一風堂 (朗豪坊) (已結業)

一風堂夠出名 但一次都冇去過食 今次見佢出左個海膽冷製拉麵就去試下啦 原來呢個麵好巴閉 每日都有限定數量 夜晚嚟到朗豪坊呢間分店 都真係好多人排隊 拎左飛之後都要問下staff仲剩返幾多碗 如果唔係 到時排到入去又食唔到就白行啦拎飛時都要等20張飛左右 不過最後15分鐘左右就入到去 即刻叫個海膽冷麵同旺角店限定嘅魚介拉麵賣相好唔錯 食落好有蔥味 湯底亦唔會過鹹或過淡 海膽都算幾好 但d肉真係冇味 加上佢又凍 好似食緊未鮮凍嘅肉咁 成個麵就係咁 普普通通 但就百幾蚊 食完之後完全冇留戀嘅感覺你問我會唔會encore 絕對唔會喇

咁大間連鎖拉麵餐廳竟然冇外買盒！店員回答我說一風堂冇做外買所以冇！我相信有很多人都會把食不完的食物打包帶走以免浪費食物如果一風堂只是售買拉麵而沒有其他食品，我明白不過冇理由有咁多食物種類而相信顧客一定不會叫多，只可以叫到啱啱好， 否則要客人自己去其他食肆去買一個外帶盒， 又或者應該每位客人都要自備環保盒放便打包囉！"

今日大家放工各有嘢要忙，所以遲左食，不過黎到都要等位哩度啲拉麵全部都係豬骨湯底，有唔同辣度揀，普遍拉麵一啲都唔平，我真係覺得唔值哩個價哩度有新鮮蒜提供俾你自己整碎，加落碗麵度，不過都無用啦，我食嗰碗一啲味都無所謂嘅辣肉味噌，係2塊叉燒我覺得，咁樣就成碗$92 湯除左辣外，其實所謂嘅豬骨味係無乜。咁嘅價錢，咁嘅份量，個人黎講我唔覺得抵食。睇相見佢咁特別，成個黑色嘅麵，又話咩黑蒜油，真係得個名一啲味都無！莫講話個豬骨味，蒜味又無，乜味都無！俾左$72唔知自己食緊啲咩小食都還可以嘅，價錢中位價，不過份量就...其實算係同圖一樣，味道係唔錯咖，不過佢哩度每一樣食物應該好多味精食完口渴左成晚

今日約左4:30做facial，去到旺角都係3點半又見有啲肚餓所以去food court 望下有咩好食一望就望到一風堂，成日聽人講呢間日本拉麵幾好食，今日終於有機會試試啦😄我點左一碗赤丸新味🍜同個燒茄子🍆拉麵湯底味道好濃郁😋 叉燒都軟身同入味，但麵質略嫌硬左少少👀同埋份量唔算太多，但做下午茶都夠食呀，加上我另外仲點左碟燒茄子，份量就岩岩好！但碟茄子就幾失望啦！有d求其！份量都唔多！檸檬下面個塊菇非常酸🤢🤢無咩特別既茄子，早知叫雞翼好過。不過間店野食唔算太味精坐得都算舒服😶

其實之前試過九龍灣果間，當時剛開業，質量未如理想系唔難理解，但今次旺角呢間一心覺得應該會穩定d，同埋系旺區，點知中伏……個麵我老公系要硬，我就要林d，但出黎嘅效果都系一様超林，其實食得拉麵，個麵底系好緊要。個湯底本身無咩問題，但未去到話好好食，但d味精唔够靚，口渴左成晚。塊所謂慢煮叉燒，真系唔識欣賞，只系似火腿。香港嘅一風堂真系只系好食過味千。個攞獎唐揚手羽，真系唔啱口味，唔够鷄味之餘仲太乾，無晒肉汁。個黑松露餃子仲大鑊，煎完都系濕到出水，唔通系肉汁? 大開眼界，今餐真系有d失望……

其實一講到要食拉麵，我好prefer一風堂，主要位置很就腳，唔洗話等好耐，好快有野食，有多野揀，同埋個湯底很不錯！以往食開白丸，今次叫了赤丸拉麵，湯底無咁濃豬骨，但都幾多味精，食完會好口乾，白丸就香d，我最鐘意個湯底係食到一粒粒脂肪，肉汁好濃。另外叫左個豚肉飯，雖然細細碗，但又幾好食！係日式叉燒，但都幾香肉味，d肉汁係滲到落飯度，好食！佢仲有隻溏心蛋，好香蛋味，仲甜甜地！佢個叉燒包都好好食，唔係酒樓食個隻，但個口感好得意！

今日約左時間去旺角做facial,早左到決定醫飽果肚先上去🤗lunch間間餐廳都坐滿人，我揀左間唔使等咁耐既一風堂黎食，反正未試過，試下都好🙊我叫左碗豚肉辛辣拉麵 中辣辣度還好，係我可以食到既範圍內，不過食物款式唔多，麵款淨係得極細麵，想揀都冇得揀😭

特製一風堂辣肉味噌 $92 +$2（加底）十分之抵$2就有得加底，咁大食既我緊係會加！味道就冇咩點變，冇少少咸，加埋啲配菜有少少麻油味。佢加底唔加湯，所以要慳啲食丫！我最鍾意係呢到既一風堂叉燒角包$28佢會分開2半，佢個叉燒包有生菜同沙律醬，食落甜甜哋、個包又好軟熟，好正！

突然想食拉麵，平日6:30pm行過見好多位就入左去。替玉（加麵）有promotion,$2 就得啦。咁啱友人主要想食少食，咁我地叫左個特製黑加個替玉同兩個小食就夠啦。特製黑（$92）個黑蒜湯底好濃，濃得黎辣辣地好開胃，但隻蛋就有d失望，一d都唔流心。叉燒角包($28)，熱辣辣,個飽軟綿綿，加埋入面塊叉燒，生菜同熱辣辣嘅沙律醬，好有口感。辛口餃子($42/6件) 就第一次試，好細件又唔脆，精萃係個辣醬，唔點一d都唔辣。

#墨嚐真係勁鍾意食#拉麵，其實係港島區試過幾間日本拉麵店，#一風堂應該係目前試過既拉麵店當中最性價比高既選擇。麵質彈牙爽口、湯底甘香濃郁、叉燒肥瘦均勻。唔係#墨婆婆阻止既話早就連食兩碗，湯汁都飲埋！

星期三下午4點當時見只有2、3枱客便立刻入坐，5分鐘後便落單叫了兩碗麵一碟餃子，心諗5時左右可以食完因為趕時間，等到4點35分食物還未到，真心焦急了便問侍應為何那麼久，結果侍應查了電腦後說“冇單……“！我等了半個鐘，3、4個侍應曾經行過我們張枱但完全冇人問下關心下點解我們坐底半個鐘完全冇嘢食！！！！！簡直浪費人時間！！！這間一風堂的侍應水平就只有如此低劣！！！！

旺角到到都要排隊所以就等左一風堂試試佢既拉麵嗯⋯拉麵款式好少好似都係湯底唔同但可以揀麵既軟硬味道方面好普通，不過不失再叫左個餃子都係好普通 普通都冇咩特別感覺雖然價錢唔太貴但同樣價錢可以食到更好既拉麵🙈啤酒$38買一送一幾抵飲

今次真係算係我第一次寫負評。自問都試過好多唔同師傅整既拉麵，但係今次真係令我大失所望。因為之前係銅鑼灣食過一次都幾好食，冇諗過旺角呢間一風堂係可以令我食都食唔哂！我揀咗我食開嘅特製白丸其實除咗個面啲餸都有維持一貫水準。但係個面真係太難食、我已經叫左硬面 佢都煮到完全林晒。真係食到一半我就放棄，愈食愈軟，d面同個湯可以話係完全分開。幼身嘅拉麵林晒真係好難食，完全破壞晒我對一風堂嘅印象、我覺得個師傅真係要檢討下咩叫硬面.... 我同事好少食拉麵，今次經驗另佢對拉麵愈來愈反感。🤦🏻‍♀️🤦🏻‍♀️😭😭真係對一風堂好失望

心情唔好想飲杯啤酒，醫飽個肚就算，可能簡錯地方，全程感覺怪怪的..!!! 點左2個細鰻魚飯（4塊鰻魚放在碗中間，周邊鋪滿蛋，可能凍左關係，鰻魚沒有以往咁好食），日式餃子（size比想像中細隻，但好juice）及2杯ashiki 。另外，有d失望既係明明order左2碗鰻魚，覆單都岩，但都係溜1碗，結果白白浪費左保貴時間，幸好最尾趕得切去睇戲。

原來宜家有半份小赤丸叫，咁就可以試多一兩款小食！雖然拍埋碗正常度比，係明顯少左好多，但其實半份都好夠食！今次一黎小角包就即刻食，熱食真係好食好多，但碗特製黑拉麵入面塊叉燒現紅色有d恐怖，諗住換，點知 d staff 話係正常，因為佢地用地溫肉，"好似 parma ham 咁"，但我咁耐以黎都無食過好似未熟咁樣嘅叉燒，最後都係唔敢食！另外杯茶都好好味，有可能因為凍茶，夠味得黎唔會有苦澀味，食碗碗拉麵飲返杯好消濟！