼滿著名菜式食物 poster。 檯椅擺設整齊，地方算寬敞，坐得舒適! 餐牌的食物選擇很多，菜式富地道風味：粥粉麵飯、台灣精緻小菜、甜品、飲品及特色推介! 店員告知最近有基隆夜市週推廣，於是我們要試試! *金沙南瓜即叫即做，南瓜炸得外脆香口，內裏軟滑香甜。 最惹味是加上大量咸蛋王爆炒，十分好味，吃不停口! *招牌牛肉炒飯即炒上檯已香味四溢。 飯炒得好乾身，很有口感。 配合牛肉和配料和由台灣運來的調味料，整體的味道提升不少，超正! 這間的台式小店, 雖然在於小巷內，但有不少食客慕名而來。食物質量高，價錢親民，上班一族午餐的好去處! 晚餐可試精緻招牌小菜：三杯雞 紅燒牛肉麵 左宗堂蝦球等，都是不錯選擇，值得捧場!

前排去完台灣之後食台灣菜食上癮，今日放工立即行動嚟咗鰂魚涌一間叫一葉嘅餐廳食，簡單咁叫咗兩樣嘢，分別係牛肉炒飯同古早味撈麵配炸雞扒牛肉炒飯上枱熱辣辣，出晒煙咁，而炒飯入面嘅牛肉粒份量非常之慷慨，差唔多每一啖飯都夾雜住肉粒，而調味亦做得好出色，將簡單嘅炒飯煮得出神入化；至於古早味撈麵配上特調嘅肉醬，麵條非常煙靭，炸雞扒食落好似夜市食嘅一樣，甚有特色估唔到香港都可以食到咁地道嘅台灣料理，呢間小店雖然空間唔算大，勝在價錢相宜，食物味道出色，值得推薦#一葉台灣料理

今天同朋友去鰂魚涌親友屋企打麻雀，到食晚飯時就係附近搵吓嘢食，我朋友喜歡食台灣料理，親友就介紹附近有間好食好坐嘅台式餐廳，這間餐廳叫一葉台灣料理，位於鰂魚涌芬尼街13號得發大廈地下B號舖 ，港鐵鰂魚涌站 B1出口，行幾分鐘就到，十分方便。這間餐廳用上簡約木系裝修，餐廳內好有台灣小店風味，枱椅擺設整齊，地方算寬敞，令人坐得舒適，原來店主係台灣人，所以餐牌菜式都是正宗台灣料理，客人可以品嚐到正宗嘅台灣菜。而餐廳嘅餐牌都好吸引，有幸福便當、一葉套餐推介、十大必食、台灣精緻小菜、一葉推介、甜品推介、粉麵飯類等，還有基隆夜市週推廣，真係好多食品選擇。🌟我哋係基隆夜市週推廣選了招牌牛肉炒飯，又係十大必食揀咗台式菜脯炒三寶，而係粉麵飯類叫咗雞扒擔擔麵。首先上枱是台式菜脯炒三寶，三寶係茄子、四季豆、苦瓜，三寶都煮到好軟身，四季豆豐富纖維質爽口，茄子好有綿軟質好入味，苦瓜十分甘甜完全唔苦，菜脯好香口好爽脆，咸香味道令人食得開心，撈埋一齊食好夾好食，撈飯仲一流。 🌟即炒上檯基隆夜市週推廣嘅招牌牛肉炒飯香味十足，份量不少，香蔥、甜洋蔥、蛋、牛肉碎，配上台灣珍珠米炒飯，飯炒得好香，加上由台灣運來的調味料來煮，

聽聞鰂魚涌有一間好好味的台式料理店，今日特意和朋友過來試試。蚵仔酥外脆內軟，口感豐富，酥脆的外皮與鮮嫩的蚵仔結合，味道十分獨特。每一口咬下去，都能感受到蚵仔的鮮甜和酥脆的香氣，讓人回味無窮。無論是當作下午茶小點心或是夜市美食都非常適合。蚵仔酥不僅是一道美味的料理，更是台灣街頭美食文化的代表之一，絕對值得一試！冰梅排骨是一道結合了酸甜口感的地道台式菜餚。這道菜以嫩嫩的排骨搭配酸甜的冰梅醬料烹製而成，味道獨特。食材入味，口感酥脆多汁，讓人一試難忘。排骨本身肉質鮮嫩，與紫蘇梅的風味完美融合，每一口都充滿豐富的層次感。台式炒合菜是一道融合多種食材和風味的傳統台灣料理。這道菜色彩豐富，口味多變，集合了多種食材，包括芽菜，小木耳，雞蛋等，經過巧妙的烹調組合而成。每一口都能感受到不同食材的鮮香和口感，讓人享受到多重層次的美味。台式高麗菜水餃味道一流，高麗菜的清甜與豬肉的鮮美完美結合，皮薄餡靚、鮮嫩多汁，讓人一試難忘。每一個水餃都經過精心製作，確保餡料充滿口感和風味，讓人在品嚐時展現出豐富的層次感。無論是單獨品嚐還是搭配其他料理一起享用，這款水餃都能帶給人們美味的享受和滿足感。如果你想探索台灣美食的精