一豆花

营业中

休息中

今日行經呢頭見到豆腐花咁就一於試一試啦 呢度啲豆腐花都幾抵食同埋有好多唔同嘅味不過要試嘅話我就會揀原味豆腐花 本人好鍾意加多啲黃糖落去都係鍾意食甜啲 豆腐花都幾滑值得一試

不嬲都幾鍾意食甜品， 今次我係朋友嘅介紹下我去咗食一間幾出名嘅、位於街邊嘅豆腐花店！今次就試咗凍銀杏豆腐花（$12）。佢可以揀堂食或者外賣，我今次就中伏地揀咗堂食，即係企係店舖門口食（鋪頭隔離放咗幾張凳喺度）！份量方面，豆腐花份量唔算多，不過都可以接受。豆腐花表面鋪滿左好多甜甜地嘅銀杏，食落去口感好正，每一啖都好好味！而且銀杏豆腐花唔係間間都有，同埋$12可以食到咁特別嘅豆腐花真係好抵！推介大家去試下～食物質素：9/10食物顔值：7/10性價比： 8/10回頭率： 8/10

香港食碗糖水都二三十蚊，十幾蚊碗邊度仲有呢？這間位於黃埔的一豆花, 十幾蚊就可以吃到一碗滑溜豆腐花，還可配搭芝麻，紅豆，銀杏等等和豆腐花一拼吃，冷熱價錢同樣是$10-20。星期日的下午，我點了薏米銀杏豆腐花$12，薏米數量很多，每吃一口都有薏米伴著豆腐花，而銀杏就只有一兩粒，薏米很有咬口，豆腐花有豆香味和很滑，不會水汪汪和 “鞋口”的質感，可自行加點黃糖和糖水。此店沒有坐位，如堂食只有企位，但都有兩張膠櫈給食客坐下享用。我每次去黃埔都會幫襯呢！多年水準都仍能保持價錢接受，份量足夠，食物質素不錯。

偶然口痕就會想食下甜野，但一般甜品舖都要二、三十蚊或以上。如果唔介意無位坐棟督食，或可以外賣拎走，一豆花就岩晒啦，價廉好食，亦令鐘意「掃街」既我有多一種選擇。一豆花既豆腐花又白又滑，又有濃郁豆香，永無失準，完美無得彈。除左豆腐花本身非常好之外，仲可以夾唔同口味既糖水。我就最鐘意加芝麻糊，芝麻味夠香夠濃又夠滑，食左都唔覺肥，反而覺得對身體好有益，可以烏髮補蛋白😋唔夠飽食多個加薏米銀杏，一樣咁好食。食晒兩個已經飽，都只係廿四蚊，超級抵 👍🏻

香港地乜都貴竟然俾我發現黃埔有一間＄10嘅豆腐花超抵囉仲要係新鮮㗎超好味每日新鮮製造 賣晒就冇佢仲有好多特別架可以加芝麻 我就普通啲淨係加左糖水，清清地都好好味呀！

平時食豆腐花多數得冷熱，有啲可能有得兩溝。不過都係芝麻湖，紅豆沙，綠豆沙。但一豆花就有花奶豆花！無諗過落完都幾香！加少少糖啲味仲好！！佢地啲豆花好滑！熱食完全唔會覺得有石膏粉！好食！

So good and so cheap! I love this place. The bowl of tofu pudding was hot and fresh. The portion was huge and it was just so tasty. This place gets very busy so be prepared to stand on the street and eat the dessert but it was totally worth it. I wish they had more locations.

經已入秋，天氣非常乾燥。覺得連身體𥚃面都乾旱旱咁。經過船澳街嘅一豆花。心諗食碗甜甜哋丶濕濕哋丶軟稔稔丶滑溜溜嘅豆腐花都好喎。由於一豆花並不設堂食，門口只係放咗兩張櫈俾啲唔想買外賣，想即刻啪咗碗豆花嘅人坐。所以我就決定外賣喇。行到店員面前，噢！有驚喜即刻嗌左碗薏米銀杏豆花。店員攞起個外賣碗，將豆腐花裝到半滿，然後揭開另一個煲蓋。煲裏面就係重點：薏米銀杏糖水！店員將呢個薏米銀杏糖水填滿個外賣碗，並冇再加糖水。味道又係點呢？味道啱啱好。甜味恰到好處。豆腐花好滑，再加埋銀杏同薏米嘅煙韌，口感一流呀。食完之後真係成個人都潤晒呀。

係紅磡掃街，少不免要買嘢飲今日同朋友都唔使飲得個甜字既嘢飲，又想扮下健康，又行過一豆花咁就一於試下佢既少糖純豆漿($10/枝)，價錢相宜，標榜新鮮製作，絕對超值雖然今日係星期六下就，但未算太多人，所以都唔使點排隊有好多唔同特色既豆腐花同豆漿，好驚唔啱我地口味，所以我地最後揀左最普通最穩陣既少糖純豆漿😋😋枝裝size兩三個人share啱啱好雖然係少糖，但我覺得甜度同出面正常既豆漿差唔多😲都唔係好飲得出有豆味坦白講，同普通係便利店買到既豆漿味道差唔多🙈🙈🙈只係一個好平平無奇既豆漿，希望下次有機會就試下佢啲豆腐花😗

平時去開紅磡掃街，邊行邊食，當然要搵杯野飲，十足去台灣夜市咁不過我地無飲台式塑化劑飲品，行過見到呢間一豆花，見豆漿$12支幾平就買左支試下，飲豆漿健康d好多時街邊食肆都幾蚊杯豆漿，個d實在飲唔落口，甜度又假不過呢間豆漿豆香味幾重，味道又唔算太甜，整體覺得幾好飲，甜度適中，又無落防腐劑，健康之選

呢次由《如何做好男朋友》去講起⋯當你行經賣豆腐花同豆漿既舖頭時⋯你個女朋友同你講話「不如轉頭買支豆漿試下丫？」，再行到去Aeon Style超市入面，你發現平時好怕凍既女朋友主動接觸凍櫃去搵Aeon Store入面某隻好好飲既豆漿，你就知道豆漿既重要性⋯，你仲唔識買番支豆漿⋯真係玻璃都幫你唔到可惜既係⋯可能太好飲既關係，搵唔到Aeon果支豆漿Lu! 賴生只好帶屈小姐去到《一豆花》買豆漿飲，係買之前賴生有少少猶疑究竟係前少少既《亞X豆腐花》買黎飲好定係呢間好⋯鑑於《亞X豆腐花》既豆腐花冇乜豆味，賴生打算比次機會試下一豆花，點知⋯真心後悔了無糖黃豆豆漿：⭐️(1星)當賴生打開樽蓋，比屈小姐飲第一啖既時候，由屈小姐眼眉既反應就知道中伏了！到賴生飲既時候發現⋯一飲就係無窮無盡既化學味，奇怪既豆味，屈小姐再度確認呢個味之後，佢就冇再飲過啦！我地飲無糖豆漿除左健康因素之外，就係想飲個豆味，但係呢支提供既係無盡既化學味⋯更加令賴生後悔既係D咩？⋯就係行到去《亞X豆腐花》見到2件事⋯第1: 黃豆豆漿 ⋯$9蚊支 （蝕左1蚊）第2: 黑豆豆漿⋯$11蚊支 （居然有更健康既選擇）呢個故事係想話比大家聽，其

薏米銀杏豆花（$12）👅呢到既豆花有微微豆味🤔雖然唔係我食過最滑最正既豆腐花，但幾中意同薏米銀杏糖水既配搭👍🏻👍🏻薏米糖水偏甜不過我ok😃有啲咬口熱熱地又幾潤喉咁😋😋唔錯～

每次去親黃埔都會經過這家豆花攤，而且成日都見街坊拎住個碗在舖頭附近食豆花。見住店員打開豆花木桶冒出翻騰的蒸氣，個心暖洋粒粒哂！豆腐花全部都係老闆自己手磨的。糖水加豆腐花係豆腐花舖既基本，今次介紹呢個比較少見既薏米銀杏豆花。薏米銀杏豆花 $12平時成日見姜汁、芝麻搭豆花一齊食，但薏米銀杏呢一味就好少見。銀杏有種特別的味道，苦中帶甘。薏米和銀杏有咬口，配上質感偏硬豆腐的豆腐花，卻沒有違和感，而且數量夠，足以每一啖都配上豆腐花進食。薑汁豆花 $10自己薑汁自己加，自己喜歡份量多少就加多少。薑汁天然不會過辣。

行街口渴，隨街都有好多野飲，台式飲品、汽水、果汁乜都有，今日想飲少糖一啲，相對健康既豆漿。經過一豆花，一枝豆漿($10)。正常價錢，豆味都算幾香，而且係少甜，係豆腐花外既一個好選擇。

I stopped by on the way from Hung Hom.There are two stores of "toufa" in this street.Although I was worried, I decided this shop today.Bean curd pudding with crystal sugar syrop was $10.(+$2 in Lunar New Year)I bought syrup myself and ate it.The taste was very crisp.Soft and tasty,I finished eating right away.Next time I want to try different taste.