丁丁烤魚

营业中

休息中

一向都鍾意食烤魚嘅我，今次嚟到呢間有烤魚有雞煲嘅放題😊超期待我哋揀咗丁丁極品任食套餐，價錢都非常之抵，頭盤嘅小食，係可以俾你無限添加，然後亦都會有刺身船提供，不過呢個刺身係一次性的，食完就冇得再添加㗎喇，然後就係揀雞煲或者烤魚，如果你想兩樣都食嘅話，你可以揀完雞煲之後額外加$58食埋烤魚，最後仲有海鮮拼盤提供，呢一個拼盤都係一次性冇得添加嘅，基本上除咗所有任食嘅配菜之外，套餐裏面提供嘅食物都已經足夠俾你飽肚😊頭盤嘅小食，竟然有煉奶小饅頭，呢樣非常驚喜，另外兩樣就係辣魚皮同埋枝豆，味道都不錯烤魚我哋選擇咗麻辣嘅小辣，魚肉質地非常幼嫩，但係小辣略嫌唔夠辣，唔食得辣嘅朋友都可以叫小辣嘗試，至於食得辣嘅朋友，真係可以揀中立以上，魚肉非常入味，另外亦都有少許豆卜，萵筍，芽菜嘅配料雞煲，我哋係選擇咗中辣，因為嘗試過烤魚嘅小辣唔辣之後，原來雞煲嘅中辣都係易入口😂不過雞肉非常入味，份量少少唔太多，可以識到更加多其他配菜食完雞煲之後，店員會問你揀咩湯底再打邊爐，我哋就揀咗姬松茸雜菌湯，湯底好多唔同種類嘅菇，清甜亦都好香濃菇味，係可以飲嘅一個湯底，我哋飲咗一碗之後就開始打邊爐整體呢個價錢有咁多款食物真係性

今晚去左大埔舊墟直街搵食，呢頭愈開愈多餐廳。我地揀左間新開既烤魚店👍🏻樓面比想像中大，位都幾多，然後黎食既人亦都唔少平日食飯時間坐爆咁滯，但服務員態度好好，值得一讚👍🏻餐廳有好多食物選擇，烤魚、雞煲、刺身、邊爐可以一次過食哂。一於揀呢個set試下😍除咗岩岩講果四樣野，佢地仲有仲有六款前菜任你揀。拍青瓜、香辣魚皮、麻辣枝豆、小酥肉、雞翼尖同一口炸饅頭鐘意香辣冷盤既人，一定會鐘意頭三樣😝而我地就鐘意小酥肉同埋炸饅頭小酥肉食落麻麻地，夠香口，有肉香炸饅頭炸到夠酥脆，但咬入去又饅頭又軟，口感十分滿意❤️前菜之後就係招牌烤魚一係香辣一係麻辣，我地揀咗最少辣既BB辣口味烤魚條魚都大條，肉質又多又嫩，烤得香噴噴。湯底香味同味道濃郁，加上紅油夠香辣，仲有唔同既配菜，好似豆卜、萵筍、金菇等等。又香又辣又熱，食得幾過癮🤤烤魚食哂之後就換雞煲我地揀咗蒜香味，雞肉係一口size，肉質嫩口醬汁唔算多，係偏向乾身既雞煲，有少少似似啫啫雞煲咁樣，味道都唔錯👍🏻刺身份量係人頭咁計，有三文魚、八爪魚、北寄貝等等五款。食落味道都ok，係常見既刺身而最後就係邊爐。佢有六種湯底可以揀，我哋揀咗芫荽皮蛋湯，食完烤魚同雞煲，聚一聚

大埔區老街坊好朋，特意帶我到他的地頭，一起刷烤魚火鍋。新開不久的丁丁烤魚，環境舒適企理，座位寬敞，足夠空間輕輕鬆鬆的放滿食材！👍👍15週年優惠價，丁丁極品任食 $298 套餐，不限時！包羅萬有的，超值抵食！1️⃣小食無限添加酸辣青瓜🥒、麻辣魚皮、香脆炸雞🐥，麻辣不是我杯茶，最愛炸雞，好味道！2️⃣刺身拼盤5款三文魚、甜蝦🦐、八爪魚🐙、北寄貝片、赤貝片。魚生新鮮，偏愛貝類的爽口感！3️⃣萬州烤魚 +$48到烤魚店不能錯過的鎮店烤魚🐠，烤魚肥美鮮嫩，蕃茄🍅的微酸吊味，配菜也甚多；剛是這個烤魚，已值回票價！必食之選。4️⃣招牌惹味雞煲 雞煲可以無限添加，醬汁香口惹味，雞煲的精結所在！任食無得輸！5️⃣火鍋放題1）招牌火鍋湯底🥘美顏雪耳木瓜雞腳湯，是廚子精心餚制的靚湯，店家再三的提醒要先喝湯再火鍋，真窩心🥰🥰。雪耳軟滑，木瓜温甜，湯底清甜。2）海鮮拼盤 有時令生猛海鮮5、6款，鮑魚、生猛海蝦🦐、廣島蠔、扇貝、沙白及魷魚仔🦑。新鮮生猛的海鮮，味道好是常識！3）澳洲M2和牛紅白分明，肥瘦均勻！4）另有多款不同任食火鍋配料，點選了生菜🥬、豆腐、午餐肉、貢丸、魚皮餃、韮菜餃；餐肉是大愛 😍😍，丸餃都好食👍5）飲品及雪糕，

相約朋友和大埔聚會，住在大埔的朋友特意告知想嘗試一下這一間之前在旺角口碑非常不錯的烤魚店他們提供了新張期內的優惠，和朋友稍作決定後便點了他們貴價的極品任食套餐嘗試一下，另外他們的啤酒也非常便宜$48三支，不過店員說這個優惠只做到六月，七月會更改為$58三支，價錢也合理他們的衛生令我頗有驚喜，環境乾淨，即使在醬料區感覺非常整齊，另外他們的飲品屬於自助形式，佈局同樣舒適下單後店員先上他們的任食小食，即使是小食也帶有驚喜，特別推薦小酥肉和鴨血，入口惹味，而且炸物新鮮炸起，感受到他們即使是小吃也認真處理的誠意特意加了$48點他們的烤魚，酸菜BB辣口味，先說烤魚肉質嫩滑少骨，而且他們基底的調味非常不錯，酸菜的味道濃烈，帶出魚肉的鮮香套餐內還包含刺身拼盤，也沒有令人失望的感覺，刺身新鮮，肉質發揮應有水準，可見他們的解凍程序不錯吃過烤魚和次身後店員便馬上奉上他們的雞煲，再三提醒雞煲可以任吃，以任食的雞煲作標準絕對高質素，他們的醬料提香把雞肉的味道帶出了一個層次，另外雞肉的肉質亦不鞋口，入口彈牙有雞味，非常滿足吃過雞煲過後便打邊爐，點了他們的花膠雞湯底，入口清新，店員更說原來他們的湯底時老火湯熬製，完

丁丁烤魚 - 大埔屋企附近最近新開咗間烤魚店 同咗屋企人去試 而家佢哋做緊15週年優惠價 丁丁極品任食套餐 $298/人套餐有唔少嘢食一坐低店員會先安排小食 烤魚雞煲 最後就可QR code落單叫火鍋料小食無限任添加 小饅頭 鹽酥雞 炸豬肉條 麻辣魚皮 雞軟骨 青瓜粒 我自己就鍾意食香口野 尤其係小饅頭新鮮炸起好香脆 淋咗煉奶 細細粒好易入口刺身拼盤 三文魚 甜蝦 八爪魚 馬刀貝 赤貝馬刀貝同赤貝都幾鮮甜爽脆 其他刺身就比屋企人食曬無份試萬州烤魚 叫左香辣小辣好惹味 個汁底做得幾好味 魚肉又唔多骨 招牌惹味雞煲 叫左麻辣小辣 我哋嗰煲就比較多雞胸肉 如果可以食雞髀肉就開心啲喇時令海鮮拼盤 有鮑魚 蟶子 海蝦 廣島蠔 扇貝 沙白 而且沙白仲可以任嗌好鮮甜又大粒到火鍋湯底我哋揀咗瑤柱冬瓜粒糖排 店員話呢個湯底係師傅淆咗幾個鐘出嚟 咁落去易確實幾好飲 呢個套餐有兩款肥牛可以任食 包括安格斯肥牛同澳洲M5和牛 一個帶有油脂夠嫩滑 另一個就夠哂牛味另外火鍋料都有好多種類 我哋叫咗水魷 金菇 粟米 娃娃菜 炸魚皮等等同埋出面有自助吧 飲品雪糕任飲任食 包你食到捧住個肚返屋企

今次嚟到大埔丁丁烤魚試吓佢既雞煲火鍋放題🙆‍♀️放題每位$298未計服務費,價錢方面性價比高!入到裏面環境大坐得舒服,仲有餐前小食俾你食住等服務好貼心!餐前小食🌟有麻辣魚皮,麻辣雞軟骨,青瓜,加埋啤酒一流😍而家有開業優惠期間$58任選三支!麻辣雞煲🌟雞件新鮮肥美十分惹味,仲可以無限添加,👍可惜已經食到飽飽地🤣下次試埋佢個烤魚優惠價$48好抵食!重慶四川麻辣🌟湯底又香又麻叫左BB辣,辣度啱啱好過癮🙆‍♀️海鮮拼盤🌟有鮑魚,蟶子,海蝦,廣島蠔,扇貝, 沙白😍全部都好鮮甜大隻好出色😋安格斯肥牛🌟M5和牛牛味濃郁,肥瘦適中安格斯肥牛係我最愛🤤🌟手打蝦滑🌟水魷魚🌟油麥菜蝦滑爽口彈牙味道出眾!鵝腸🌟魚皮餃🌟黑椒牛丸🌟

《丁丁烤魚 - 大埔》呢間烤魚其實好耐好耐以前喺旺角果邊食過，估唔到而家開到黎大埔添啦，新店主要做任食放題，今次我就帶左我Daddy 去試試呢間烤魚咩水準。講到抵食，呢間餐廳真係實至名歸，而家做緊15周年紀念優惠，最平$248就可以任食雞煲同埋餐前小食仲有飲品雪糕任拎食完雞煲仲可以叫店員幫你換湯打邊爐，如果想食埋烤魚的話，只要加多$48 就可以啦，超級抵食！由於Daddy 鐘意食海鮮，所以我就要左另一個丁丁整品任食套餐，每位$298， 多左刺身拼盤同埋打邊爐用既海鮮拼盤，如果預計要黎呢間餐廳食飯，睇怕Lunch 都要食少D 先可以試得曬咁多野呀💁🏻‍♀️餐前小食六款由於剛剛入座既時候勁肚餓，我就每個小食叫左一D 黎試下，點知份量勁多，仲擺盤擺得好靚下，小食分別有拍青瓜、麻辣魚皮、鹽酥雞、炸饅頭、小酥肉同埋麻辣雞軟骨，樣樣都係送酒必須備既野，所以最後我都有叫啤酒同我Daddy 啤啤佢，講番食物，我個人最喜歡佢個炸饅頭同麻辣魚皮，炸饅頭細細粒一啖一粒咁，點滿甜甜既煉奶真係好好味呢，個麻辣魚皮就係口感爽脆好惹味，好少見放題會有得食，我知人覺得佢D小食其實都可以拎出去賣，買番屋企做送酒小菜都幾唔

餐廳位於大埔，鄰近太和地鐵站，地理上方便快捷，主打的就是烤魚，過去早已品嚐過，他的烤魚真的不錯，沒想到現在居然是放題形式進行。前菜多款任君選擇，而我最喜愛的就是麻辣雞軟骨。烤魚依舊可以挑選麻辣和香辣口味。外皮帶點焦香，肉質鮮嫩。烤魚就是這樣的吸引着我。雞煲，雞肉外皮帶點香脆，肉質鮮嫩，肉汁豐富。最後當然就是火鍋時間，多種免費湯底任君選擇，木瓜雪耳，真材實料，童叟無欺，滋陰補腎，養顏之選，第一口喝下去，感到家的感覺。

📍丁丁烤魚（大埔）身為大埔人見到新開左間餐廳 經過見到幾多人食緊😆我地叫左$298丁丁極品任食套餐 仲加左$48食萬州烤魚～呢個套餐包刺身拼盤同海鮮拼盤 仲有野飲雪糕任食～刺身拼盤隻蝦好大隻～整體都幾新鮮☺️貪心的小狗點曬啲小食🤭麻辣魚皮好爽脆 鹽酥雞都好食👍🏻萬州烤魚幾大條👍🏻無乜碎骨 我地叫左bb辣 因為怕越煮越辣🤣雞煲味道惹味 仲可以任加 職員見我地食到咁上下已經主動問我地要唔要加🤣不過我地想留肚打邊爐就唔再加了叫左個花膠雞湯底 聽職員講湯底係師傅熬左幾個鐘的精華😳我地叫太多野邊爐都唔係食到好多套餐的海鮮拼盤任叫既火鍋牛肉有安格斯肥牛同M5和牛～整體都幾多野食 🤭 岩曬中意咩都想食下既朋友仔👍🏻仲拎左杯雪糕食

大埔直街越來越多好嘢食，心血來潮突然間想食烤魚，大埔group 見到有人推介新開張的丁丁烤魚 ，放工一於去試吓新嘢！店員服務殷勤，推介套餐可以一次過食晒萬州烤魚。招牌雞煲。海鮮。火鍋放題，唔使出旺角都可以食到丁丁烤魚，正！15週年優惠價丁丁極品任食套餐 $298 位小食無限添加點好餐之後，店員自動奉上 3-6 款小食！無限添加！款款都有驚喜！拍青瓜🥒麻辣魚皮、厤辣雞軟骨、炸饅頭、小酥肉、鹽酥雞雞。麻辣惹味，酥脆可口，值得encore！平時閒閒哋叫一份小食都要幾十蚊，呢度真係抵！刺身拼盤 5款起刺身拼盤賣相OK，三文魚、甜蝦、八爪魚，北寄貝片、馬刀貝片、赤貝片 、荣螺片，天天不同，刺身肥美，新鮮可口。招牌惹味雞煲香辣口味，辣得刺激，秘製醬汁非常惹味，雞肉香嫩多汁。招牌惹味雞煲可以無限添加，我哋要留肚食烤魚，所以叫一次就夠了。萬州烤魚 +$48/條萬州是一個地方特色，魽魚 大大條，多肉少骨，魚肉雪白，又滑又好味，一於食吓招牌香辣味，朋友唔食得好辣，bb辣 啱晒口味。多款配料，吸收了魚湯汁精華，越食越好味。招牌火鍋湯底烤魚之後，可以換過火鍋湯底，多款火鍋湯底任選，仲可以揀鴛鴦火鍋，我哋就揀咗

今晚黎個雞煲火鍋放題，呢間喺大埔嘅丁丁烤魚，場內環境幾別緻，裝修有小清新感覺，座位都舒適，亦冇一般雞煲店油笠笠嘅感覺。雞煲火鍋任飲任食有2.5小時，$298蚊亦有$248，貴價嗰個會有刺身同海鮮拼盤。店員會主動介紹下唔同餐嘅分別，小食同火鍋配料係任點，先食雞煲，然後再轉湯底打邊爐。湯底揀左瑤柱冬瓜粒唐排，湯底好香，清甜夠入味，用黎滾野食真係別有風味。刺身有三文魚，墨魚，北寄貝，牡丹蝦等，樣貌精緻，入口鮮嫩，食落唔錯。小食用左三宮格點心盤擺放，又靚又好食。手拍青瓜：酸甜度調較得宜，清爽不油膩，encore左幾次麻辣魚皮：魚皮口感爽脆彈牙 ，味道較香辣鹽酥雞：小雞粒好入味，炸粉唔厚，肉質唔柴小酥肉：入口香嫰，做到鮮香椒麻嘅味道，送啤酒送可樂都好正炸饅頭：size係平時見嘅四份之一，一口一粒，非常方便。咬落唔乾都唔油，加入煉奶，愛死了麻辣雞軟骨：呢個雞軟骨爽脆有𑁻頭，麻味唔太強，辣度十足。由於食物種類太多，原本主角雞煲可以無限添雞，我地都冇再添轉左火鍋。雞煲揀左微辣，對於食辣能力中等嘅人黎講應該冇乜感覺，所以下次可以加辣。但唔辣嘅雞煲味道都可以，好香而且入味，雞肉肉質亦好嫩。留左肚子打邊爐用

任食套餐我都試過好多，可以話冇咩任飲可令我覺得特別，今次大埔試吓新開既烤魚任食。以為同坊間放題任食差唔多. 誰不知，很驚喜👍係超高質烤魚+雞煱+打邊爐 三歩曲先講個烤魚，選用少有的鉗魚，皮香肉滑，烤魚味道十分香濃和鮮味，原來店舖已經有好多年嘅烤魚經驗，唔怪之得咁好食食完烤魚，以為加水變火鍋？ 驚喜係… 換鍋⋯⋯雞鍋上場，因為我哋有小朋友食唔到太辣特登揀咗蒜香味. 與之前烤魚完全不同風味，而要讚下雞肉十分新鮮，處理得亦好，雞肉外脆內軟。 算是出色的雞鍋👍👏🏻雞鍋過後，應該係加湯變火煱⋯⋯誰知？驚喜又到！再次換鍋，全新火鍋湯底上場👏🏻職員叫我先飲啖湯，原來係熬製三小時的老火湯底😮 火鍋料仲未點，已經有一大盤海鮮拼盤上枱，里面有蠔，鮑魚，大蚌，鮮蝦等等… 好足料，仲可以叫埋和和牛，羊肉… 真係一個胃放唔晒😋三重享受仲未完，佢哋仲包埋魚生刺身拼盤…手工雪糕，台式小食. 推介鹽酥雞. 皮薄香脆… 樣樣都好味，飽到飛起！除咗好多飲品免費任飲之外 加$18就有超足料鮮果特飲或者$48/3支啤酒. 超抵原來店舖都只係啱啱開咗一個禮拜左右. 地方夠曬大. 坐嘅位置都好舒服我哋今次晚市時間過嚟食曬咁多樣嘢

最近成日心思思想食下雞煲烤魚類既店於是見到直街新開呢間就入去試一試由於新開加上係第二間分店再有優惠價有兩種型式可以簡-有海鮮刺身/淨雞煲烤魚火鍋小食、雞煲、牛可以任加叫，QR落單如果選擇烤魚就要另加48蚊/條雞煲有香辣/麻辣味道選擇 亦可較辛辣程度自己就點左香辣雞煲 微辣點完餐就出去拎下飲料 配點豉油咁飲品種類麻麻唔算多 啤酒要另加收費其後惡夢就開始…….足足等左成30分鐘先出到雞煲上台中間有叫店員跟下單黎到雞煲有啲少失望雞件斬得size比較細 雞皮油脂就無咩味道有啲沙薑味可以接受 辛辣程度唔算重跟住再下單上多轉雞煲先轉火鍋啦～結果又等左20分鐘先上到 繼後見時間咁耐都連火鍋配料一次下單先期間已經食下雪糕 等了又等25-30分鐘點知個鍋黎左成15分鐘熄完又開 一碟配料都未到又再次叫店員跟下 ～ 隔15分鐘先開始有牛幾塊😂 黎到真係好失望 仲要所謂既M5和牛？啲丸凍到未溶一半雪都好過無得食 照快快食幾件野埋單算食物質素真係好普通 等候時間太耐 耐到容忍有限 前前後後咁就兩個幾鐘 唔知食左啲咩放題唔值呢個收費。等到食慾都無 店內人手真係嚴重不足 老闆要改善值得欣賞女店員態度幾好

6月13日 晚上19:18入座成個場得三個樓面（男老闆，女老闆，女伙記）開頭上雞煲同魚速度都算正常，之後轉火鍋，等個湯等左好耐（差不多二十分鐘）。開始聽到其他枱啲人都嫌等得耐 有啲仲埋單走，於是已經落定單要鵝腸 薯粉 公仔麵 牛肉，諗住等個湯黎到就可以打邊爐。點知等左又差不多二十分鐘先黎左三樣野，欠個牛肉未黎其他食客都開始鼓燥冇野食，女伙記就拎左幾碟牛肉出黎逐枱問有冇人需要食住先20:24叫左佢上海鮮拼盤，最後等到9點鬆啲都未黎，頂吾順要埋單走中途其實只係得女伙記一個人工作，男老闆出去買材料，女老闆入左廚房幫手🫠未試過食打邊爐既放題速度可以慢到甘，食左好似冇食甘，之後仲聽到有食客話醬料區只係剩返豉油😂