一鳴拉麵

营业中

休息中

呢日同屋企人再去到大埔嘅人氣拉麵店， 對上一次嚟差不多一年前， 店舖六點鐘開門，我哋就六點入去所以唔使等位， 呢排嘅天氣比較凍， 見到店舖喺門口有提供熱茶畀等候嘅客人享用， 呢方面幾細心。豬骨濃湯拉麵豬骨湯夠曬香濃， 入口幾滑身， 湯嘅香濃程度可以做到掛麵嘅效果， 流心蛋嘅溫度控製做得幾好， 日本叉燒做得夠入味夠冧。黑蒜豬骨濃湯拉麵香濃嘅豬骨湯加咗黑蒜， 黑蒜獨特嘅香味 ，味道嘅層次感昇華。限定鳴( 廣島蠔豬骨)呢款限定嘅拉麵餐廳有應該定期會轉， 因為我都幾鍾意食蠔所以見到有廣島蠔就嗌， 呢個面嘅成本都幾高有三隻又大又肥嘅蠔， 蠔有鮮味， 個拉麵嗌咗配豬軟骨， 豬軟骨都做到入味冧身。鰻魚玉子燒將鰻魚燒喺玉子燒入面，再淋上鰻魚汁， 師傅嘅手勢都幾好，蛋嘅厚薄程度幾一致， 蛋唔會煎得太老。

之前食過一鳴丼食堂，好好食，一直都想食埋佢隔離間一鳴拉麵，今日黎大埔墟，就食佢吧！其實呢條巷仔真係唔顯眼，係要特登搵先會入黎。但都算多人食，係好食先會吸引到人黎吧！拉麵有5款，我地叫左黑蒜豬骨湯，太麵，揀左豬軟骨。再叫左個芝士明太子玉子燒，同埋煎雞軟骨餃子。拉麵先來，黑蒜油好香，但一開頭冇咩煙，以為唔熱，一夾起d 麵，推開左d 油，d 湯既熱氣先湧出黎，有d 興奮！枱面仲有炸蒜同拉麵胡椒，加埋落碗麵到食好香！糖心蛋、豬軟骨都係出色既，仲有兩塊紙菜，都算多料。之後黎既芝士明太子玉子燒同煎雞軟骨餃子賣相都唔錯，餃子好熱，要放一陣先食到。 入面既餡都算多，脹卜卜。玉子燒都非常出色，蛋既熟度剛剛好，d芝士分佈得幾好，每一舊切開都有，加埋明太子既醬，味道好豐富，是必食的！Btw, 呢間餐廳d 日文歌幾好聽。

已經唔係第一次嚟食啦，今次又黎到大埔覓食，由於已經10:30，附近都唔知有咩食，之前食過一鳴拉麵，所以對佢印象好好，諗住查查佢仲有冇開，點知真係仲有開！！所以呢個時間都嚟咗食拉麵叫咗個芫荽味嘅拉麵，成日覺得見到綠色嘅就覺得比較健康，我覺得呢個湯底好特別好好味而且湯底好濃郁所以好夠味！我就揀咗曲面，同埋辛辣醬揀咗三個，而且餸揀咗係豬軟骨，豬軟骨好林，湯底我就覺得唔係好夠辣，可能因為我比較食得辣仲叫咗唐揚炸雞，炸雞冇乜特別但係好細好易入口，同埋佢嘅醬搭配得好好食！水都係一如既往嘅冰檸檬水溫泉蛋真係好正雖然已經好夜，但係都仲有好多人仲食緊

呢幾日天氣突然轉冷，真係好想食番碗熱騰騰嘅拉麵🍜暖暖胃，今晚就同朋友朝著呢個目標覓食。諗返起上次食咗一鳴丼食堂幾唔錯，仲打算有機會要試埋旁邊呢間一鳴拉麵，所以一於就冒著寒風行過黎呢條小巷食拉麵！我點咗個 限定。鳴（廣島蠔豬骨湯）原本以為只係有蠔味嘅湯底，黎到先知真係有三隻蠔！先試一口湯，香濃豬骨湯帶點蠔嘅鮮味，不錯喔！以湯拌麵吃了幾口，已經覺得好溫暖。蠔非常肥美飽滿，食落口感好creamy，唔會腥。朋友點嘅係 焰。鳴(秘製地獄醬豬骨湯底），我都試咗少少，個湯有少少肉碎，好濃郁惹味，喜歡食辣嘅人必試！豬軟骨好入味好香另外再加咗件咖哩薯餅，脆脆外皮包裹著熱騰騰嘅薯泥，日式咖哩甜甜地，好食呢！

夜晚收工入大埔揾朋友食飯，行行下就見到呢間一鳴拉麵店，隔離仲有間一鳴丼食堂，兩間都好吸引，但因為好耐冇食拉麵既緣故，就揀左拉麵店 無論喺出面定入面睇都好有日本既小店feel，可能因為平日晚市既關係，唔洗等位就入得呢間拉麵有五款湯底揀，店員特登提左我地地獄湯底都幾辣，所以我最後就揀左豬骨湯底，而朋友就揀左黑蒜油我兩款湯底都試左，我就鍾意豬骨湯底多啲，都幾濃厚，一啲都唔淡，仲有半隻溏心蛋，我配左豬軟骨，好夠滷汁既味道，好味朋友既黑蒜油就配左叉燒，味道比豬軟骨淡啲，如果唔鍾意太濃味既朋友可以試下呢款除左拉麵之外，仲有好多小食同飲品選擇我地就叫左炸雞同茄子，佢既炸雞絕對值得一試，佢配既忌廉醬係自製既，有啲酸酸地，好夾個雞同埋食得出新鮮炸，好脆好香口個茄子就有別於平時食既燒茄子，用大阪燒既方法取代左平時既蒜蓉，別有一番風味同埋呢野都唔貴，叫左兩碗拉麵兩個小食都係二百頭左右，好抵食

其實在大埔，不難搵到美食，只要說出想食什麼菜；都會有一，兩間食店滿足到希望。今晚原定要OT工作，預約8點與同事一起來食拉麵，想試一下日本正宗拉麵。 因為前一晚已經完成了工作的大部份，又唔想太夜回家，就這樣提早食晚餐店面富有日式風格的之外，店內都很有風味，好似身在日本拉麵店內……Bar Table連廚房很有親和力，貼近美食 ，食得開心又開胃。店內有bar 枱或2人，4人座，任君選擇。店內有bar 枱或2人，4人座，任君選擇。拉麵 ：先選擇湯底＝＞麵條＝＞麵質＝＞蔥花＝＞配料＝＞辛辣。香菜。鳴：菜湯底有濃郁的菜汁味，豬軟骨，真的煮得很入味，軟身，認真的煮調，好好味。 喜歡的🌶️🌶️🌶️朋友，不仿點出最多的🌶️🌶️🌶️吧，令口感增添層次感一鳴 ：湯底很濃郁，麵質很有口感，豬軟骨足料又軟滑，入口軟化。 不過點了一點🌶️， 其實真的不🌶️。一鳴創作醬炸雞 ：即點即炸的雞肉塊，很好味很脆口，口感香脆又豐富。簡單又惹味，好味道的晚餐，食得健康又有滿足感。下次都會再來食碗日本正宗拉麵😋

一鳴拉麵坐落喺大埔一段日子了，米米終於有機會一試～店內嘅拉麵相對一啲出名嘅拉麵店較便宜，約$75-78左右，而份量都算多，米米食完勁飽飽😛.款式唔算多，只有5款味道，不過麵條款式、硬度、蔥量、配料同辣度都可以自行選擇🥰對鐘意食拉麵嘅人嚟講可以自行決定以上嘅嘢係好重要！尤其係硬度😛🍜黑蒜油拉麵 $78黑蒜油配豬骨湯，係濃中之濃！鐘意重口味嘅好似米米咁，一定超愛呢個拉麵！成個湯因為黑蒜油而變咗黑色，感覺都幾得意，第一次見黑色嘅湯底但又濃又甜🥰😋味道：8.6/10.🍜芫荽拉麵 $78雖然落咗爆多芫荽落到成碗湯都綠色，但絕對唔會有果種好嗆鼻嘅味，食落非常清甜，再加強咗豬骨湯底嘅甜度！鐘意清清地嘅可以一試呢個款🥰😋味道：8.2/10.總括然而，呢間只係賣$7x嘅拉麵，絕對完勝好多賣$1xx嘅拉麵，係暫時係香港食過最好味嘅拉麵！

大蒲美食多，聽聞朋友說有間拉麵不錯，上次食過隔離的餐廳一鳴丼食堂也不錯，放工一個人來食。比較早放工，餐廳6:30剛好開門。環境跟一鳴丼食堂都是和風設計，木凳和枱。空間不算大，似日本拉麵店。點了黑蒜鳴，黑醋汁南瓜秋葵沙律，煎雞軟骨餃子，芒果菠蘿乳酸梳打，一個人食三樣野，因為工作忙碌要善待自己。芒果菠蘿乳酸梳打先到，帶芒果香味，乳酸度剛好，好喝。這裡飲品選擇多,連牛蒡茶也有。接著煎雞軟骨餃子上枱，剛煎，趁熱食最滋味，蘇脆不亁。期待的拉麵來啦。黑蒜好香，忍不住喝了一口湯，味道不錯。選了曲拉麵，中硬度，口感佳，那叉燒肉嫩，肥瘦適中。輪到食黑醋汁南瓜秋葵沙律，挺清新可口，首次食有南瓜🎃的沙律，秋葵屬健康食物，當然要多食。總的來說，黑蒜拉麵好吃，其他食物均上。

之前嚟過佢隔離間食丼嘅姊妹鋪，係唔錯嘅食飯體驗，今次就嚟返呢間食拉麵🤤入到嚟真係好有日本隱世拉麵鋪嘅感覺，牆上面貼咗啲有時代感嘅海報，我地坐吧檯嘅，見到疊起咗一棟棟嘅碗，個陣係日本食拉麵嘅回憶出哂嚟。睇餐牌除咗睇佢有咩食都睇吓會背面，其實設計幾有心思。呢度湯底除咗一般會有嘅豬骨湯仲有特別啲有個莞茜湯底，鍾意莞茜嘅我諗都冇諗就揀咗。朋友就揀咗黑蒜油個款，最尾上到嚟一綠一黑都幾有趣。仲有呢度除咗有得揀麵嘅硬度，仲有得揀直麵曲麵，曲麵就平時食拉麵比較常見個款，直麵就類似一蘭個隻。我碗莞茜湯底莞茜味真係好濃，好建議再落少少唐辛醬，會令成個湯再升華。佢雖然係濃味但又唔會好鹹，而且又唔係好膩，啱啱好👍🏻佢啲麵都煮得軟硬適中，而且份量麵好夠。我地仲嗌咗個燒鰻魚，鰻魚燒到外面少脆入面就好軟熟👍🏻呢間拉麵鋪真係不乎我嘅期望，絕對係可以再嚟嘅小店😌

同朋友去大埔食拉麵，我地專登入黎就係為左食芫茜拉麵。呢間店位於一條巷仔入面，門口望入去，好有日本既拉麵店既感覺。夜晚黎呢到都幾多客人，幾乎滿坐！呢度有五款拉麵，最貴既係廣島蠔豬骨湯，但都唔過一百蚊，好抵食。揀完要咩湯底之後，就可以揀麵條、麵質、細蔥量、配料同埋辛辣醬，可以調配屬於自己口味既拉麵！另外仲有一啲特飲！我地咁遠黎到，當然要揀返得呢度先有既香菜拉麵啦，呢個拉麵係將清新芫荽醬加入豬骨湯底，食落去可以品嘗到好香既芫荽味！朋友係芫荽控，佢對呢個拉麵贊不絕口啊！我就點左最basic既拉麵，就係一鳴豬骨濃湯拉麵，濃濃既豬骨湯配上普通硬道既曲麵，好味道。湯底好濃郁，好味到差唔多成碗湯都飲哂啊！我地仲叫左杯芒果菠蘿乳酸特飲，酸酸甜甜，同拉麵好夾啊！

今晚黎開大埔 想食返餐日本野 所以搵搵就黎左呢間日本菜小店 見到門口幾多人排隊 所以一定唔會伏既影個menu比大家望下先 選擇好多 小食主打睇黎係串燒類先介紹下小食先 先黎就係秋葵串燒18$ 呢個我個人認為都可以都唔太貴 不過就唔太食到有燒過跟住就係串燒蕃薯（$26） 係出奇地好食 差唔到細細粒既蕃薯都幾好食 面頭連埋蜜糖一齊燒 又唔會燶 d皮燒到外脆內軟 每次食日本野都會忍唔住叫玉子燒 因為呢樣野永遠都唔會令我失望 結果今次都係 呢個芝士明太子玉子燒（78$）d明太子都幾重手 唔會孤寒 咬落去好重芝士味 做得好出色 同明太子好夾個maindash 果然無令到我失望到 呢個秘製醬油豬軟骨飯（68$）認真抵食 大大舊豬軟骨差唔多有成5-6舊 而且醃得好濃醬油味 送飯食一流 食完一碗就已經飽曬啦最後2個人都係食左209$ 仲要食得幾飽 當然如果2個人都好大食既就未必得啦 200$ 食日本野黎講真係幾抵食 下次經過有機會會再黎試試佢個拉麵 總括黎講算係一次幾好既用餐經歷

呢間鋪頭對於唔係住大埔既人黎講可能會覺得有d偏僻，但其實一d都唔難搵。呢間拉麵店係大埔都算數一數二好食，芫荽拉麵更加係我既至愛芫荽拉麵（$58）麵質同配料全部都有得自己揀軟/硬、多/少，仲要午餐黎食抵食過夜晚勁多，只係$58，學生仲有得減5蚊添。不過唔知點解，今日食d叉燒覺得好硬粟米芝士玉子燒（$68）我覺得偏貴，同埋入面粟米粒得好少。不過個蛋幾甜，上面鋪左木魚，切開個玉子燒仲有芝士拉絲，都幾好味

芫茜愛好者佳音，必食芫茜湯拉麵，芫茜味足，拉麵麵質不錯，可選軟硬度，湯温度適中，配料份量與麵比例可以，胃口不錯者可能需要增量。 選店內環境如同置身日本小店。 稍有不足拉麵未能配備是冰水而只有常温水。另外黑蒜湯底的拉麵，湯底不錯，叉燒有三片，已吃過2次曲麵，要求軟和普通硬度，結果都是偏硬，可以再改善。呢度整體不論環境定食物都一流，難怪佢晚市一開門就即刻有幾枱客人同我地一齊入嚟食晚餐。

身為大埔的街坊，食拉麵一定要來一鳴呀。地獄湯拉麵堅係地獄，坊間實在太多類似的拉麵，通常不太辣，喜歡吃辣的朋友常常覺得不過癮，一鳴的地獄湯是真地獄，非常香辣，椒味香濃突出，想食更辣的朋友可以將辣椒粉攪拌一起吃。蛋是溏心效果，蛋黃濃稠，帶點醬油味，好好味。秘製醬汁豬軟骨飯好大碗，應該夠兩個人食，豬軟骨的肉好軟好易咬，軟骨位煙韌得來帶一點點爽口感，煮得非常好，秘製醬汁的味道有點像豬腳姜，是酸甜的味道，但不會太濃味，好開胃，可以食好蛋飯。玉子燒即叫即做，很有日本台屋風味，味道是甜玉子，質地很軟很滑，很厚身可以大大口吃，非常滿足。炸雞都是即叫即做，外面的粉皮又義又脆，雞肉有肉汁又很滑，加上檸檬和芥末沙律醬感覺不膩。

拉麵在香港始終有一定市場, 但在大埔區內拉麵專門店卻是當中的少數，數來數去，這裡算是最對辦的選擇, 這晚就趁人在大埔, 順道來試試。店子位於橫街內，位置不算起眼，踏入拉麵店，店子地方不算太大, 裝潢如一般日式拉麵店，店子一邊是開放式廚房，廚房外圍有一列吧枱，店內也有散座。除了餐牌外，還要留意店內的告示牌，看看那些是推介項目、時令推介和新菜色。先來一杯冰凍啤酒就最好不過, 點了朝日啤酒, 入口冰凍順喉, 感覺唔錯。再來串燒佐酒, 一客汁燒雞翼, 燒得雞皮脆身還帶點焦香, 雞肉口感很嫩滑，用了汁醬去調味, 吃起來就更加惹味。蔬菜類有冬菇串燒, 燒得剛剛好, 夠香味之餘，也保留冬菇的質感。選了黑蒜‧鳴拉麵試試, 當侍者將麵捧上來, 先喝一口湯底，湯頭濃度適中而非常滋味，還有黑蒜油的蒜香味;而幼身麵是彈牙的, 麵質口感是爽口, 咬勁十足，有足夠掛湯能力, 是滿意的。叉燒方面，肥肉和瘦肉配合恰到好處，厚薄適中，有種入口即融的感覺; 溏心蛋做得唔錯，入口軟滑而蛋味香濃。這店的拉麵算是製作認真的, 水準不俗, 也值得一試。