一起燒火鍋烤肉店 (已結業)

呢間烤肉店真係平靚正，非要介紹不可，餐廳座位以卡座為主，非常舒適，全自助模式包括點餐，醬料，斟水，還有自助豆腐花❨其實燒烤套餐已包甜品❩.中午套餐有燒烤及非燒烤選擇，非燒烤有定食拉麵或飯套餐，但我所見九成人客都是點燒烤餐，因為實在係超值。烤肉+前菜+湯+白飯+甜品+飲品，都只不過$50位，試問今時今日可以喺邊度揾到，性價比極高。我每次都點雞扒❨主食❩+秋刀魚❨前菜❩,而老公今次點了豬肉片❨主食❩+秋刀魚❨前菜❩😀, 仲可以自由選配十多款醬汁😋請大家多多支持咁優質既良心小店😀

今日又相約左朋友行街食lunch，由於我地都幾肚餓下，所以揀左位於卓爾廣場嘅燒肉店，一於來一餐午餐燒肉，我地大概1:30黎到，唔需要等位就可以入座，侍應安排左我地坐4人枱，夠晒闊落，呢到採用電子點餐，午餐有好多選擇，有時間可以揀慢慢燒肉，無時間都可以選擇免燒套餐或拉麵烏冬餐，全部大概$40-$50，另外需要加一服務費，我地今次點了兩客燒烤套餐，肉類揀左韓式豬肉同雞扒，韓式豬肉我對佢好大期望，幸好都無失望，醃得幾好，雞扒好大塊好厚，味道唔錯，好抵食，前菜係拍青瓜同低温牛柳，拍青瓜夠晒惹味，低温牛柳有驚喜，黑椒味重，又夠軟熟，甜品揀左焦糖燉蛋同奶凍，兩者都好滑溜，飲品係豆漿同凍檸茶，味道正正常常，自助醬料區仲有豆腐花免費食，但唔夠滑，稍欠缺豆味。總括黎講係可以再encore，食物衞生服務環境都唔錯，可以同朋友一邊燒一邊傾計，都係一個幾好嘅選擇。

第一次來吃午餐，和媽媽一人一個燒肉午市套餐，我選了豬頸肉，她選了魚。以50幾蚊的燒肉餐來說，包括前菜，飲品同甜品，性價比十分高。肉和飯的分量都足夠，可以去自取bar自選醬料。雖然甜品(jelly)一般，但整個套餐好抵食！

呢間餐廳嘢食，韓燒嚟講算平， 同埋唔使點等位。 上菜速度都幾快， 服務員嘅態度就一般般， 不過嘢食嘅份量就變得越嚟越細，特別係五花腩肉。 整體而言性價比都唔錯， 會推介畀身邊嘅朋友。

難得放假，當然要陪媽媽shopping，購物前要先醫肚，經過見到一起燒的午市餐牌，所有套餐只需$40-50(另加一服務費)，假日還有優惠的午市套餐，當然要一試。每張枱均設有平板電腦讓客人自助點餐，十分方便，我們選了2份燒烤午市定食套餐，配有前菜、餐湯、白飯、甜品和飲品。套餐份量很大，前菜選了秋刀魚和法式油封鴨，餐湯是粟米雞絲羹。電子烤爐放上牛油紙，避免肉汁或醬汁黏爐，減低燒焦的機會。燒完的肉並沒有太油膩，味道偏濃，如有需要，近正門位置有自助醬料區可自由配搭。醬料區另有免費自助豆腐花，送完即止！繁忙時間並沒有限時，假日難得找到一個好「玩」又抵食的好地方！

呢間野突然開左係呢個商場度，因為好奇心爆發所以入左去食。見佢舖面其實係有d韓文係度所以當左佢係正宗韓燒咁試。但原來無論d肉定入面成個setting都唔係個回事黎。不過服務係不錯既。

同老公第一次去試，整體上感覺唔錯，環境衛生情況理想；不過我地食韓燒，韓燒嘅食物選擇卻比預期中少，食物種類唔夠多元化，比如我想點雞柳，但菜單上只得雞扒(雞類菜單只得8樣野揀，鴨舌都歸類喺雞類菜單中🙄)，最後我同老公分別點左雞腎、牛肉(4塊手掌咁大嘅牛肉)、金菇、豬肉、茄子、多春魚(4條)、漢堡扒，另外都有叫少量熟食如餃子。食物味道都尚可接受，價錢算可接受水平。不過其中要改善嘅地方，係韓燒食物種類需要多元化(其他如火鍋或普通晚市菜單都有不同嘅選擇)，我去過唔同地方食韓燒，都比呢間嘅種類多；另外人手亦都需要加強。

8個人去 唔係叫得特別多 岩岩夠飽食得晒d野既份量 埋單4百幾蚊 食物質素可接受 正正常常 性價比高有豆腐花任裝食物大概記得點左既有叫左個火鍋 豬頸肉 金沙骨 牛舌 普通牛肉芝心包 芝士年糕 仲有d菇類等等 價錢都係三十幾蚊碟 另外佢有d貴價肉我地無叫到味道都可以因為係生日去食 帶蛋糕唔洗收切餅費平價韓式烤肉黎講算係唔錯既選擇可能係平日 佢無得book台 去到唔洗等位 客人唔算多 唔會好嘈不過服務員都唔多 除左上菜之外 主要都係要行出去搵人

住喺屯門咁耐、都好少喺屯門食野、今次特登走去卓爾居睇吓有乜食、見到間餐廳唔使點排隊、又幾有大間，BB車都可以放到！嘢食方面、基本上普普通通、唔會太意外、醬料選擇很多款式，仲有豆腐花任食。黑松露帶子味道有點奇怪、心諗放得入口就算啦⋯⋯牛肉冇乜牛味。食到最後甜品、呢個先經典、叫咗焦糖燉蛋、芒果布甸 、鮮奶燉蛋，送到黎、焦糖燉蛋係將啲糖漿就咁倒落個鮮奶燉蛋上面、我心諗，啲焦糖去咗邊？最新食法？何謂焦糖？價錢平民價，超級平民食材返到屋企，成晚個肚仔唔舒服、起身係咁去廁所、係咁肚瀉、痛到不得了，成晚無覺好訓、Keep住去咗五六次廁所、第二日起身繼續柯、柯到晚上⋯⋯如果唔係因為柯成咁、都唔想寫負評Btw 我老公冇食豆腐花及甜品、所以佢冇事

一行6人黎到"一起燒"星期六晚7點半,都唔洗等位.可能因為商場人流唔多.一入座,店員就拎左3碟配菜同一碟生菜黎👍🏻見到有人食豆腐花,餐牌入面又無,所以出去睇睇!出面有豆腐花提供,但咁啱我出到去就無晒,問店員仲有無,佢話要睇師傅有無整.叫左好多野食,牛小排,牛扒,牛仔骨,羊架,豬肉,芝士年糕,茄子等等全部味道都唔錯!食落無梳打粉味!太多鋪頭都用梳打粉或者鬆肉粉!但呢間食唔出!👍🏻食食下見到出面有條人龍, 原來又有豆腐花啦!即刻出去拎! 味道唔錯, 食咁多肉同油膩野,食返碗豆腐花,真係好正!叫埋飲品, 埋單都係700幾蚊6個人, 都食到好飽! 又抵食,又新鮮👍🏻

第一次幫襯 喺電子菜單度 韓國燒烤嘅配菜下 揀咗雜菜 新諗住係適合燒烤嘅菜 點知一黎到 係指係適合打邊爐嘅菜 娃娃菜 皇帝菜 迫於無奈下 揀多一個火鍋 點知一睇菜單 有一個雜菜火鍋 侍應可唔可以將個雜菜改做雜菜火鍋 侍應頭也不回答左佢唔得 燒肉爐低溫慢煮 揀咗最高嘅溫度 啲肉無論燒幾耐都唔會燒焦 完全浪費晒啲肉 燒到一半已經冇心機燒 完全係一餐嘥錢嘥時間嘅燒肉餐

睇韓劇見住d主角密密食韓燒睇到流哂口水🤤放工即係約埋細佬燒返一份🥩#bbqtogether 每碟肥牛都係$25起，份量都好多，細佬一路食一路讚肉汁juicy，唔使加調味都已經好好味👍🏻我就最鐘意食海鮮，黑松露帶子一路燒一路聞到勁香松露味🤗另外有吸油紙鋪底一來可以減少肉類「痴底」燒燶，二來減少油膩，三來我d黑松露唔會跌哂落底🤭可以食住碗豆腐花(任食㗎)放心慢慢燒，座位寬敞坐得舒服同細佬雞啄唔斷傾足成晚一起燒火鍋烤肉店地址: 屯門石排路1號卓爾廣場2樓208號舖查詢及訂座電話: 2465 7733

今晚天氣還是凍凍地，食這餐晚餐也可以暖暖身， 一起燒，圍著火爐熱烘烘的， 食完感覺暖笠笠。是日晚上，約了朋友在屯門卓爾居晚飯， 看見這間一起燒，主打是不同嘅肉類， 就決定今晚食燒肉呀，爽呀！在這裏是逐碟叫的,價錢也不過是幾十蚊一碟。 自己鍾意食乜自己叫， 好食嘅又可以叫多碟，相比起一般放題的餐廳食得輕鬆， 食得自在。主打當然是這裏的黑毛豬、牛小排和羊架， 價錢$30-40蚊就有交易， 非常抵。 這裏的牛小排相當不錯，除了色澤靚之外，脂肪比例較少，放在爐裏燒時香氣四頻， 熱辣辣即食 非常正。肉質飽滿，牛味確是非常濃香，叫了一碟是不夠的， 再encore內一碟，滿足。黑毛豬， 肉質非常鮮嫩。 放入口有點入口即溶嘅感覺，雖然脂肪比例較多， 但經燒過後，食落又非常之香脆可口，正之後是羊架，未燒時確是有一種羊羶味， 但經燒過後， 羊羶味完全沒有， 換來的是一種非常濃香的肉味， 咬落肉汁豐富，燒嘅時間啱啱好，非常香口。經過這次逐碟叫逐碟燒之後， 感覺畀放題食得輕鬆， 我鍾意這樣的食法， 相信日後會再幫襯。

之前屋企人係上面食蒸鍋見到有間韓燒就話找天過來吃，今日難得得閒就去試下先，入到去座位都舒服而且點食物又方便，而且仲有韓燒和打邊爐添，最後我地今次試左韓燒先....黑松露赤蝦..沒想到黑松露醬都不少，佈滿成隻蝦，蝦有口感新鮮配上勁多黑松露味道幾特別。豬頸肉沒想到那麼好吃，豬肉味香而厚身有口感。羊架可以一人一隻吾洗煩，燒香左羊肉味都特出而肉質嫩滑有口感。當然不會不吃哥哥最愛的豬肉，今次選擇了二款，薄切黑豚豬和西班牙黑毛豬..味道出奇二款口感都不一，肉味都香帶點豬膏的香氣，十分吸引。凍檸檬茶食韓燒絕對解滯，而且這裡還有不同的飲品選擇。五花茶夠清熱而且吾太甜，味道剛好。用iPad點野食睇得清楚又有圖，落單快野食黎得都快手，而且仲有生菜可以包肉吃。韓燒點會冇九菜，吸晒精華味道十分好，而且這裡用紙，感覺上沒有那麼油膩感添。

今日同爸爸睇完戲經過見到有間韓燒又吾洗等位就黎試下，原來這裡是每碟計，我地叫左幾款加個白飯就開始食韓燒。這裡有款前菜和生菜可以包肉食，菜都幾新鮮。骨肉腸啖啖肉燒得夠香口。開邊大虎蝦..勁大隻而蝦肉口感都不錯。美國小牛排係我最愛當然叫返碟，份量都吾少，肉味都濃又夠薄，夠快熟。黑松露帶子肉，黑松露醬勁香，煎出來味道夠吸引，帶子口感都吾錯。牛仔骨肉和膏都平均，煎出來帶點牛肉油香夠惹味。羊肉都係爸爸喜歡食物，食落去口感剛好又吾會太大股“蘇”味。牛肉條比較厚身所以需時，但沒想到咁厚肉都嫰滑吾硬。鹽磨八爪魚都十分新鮮而且帶點鹽味，不用調味都足夠。用隔油紙食感覺上都幾健康又吾會燶。出面仲有甜品食，就是豆腐花，沒想到口感都幾嫩滑有豆香，糖水又吾會太甜剛剛好。