一豆花

营业中

休息中

看起來簡單，味道很純樸，讓人懷念的古早味豆花。銀杏意仁豆花別有滋味，紅豆很綿很甜，芝麻糊很順口，整體來說很好吃。特別是熱呼呼的豆花，軟軟綿綿地，散發著淡淡的豆香。

早幾日去黃埔行街，口痕又想食野見到呢間豆花店所以試試叫左個熱既冰糖豆花，姐系原味豆花自己再加糖。豆花夠滑，口感亦實淨，不過5夠香，食落亦冇乜豆味，有d失望整體好普通

今日經過見有幾多人幫襯，所以諗住去試下，見到個餐牌，豆腐花有好多唔同既選擇，見個餐牌寫住薏米銀杏豆花係必食，所以㨂左個熱既黎食。薏米銀杏食落去甜甜地又煙煙靭靭，因為有薏米銀杏關係，豆花完全唔洗落糖水，豆花又香又滑，好味。我下次會再黎試下其他架

這裡的白滑豆花, 已光顧好幾次了, 再跟其他店比較過後還是這裡的滑點。平常都喜歡堂食, 拿著那公雞碗坐在一旁吃着暖暖的白滑豆花(熱的較凍的滑), 今晚則買幾碗回家跟家人分享。簡單美味的冰糖豆花已能令我很滿足, 當是獎勵自己努力工作的小甜頭~ 店員說給我的豆花多了一點, 黃糖另外給我一包, 嘩真好~~

年頭起在紅磡工作，都有很多地方食了，要提既係，—豆花，我知好出名，所以立刻去食下，佢有好多款豆腐花的，我試過了幾款，都叫好食！但係咪真係咁誇張呢，我又覺得唔係，大家以平常心去試下係可以，但絕不是必食之選！可能係我要求高啦！

老遠見到老人家$2碗豆腐花咁有良心既老闆一定要去支持下（雖然本身有d飽）叫左凍豆腐花，薑水，糖自己加凍本身好難滑，份量係偏大，豆腐花好有豆味，同薑水好夾，少少薑既辣，啱啱好食既時候見到一層層，應該係人手片入碗再雪凍，辛苦曬薑水偏淡，怕甜既我有加多次$9碗，抵食下次食熱既

越黎越多小店主打豆品 其中呢間開得最多而品質控制都好有standard 今次途經紅磡區 又咁岩落大雨 不如就避下雨食碗豆腐花先啦9蚊一碗 薑汁豆腐花 凍既岩晒而家呢種天氣 份量唔少架 比起平時食開既 個碗都大啲薑汁 黃糖自己落 而我就淨係落左薑糖水薑味夠晒 甜度適中 好清新不過由於係凍既關係 所以唔好抱住勁滑既心態 熱既先會滑身 凍既會比較硬同實淨豆味都好重 唔錯！

話說夜晚同個好耐無見既朋友係黃埔食完飯，因為仲想傾多陣計，所以周圍行下搵下甜品食。行行下就經過呢間一豆花。又話說我第一次食係佢新店開張，當時呢間鋪頭連續幾星期免費比人試食，日日都大排長龍，免費比得人試，果然係有啲質素，知道大家食完會番轉頭，果然我食完之後就變成左常客，間唔中經過都心思思想食！之前食都係買原味，豆腐花黎講最緊要口感夠滑，佢完全做得到，第二就係個糖水既甜度勒，一般出面食既豆腐花都要自己加黄糖去調味，但係好多時調極都唔岩，可能食一兩啖又要加糖，好似有啲美中不足既感覺，而呢間一豆花既糖水甜度就岩岩好，直情黄糖都唔洗落，係我最中意既地方！！講番今次我就試左銀杏豆腐花，佢係將預先調好味既銀杏糖水加係豆花上面，我之前未試過呢個味，第一次試覺得好好味，甜度適中，豆花滑就基本啦，加左銀杏令成碗豆花多左咬口，多左個口感，感覺好特別！所以走之前都買左碗外賣比我亞媽試下！豆花好味之餘，啲姐姐都好有禮貌，好熱情，地方又乾淨，雖然無位堂食，但係都可以坐係鋪頭外邊既櫈到食，都別有一番風味，好彩天氣仲涼涼地，熱啲就未必得勒！呢間鋪既另一個impress 我既地方係佢成日有優惠，依家有優惠比長者平價食豆