一鳴拉麵

营业中

休息中

Quality always consistent, tasty and rich both. Been many times for both dine-in and takeaway. Service good but depends on the server. Kudos to the chefs.

三五知己一齊去食✨訂左位就唔洗等太耐了。但提提大家，只會留枱5-10分鐘架咋！為個人衛生，餐廳門口和洗手間外都設有消毒搓手機供客人消毒，十分貼心！！成間舖格局都係乾淨企理，師傅店員有禮貌拉麵我就咁就試返基本款麵底係直身細麵，個人鐘意食偏硬口感，師傳煮得剛剛好啱我合味。半熟溏心蛋出色，無得輸。叉燒有幾片 肥瘦均勻 焦香味可以再重啲 溏心蛋流心效果不錯 值得大家一試！食左咁多年 依然保留到水準 值得讚賞！區內有間咁正嘅拉麵，其實真係唔想話比人知呀！><

好耐都冇得去日本，呢晚勁想食拉麵，所以特登搵下大埔有咩搵麵鋪唔錯，搵搵下搵到一鳴拉麵，食落又真係非常之唔錯！！！成日都想搵番係日本食拉都既味道，呢晚就真係搵到Lu! 我地叫左拉麵、玉子燒、炸雞同埋一d串燒～拉麵方面我地揀左秘製地獄醬豬骨湯底同埋黑蒜油豬骨湯底！麵可以揀軟硬度，蔥可以揀多、少、普通，配料可以揀叉燒或者豬軟骨，我中意食辣唐辛醬就揀左第3隻辣度haha兩款拉麵既湯底都好濃郁！係絕對會想飲哂成碗湯！焰鳴拉麵即係辣個款有埋櫻花蝦係入面，食落口感十足！又夠哂辣味！食落勁過癮！麵底都好好食！ 成個感覺超正！另一款黑蒜油拉麵都好正！湯底足滿蒜油香，叉燒又夠哂大塊，流心蛋亦係拉麵既靈魂之一！我地仲有叫到明太子玉子燒！即叫即製，玉子燒上面鋪上滿滿既木魚碎同明太子！玉子入面就包住左芝士，切開夾上黎都有拉絲既效果！炸雞夠哂香脆同炸到入面都仲有勁多汁！份量都好多！ 串燒方面我地就叫左豬腩肉、雞腎同雞心，樣樣都好好食，燒到岩岩好，唔會太老～下次要想食拉麵一定要encore!

今次黎到大埔既一鳴拉麵，真係意想不到呢間野原來都幾唔錯，唔怪得咁多客，人來人往喇，就算疫情咁嚴重。個人認為拉麵店黎講真係算係中上上級數。唔單止拉麵，其他小食都真係幾唔錯。本人食日本拉麵就一定會食辣，因為魚湯底配辣真係好夾，食落又鮮又惹味，但食唔到地獄辣既我，食呢個麵焰。鳴拉麵，都食到，而且辣味岩岩好，飲得出係煲左好耐既原汁原味湯底（食拉麵就梗係最緊要個湯底喇），配上幼麵掛到d湯，雪雪聲咁食真係好過癮，最後仲飲曬d湯。唔食得辣既朋友，都可以試下佢個黑赤拉麵，都非常入味。串燒方面，本人就最鐘意佢個燒雞心，雞心大粒得黎又夠彈性，最緊要燒得入味，出爐熱辣辣，又要彈牙口感，配埋啤酒黎食，真係一流。炸雞都好熱辣辣好味。

最近煲了不少日劇, 遙不可及的櫻花, 繡球花, 真係餓左日本好耐。 今晚決定緬懷一下, 所以選擇左去一鳴拉麵食返餐。雖然是防疫期間, 都係要等d位既，所以今晚特登早左少少, 7點黎, 剛好有得入, 我之後都在排隊。入到黎感覺真係去左日子小店咁feel. 全木造既氣氛, 幾張枱仔, 跟住就一張吧枱，好正。我簡左吧枱既閣落, 安安靜靜。網上見好多人食拉麵, 但因為唔係太餓，想食情感多過野食😂所以就點左d小食:一鳴創作醬炸雞都幾大件，但咸左d, 真係配啤酒啱d, 但勝在冇肥肉, 好怕炸雞啖啖油同肥糕芝士明太子玉子燒這個玉子燒好唔錯, 睇完二月二十九, 令人好想食蛋餅。佢真係煎得好好, 過左一陣依然好熱, 而入面又好軟, 半熟feel, 師傅手藝唔錯汁燒厚切牛舌這個牛舌真係好鬼馬, 串住四件。食第一件時非常銀, 好難先咬到, 心諗以為伏左, 點知其他既又出奇地稔，好好味。係因為第一件太近火燒嗎？整體上係滿意既, 令我享受到少少日本既浪漫。希望下次黎食埋個拉麵。

已經晚上十點多，先去到餐廳。叫左莞茜拉麵，賣相十分吸引，一睇快知落左唔少功課。興奮嘅我伸手拎樽芝麻，手滑成樽芝麻跌落拉麵到😵一啖都未食過。。。好尷尬又慚愧地要求員工換一碗俾我。佢居然十分好態度地幫我整過一碗🙏🏻明明係我唔岩😢拉麵味道香濃，口味亦多選擇。足料價錢又實惠！值得一吃再吃！小菜選擇多，叫左芝士年糕及鰻魚！十分好味☺️相信下次會再去試其他野食！比起網紅拉麵餐廳，呢間性價比更高！Ps: the stuff is really handsome 😌

做完尖肚仔餓，見到附近有間拉麵店，雖然身無分文但是也進了去醫肚。拉麵店格局非常橘子，而且裝修非常之有日本風味。雖然是疫情期間但可以看到餐廳還是客似雲來的，從此估計食物質素亦都會相當不錯。我點了個香菜嗚拉麵配料要豬軟骨唐辛醬要了中辣加杯凍荔枝熱情果乳酸梳打，而我朋友則點了黑蒜嗚叉燒拉麵，另加了一個鹽燒鯖魚。拉麵終於來了賣相非常正宗，湯底滲出了淡淡的蔬菜味，一看便知道湯底是用香菜溶餚成的，主角麵條亦都很有咬口而且爽口，再配合真材實料濃郁的湯底，很容易地三扒兩撥便把整個麵吃光，豬軟骨亦都相當不錯。由於太好吃了所以不清楚朋友的那碗質素如何，但應該都不錯因為他一路說正haha.偷吃了朋友一啖鹽燒鯖魚,發現燒得很香而且肉質亦保持得不錯,好彩我的特飲酸酸甜甜之餘又帶點熱情果荔枝味非常特別為這個好吃的拉麵畫上完美的句號。

聽講呢間拉麵店有芫荽拉麵，我係芫荽迷，緊係要試試去。去到既時候已經好多人等位。我叫左芫荽拉麵，我朋友就叫左個秘製地獄醬豬骨湯底拉麵。芫荽拉麵超重芫荽味，湯底好濃郁，佢嘅配料好豐富，有溏心蛋、木耳同埋紫菜。佢既豬軟骨煮得好淋，可以食埋d軟骨，唔錯。佢個麵可以簡軟硬度，我簡左軟，但好感依然好彈牙，唔係話煮到淋曬個種軟。因為我唔係好食得辣，所以我就試左一羹朋友既辣醬湯底，果然好惹味好辣，食得辣既朋友應該會好鍾意。我地叫左幾款小食。個一口牛好淋同埋食落去有d入口即溶既感覺，佢切得細粒，食落去好感恰到好處。個雞軟骨外脆內軟，配檸檬汁無得頂，唔會話好多炸粉，都幾多肉。個牛舌佢用左d蒜片燒，所以好香，好感彈牙。

好耐冇黎呢邊食拉麵！都係好多人要等位😅而湯底一如以往咁出色😋😋湯底有幾個選擇，同朋友一人叫左最傳統嘅豬骨湯底同黑蒜油湯底, 分別配豬軟骨同叉燒黑蒜油湯底好濃👍🏻好耐冇食過咁香濃嘅湯底😋😋拉麵可揀直麵曲麵，仲可選軟硬度，我要左硬身嘅直麵，煮得剛剛好，唔會太淋有咬口，配埋半邊溫泉蛋，好正👍🏻👍🏻叉燒肥瘦適中，好香👍🏻豬軟骨正正常常，好入味同好淋另外都試左啖原味嘅豬骨湯底，唔會太咸或太杰身，都唔錯，個人鍾意黑蒜多啲😝除左拉麵，呢到仲有串燒/炸物/玉子燒等等嘅小食類，本身想試埋佢嘅玉子燒，但個拉麵連埋湯食都好飽，下次有機會再試下佢啲小食先🤤🤤唯一係呢到嘅位會逼左少少，坐得冇咁舒服

大埔墟火車站附近幾分鐘就到既 日式拉麵店 之前 試過佢地個一鳴食堂都唔錯 今次就試埋個拉麵先拉麵可以由湯底 麵款 麵質 配料 都可以自由選 價錢唔貴 好貼心 一鳴拉麵 湯底係豬骨 一啲都唔係死咸 質地好濃好厚 好掛麵 溏心蛋好有醬油味 黑蒜鳴拉麵 黑蒜油豬骨湯底 黑蒜油好香濃 豬軟骨 好淋好入味 鰻魚串燒 醬油唔咸帶少少甜香 食落鰻魚味好香 唔會得醬油味禁 肉質好滑好嫩 唔錯士佐豆腐 雖然 細細粒 但千祈唔好一啖放入口 因為 裡面個豆腐好滑好熱既 記得咬一半 放凍食 門面裝潢好日本風 但係 整體拉麵到小食一啲都唔伏 仲幾好味 價錢又唔係貴 性價性高

大埔好出名嘅拉麵店，雖然位置唔起眼，起一條小巷裏面，但係裡面非常熱鬧，有好多好嘢食。拉麵店入面充滿日本氣氛，一枱一椅既裝潢以及Menu都好有日式feel。不過裏面位置略嫌有點迫，坐得唔舒服，不過為左碗拉麵都係值得。可以自己揀麵質，同配料，太麵麵身比較粗，有口感D,直麵就比較幼身少少黑蒜·鳴好濃嘅豬骨湯底配黑蒜油，配埋豬軟骨，豬軟骨同拉麵索曬黑蒜嘅湯底，但又唔會太漏，配埋溏心蛋，好好味，忍唔住飲埋d湯。限定·鳴見到Menu上呢個係限定推介，湯咖喱拉麵，比較少見。呢個拉麵係冇得揀配料，一定係會配叉燒，而且佢並唔係配一般木耳絲，而係配番薯，茄子，薯仔，紅蘿蔔。湯底好濃咖喱味，但又唔會好咸，配料索曬啲咖喱湯底，好正。如果鐘意食拉麵，呢間值得推介。

大埔搵食，因為去唔到日本既關係好想食日本野，就揀左拉麵，因為呢間店舖裝修得好有日式拉麵小店feel，一於入去呢間試下店面唔大，我早去，食完發現出面都幾多人等，不過細有細好，牆面裝飾好有心機，睇到廚房入面呢樣非常地道，整個環境很nice！主食拉麵，有一張紙自己填想配咩麵同咩湯底，好個人化。白黑紅三味算係常見，但香菜呢款真係幾特別，鐘意芫茜既可以試下😂我地就選左白（豬骨湯）同黑（黑蒜），有曲麵同直麵，辣同唔辣揀，因應唔同麵底同配料，一碗麵大約$80到。豬骨湯底好香，夠濃，但係唔太咸，唔會食完好想飲水果種，溏心蛋一流，的確有流心。紫菜同香蔥都好配合拉麵，個麵亦彈牙，飽肚亦好味既一碗拉麵。想食小吃都有好多款揀，諗唔到叫咩都仲有廚師推介，大部分係燒物，炸物，亦都有玉子。我地仲叫左個燒茄子（$22），份量剛剛好，燒得非常香口，亦都貼心切到一口size，想唔太heavy又想食燒物可以一試。總結黎講呢間拉麵CP值幾高，環境服務同食物水準都唔錯，可以黎過下日本小店癮！

今日放工就約左朋友在大埔食野之前都去過附近食野 但係又未試過尼間 就俾佢既鋪面attract左 係門口排左大概五分鐘就快得我不嬲都鍾情於咁既小店 好鍾意佢個種暗暗地 唔會太光 同朋友傾計食野好有feel我就叫左個黑蒜嗚 間鋪頭幾好 可以俾你有唔同choices 有得間咩麵條、麵質 最重要係可以俾我揀多蔥我覺得佢個湯底係碗拉麵既精粹所在佢勁濃郁既黑蒜味一試真係翻唔到轉頭而朋友就叫左個一鳴(豬骨濃湯拉麵)我都試過佢既湯底味道都好重豬骨湯味但是我都係比較鍾意黑蒜多一點除左有主食之外，佢都有唔同既小食我地都叫左個炸雞食係即叫即炸既炸雞外脆內軟佢個醬係自家制的酸酸甜甜幾特別整體上個環境和整體佈置都令我食得好舒服尼d咁高質既小店一定要轉尋味!

店舖外的裝飾十分具日本風味在門外已擺設餐牌供參考，我可以先透過餐牌再決定食與否，十分user friendly店鋪內有酒精消毒液供食客使用，在這疫症爆發時期顯得十分貼心❤️餐廳以拉麵為主食，一般有4款口味🥢而我選擇了限定口味的咖喱風味🥢一份日式餃子咖喱口味拉麵 一點也不辣 可以大口大口的食唐心蛋以及各配料的味道和相貌都十分出色，下次光顧我會再試另一種味道湯底麵的軟硬度，配料份量和餸的添加都由食客選擇餃子配答醬汁味道十足，外面脆脆好香口飲品方面則點了一杯荔枝燒酒特飲，雖有酒精但卻不太明顯，有着濃濃的荔枝味，適合喝不酒精濃度高的人士。整體而言，這餐拉麵十分滿意，不論是食物質素，空間環境以及店員服務，一些基本的定時添加茶主動都是令人會再次光顧的水準

同朋友行過大埔，突然好想食拉麵，見到門面好似唔錯，好有日式風格！就走咗去試吓！店裏面嘅環境都幾好，細細間咁，所以好快會滿，要幫襯就要早啲去，如果唔係就要排隊啦！拉麵可以比客人customise 自己鍾意嘅味道，啲面可以揀軟或者硬，直面定係曲面，配豬軟骨定係叉燒，要多蔥定係少。真係好細心！啱晒有要求嘅客人！我就叫咗個地獄醬拉麵，即係辣嘅拉麵湯底，紅卜卜咁，睇落去好似好辣，但其實我覺得唔係好辣，可能我食得辣。鍾意刺激嘅可以去試吓 我嗰碗配左豬軟骨，好食！very nice!呢間鋪頭仲有得食莞茜味湯底嘅拉麵，鍾意食莞茜嘅一定唔可以錯過！成個湯底都係深綠色，好過癮！大家去試下啦！鋪頭仲有得叫串燒，正！我地叫左牛柳粒，好食！仲叫左牛舌串燒叫咗雞軟骨，配埋沙律醬食，yummy!推薦大家去試吓！