一風堂 (朗豪坊) (已結業)

本來以為拉麵都一樣的，但最近的我又再受到一大拉麵衝擊！由於看了日本動畫的“ラーメン大好きの小泉さん”，其中一集介紹到日本拉麵連銷店的一風堂，因此就入位試試看~我點了一個“特製赤丸新味”首先，湯底是香濃但不留胃的豬骨湯底，赤丸會附上一個辣的味醬，可以先吃原味（白丸）而中途再調開成赤丸！一碗有變化的！麵條方面，因為是首次嘗試選了普通硬度，有香的 小麥香味，下次會想叫硬麵~雖然動畫中日本分店會把配菜放在桌上任取，但香港的未見有，之後才知道要向店員取的~一碗拉麵分量算正常，感覺男生就需要+2元加麵啦！除了拉麵，它有很多配菜小食，也有半碗拉麵賣~選擇蠻多的!香港分店有地區不同提供的特別menu，有令人想全店征服的衝動

早排天氣凍冰冰，突然好想食一碗熱騰騰嘅拉麵。朗豪坊嘅一風堂唔算多人排隊，加上我一個人可隨意搭枱，所以好快就有位坐。我揀左朗豪坊店限定嘅魚介醬油豚骨拉麵，湯底好香好濃，义燒肉質亦好嫩滑；另外叫左個一風堂餃子，賣相唔錯，表面煎得好香脆，雖然咬落去好多汁，但覺得肉餡唔夠多，總體不過不失。

星期五晚間間鋪頭都排曬隊 同男朋友係旺角拉麵癮起決定食好多人推既一風堂兩個人排左15分鐘左右就有位見到有魚介豚骨就不約而同決定去試下大大碗都只係78蚊 湯底好濃郁 好香魚味極度推薦半熟蛋都好香 每碗都有有一小碟柚子醬俾我地加入湯底 魚味同柚子醬離奇地夾佢而家做緊活動 有三個奇怪既球可以俾我地加8蚊揀加底湯底度我地揀左謎玉 加左入個湯好快就唔見左 湯底味道亦冇大變化 真係一個謎值得一提既係而家一風堂只係需要2蚊就可以加替玉 個份量真係有一個面咁多 一定食得飽唯一要彈既係服務 幫我地落單個侍應感覺好唔耐煩

要等齊人才能入座的，我說朋友地鐵上緊黎，也願意給我進！拉麵店環境也是以日本式的佈置，這間是有免費配菜，相信也是加一的原因。我們叫了期間冬季限定和特製黑蒜油拉麵，加了生蒜和冬菜，原來是另上給我們，生蒜是原粒要自己夾碎，女生需要用點力才可以做到，若然有男生在就可以請他幫忙😂冬菜辣辣的，加上拉麵勁之野味和配合，我食了很多，另外每張台原本已有芽菜的配料，亦是我和朋友狂加，配搭拉麵一起食。適逢新年，結帳時可以抽獎，抽到半熟蛋，要下次才可使用。同時申請一風堂的app可以儲印花，每碗一個印花，儲夠四個可兌換$30現金卷，六個就有一碗免費拉麵。

一風堂好好食！一風堂下拉麵真係令人食完再想食多碗，每次我掛住日本拉麵嘅味道，就會去一風堂到食返碗！湯底冇味精，非常濃郁，一啖湯一啖麵真係冇得彈！辣味湯底係個人推介！

不得了。。不得了。。天氣凍唔小心「貢」左入去食個熱呼呼嘅拉麵，食完感覺溫度上升了幾度，哈哈！除左平時嘅餐牌，大家唔好睇漏好嘢，仔細「咪」埋不定期推出嘅口味。今晚一於叫碗試試。喜歡辣辣地濃味嘅朋友呢碗味噌赤丸啱你試，配埋醃芽菜一齊食更恰當。大滿足！店內客人都有9成左右，想食晚餐要預留小小時間排隊一陣啊！

🇯🇵博多拉麵係香港人去到日本必食既垃麵今日就試試一風堂 排隊的人也算多 但等待時間不長 食拉麵最重要就係湯底第二就係睇拉麵質素係4個選擇拉麵湯底裏面我比較鍾意食豬骨味嘅湯底我選擇咗 赤丸新味 店裏職員說有一點辣 我話我不吃辣 走辣就好當拉麵你都二話不說 喝第一啖湯夠熱 夠味 夠濃郁👍🏻而拉麵係幼身拉麵 我選擇了硬的！我反而叉燒就和普通一樣 沒有特別好味而小吃本來想叫炸蝦 可惜賣完了我就叫了炸玉米 ，在日本吃好甜可惜這個⋯太多麵粉一半麵粉一半玉米玉米不甜 所以我麻煩店員給我沙侓醬 點了有比較好吃 可是還是一般般⋯😣Ippudo HK 一風堂 (香港)旺角亞皆老街8號朗豪坊4樓5號舖

「限定」這個字眼總是有著它的吸引力，不禁令人想試，一風堂經常都食，行旺角行到肚餓剛好走到一風堂門前便決定食碗拉麵做晚餐。其他口味以前都吃過了，今次一定是選這「朗豪坊限定-魚介醬油豚骨」$78，其實都很適合我口味，我喜歡濃味的，非常喜歡吃日本的拉麵，既然沒有時間去日本，到一風堂都能回味下日本的味道😝，還可以儲印花，累積6碗便可送一碗。這個湯底得香濃，不會太鹹，味道剛好。太閤監修唐揚雞，被宣傳吸引到，的確好好味，不太油，不過份量太少了，$45 只得四小塊😓

minipapa途經朗豪坊，想起好耐都無食過拉麵，打算去味千食返碗。但因為太耐無嚟，味千已經變咗博多一風堂，好在都係食同類嘅日式嘢，有拉麵有飯。見門口做緊宣傳係哩個魚介醬油豚骨拉麵，橫掂未試過哩間，一於食推介。嘢食未嚟飲返杯茶。佢哩度提供嘅茶係凍嘅，但可以要求佢俾杯熱水你。等咗15分鐘，拉麵送到。店員姐姐溫馨提示附上嘅柚子醬可以一齊落入碗湯麵度。我用筷子夾咗少少柚子醬試味，澀澀哋味道麻麻，諗住落入湯度應該有化學作用，但都唔敢落太多，只落咗三分之一。未落柚子醬時飲咗啖湯，濃郁嘅豬骨湯味，仲有好多蔥花增加湯嘅香味同口感，經典嘅味道。檯上仲提供芽菜，我一向食粉麵唔鍾意放芽菜，但佢嘅芽菜帶俾我好大驚喜，好香麻油味，食落爽口仲帶微微香辣味，我落完兩柱，食到一半又再落多兩柱，真係好惹味！加分！蛋係流心嘅，豚肉唔會太厚，半肥瘦食落都幾滑，火候適中，經典的豬骨豚肉拉麵，滿意。但柚子醬minipapa真唔係太食得慣，雖然只落三分一，但味道都有啲搶，下次唔會落柚子醬，原味更啱我口味。

份量太少，炸雞$45只有四塊，一塊$10？！？鰻魚飯$68只有四小塊鰻魚，太不划算？！難怪連晚餐時間都坐不滿。感覺只有心賺錢，沒有心做好吃的食物。沒有心，直接關店算了⋯⋯不會再光臨，也不建議其他人嘗試。The portions are ridiculously small. Four pieces of small fried chicken cost $45?!? Eel rice cost $68 with four tiny pieces of eel. Pathetic...

當日同朋友叫咗兩個拉麵 一個係黑油咩咩拉麵 嗰個就湯底好濃 成個面都舖滿黑色油咁 但係麵條都相對粗啲 成個balance返另外一個拉麵唔記得叫咩名（有圖） 就冇咁龍尾 面條相對幼啲 不過整體來講好香好好食 啲叉燒都幾正 好味 好似仲叫左個雞添好味好huicy我去嗰陣吾多人 唔洗等位 啲職員得閑啲 都幾Nice 上菜速度就一半般咁啦 整體來講都唔錯 印象中啲拉麵都係＄100咁上下最平好似70幾定80都有一碗 係連鎖店又唔算太貴 會再幫襯

喺旺角同老公行完街，老公提議食拉麵🤔所以去左朗豪坊嘅一風堂食。見平時好多人排隊，好好彩今日唔需要等好耐就可以入座。餐廳好體貼提供圍巾，可以防止整污糟件衫，特別係我著左白色衫😖拉麵同小食都好好食！喺朗豪坊行到攰又想食拉麵可以一試喔😊

商場人來人往..............................選擇了日本拉麵..................這款是期間限定..................湯底算濃..........可選擇麵的軟硬度.................這款是地獄湯底..................不算太辣..............蛋不夠滑................肉可以..........間吾中一吃還可......

今日放工fd子突然叫我去朗豪坊一齊食個晚餐。但最近天氣涼爽左，個人就突然想食d暖野。去到朗豪坊第一次見到一風堂竟然唔洗等位。所以即刻入去坐低。我地叫左特製白丸 及 特製黑湯拉麵。大概5-10分鐘左右拉麵已經上枱。2款拉麵湯底全採用豬骨湯。奶白色的湯底加上有澄子摯愛的蔥花配搭，的確令湯味道更加提味。湯也夠厚身及濃郁。未食麵之前，已經飲左小半碗!特製白丸面可以選擇硬度，我選擇了偏硬，但可惜真心霖少少。但幸在有脆身的木耳及芽菜搭救，所以口感影響不大。 (同埋叉燒都4片架!)雖然我覺得白丸及黑湯拉麵湯底味道差不多。但2款拉麵的面底不同，比較喜歡粗面的朋友可以試下黑湯!概括黎講，朗豪坊其中一個不錯的選擇

今日突然想食拉麵，12點幾在朗豪坊嘅一風堂唔算多人，唔使等位，豆釘即刻諗好食特製白丸元味，朋友就揀特製赤丸新味，但好搞笑朋友點餐時個女侍應問佢使唔使走辣，心諗白丸同赤丸分別唔係在於一個辣一個唔辣咩？！！之後侍應解答都話佢地配料一樣，只係赤丸辣... 之後豆釘同朋友雙目交接，忍唔住笑左😂😂好得意嘅侍應姐姐......特製赤丸新味特製白丸元味湯底香濃，麵條韌度剛剛好，叉燒肥瘦均勻豆釘最愛配上那隻溏心蛋，每一啖都好滿足呀！一風堂餃子雖然隻隻都細細隻咁，但賣相唔錯，表面煎得十分香脆，但肉餡略嫌太少，幸好勝在餃子煎得外脆內軟，咬落去有湯汁，總體不過不失。