三不館車仔麵 (廣福道)

营业中

休息中

今日星期六，怕人多，就外賣車仔麵回家吃。有外賣自取電話，可以預先打去叫定，選了陳皮魚蛋，雞翼尖，以及鳳爪，米粉，古去辣汁，小小小辣。賣相不太討好，湯顏色比較淡，雞翼尖顏色較黑，不要緊，重要的是味道。生菜是配菜，送的，這值得一讚👍🏻蘿蔔，豬頸肉及豬手是友人給我試的。嗯，第一口，一點也不辣，好像忘了加辣汁湯真的比較清，沒有惹味的感覺。鳳爪都平平無奇，還是酒樓的比較好，雞翼尖賣相差，食落好似有點臭呢蘿蔔不錯，清甜麻辣豬手，好香麻辣，這也不錯呢可惜整體份量比較少，吃完也不太飽，而且最近食了附近的另一間車仔麵，好難無比較，兩間相比，另一間便宜一點，份量也多一點，以魚蛋為例，同是三餸，這間有5粒，但那間有8粒呢⋯而且那間的湯底非常惹味，份量也比這間多呢。整體來說，這間試一次就夠，或者這間是賣裝修吧。

係咪真係咁鍾意食麵呀？事實又係去咗食麵🍜！繼深水埗文記後，發現一家真的很有誠意嘅車仔麵，特色嘅店名，加上充滿舊情懷嘅裝潢，老香港的味道衝哂出來🤡。食物價格很經濟，三餸麵$38 份量足，每款餸都係真心炮製，絕無花假。麻辣豬手🐽腍身又爽口入哂味、豬大腸亦相當爽脆、蘿蔔清甜、雞翼炆得夠味、咖哩魷魚🦑炒得軟身.....其他嘅仲要再試多幾次慢慢試🍜。店面比較細相對等候時間較長，希望繼續可以再做下去🤡

行經大埔廣福道見到長長嘅人龍，原來呢一度開咗一間懷舊feel嘅車仔麵🤓車仔麵明買明賣最實際，點餐紙清楚列明兩餸、三餸、四餸嘅價錢👍🏽所有嘅食物配料價錢劃一，而且仲有幾款必食嘅推介。😈熱辣辣食麵當然要跟返支汽水啦，呢度仲要係玻璃樽👍🏽我今日就叫咗三餸，分別係咖喱魷魚、手打魚肉同埋蝦條卷😀湯底醬汁就叫咗古法辣汁嘅小小辣😎 落左單大概5分鐘左右就送上香噴噴嘅車仔麵🤤不過本人覺得除咗咖喱魷魚之外，手打魚肉同埋蝦條卷感覺上太過「粉」，所以失去左應有嘅味道，不過$38 三餸我就覺得收費合理，下次可以再嚟🆗店舖內真係座無虛席啊🤟🏽店舖內嘅其餘裝修同埋擺設—————————— 食物質素：6/10 環境衛生：8/10 舒適度：7/10服務：7/10性價比：7/10 總評分：7/10

經常見到依間車仔麵 有人龍係門口所以一路都想試下見今日星期日 就去排下要拎籌 大約等左十五分鍾 等6張枱咁就係出面 畫左想叫既餸先選擇都幾多我地叫左 好味：咖哩魷魚 蘿蔔 豬頸肉 酸齋 失望：豬手 一般：鴨腎 、豬筋丸 、陳皮魚蛋 、菜 、鳯爪仲叫左口水雞 做小食 都夠辣！入面既懷舊裝潢其實坐低 等左陣 都好快有野食5-10分鐘到最讚係個菜甫同埋覺得 48 3個餸 麵既分量又多都真係抵食佢既湯底都好味所以可以再食！不過如果佢再有多d其他餸 就會更好見到佢個牌寫住 有豬軟骨但係菜單上面又無得簡～

2018年年尾，廣福道開咗一間非常吸引眼球的小店，原來係食車仔麵，支持本土嘅我又點可以唔試呢，點知一試真係不得了，唔駛返工嘅日子、放工都要去食一食😆😆😋2018.11.29 第一次三不館唔知第幾次三不館😅所有食物都有自己獨特的風味豬手好入味，又夠腍，好好食，每次必點。醬燒豬頸肉夠哂味、好香口。豬腸乾淨又夠哂入味，冇得輸呀！最重要的是，食完絶不會有食完味精湯的感覺。後來姐姐同我講，佢地個湯係用豬肚骨來熬，真材實料！

成日行過呢間車仔麵店都好多人排隊，今日約左朋友去上堂前去試下上堂前都係6點幾，已經好多人係入面食緊，舖頭比較細，都算係食完就好走，所以等左一陣就有位啦啲餸都係$8一個，都有好多款揀! 我同朋友都係叫左3餸1麵$38!啲餸係幾高質，有啲餸係好抵重點係個金牌麻辣汁湯底係幾惹味，可以揀要咩辣度，都岩唔同口味既人叫左店舖推介既豬頸肉，滷水鴨腎，生菜同埋牛腩汁覺得豬頸肉都係$8一個餸其實都抵食! 麵既質感都唔錯朋友就試左店舖推介既清甜蘿蔔，佢話係超入味同好"林"身都係幾滿意呀啲裝修係走懷舊feel，都幾有趣! 不過係有少少逼既，但都了解點解呢間店長期都咁多人食

自從此店開業後，每次經過都見到門外有人排隊，所以吸引我想來試試。今天我星期六11點幾就過來了，幸好我是第二張票，大約等5分鐘便有位了。店內充滿懷舊裝飾物，裝修用心。我選了醬燒豬頸肉、清甜蘿蔔、瑞士雞翼配鮮製油麵和招牌鮮茄湯底。$42醬燒豬頸肉惹味，不過邊位燒得有點乾硬。蘿蔔一般不算清甜。瑞士雞翼很入味，不錯。鮮茄湯底要額外加$4，非常一般，沒有鮮茄肉，湯底亦沒有濃濃的番茄味。

呢日約左朋友係大埔食晚餐，俾呢間好有特式既舖頭吸引左入去個裝修好特別！睇得出花左好多心思落去，完全凝造到＂舊香港＂既感覺７點幾黎到都幾多人等位，不過舖頭細細間可以係出面一路等一路寫定想食咩我地諗好左之後好快都可以入座！我叫左個金牌麻辣汁既湯底，再加小小小辣兩餸：滷水鮮豬大腸、蝦條卷豬大腸洗得好乾淨，味道一流！朋友就叫左個美顏清湯，個名又幾得意喎～兩餸：醬燒豬頸肉、陳皮魚蛋我試左塊豬頸肉，好入味！加左８蚊要個豆漿，食到熱熱地飲住杯凍既豆漿都幾正！

感謝自己的私人空間多,所以會有時間走訪各區搵上不同的食店、 今次趁空閒時間上搭上三、四個火車站，便來到這個大埔墟多年不見別來無恙、 圍繞走了一圈公園仔內的舊區食店， 腳步伸延走往大街便找上了這間放了入Waiting list袋內多時的車仔麵檔、 以裝修重拾昔日風格與味道， 走進內堂感覺像細時的憧憬一樣、 裝修像真但就欠缺了惜日破舊的味道， 格仔紙皮石粗糙水泥地磚、重拾昔日牛頭角風味。。。價錢統一自己就覺得是食客的優惠， 日本蟹柳/魚片頭/牛丸/貢丸/炸魚皮/生菜/韭菜/ 冬菇/豬紅/懷舊牛腩/ 溏心蛋/ 墨魚丸/豬皮,  多款類都是餸類都是HK$8. 另外還有數款小食例如:雞翼尖/ 辣汁陳皮魚蛋/ 麻辣芫茜皮蛋/ 麻辣豬手/口水雞等~我就對枱面上免費自己添加的金牌麻辣醬蠻有興趣~當日便叫上三款餸一個米粉以為配搭, 豬紅 /冬菇與及牛腩、 豬紅/冬菇表現平平, 只可以講 功夫交足但沒有驚訝、 至於牛腩炆煮得入味恰好， 只是略嫌切得略嫌濕濕碎(方格)、 如果可以大方一啲食客可能會更加開心~吃過好食的車仔麵,亦嘗過擰擰頭走出門口的車仔麵、 今回這間車仔麵食物上我只會覺得不會有中伏出門，至少

大埔美食多，但係呢間車仔麵店咁多人排我諗主要原因係佢裝修夠特別，而且車仔麵味道唔錯，價錢相宜，所以位置唔太就腳一樣成日有人排隊。好彩今日嚟得早唔使排隊，食到一半出面已經開始要排。餐廳好細，但係裝修明顯擺心思，同店名「三不館」（三不管）呼應，行懷舊香港路線。店內掛滿香港舊時有代表性嘅裝飾，例如d 舊式招牌、牌匾、海報、寫字板等等，連餐具、桌椅都係配合主題，例如碗碟畫左公雞，桌椅係摺台摺凳。連牆壁階磚都係懷舊風格。點左碟滷水豬大腸 $24 同埋車仔麵（3餸1麵）$38車仔麵揀左河粉做麵底。河粉較厚身，係有咬口煙韌嘅靚河粉，浸耐左都唔會爛；雞翼尖滷得入味，有4、5隻；花菇同樣燜得透又入味，有4、5粒；醬燒豬頸肉又滑又juicy仲帶燒烤味，有3片；湯底揀左腩汁，所以碗麵好夠味。滷水豬大腸醬汁甜甜地，豬大腸處理得乾淨，口感煙韌，份量都幾ok，個人幾鍾意佢嘅口感同調味，好味！佢檯面仲有辣菜脯，入面有蝦乾添，加落麵度辣辣地又鹹香，好過癮。呢間車仔麵店味道唔錯，貨真價實，裝修幾靚，去開大埔可以一試～

去過3次第一二次都畀漏野飲，但食物幾好食所以都仲有encore，第三次去，上麵既時候，呀姐倒瀉湯落我大脾，但完全冇反應，要出聲先day sorry 😑咁既態度，再好食都冇用啦.... 佢啲雞翼同豬頸肉幾好食，湯做得唔錯，油麵都好味，唯獨真係人多手腳亂，呀姐做唔切，試過畀錯野隔離食客。麵既份量唔多，如果係男仔或者未必夠飽。

今日放工後要去大埔上堂，上完堂天氣有少少凍又未食晚飯，真係要食番餐為自己冲電。 經過見到有間新開叫三不館車仔麵，舖名令我聯想起之前追開電視劇，三不管九龍城寨。 見到門口好多人排隊，好忙好似好好食。 入到去佈置好特別，牆壁及天花也掛上懷舊牌。 另外有一張印得幾精緻點餸紙，叫咗四餸一麵。 首先吃豬手就中伏，未燜稔又冇肉皮包骨。 豬腸完全冇質感又冇味，豬紅就幾好，口感好爽。 炸魚皮也ok ，夠香脆。 湯底味道未合乎水準，吃不到車仔麵應有香濃味道。

今日黎到一間充滿懷舊氣氛的三不管車仔麵， 裝潢十分橘子， 充滿了懷舊氣息。 一進店內就感受到舊香港嘅味道。 無論碗、地板、甚至筷子都充滿了懷舊味道。 因為今日去完鐵路博物館，所以帶埋小朋友一齊嚟食車仔麵， 除咗同佢哋食車仔麵之外， 仲可以畀佢哋嘗試下舊香港嘅氣氛。而係食物味道方面， 不過不失。 我覺得個湯底唔錯， 味道夠曬濃郁。 食物有好多嘅選擇。 侍應嘅態度還可以。而小朋友最鍾意嘅梗係樽裝汽水飲啦。 睇下下次再有機會幫襯啦。

去完鐵路博物館，個仔話要揾啲特別嘅地方食下午茶，忽然想起最近網上介紹過呢度就即管揾下。原來呢間車仔麵離鐵路博物館大概10分鐘腳程。呢度喺大街好容易揾到。一坐低個仔已經急不及待攞張菜單自己劃，佢第一個反應係揾唔到，原來呢度用彩色設計靚靚嘅紙，同好多度唔同，仲有，呢度係用老師寫白板嘅粗水筆，真係好過隱。食物係少有好味嘅車仔麵，個仔自己一碗，我地兩公婆一碗加小食。兩碗麵有辣有唔辣，仔唔辣果碗係清湯，加上小朋友最愛嘅牛丸蟹柳果啲送，我地想掂都唔比掂，即係應該好好味，下次要試下先。我兩公婆果碗麻辣就好香，食晒都仲好想食。小食嘅口水雞加上枱面嘅金牌辣椒醬勁好味，尖椒夠香夠辣，又另一好味。最後下午茶變晚餐，返到屋企飽到上心口。值得推薦喺枱面嘅金牌麻辣醬，勁香，不過可惜唔夠辣……

最近經過廣福道, 見到開左間好懷舊既食店無論係門面同內在環境都好有香港特色! 呢日趁住臨放聖誕假前一於黎試試!入面既裝修真係好"香港", 好值得欣賞個人好鍾意呢幅牆, 真係好有心機落單! 不論係餸、粉麵、湯底, 選擇都有好多, 可以慢慢揀仲有學生優惠, 適用於穿著校服及用功讀書的學生, 幾有趣喎~不過已經唔係學生~醬燒豬頸肉 + 瑞士雞翼 米粉湯底我揀左美顏清湯, 個人好鍾意呢個湯, 清清甜甜又幾特別醬燒豬頸肉作為必食之選, 一定要試下, 果然好唔錯!瑞士雞翼唔會煮得過熟, 味道好夠醬燒豬頸肉 + 蝦條卷 + 豬大腸 + 流心蛋 米線朋友就揀左小辣既湯底, 岩哂呢個凍凍地既天氣好鍾意食豬大腸既佢, 覺得呢間既豬大腸正喎流心蛋very nice!!!金牌口水雞我地仲叫左個口水雞, 雞肉好滑身另外加$8可以配埋飲品, 本身想飲豆漿, 可惜已經賣哂叫左兩支汽水不得不提呢度d 店員都好nice, 好親切!之後一定會再去食