丁丁烤魚

营业中

休息中

朋友從日本玩完回來香港，首衝竟然是她家附近的串燒、烤魚、火鍋店，原來是朋友的吃香喝辣的火鍋胃在抗議，想吃烤魚和火鍋，朋友立刻訂位丁丁烤魚，誓要一飽口福。丁丁烤魚會先將香辣味沙巴龍躉鍋在廚房料理好，再放到火爐上，整個沙巴龍躉鍋熱氣騰騰的，看起來真的誘人，沙巴龍躉蠻大尾，也有一定厚度，非常好夾，加上幾乎沒有小刺，起來方便不少，細緻的魚肉搭配上香辣的湯頭實在對味。除了沙巴龍躉外，裡頭配料還有金菇、豆卜、豆芽等，全都是下飯的好東西，隨便一撈，然後再來幾勺湯汁，香辣味沙巴龍躉無敵惹味，當中我最喜歡豆卜，豆卜吸飽滿滿的香辣汁後，一口吃進嘴裡太讚了。吃火鍋一定會搭配蔬菜，讓營養均衡一下，於是我們點了野生竹笙、單點粟米及單點娃娃菜，野生竹笙吸收香辣味沙巴龍躉鍋箇中精華，每口都是香辣味沙巴龍躉的鮮辣味，單點娃娃菜新鮮帶脆，與湯鍋速配，尤其是單點粟米超級鮮甜好吃。鬼馬雙拼是丁丁烤魚拿手小食之一，鬼馬雙拼包括鬼馬蝦膠和鬼馬墨魚膠，油炸鬼裹上厚實的蝦膠與墨魚膠酥炸，咬下去有著油炸鬼的酥脆，以及墨魚跟蝦的鮮美彈性，鬼馬雙拼毫不油膩，表現極為出色。鹹檸七喜真的好到沒話說，那顆鹹檸酸鹹恰到好處，喝下肚是透心涼的快感

相約舊同去大埔吃晚餐。這家烤魚店的內部裝修新，環境清潔，店員服務殷勤。 烤江團魚鍋(細)262元，可選蕃茄薯仔味、酸菜味、香辣味或麻辣味，我們選了酸菜味，江團魚的魚皮香口，魚肉不會鬆散，口感嫩滑，酸菜味濃，配料是主要包括洋葱、香茜、金菇菜、芽菜和豆腐卜，湯底惹味但不會太咸。燒8吋大虎蝦88元，大大隻，蝦肉彈牙，鮮味十足。燒豬頸肉(2串)32元，外層香脆，內層肥美多汁。烤茄子38元，味道鮮甜且帶蒜頭味。燒菠蘿(1串)18元，又甜又多汁。百香果檸檬茶30元，百香果味道甜，檸檬茶味道正常。醬料費每位8元。

今天同朋友談起電話，說好耐冇去大埔吃，即興不如今晚去，大家都喜歡吃烤魚，找間烤魚店，網見這環境同食物不錯，就選了這間，入到去，環境濶倘寧靜，坐下，看了一會餐牌叫了酸菜  爽脆口，適度酸味，開胃小吃烤沙巴龍躉  大條，厚魚身，一夾魚皮好煙彈，入口濃鮮香魚鮮味，魚肉特别厚身同嫩滑，酸菜辣底，微微辣又帶酸酸地，層次口感百香果檸檬茶  清新甜香百香果味同清香檸檬鮮味，味道搭配，甜味適中水蜜桃檸檬茶  清甜水蜜桃香味同清鮮檸檬香味，味道平均，甜味剛好燒生蠔  (2隻)  叫了少少辣，蠔身有厚度，燒過蠔本有海水鮮蠔鮮味更加鮮香，好脆口彈滑豬頸肉串燒拼盤  (羊肉串/雞肉/豬頸肉各2串)叫了少少辣，多了一份微辣香味，每款好煙霖彈滑，羊肉同雞肉厚肉身，濃雞肉鮮香味，豬頸肉薄片身，仍有濃鮮豬肉香味，羊濃鮮羊肉香味，肉上灑滿香料粉，僻了濃羶味，怕羶朋友，可以一吃頂級本地騸牯牛  少見，牛肉片放上冰焰，極濃厚牛鮮香味

今日同老婆友人去大埔食飯。經過丁丁烤魚，見入面幾多人下，應該幾ok，加上又想打邊，所以我地決定揀佢。爆膏大頭蝦雞煲：有一隻同半隻份量，友人話好耐無食雞煲，所以決定叫一隻，揀左小辣。雞都幾滑，加埋有蒜同埋小辣，幾好食，最爆既係雞量十足，無底深淵咁，食極都有。大蝦個頭多膏，又爽口，新鮮貨。串燒併盤：羊雞豬各兩串，新鮮整起夠熱，又怕你放得耐，會有野熱住。羊唔so，雞豬都燒得唔錯，無過火，唔會食柴咁。真係幾好食，下次可以要試埋佢其他燒烤。黃金墨魚餅：炸得好香口，墨魚餅彈牙，蘸埋泰式辣醬正呀飲品：見佢d特飲係手打檸檬茶，仲要三十蚊大大杯有唔同口味，又可以加$4加愛玉或者益力多。我就叫左打苦瓜香水🍋茶，手打檸檬茶，勁重檸味，同出面買無乜分別，有埋d苦瓜粒，苦瓜味唔算好勁。打邊清熱最好。老婆叫左菠蘿香水🍋茶加愛玉，佢話都重菠蘿味，另外加左愛玉，都幾多下，抵飲。朋友們只係叫左普通手打，一杯加左益力多，都大贊。打邊叫左：頂級本地騸牯牛：印象係其他地方食過，唔係好多地方有得賣，都幾重牛味，唔會太肥，油脂都分得幾好，唔會勁多肥膏。新鮮，快碌就食得。台山桶蠔：六隻，大大大隻，又夠肥，咬落有汁。唔錯。四色蟹籽丸

📌丁丁烤魚（大埔）餐廳以前叫汀汀烤活魚 係旺角東果邊有分店架～跟住後來老闆改左名叫丁丁烤魚🤣🤣今日經過見佢有雞煲同烤魚都有優惠做緊8.8折本身諗緊食烤魚定雞煲好 朋友話想食雞煲 ～✨奇味雞煲（一隻）叫左麻辣味 小辣 份量足 雞肉肥美 好惹味～食完雞煲就打邊爐 見佢啲肥牛幾吸引～✨騸牯肥牛係手切嘅高質肥牛 油脂均勻 入口牛味香濃✨串燒類豬頸肉金菇肥牛卷 燒韮菜同朋友都覺得串燒好好食！調味岩岩好 私心中意豬頸肉多啲✨泰式燒原隻魷魚✨菠蘿香水檸檬茶見呢到仲有唔同款嘅檸檬茶飲 我減緊肥就無試痴朋友果杯飲覺得好好飲好fresh!!絕對值得一試

而家食仲有8.8折，好抵食！🐟🐟烤江團魚鍋（酸菜味）好大盤烤魚，表面鋪了大量酸菜。旁邊會放一大樽湯汁自己稍後加。湯底清清地又唔會太濃味，讚！江團魚經過烤炸後勁香，有少許焦邊，魚 都可以食埋。食落條魚一條直骨好易食，而且肉質超嫩滑，配酸菜口感豐富。🐷🐽三寶配料--鮮豬潤、豬腰、鮮粉腸喜歡食內蓺 既朋友必點，一次食勻三款。豬腰唔駛太熟，質感好滑似食豆腐。粉腸都好多條，有咬口爽爽的。鮮鵝腸賣相精繳，將每塊鵝腸都掛起好似掛衫咁，哈哈。碌碌碌就可以食架啦避免過老。口感爽爽有點脆口。騸牯肥牛（細）依個係打卡之選，出菜時用乾冰盛著出場，仙氣十足。依款牛同平時食既好唔同，色澤鮮紅望落勁新鮮。碌6-8秒便可食，肉質勁嫩滑。二人點細份好多塊份量都夠食！🥤手打特飲：苦瓜香水檸檬茶爆檸香水檸檬茶食烤魚依d咁熱既食物，最夾既一定係凍飲。餐廳有好多特飲選擇，仲有手打香水檸檬茶。聽住廚房係咁暴打檸檬好治癒；仲好好飲tim。檸檬茶陣香水味好香，茶甜甜酸酸咁好好味。如果想多d口感可加埋苦瓜果肉。

今日兩對夫婦入大埔搵食皆因寶寶都係姓丁見到呢間丁丁烤魚份外有親切感首先叫左爆膏大頭蝦雞煲（一隻）$288揀左蒜香小辣～雞件嫰滑～份量十足隻隻蝦頭都係爆膏超入味～蝦肉爽口彈牙飲品：大家都叫左手打檸檬茶$30大大杯有唔同口味，仲可以加$4加愛玉或者益力多，好過飲汽水老公叫左前後兩杯手打苦瓜香水🍋茶有苦瓜粒粒，清下熱氣，🍋好香我叫左菠蘿香水🍋茶加愛玉菠蘿同香水🍋好夾～本身我係唔飲檸檬茶呢杯覺得幾出色～好飲過街買果d，愛玉份量超大方朋友前後叫左兩杯原味，一杯加益力多，大讚清新，解渴得嚟又健康。串燒：豬頸肉串燒拼盤$88羊肉兩串～唔太蘇幾juicy 雞肉兩串～燒完仲係好嫰滑豬頸肉兩串～加埋七味粉好惹味黃金墨魚餅$68炸得好香口，墨魚餅彈牙，蘸埋泰式辣醬正呀雞煲食到差不多可以加湯打邊爐啦～見到頂級本地騸牯牛試食價$238再88折好少食到～幾有牛味唔會好似肥牛咁肥膏多過肉，感覺上健康d，同埋好新鮮，唔係冰鮮牛，大推～台山桶蠔$108/6隻好大隻新鮮肥美，咬落去爆汁，正。四色蟹籽丸$108/8粒黑色兩粒應該係墨魚汁~食落幾香墨魚味，彈牙，好食白色兩粒墨魚滑咁~食落比較淋，一樣好香墨魚味蝦肉兩粒~蝦味濃

同老闆和老闆娘聊聊天💬發現丁丁烤魚之前有好多間之前個名係汀汀烤魚💜香辣味烤江團魚鍋✨✨肉質感良好烤魚都夠香細條都夠兩個人吃再加上其他配料💜新鮮騸牯肥牛✨✨好有口感更有豐富肉的質感紋理細緻分明每天限量供應🤩串燒✨✨💜燒茄子🍆💜燒雞軟骨其他配料方面💜萵荀💜響鈴💜紅薯粉以上配料都必點要加入烤魚當中吸收湯底精華好入味架🤩💜手打香水檸檬茶檸檬🍋香水味百香果味大大杯好抵飲推薦💜香辣味烤江團魚鍋💜新鮮騸牯肥牛💜串燒💜手打香水檸檬茶🍋

特地為了丁丁烤魚去大埔舊墟晚餐。以往路過此店，必定聞到麻辣香料味道，令人垂涎三尺，今天終於約了朋友來試試。這裏樓底高，座位寬敞，有自助調味區，可以自助取調味料，每位醬料費$8。點了大的烤江團魚鍋，88折後$298，一上桌就聞到各種辣椒的香麻味，芫茜、大蔥、蓮藕、洋蔥、酸菜等令湯底更加香氣四溢，即使煮久了，湯味也不會太咸，很好吃啊！烤過的江團魚，魚皮有焦香，吸收湯的味道後，與煙韌結實的魚肉一起吃，口感過癮，椒、麻、鹹、酸、爽，都在這裏了。吃完烤魚還不滿足，可以加湯吃火鍋。這裏的肉類配料，都是由本地屠宰場每日屠宰和運送的，不經雪藏，保證新鮮。現時很多人北上吃這種溫體牛，在丁丁烤魚也可以吃到了！來一份頂級本地騸牯牛（細），88折後$262，吃過才知道真的很不同！肉質特別的柔軟嫩滑，雖然薄切，咬下卻肉汁豐富又彈牙，果然是招牌火鍋配料，很推介！雙拼鮮豬潤、鮮豬腰$68，新鮮得不得了，未試過吃內臟的口感可以這樣爽，香甜不會腥。吃過烤魚和火鍋，血脈沸騰，來一杯手工檸檬茶降降溫。這麼大杯檸檬茶，喝了整整一頓飯時間，$28，比其他飲料店的飲品還要便宜。我點了蜜桃味手工檸檬茶，有蜜桃果肉，爽口又香甜，估不

#openricehk #烤魚 #雞煲 #大埔 #大埔美食 一個人都可以獨獨享受架😎湯白雞煲小辣香辣，愈食愈上癮重口適中辣度又唔會太麻口難入口喎沙白隻隻肥肉夠鮮而且份量因人數調整所以無浪費同埋每日限量供應既新鮮騸牯牛牛味重夠曬香除左主打烤魚同雞煲之外仲可以黎串燒配多款啤酒選擇🍻成班一齊chill，生蠔夠肥美大隻燒烤得剛好手打檸檬系列呢到都可以飲到揀左菠蘿味加益力多味道酸甜豐富又有菠蘿肉最緊要大大杯好抵飲！

上星期和朋友在大埔聚會，特意找了這一間在區內環境舒適，而且食物有質素的烤魚雞煲店店舖主打烤魚和雞煲，另外也有其他高質素的火鍋配料，此外還有串燒，適合朋友聚會爆膏大頭蝦雞煲，十級推薦的雞煲，坊間很少找到大頭蝦配搭雞煲，大頭蝦的蝦膏混入雞煲的像了，令到香辣中帶有鮮甜，非常配合，而且大頭蝦尺寸之大，肉質彈牙，性價比高香水檸檬茶，雞煲配搭手搖非常滿足，香水檸檬茶同樣不錯，檸檬香氣十足，和坊間手搖店不比上下和朋友點了一些小吃，燒台灣腸和海帶非常惹味，值得推薦手切騸牯牛，聽從店員推薦點了今天剛剛到貨的手切騸牯牛，非常高質素的牛肉，入口有甜味，油脂分布均勻，入口肉質軟熟重牛味最後點了小菠蘿作為甜品，菠蘿香甜外皮燒至香口，滿足

行完山就想食個雞煲，朋友帶我來到這間烤魚雞煲專門店，有88折優惠而且雞煲都不貴。地方寬敞舒適，裝修又乾淨有格調，適合朋友和家庭聚會。【肥腸雞煲】選了半隻雞，微辣開胃又滋味，醬汁不會太咸，又香噴噴充滿雞煲的甜味。雞件新鮮熱辣辣，好嫩滑；肥腸滑溜溜很惹味。【頂級本地騸牯牛】絕對令人滿意，香濃的牛肉，肉質鮮嫩多汁，淥8秒剛剛好，本來本地騸牯牛是幾稀有，街外亦賣得很貴，這店的價錢公道，難得的優惠價錢。【豬雜三寶】全是本地豬場新鮮運到的，食材絕對有信心保證。有齊粉腸、豬膶和豬腰！【響鈴】打邊爐必備，如果是鮮炸的就更佳了。【燒茄子】好爽口又留著肉汁，調味亦出色，而且價錢好抵呀。【百香果檸檬茶】是近來十分受歡迎的香水檸檬茶，夠解渴，而百香果又甜蜜，抵飲。【香水檸檬茶】大大杯，原味更加嚐到特別的香水檸檬味道！

成日經過見到覺得好似好吸引咁就趁今日係假期最後一日帶屋企人去試吓點知勁失望。。。我哋叫咗一個大烤江團魚鍋 啲魚肉好少似得半條魚咁我地五個人每人食咗幾啖就冇晒另外叫咗一個沙白雞煲 聞落好香好入味不過啲雞肉肉質有少少老 又唔入味我哋仲叫其他火鍋料娃娃菜 竹笙 響鈴 蘿蔔 正常發揮午餐肉有少少霉 韭菜餃啲皮太厚口感怪怪地最大件事係極品安格斯牛小排 嚟到以為叫咗肥牛真係肥到唔想食。。。好彩叫咗小咋湯底又淡到似水 淥完啲嘢食一定要點調味唯一可以讚嘅係杯水蜜桃檸檬茶幾好飲又大杯第一次寫食評 真係唔會再有第下次了😰

丁丁烤魚經過見到餐廳有8.8折即刻入咗去食。坐低睇吓menu 有我最愛吃既田雞。決定了叫個田雞雞煲吃。田雞雞煲到了，店員幫我哋撈埋一齊嚟食就會更好味。田雞腿肉大食落大大啖肉，鮮嫩肉彈口。配上惹味既配料好好味。雞肉一樣咁嫩滑惹味。手切本地吊龍吊龍即係牛既背脊內側部位。店長極度推介呢款騸牯牛，肉身豐滿濕潤。食落口感細緻嫩滑，果然無介紹錯。叫咗啲串燒食，餐廳主打即叫即燒。夠哂新鮮熱辣。串燒拼盤有羊肉串/雞肉/豬頸肉各2 串再加咗三文魚鰭，串燒好惹味，放係個爐上面保持熱度，慢慢嘆都唔怕涷哂。泰式燒原隻魷魚烤到金黃色，再配上醬汁開胃又滋味。